རོགས་ཐང་གངས་རྩེ་ནས་ཡུལ་སྐོར་བས་མིག་ཆུ་བཏང་བ།

Comments (22) on “རོགས་ཐང་གངས་རྩེ་ནས་ཡུལ་སྐོར་བས་མིག་ཆུ་བཏང་བ།”

1. དབྱིན་ཡིག་གི་ Celsius བསིལ་ཤས་དང་Fahrenheit ལ་ཚ་ཤས་ཞེས་བཟོས་ན་འོས་པོ་འདུག འོན་ཀྱང་Rohthang རོ་ཐང་ལ་རོགས་ཐང་ཞེས་བསྒྱུར་བ་མི་འཐད་དེ། མཁས་དབང་དགེ་ཆོས་ཀྱིས་དེ་ནས་བོད་ཀྱི་ཡུལ་གར་ཞྭ་ཞེས་པ་ལྟར། རོ་ཐང་ཕར་བརྒལ་ན་གར་ཞྭ་བསླེབས་པས་མ་ནྰ་ལི་ནས་ཡར་ཕྱིན་ན་མོ་ཊའི་གཞུང་ལམ་ཀི་མི་ཊར་༡༩ཙམ་ལ་དམར་རི་དང་། དམར་རི་ཡར་ཀི་ལོ་མི་ཊར་༩ཙམ་མིན་འགྲོ་ཏག་ཏག་ཅིག་མི་དྲན་པ་དེར་རོ་ཐང་ཞེས་སྔར་གྱི་ཡུལ་མི་ཟེར་བ་ལྟར་རྒྱ་གཞུང་གིས་ཀྱང་དེ་ལྟར་ཨིན་སྐད་དུ་གང་མཐུན་མཐུན་བཏགས་ཡོད།
   ཚིག་ངན་ཡང་རོ་ཐང་ལ་རོ་ཐང་རང་འདོགས་དགོས་ཏེ། ངས་ལོ་གསུམ་རིང་གར་ཞྭ་སྐྱིད་ལུང་མཚན་ཉིད་སློབ་གྲྭར་དགེ་རྒན་ལས་བཅར་སྐབས་ཡུལ་མིས་ཤོད་རྒྱུན་ལ་ཀུ་ལུ་ན་མྰ་ལིའི་ས་ཕྱོགས་འདི། གླིང་སྒྲུང་ནང་གི་བདུད་ཨ་ཁྱུང་རྒྱལ་པོའི་ཡུལ་ཡིན་པ་དང་། བདུད་ཨ་ཁྱུང་རྒྱལ་པོའི་བཙུན་མོས་གླིང་སེང་ཆེན་ལ་དུག་ཆང་ཕུལ་ནས། ལོ་མང་དྲན་པ་མི་གསོས་པ་ལུས་ནས་མཐར་བྱ་ཁྲུང་ཁྲུང་གིས་སྐྱག་པ་ཞལ་ནང་སོང་ནས་མཐར་སྦྲུལ་ཐུང་གཉིས་སྐྱུག་ནས་གསོས་པ་དང་། གླིང་གི་འོག་རྟ་ཡང་བདུད་མོས་ཐབ་ཀྱི་གོག་ཐལ་ལོ་མང་བསྐྱལ་བ་སོགས་ཀྱིས་ལྒལ་རྨ་ཐོན་པ་སོགས་དང་། སྐྱུག་པའི་སྦྲུལ་དེ་གཉིས་ཀྱི་བརྒྱུད་པ་ད་ལྟ་ཡང་སྦྲུལ་དཀར་ནག་གཉིས་མུ་སྟེགས་ཧི་དུ་བ་རྣམས་ཀྱིས་ཀླུའི་ནོར་ལྷར་མཆོད་བགྱིན་ཡོད་བོད་པ་གནས་སྐོར་ཅིག་གིས་ས་ནས་གོ་ཐོས་བྱུང་ལ།
   མདོར་ན་བདུད་ཨ་ཁྱུང་དང་གླིང་གི་བར་གྱི་དམག་འཐབ་ཀྱིས་མི་རྨས་བྱུང་ནས། ལ་སྟོད་དེར་རོ་ཐང་ངམ་རོ་ཡིས་ཁྱབ་པའི་ཐང་དང་། རི་དཀྱིལ་དེར་ཁྲག་མདོག་གིས་དམར་རིར་མིང་ཆགས་པར་ཤོད་ཚུལ་འདུག ཡང་དམར་རི་ནས་ཡར་ཙམ་དང་། རོ་ཐང་གི་མར་ཙམ་ན་བྲག་སྟེང་ནས་ད་ལྟའི་ལམ་སྟེང་དུ་ཆུ་བོ་ཆུང་ཆུང་ཞིག་རྒྱུན་མི་ཆད་པར་བབ་པ་དེ་ལ་དུས་ལྟ་ཡང་ཧིན་སྐད་དུ་རའ་ནི་ནའ་ལའ་ཟེར་ཞིང་། དེ་ཡང་གླིང་སྒྲུང་ལྟར་ན་བདུད་ཨ་ཁྱུང་བཙུན་མོའི་སྐྲ་འཁྲུད་ས་ཡིན་པ་ངོས་འཛིན་བྱས་པ་དང་། ཡང་མྰ་ན་ལི་ནས་ཡར་དང་སྦང་ཟེར་ས་འོག་ཙམ་གྱི་གཙང་པོ་དེ་ཡི་ཕར་ཀ་ལ་ས་ཕུང་ལྟ་བུའི་རི་ཆུང་ཞིག་ཡོད་པ་དེ་བདུད་མོས་ཐབ་ཀྱི་གོག་ཐལ་གྱི་བསགས་ཕུང་ཡིན་ཚུལ་དེ་སྔར་ས་ཕུང་སྐྱ་ཐེར་གཅིག་ལས་མེད་དེང་སང་མི་ཡིས་བཏབ་པའི་སྐྱེད་ཡིན་ནམ་རང་བྱུང་གི་སྐྱེས་པའི་ནག་ཚལ་གང་ཡིན་ཆ་འཚལ་ཡང་ཐང་ཤིང་སྡོང་པོས་ལྗང་ཤེར་རེ་འདུག ད་དུང་ཀུ་ལུ་གཡས་གཡོན་དུ་བདུད་ཨ་ཁྱུང་གི་སྐུ་ཕུང་སྦས་སའི་མཆོད་རྟེན་ནག་པོ་ཡོད་ཚུལ་འདུག་ཀྱང་ད་ལྟའི་རྩད་མ་ཆོད་ནས་བསྡད་ཡོད། གལ་ཆེ་ཤོས་གཅིག་ནི། བོད་མི་རིགས་ཀྱིས་ས་ཁྱབ་རྡོ་ཁྱབ་བྱུང་ཟིན་པའི་བོད་མིང་གཙང་མ་གཅིག་ཡིན་པས་རོ་ཐང་རང་འཇགས་སུ་འདོགས་རོགས་གནོངས་ཞེས་བསྐུལ་བ་ཙམ་མོ།

2. དོན་སྐྱོན་ཆེན་པོ་ཤོར་དྭོགས་མི་འདུག་ཀྱང་མཆན་བུ་བཏབ་ཚར་ནས་རང་མཆན་ཀློག་སྐབས་ཆད་ལག་མང་པོ་ཤོར་འདུག་པས་དགོངས་འགལ་མེད་པ་ཞུ་ཡིག་ཏུ།

3. རྩིས་རིག་དང་འབྲེལ་བ།
   Measure. འཇལ་ཚད
   temperature. ཚ་གྲང་།
   Fahrenheit. ནི་ཚ་གྲང་འཇལ་ཆས། དཔེར་ན་ཆུའི་འཁྱག་ཚད་༣༢º་དང་ཁོལ་ཚད་༢༡༢º་ཅན་གྱི་ཚ་གྲང་འཇལ་ཆས་ཤིག་ཡིན།
   Celsius or centigrade . ནི་བརྒྱ་ཟུར་ཚ་ཚད་འཇལ་ཆས། ཆུའི་ཁོལ་ཚད་༡༠༠་དང་འཁྱག་ཚད་0cº ཡིན་པར་བརྩིས་པའི་ཚ་དྲོད་འཇལ་ཆས།
   Kelvin ཚ་གྲང་གི་རྩིས་གཞི། ཆུའི་ཁོལ་ཚད་༣༧༣་དང་ཚེག་༡༥ k ། འཁྱག་ཚད་༢༧༣་དང་ཚེག་༡༥ k་བཅས་ཡིན། centigrade ནི་ Fahrenheit ལ་ཕབ་ན། ༡༠༠་ལ་༩་ཡིས་བསྒྱུར། དེ་༥་ལ་བགོ དེ་ལ་༣༢་བསྣན་ན་ག་ཚོད་རེད། Fahrenheit་ནི་ centigrade་ལ་ཕབ་ན། ༢༡༢་ནས་༣༢་འཐེན། ༥་ཡིས་བསྒྱུར། ༩་ལ་བགོ་ན། ད་ག་ཚོད་རེད། ཨང་གྲངས་གཅིག་མཚུངས་ཏེ་དང་པོ་རིམ་པ་བཞིན་༩་ ༥་ ༣༢་ རེད། གཉིས་པ་ ༣༢་ ༥་ ༩་ རེད། མགོ་མཇུག་སློག་པ་ཙམ་ལས་ཁྱད་པར་རྩིས་རྒྱག་སྟངས་ཤིག་ཡོད་ངེས། གྲུབ་འབྲས་གཅིག་པ་བསླེབ།

4. རྩིས་རིག་དང་འབྲེལ་བ།
   Measure. འཇལ་ཚད
   temperature. ཚ་གྲང་།
   Fahrenheit. ནི་ཚ་གྲང་འཇལ་ཆས། དཔེར་ན་ཆུའི་འཁྱག་ཚད་༣༢་དང་ཁོལ་ཚད་༢༡༢་ཅན་གྱི་ཚ་གྲང་འཇལ་ཆས་ཤིག་ཡིན།
   Celsius or centigrade . ནི་བརྒྱ་ཟུར་ཚ་ཚད་འཇལ་ཆས། ཆུའི་ཁོལ་ཚད་༡༠༠་དང་འཁྱག་ཚད་0cº ཡིན་པར་བརྩིས་པའི་ཚ་དྲོད་འཇལ་ཆས།
   Kelvin ཚ་གྲང་གི་རྩིས་གཞི། ཆུའི་ཁོལ་ཚད་༣༧༣་དང་ཚེག་༡༥ k ། འཁྱག་ཚད་༢༧༣་དང་ཚེག་༡༥ k་བཅས་ཡིན། centigrade ནི་ Fahrenheit ལ་ཕབ་ན། ༡༠༠་ལ་༩་ཡིས་བསྒྱུར། དེ་༥་ལ་བགོ དེ་ལ་༣༢་བསྣན་ན་ག་ཚོད་རེད། Fahrenheit་ནི་ centigrade་ལ་ཕབ་ན། ༢༡༢་ནས་༣༢་འཐེན། ༥་ཡིས་བསྒྱུར། ༩་ལ་བགོ་ན། ད་ག་ཚོད་རེད། ཨང་གྲངས་གཅིག་མཚུངས་ཏེ་དང་པོ་རིམ་པ་བཞིན་༩་ ༥་ ༣༢་ རེད། གཉིས་པ་ ༣༢་ ༥་ ༩་ རེད། མགོ་མཇུག་སློག་པ་ཙམ་ལས་ཁྱད་པར་རྩིས་རྒྱག་སྟངས་ཤིག་ཡོད་ངེས། གྲུབ་འབྲས་གཅིག་པ་བསླེབ།

5. མཆན་བུ་གཉིས་པ་དེ་ལ་གཟིགས་རོགས། དང་པོ་ལ་༣༢༠་ཞེས་པ་དང་༢༡༢༠་ཞེས་ཀླད་སྐོར་ཞིག་བསླེབས་འདུག་པ་ནོར་བ་རེད།

6. རོ་ཐང་རང་སར་བཞག་ན་ལེགས། གྲུབ་ཐོབ་ཨོ་རྒྱན་པའི་ལམ་ཡིག་ཏུ། ཨུ་རྒྱན་དུ་འགྲོ་བའི་འདུན་པ་མ་དོར། དབྱར་གར་ཞྭའི་ཡུལ་གྱི་རི་བོ་གན་དྷར་ལར་བྱ་བ་བར་སོང་། དེ་ན་སྨན་བཟང་པོ་དང་དངོས་གྲུབ་ཀྱི་ཆུ་མིག་ལྔ་ཡོད། ཅེས་སོགས་གར་ཞྭ་ཨུ་རྒྱན་ཡུལ་དང་ཁད་ཉེ་བའི་སྒོ་ཆེན་ཅིག་ཡིན་ཚུལ་གསུང་པ་དང་། དེ་ལ་མཆན་བཏབ་པ་ཞིག་ཏུ་དུར་ཁྲོད་ཆེན་པོ་རོ་ཐང་བརྡལ་དུ་མཁའ་འགྲོའི་འདུ་བ་ཤིན་ཏུ་ཆེ། ཞེས་དང་གར་ཞྭ་ནས་ཛ་ལནྡྷ་ར། གྷོ་ལེ་ར།། ཙནྡན་བྷ་ག བྷ་མི་ལ། སིལ་པར་སོགས་བརྒྱུད་ནས་ཨུ་རྒྱན་ཏུ་སླེབས་པར་གསུངས། །རྙིང་མའི་ཕུར་བའི་ཡིག་ཆར། ཡུལ་གྱི་མིང་ནི་རང་བྱུང་ཨོ་རྒྱན་ཡུལ། །དུར་ཁྲོད་མིང་ནི་རོ་ཐང་བརྡལ་བའི་གནས། །སློབ་དཔོན་མཚན་ནི་པདྨ་སམྦྷ་ཝ། །མཁའ་འགྲོའི་མིང་ནི་རབ་གསལ་འོད་ལྡན་མ། །གནས་འདིར་བྱོན་ལ་དབང་སྐུར་ཕྱིན་ཆེན་ཕོབས། །སྲིད་པའི་རྡོ་རྗེ་ཕུར་བུ་འགྲུབ་མཛོད་ཅིག །ཅེས་གུ་རུ་མཚན་བརྒྱད་ཀྱི་ནང་ཚན་པདྨ་སམྦྷ་ཝས་འགྲོ་དོན་མཛད་པའི་ཡུལ་ཡིན་པར་བསྟན་ཏོ། །དེ་ལྟར་ཡོངས་སུ་གྲགས་པའི་ས་མིང་ལོ་རྒྱུས་ཀྱི་རྒྱབ་ལྗོངས་འབྲེལ་ལས་རྣམ་རྟོག་སྐྱེས་ཀྱང་དེ་ཀ་རང་དུ་ཟད། སྐུ་ཚེ་རིང་།

7. སྤྱི་ལོ་༡༧༡༩་ལོའི་ཡས་མས་ཤིག་ལ་སོག་པོ་དམག་སྤྱི་དགའ་ལྡན་ཚེ་དབང་གིས་སྣེ་ཁྲིད་པའི་སོག་དམག་སྐོར་ཞིག་གར་ཞ་ལ་བསླེབས་སྐབས། དེ་ནས་ཀུ་ལུའི་ཕྱོགས་སུ་ཁ་ཕྱོགས་ནས་རོ་ཐང་ལར་བསྐྱོད་པ་ན་ནམ་ཟླ་ཕྱིས་རྐྱེན་གྱི་དབང་གིས་སོག་དམག་ཐམས་ཅད་ཁ་རུད་ཀྱིས་མནན་ནས་ཤི་བ་དང་དཔྱིད་ཟླ་ཤར་བ་དང་འཁྱོགས་རོམ་རྣམས་བཞུས་ནས་རི་ཞོལ་གྱི་སྤང་ཐང་ལ་བེམ་རོས་ཁེངས་བ་འགྲུལ་མི་རྣམས་ཀྱིས་མཐོང་བས། དེ་ཚོའི་ཁ་ནས་རོ་ཐང་ཞེས་ཐོལ་བྱུང་དུ་བརྗོད་པའི་ཐ་སྙད་དེ་ཟུར་ཆག་ནས་དེང་སང་ཡང་ཡུལ་མི་རྣམས་ཀྱིས་ར་ཀྲང་ལ་ཞེས་འབོད་སྲོལ་ཡོད་པའི་བཤད་སྲོལ་ཡང་ཡོད་པས་བརྟག་པར་བྱ་བའི་གནས་སོ། །

8. མཁྱེན་ལྡན་དྲྭ་གྲོགས་ཚོས་དགོངས་ཚུལ་རིན་ཐང་ཅན་མང་པོ་ཞིག་གསུངས་འདུག་པར་བློ་བ་དགའ།

   བཀའ་རྡོ་ལགས་ཀྱི་ལོ་རྒྱུས་དང་འབྲེལ་ན་རོ་ཐང་རང་འབོད་དགོས་པ་དངོས་ཡོད་ཡིན་ཚོད་དུ་སྣང་། གནའ་དུས་ལ་ཆེན་དེ་ཚོང་ལས་དང་རྒྱུ་འགྲུལ་གྱི་ལམ་གལ་ཆེན་འཁེལ་ས་ཞིག་ཡིན་ཟེར་སྒྲོས་ལྟར་ན་ལ་དེའི་རྒྱབ་མདུན་གྱི་དབར་དམག་འཐབ་དེ་འདྲ་ཡང་ཏན་ཏན་བྱུང་ཡོད་ཚོད། འོན་ཀྱང་གླིང་གེ་སར་གྱི་དམག་དཔུང་རོ་ཐང་ལ་ཐོག་ཏུ་བསླེབས་ཡོད་ཟེར་བ་ནི་གླིང་གི་སྒྲུང་ཐག་རིང་དུ་ཕྱིན་པ་ལ་ཕན་པ་ཙམ་ནི་སྲིད་མོད་དངོས་ཡོད་ཅིག་ཏུ་བསམ་འོས་པའི་རྒྱུ་མཚན་ཞིག་རྙེད་དཀའ་བར་སྙམ།

   ཨོ་རྒྱན་ཞེས་པ་ཨོ་ཌྱི་ན་ཟུར་ཆགས་སུ་སོང་བའི་ཐ་སྙད་ཅིག་ཏུ་བཤད། ཨོ་ཌྱི་ན་ནི་རང་རེའི་གྲགས་ཅན་ཡུལ་སྐོར་བ་ཨོ་རྒྱན་པ་སྔ་རྗེས་དང་དགེ་ཆོས་སོགས་ཀྱིས་ཁ་ཆེའི་ནུབ་ཕྱོགས་སུ་ཆགས་པའི་ཨབ་གྷན་གྱི་ཕྱོགས་སུ་ངོས་བཟུང་ཞིང་། ད་དུང་ཨོ་རྒྱན་རིན་དཔལ་གྱིས་ཨོ་ཌི་གྲམ་ཞེས་པའི་གྲོང་གཅིག་པུའི་མིང་ལ་བཞེད་སྐོར་གསུངས། དེས་ན་རོ་ཐང་གངས་རི་ཨོ་རྒྱན་གྱི་ཡུལ་དུ་ཡོང་དོན་མེད་པས། རོ་ཐང་གངས་རི་ཨོ་རྒྱན་ཡུལ་གྱི་རོ་ཐང་དུར་ཁྲོད་དུ་འགྱུར་དགོས་དོན་མི་འདུག་སྙམ། འོན་ཀྱང་དྲྭ་གྲོགས་དྲི་མེད་ལགས་སུ་རྙིང་ཕུར་གྱི་ལུང་གི་རོ་ཐང་གསུང་རྒྱུ་དེ་མ་ན་ལིའི་ཕུར་ཆགས་པའི་རོ་ཐང་ལ་གོ་དགོས་པའི་ཁུངས་འགོད་རྒྱུ་ཡོད་ན་ནི་འགོད་པར་མཛོད་ཅིག་ཏུ་གསོལ་ལོ།།

9. དྲྭ་གྲོགས་མིག་བརྒྱད་པ་ལགས།
   ཁྱེད་ཀྱིས་གསུངས་པའི་ལོ་རྒྱུད་དེའི་ཁུངས་གང་དུ་གསལ་མིན་ཞིག་གསུངས་རོགས།

10. ཕྱི་ནང་རིག་གནས་ཀུན་ལ་མཁྱེན་རྒྱ་ཡངས་པ་མཁས་དབང་སྐུ་གཤེགས་གར་ཞྭ་དངོས་གྲུབ་ལགས་ཀྱིས་བརྩམས་གནང་བའི་ལྕགས་རི་སྨན་པ་ཚེ་རིང་གི་ལོ་རྒྱུས་ནང་དུ་གསལ་ལ། གར་ཞྭ་ལུང་པའི་ཡུལ་མིའི་ཁ་རྒྱུན་ན་ཡང་དེ་ལྟར་གྲགས་པས་། དགེ་ཆོས་ཀྱི་ལམ་ཡིག་ཏུའངརོ་ཐང་ལ་བརྒལ་ནས་སོང་ན་བོད་ཀྱི་ཡུལ་གར་ཞྭ་ལ་བསླེབ་ཅེས་གསུངས་མོད། བོད་ཀྱི་ཡུལ་ཡིན་མིན་བརྟག་པར་བྱ་བའི་གནས་སོ། །

11. འདིར་རོ་ཐང་ཞེས་པའི་སྐོར་ལ། མཆན་འགོད་མི་ཉུང་བ་ཞིག་གིས། རང་རང་གི་རྟོག་བཟོ་ལས་བསྐྲུན་ཏེ། ལྷ་སྒྲུང་ཀླུ་སྒྲུང་སོགས་དང་མཉམ་བསྲེས་ཀྱིས་དོན་དངོས་ཀྱི་ལོ་རྒྱུས་ལ་ཆུ་འཛིན་གླང་ནག་གིས་སྒྲིབ་ཏེ་ཡོངས་སུ་མི་མངོན་པར་བྱས་ནས་འདུག་པས་ཤིན་ཏུ་ནས་ཡིད་སྐྱོ་བའི་གནས་སུ་གྱུར། མཁས་པ་ཆུག་ན་འདོམས་གང། བླུན་པོ་ཆུག་ན་མཐོ་གང་ཞེས་པའི་དཔེ་ལྟར་སོང་འདུག སྡུག་ཁ་མུག་ཁ་ཏོག་ཙམ་བཙུམས་ན་ལེགས། རོ་ཐང་ཞེས་པ་འདི་དུས་ཕྱིས་སྒྲ་མདངས་བསྒྱུར་སོང་བ་ལས། དོན་དངོས་ར་རང་ཞེས་པའི་ཞང་ཞུང་གི་སྐད་ཡིག་ལས་ཟུར་དུ་མཆེད་པ་ཞིག་ཡིན། འདི་ནི་སྲིད་པ་ཆགས་པའི་གངས་རྒན་ཞིག་ལས། མདངས་སུམ་ཆགས་པའི་བ་མོ་ཞིག་ག་ལ་ཡིན། གནའ་སྟེ་སྲིད་པ་ཆགས་པའི་དང་པོ་བྱུང་ཁུངས་ལོ་རྒྱུས་ཀྱི་དབང་དུ་བྱས་ན། མ་ན་ལི། ཀི་ནོར། ལ་དྭགས། གར་ཞ། ལའོསུ་པོ་སྟི་ཡི་མངའ་ཁོངས་ཡོངས་རྫོགས་ཞང་ཞུང་དང། དེ་ཡི་ཡུལ་མི་རྣམས་ཞང་ཞུང་པ་ཡིན། ཞད་སྐད་ལ། རྣིལ་ནི་གངས་དང་། རང་ནི་རི་ལ་གོ་བ་ཡིན། མདོར་ན་ར་རང་ཞེས་པ་འདི་ཞང་སྐད་ཀྱི་དབང་དུ་བྱས་ན་རི་མཐོན་པོ་ལ་གོ་བའོ། དུས་ཕྱིས་ཡུལ་ལུང་དེའི་མི་རྣམས་ཀྱི་འབོད་མ་ཤེས་པའམ། ཡང་ན་ཕྱི་རྒྱལ་ཡུལ་འཁོར་སྤྲོ་འཁྱམས་པ་དང། རྒྱ་གར་ཡུལ་མི་ཚོས་ལྕེ་ལ་མ་བདེ་ནས་rotangཞེས་འབོད་པས་རང་བཞིན་གྱི་བསྒྱུར་བ་ཐེབ་པ་ཞིག་ཆགས་པ་མངོན་གསལ་རེད། ད་ལྟའི་ཆར་ཡང་ར་རང་གི་འོག་རྨ་རི་ཞེས་པའི་རི་ལྗོངས་མཚར་སྡུག་ལེགས་པ་ཞིག་ཡོད་པ། དེའི་མིང་ལ་ད་ལྟ་ཆར་ཡང་དེའི་ཡུལ་ལུང་གི་མི་ཚང་མས་རྨ་རི་ཞེས་འབོད་བཞིན་པ་རེད། མདོར་ན་རྨ་ཞེས་པ་འདི་ཞང་སྐད་ཡིན་ལ། བོད་བསྒྱུར་བྱས་ན་ལྷ་ཞེས་གོ་བ། མདོར་ན་ལྷ་རི་ཞེས་པ་མཚོན་གྱི་ཡོད། དཔེར་ན་རྨ་ཆེན་པོམ་ར་ཞེས་འབོད་སྲོད་འདི་ལ་གོ་བ་ལེན་ཐུབ་ན་མཁྱེན་སླ། ད་དུང་དེ་བས་ག་ལ་ཚད། མ་ན་ལི་ཡི་རྒྱལ་སའི་ཉེ་འགྲམ་ཀི་ལོ་མི་ཏྲར་གཉིས་ཀྱི་ས་མཚམས་ལ་ཀུ་ཤུའི་སྡོང་པོས་ཡོངས་སུ་བལྟམས་པའི་ཡུལ་ལྗོངས་ཡིད་དུ་འོང་བ། འབྱོར་ལྡན་རྣམས་བཞུགས་སའི་hotelསྤུས་ལེགས་ཡོད་པའི་སར། ད་ལྟའི་འཆར་ཡང་རང་རི་ཞེས་འབོད་སྲོལ་ཡོད། ཁྱེད་ཅག་རྣམ་པ་རང་རི་ལ་ཕེབས་དགོས་ཡོད་གསུངས་དང་ཏྲེག་སི་ཁ་ལོ་བ་དང་ཏྲེམ་བུའི་ཁ་ལོ་བ་ཚོས་གཏན་གཏན་དེར་བསྐྱལ་ངེས་རེད། རང་ཞེས་པ་འདི་ཞང་སྐད་ལ། རི་ཞེས་པ་འདི་བོད་སྐད་ཡིན། མཐའ་དོན་རྣམ་པ་ཚོར་ཞུ་རྒྱུར། ཕ་མེས་ཀྱི་རིག་གནས་ཞང་ཞུང་གི་རིགས་གནས་ལ་རྒྱུས་མངའ་ཏོག་ཙམ་གནང་ཐུབ་ན་། གོང་དུ་རོ་ཐང་རེད་གསུངས་ཡ་དང། རོགས་ཐང་རེད་གསུངས་ཡ་དང། པད་འབྱུང་པད་འབྱུང་གསུངས་ཡ་དང། བདུད་གླིང་ཐབ་ནས་རོ་རྣམས་དེར་ལྷག་པས་རོ་ཐང་བསྒྱུར་བ་རེད་ཅེས་ཅི་ཡང་མི་ཤེས་རྨོངས་པའི་སྨྲ་བ་ངན་པ་རྣམས་རང་བཞིན་གྱིས་རིགས་པས་ཁེག་པར་འགྱུར་བ་གདོན་མི་ཟའོ།

12. རང་བཞིན་གྱི་འགྱུར་བ་། ཞེས་བཅོས་རོགས།
    ད་ལྟའི་ཆར་ཞེས་པ་བཅོས་རོགས།

13. འབོད་སྲོལ་ཡོད་པ་ཞེས་བཅོས་གནང་རོགས།

14. ཡུལ་གྱི་མིང་ནི་རང་བྱུང་ཨོ་རྒྱན་ཡུལ། །དུར་ཁྲོད་མིང་ནི་རོ་ཐང་བརྡལ་བའི་གནས། །སློབ་དཔོན་མཚན་ནི་པདྨ་སམྦྷ་ཝ། །མཁའ་འགྲོའི་མིང་ནི་རབ་གསལ་འོད་ལྡན་མ། །གནས་འདིར་བྱོན་ལ་དབང་སྐུར་ཕྱིན་ཆེན་ཕོབས། །སྲིད་པའི་རྡོ་རྗེ་ཕུར་བུ་འགྲུབ་མཛོད་ཅིག །ཅེས་པ་ལྟར་ན།
    རོ་ཐང་དེ་སྔགས་ཕྱོགས་ནས་བཤད་པའི་དུར་ཁྲོད་རོ་ཐང་ཡིན་མིན་ནི་ངས་མི་ཤེས་ཀྱང་། མཁའ་འགྲོའི་མིང་ནི་རབ་གསལ་འོད་ལྡན་མ། ཞེས་པ་འདི་ཡིས་ལྷ་མོ་ཀུ་ལུ་ཏིའི་མཚན་ལས་དྲངས་ནས་ཀུ་ལུ་མ་ནྰ་ལི་དང་། ཡང་ཀུ་ལུའི་རི་ཕར་ཕྱོགས་རི་རྩེ་ཞིག་ལ་དིང་སང་རྒྱ་གར་བས་ཧིན་སྐད་དུ་ལྷ་མོ་རྦི་ཅི་ལི་མའ་ཏྰ་སྟེ། རབ་གསལ་འོད་ལྡན་དང་དོན་མཚུངས་པའི་ལྷ་མོ་གློག་འོད་ཨ་མའམ་ཡུམ་ཞེས་འབོད་པའི་གནས་ཉེར་བཞིའི་གནས་རྩ་ཆེན་གཅིག་འདུག
    ལྷ་ཁང་དེ་ཡི་ནང་ལ་གནས་རྡོ་ནག་པོ་གཅིག་ཡོད་པ་ལ་མུ་སྟེགས་པས་མར་གྱིས་གཡོག་ནས་མཚོན་མདོག་དང་དབྱིབས་སོགས་གསལ་པོ་མཇལ་མི་ཐུབ་པ་ཅིག་འདུག ཕྱི་ནང་ཐུན་མོང་བའི་གནས་རྩ་ཆེན་ཅིག་ཡིན་པ་གདོན་མི་བ་ཅིག་རེད། དེས་ན་ངེས་པར་དུ་ཚར་གཅིག་གནས་གཟིགས་སུ་ཕེབས་ཐུབ་ན་དགེ་མཚན་ཆེ་བར་མངོན་ལགས།

15. ཧི་མ་ལའི་རི་ཁུལ་དུ་གནས་པའི་ལུང་སྟོང་དེར་ལ་དྭགས་བྱང་ཁུལ་དང་ཟངས་དཀར། མོན་དང་བོད་ནས་བསླེབས་པ་ཡང་ཡོད་པས་གར་ཞྭ་སྟོད་པའི་ཕལ་སྐད་དེ་བོད་སྐད་རང་ཡིན་པ་དང་བོད་བྱང་ཐང་གི་ཕྱུགས་སྐྱོང་འབྲོག་པ་འགའ་རེ་ལས་གནས་སྤོ་བྱས་ཏེ་ཡོང་བ་ལས་གཞིས་ཆགས་པ་ཞིག་ཡིན་པ་དང་ཕོ་ཆས་མོ་ཆས་དག་ལས་རྟོགས་ནུས་པ་ཞིག་རེད། ཆོས་ལུགས་འབྲུག་པ་བཀའ་བརྒྱུད་ཤུགས་ཆེ་བ་དང་དེ་མིན་གར་ཞྭ་ལུང་སྨད་དུ་ཧུན་དུའི་ཆོས་ལུགས་དར་སོ་ཆེ་བ་དེ་བཞིན་བོན་ཆོས་དར་བའི་ལོ་རྒྱུས་ཁོ་ཚོར་བཤད་རྒྱུ་མེད་ན་ཡང་སྔར་ལུང་བ་འདིར་ལོ་རེ་བཞིན་བྱིས་པ་གཅིག་རེ་དམར་མཆོད་བྱེད་སྲོལ་ཞིག་འདུག་པ་དེ་ལ་རྒོ་རྩིས་ཟེར། དེ་ལ་བལྟས་ན་བོན་ཆོས་སམ་ཧུན་དུ་གང་ཡིན་ཡང་དེའི་ཤུགས་རྐྱེན་ཞིག་བསླེབས་ཡོད་པ་འདྲ། གར་ཞ་ལུང་སྨད་དུ་འཕགས་པ་འཇིག་རྟེན་གསུམ་མགོན་གྱི་སྐུ་རྡོ་ཀ་མ་རུ་བ་ལས་གྲུབ་པའི་སྐུ་བརྙན་ཁྱད་འཕགས་ཤིག་བཞུགས་པ་དེ་ལ་ཧུན་དུ་བ་དང་ནང་པ་གཉིས་ཀས་མཆོད་པ་ཡིན། དེ་ལ་ཧུན་དུ་བ་ཚོས་དབང་ཕྱུག་ཡིན་ཟེར། འཕགས་པ་ཐུགས་རྗེ་ཆེན་པོ་ཕྱག་དྲུག་པ་ཅན་ཡིན་པས་དབང་ཕྱུག་ཡིན་དོགས་མེད་མོད། ཕྱི་ནང་གཉིས་ཀས་མཆོད་བཀུར་བྱེད་པ་ལ་འགལ་བ་གང་ཡང་མེད། དེའི་བཀོར་གཉེར་ནི་རེས་མོས་བཞིན་ཟངས་དཀར་ནང་པའི་དགོན་པ་ཞིག་ནས་ཡོང་གི་ཡོད། བོན་ཆོས་དར་བའི་གཏམ་གར་ཞའི་ལོ་རྒྱུས་དང་འདི་གའི་ཡུལ་མི་ཚོ་ལ་ཟུར་ཙམ་ཡང་བཤད་རྒྱུ་དཀོན་པས་དཔྱད་པར་བྱ།

16. དྲྭ་གྲོགས་སྟག་ར་ལགས་ཀྱི་ཤོད་སྟངས་ལྟར་བྱས་ན་འོལ་མོ་ལུང་རིང་གི་གྲོང་ཁྱེར་ཡངས་པ་ཅན་གྱི་མངའ་རིས་ས་ཁྱོན་རྒྱ་ཆེ་རུ་ཆེ་རུ་དང་། རོ་ཐང་ཞེས་པའི་ཐ་སྙད་ཀྱི་ཕུགས་ཐག་རིང་དུ་རིང་དུ་འགྲོ་ཡི་འདུག

    ང་ནི་ཇི་ལྟར་བློ་རྣལ་དུ་ཕབ་ནས་བསམས་ཀྱང་ཁུ་ནུ་དང་ག་ཞྭ། སྦལ་ཏི། མ་ན་ལི་སོགས་ཀྱི་ཡུལ་གྲུ་འདི་དག་བརྒྱུད་དེ་འཁྱར་བོན་དང་བརྡོལ་བོན། བདུད་བོན། བཙན་བོན། གདོན་བོན་ཟེར་བ་འདི་ཚོ་བོད་ཡུལ་དུ་ཕར་དར་བར་སེམས་ཀྱི། བོད་ཡུལ་ནས་ཚུར་ཡུལ་ཕྱོགས་འདི་དག་ཏུ་ཆོས་ལུགས་འདི་དར་བ་ཞིག་ཏུ་སེམས་ལ་གཏན་ནས་འཆར་ཐུབ་ཀྱི་མི་འདུག

    རྒྱ་གར་བྱང་ཕྱོགས་ཀྱི་ས་ཁུལ་འདི་དག་ཏུ་ཨརྱན་རྣམས་ཀྱི་ཆོས་དང་གོམས་སྲོལ་གྱི་ཤན་ཤུགས་ཆེན་པོ་ཐེབས་མྱོང་བ་ཡིན་ལ། དེ་བཞིན་ཆུ་བོ་སིན་དུ་དང་ཉེ་འཁོར་གྱི་ཡུལ་ཕྱོགས་སུ་བསླེབས་པའི་ཨེ་ལེགས་ཛཱན་ཌར་གྱི་དམག་དང་མཉམ་བརྒྱུད་ཀྱིས་བསླེབས་པའི་ཆོས་དང་གོམས་སྲོལ་གྱི་ཤན་ཤུགས་ཀྱང་ཏན་ཏན་ཐེབས་ཡོད་ངེས།

    དེར་བརྟེན་བརྒྱུད་རིམ་འདི་འདྲ་ཞིག་གི་གནས་སྟངས་ལས་དམར་མཆོད་འབུལ་བ་དང་། ལྷ་གསོལ་ཀླུ་གསོལ་བྱེད་པ། ཆོ་ག་དང་རིམ་གྲོ་བྱེད་པའི་སྲོལ་འདི་ཚོ་ཐོག་མར་ཡུལ་ལུང་འདི་དག་གི་ནང་དུ་ཁྱབ། དེ་ནས་ཕར་ཚོང་པ་དང་རྒྱུ་འགྲུལ་བ་རྣམས་ཀྱིས་མཐོང་ཐོས་དཔེར་ལེན་གྱི་ལམ་ནས་བོད་དུ་ཕར་དར་བ་ཞིག་ཡིན་པར་བཤད་ན་ཚན་རིག་དང་མཐུན་པ་ཡོད།

    བོན་ལུགས་ཀྱི་ཆོ་ག་དང་རིམ་གྲོའི་སྐབས་གལ་ཆེན་དུ་བརྩི་བའི་བླ་ཟེར་བའི་སྐད་ཆ་འདི་ཚོ་ཡང་soulཟེར་བའི་སྐད་ཆ་འདི་ཚོ་ལས་དར་བ་ཞིག་ཡིན་པ་གསལ་པོ་མིན་ནམ།

17. རོ་ཐང་། ༼མུ་ན་ལི།༽མུན་ནག་གླིང་། ཁུ་ལུ་སོགས་ནི་བོད་སྐད་རྣལ་མ་རྐྱང་རེད། གོང་དུ་དྲ་གྲོགས་འགའ་ཞིག་གིས་བཤད་པ་ལྟར་བདུད་ཡུལ་རེད་ཟེར་བ་འདི་ལོ་རྒྱུས་ཀྱི་རྒྱུ་ཆ་ཚད་ལྡན་རེ་ཡིན་པ་འདྲ། ང་ལ་ཡུལ་མི་ཞིག་གིས་བདུད་ཨ་ཅུང་ཀེ་རུ་འདྲ་ཅིག་གིས་ཡུལ་རེད་ཟེར། ངས་བསམ་ན་གླིང་གེ་སར་གྱིས་ཆམ་ལ་ཕབ་པའི་བྱང་བདུད་ཀླུ་བཙན་ཟེར་བ་དེ་མ་ཡིན་པར་མངའ་མཛད་བཅུ་གཉིས་ནང་ཚན་གྱི་བདུད་པོ་རེ་ལྡེ་མགོང་ཡག་གིས་སྲིད་དབང་སྐྱོང་སའི་ཡུལ་དེ་མིན་ནམ་སྙམ། བདུད་ཀྱི་ཡུལ་དེར་མི་རོ་རྟ་རོ་བཅལ་དུ་བཀྲམ།། མི་ཁྲག་རྟ་ཁྲག་མཚོ་རུ་མེར།། ཟེར་བ་ཞིག་ཀྱང་ཡོད་པ་དྲན། དེ་ལྟར་ན་རོ་ཐང་ཡང་འབྲེལ་ཆེ་བ་བྱུང་། ཡང་འགོང་ཡག་སྲས་མོ་དྲི་ལྡན་མ་ཟེར་བ་ཞིག་ཡོད་པ་དེ་དཔལ་ལྡན་ལྷ་མོ་སྦྱར་ཐུབ་པ་རེད། དེ་ཡང་དྲི་ལྡན་མའི་གནས་ཡུལ་དེ་ཡང་དམར་མཆོད་བྱེད་སའི་ལྷ་ཁང་རྙིང་པ་ཞིག་འདུག་པ་དྲི་ལྡན་མའི་ལྷ་ཁང་ཡིན་སྲིད། ད་ལྟ་ཡུལ་མིས་ལྷ་མོ་(Hadimba Devi )ཞེས་འབོད་བཞིན་འདུག་པས་དཔྱད་རིན་འདུག་བསམ། ཡུལ་མིས་བདུད་ཀླུ་བཙན་བཤད་དོན་ཡང་བདུད་ཟེར་བ་ཞིག་གོ་དུས་གླིང་སྒྲུང་ནང་གི་བདུད་དེ་ཡིན་པ་འཁྲུལ་བར་ངེས། ཅིའི་ཕྱིར་ན་གླིང་སྒྲུང་དེ་གྲགས་ཆེ་བས་སོ། འདིའི་སྐོར་དཔྱད་གཞི་ཐ་ཐོར་རེ་དང་དཔྱད་པའི་འདུན་པ་རེ་ཡོད་ཀྱང་སྙོམ་ལས་ཀྱི་དབང་གིས་གྱི་ནར་ལུས་སོ།
    གཞན་ཡང་གུ་རུ་རིན་པོ་ཆེའི་གནས་ཡིན་པ་སོགས་ཀྱང་འགལ་བ་ཅི་ཡང་མེད་པར་ཡིན།

18. རྩོམ་དུམ་འདི་ན་ནིང་གནས་དེར་ལྗོངས་རྒྱུ་བསྐྱོད་སྐབས་སུ་བྲིས་པ་ཡིན། རང་གི་བསམ་ཚུལ་ཡང་ཅུང་ཙམ་མཚོན་ཡོད།

    བླ་མའི་སྲིད་དབང་མཐོ་སྒང་འཇིག་རྟེན་དུ་མེད་ཅིང་།།
    བཙན་པོའི་མངའ་དབང་བོད་ཀ་གཡག་དྲུག་ནས་མ་དར།།
    ཡར་གླིང་ཁྱོན་ན་བཙན་རྒྱལ་སྟོབས་ཤུགས་ཀྱིས་བཟུང་ཞིང་།།
    སུམ་གཉིས་ས་ཡི་ཁྱོན་འདི་ཡོམ་ཡོམ་དུ་བཟུང་བའི།།

    ཤར་གྱི་རྒྱ་སྟག་སྐྱ་བོའི་ལས་དབང་ལ་ཟུར་བཏང་།།
    ལྷོ་ཡི་གཡུ་འབྲུག་སྔོན་མོའི་སྦྲང་ཆར་ལ་ཚོད་འཛིན།།
    ནུབ་ཀྱི་མཁའ་ལྡིང་རྒྱལ་པོའི་གཤོག་རྩལ་ལ་སྨ་འབེབས།།
    བྱང་གི་སེང་གེ་དར་མའི་སྦར་ཁྱིམ་ལ་སྙད་འདོགས།།

    ཕྱོགས་བཞིའི་རྒྱལ་པོ་དུ་མའི་སྲིད་དབང་གི་སྒྲོམ་ལ།།
    མེ་ལྕེ་མཚུབས་པ་འདྲ་བའི་ཚ་བ་ལ་བདས་ཤིང་།།
    ཆུ་ལོག་རྒྱུགས་པར་མཚུངས་པའི་གྲང་བ་ལ་གཏུགས་པ།།
    ལ་འཕྲད་ལ་རུ་འཕྲད་པ་ལ་ཁ་ནས་བསད་པ།།

    ལུང་འཕྲད་ལུང་ཏུ་འཕྲད་པ་ལུང་ཁུག་ཏུ་བཀུམས་པ།།
    བློ་བུར་བར་དུ་བཅོད་པས་བདུད་པོ་རུ་བཏགས་པ།།
    བདུད་ཡུལ་ཁ་རག་སྒོ་དགུའི་སྙིང་བཅུད་ན་འགྱིང་བའི།།
    བདུད་པོ་རེ་ལྡེ་མགོ་ཡག་འཇིག་རྟེན་འདིའི་བདག་པོ།།

    བདུད་མཁར་རྩེ་དགུའི་སྲིད་དབང་ཕྱོགས་མཐར་རུ་བསྲིངས་ས།།
    སྣ་ཚོགས་ཤིང་ནགས་འཐུག་པོ་ལ་ལུང་ཀུན་སྒྲིབ་ནས།།
    སོས་ཀའི་གྲིབ་སོ་ནག་པོ་སྲིབ་རི་ནས་གུག་འདྲ།།
    ཟླ་འོད་མེད་པའི་མུན་ནག་ཤར་མཐའ་ནས་འཁྲིགས་འདྲ།།

    སྣ་ལྔའི་ཤིང་འབྲས་ཉིན་སྲིབ་ཐང་མ་རུ་བརྡལ་ཞིང་།།
    འབྲུ་དྲུག་སྙེམ་མའི་མགོ་ལྕོག་ལྡེམ་ལྡེམ་དུ་གཡོ་བའི།།
    ཡར་གི་གངས་རི་དཀར་པོ་སྤྲིན་དཀར་གྱི་ཞྭ་ཅན།།
    མ་གི་གཙང་ཆབ་ལྦུ་བ་ཆལ་ཆིལ་དུ་གཡོ་བའི།།

    རང་བྱུང་མུ་ཟིའི་ཆུ་ཚན་གྲང་ནད་ཀུན་འཇོམས་པ།།
    གོང་ནས་བརྡོལ་ཞིང་འགབ་ནས་ཐོལ་ཐོལ་དུ་ལུད་པ།།
    ཕྱི་གླིང་མགྲོན་པོ་ལྗོངས་རྒྱུའི་ཡུལ་གྲུ་ཙམ་ཞིག་ལས།།
    བདུད་ཡུལ་ཁ་རག་སྒོ་དགུ་སྦས་ལུང་རུ་ལུས་སོ།།

19. དྲྭ་གྲོགས་རྣ་བོས་ཤོད་སྟངས་ལྟར་ན། འཁྱར་བོན་དང་བརྡོལ་བོན། བདུད་བོན། བཙན་བོན། གདོན་བོན་ཞེས་མང་པོ་ཞིག་བཀོད་འདུག་ཀྱང། ཁོ་བོས་བོན་གྱི་ཡིག་རྙིང་ཁག་གང་མང་གཟིགས་ཁུལ་བྱས་པ་ཡིན་ཀྱང། བདུན་བོན་དང་བཙན་བོན་ཟེར་བ་མཐོང་ཐོས་བྱུང། དེ་ཡང་བདུན་བོན་ཟེར་བ་བདུད་འདུལ་བའི་བོན་པོ་ལ་གོ་བ་ལས་བདུད་རང་ལ་བཤད་སྲོལ་མི་འདུག སངས་རྒྱས་གཤེན་རབ་མི་བོས་སྐུ་དུས་སུ་བདུན་བོན་ཁ་སྟ་འགྲེང་ཡུག་ཞེས་ཤོད་སྲོལ་ཡོད་ལ་བོན་གྱི་ཡིག་རྙིང་ཁག་ཏུ་ཡང་འཁོད་ཡོད། དེ་རྗེས་བཙན་བོན་ཟེར་བ་དེ་རེད། བཙན་ཁམས་འདུལ་བའི་བོན་པོ་ལ་གོ་དགོས་རྒྱུ་ལས་བཙན་རང་ལ་མི་གོ སངས་རྒྱས་གཤེན་རབ་མི་བོས་སྐུ་དུས་དང་མཉམ་པའི་བཙན་བོན་དུམ་པ་ཚལ་ལྕགས་ཞེས་ཤོད་སྲོལ་ཡོད། དེ་མིན་འཁྱར་བོན་ཟེར་ཡ་དང། བརྡོ་བོན་ཟེར་ཡ། དེ་ཚོ་དུས་ཕྱིས་སྒྲོས་བཏགས་པའི་རྟོག་བཏགས་འབའ་ཞིག་ལས་བོན་གྱི་ཡིག་རྙིང་ངམ་ཡང་ན་བོན་གྱི་བཀའ་དང་བཀའ་བརྟེན་གང་གི་ཁོངས་སུ་ཡང་མངོན་རྒྱུ་མེད་པ་དེ་རེད། འོལ་མོ་ལུང་རིང་གི་ཆག་ཚད་དང་བཀོད་པ་རྒྱ་ཆེ་ཆུང་ཇི་ཙམ་ཡོད་མིན། བོན་གཞུང་ཁག་ལ་གཟིགས་པའི་ངལ་བ་གནང་ཐུབ་ན་གསལ་ངེས་རེད། ལྷག་དོན་མཛད་མདོ་རྒྱས་པའི་ཁོངས་གཟིགས་ཐུབ་ན་བློ་བསྐྱེད་འཕེལ་ངེས་པ་གདོན་མི་ཟ་བའི་གནས་སུ་གྱུར་སྲིད། ལྷ་གསོལ་ཀླུ་གསོལ་དང་ཆོ་ག་རིམ་འགྲོ་བྱེད་པའི་སྲོལ་རྣམས་ཐོག་མར། གངས་ཅན་བོན་གྱི་ལྗོངས་སུ་དར་ཚུལ་གྱི་རིམ་པ་ནི། འདི་ནས་ཡར་རྩིས་པའི་མི་ལོ་གཅིག་ཁྲིའི་ཡར་སྔོན་སངས་རྒྱས་གཤེན་རབ་མི་བོ་བོད་ཀྱི་ཀོང་པོར་ཞབས་བཅགས་ཏེ། བོན་སྲིན་པོའི་རིགས་རྣམས་དབང་དུ་བསྡུས་ཏེ། ཀོང་པོའི་ཡུལ་མི་རྣམས་ལ་ལྷ་གསོལ་བ་དང་འདྲེ་བཀར་བ། ཡུག་ཕུད་པ་སོགས་ཀྱི་ལུང་བསྟན་གནང་བ་མ་ཟད། མ་འོངས་བོད་གངས་ཅན་ལྫོངས་སུ་འབྲས་བུའི་བོན་རྣམས་དར་བའི་སྨོན་ལམ་བཏབ་པ་ལ་བརྟེན་ནས། དུས་ཕྱིས་བོད་རྒྱལ་གཉའ་ཁྲིའི་སྐབས་རྒྱུ་བོན་ཤེས་པ་ཅན་བཅུ་གཉིས་དང། དེ་རྗེས་བོད་རྒྱལ་མུ་ཁྲིའི་སྐབས་སྔགས་སེམས་ཀྱི་བོན་སྒོ་དར་བ། དེ་རྗེས་བོད་རྒྱལ་བོད་རྒྱལ་དིང་ཁྲིའི་སྐབས་འདུལ་བ་ཤས་ཆེར་དར་བ་བཅས་རེད། མདོར་ན་མཐའ་ཅིག་ཏུ་གཞན་ནས་ཚུར་དར་བའི་ཚོད་དཔག་བྱ་རྒྱུ་ཏོག་ཙམ་སྔ་གྲགས་པ་མ་ཡིན་ནམ། དངོས་གཞིའི་བརྗོད་བྱ་གཙོ་བོ་ནི། དེང་གི་ཆར་རོ་ཐང་ཞེས་འབོད་པ་སྔོན་དུས་ར་རང་ཞེས་འབོད་བའི་མ་ན་ལི་ཡི་རི་ཁ་མཐོན་པ་དེ་རེད། དྲྭ་གྲོགས་མི་རྐང་གླིང་བུའི་བཤད་པ་འདི་ལ་ཏོག་ཙམ་གོ་རྒྱུ་ཡོད་པའི་བཟོ་འདྲ་བོ་མཐོང་གི་འདུག ཞང་ཞུང་གི་ལོ་རྒྱུས་ཀྱི་ཕུ་ཐག་ནི་ཆེ་རིང་བ་ཞིག་ཡིན་ལ། མ་ན་ལི་རྣིལ་རང་མཐོན་པོའི་ཕུག་ཐག་དེ་ཡང་ཆེ་རིང་བ་ཞིག་ཀྱང་ལོས་ཡིན་སྙམས། ང་ཚོའི་ཁ་བ་གངས་ཅན་གྱི་ལྗོངས་སུ་གྲགས་པའི་ཡུལ་ཁམས་འདི་ཉིད། དང་ཐོག་བདུད་དང་མ་སངས་ལྷ་ཀླུ་གཉན་གསུམ་སོགས་ཀྱིས་དབང་བསྒྱུར་བྱས་པའི་ཡུལ་ཁམས་ཞིག་ཡིན་ལ། དེ་རྗེས་ཞང་ཞུང་གི་བྱ་རུ་ཐོབ་པའི་རྒྱལ་པོ་བཅོ་བརྒྱད་དང། དེ་ནས་བོད་རྒྱལ་རིམ་བྱོན་སོགས་ཀྱིས་དབང་བསྒྱུར་བྱ་བ་ཞིག་ཡིན་སྟབས། འདས་པའི་ལོ་རྒྱུས་ཀྱི་ཕུ་ཐག་ཤིན་ཏུ་རིང་བ་ཞིག་ཡིན་པ་སྨོས་མེད་རེད། མ་ན་ལི་ཞེས་པ་འདི་ཡང་ཐོག་མར་མུན་ནག་གླིང་ཞེས་བདུད་ཀྱིས་དབང་བསྒྱུར་བའི་ཆ་ནས་མིང་དེ་ལྟར་ཐོག་པ་ཡིན་པ་ཡང་ཡིན་མི་སྲིད་པའི་ངེས་པ་ཅི་ཡང་མེད། དེ་རྗེས་ཞང་ཞུང་གིས་དབང་བསྒྱུར་བྱས་པ་ལ་བརྟེན་ནས་ཡུལ་ལུང་འདི་ལ་ཞང་སྐད་ཀྱི་མིང་ཞིག་ཡོད་པ་གདོན་མི་ཟ་ཡང་ལོ་རྒྱུས་ཀྱི་ཕུག་ཐག་ཤིན་ཏུ་རིང་བའི་རྐྱེན་གྱིས་ཞང་སྒྲའི་བརྡ་སྐད་མི་མངོན་ཆུ་ལྷའི་ཕག་ཏུ་སིམ་སོང་བ་ཡང་མི་སྲིད་པ་ཞིག་ག་ལ་ཡིན། འོན་ཀྱང་ཞང་ཞུང་གིས་དབང་བསྒྱུར་བྱ་མྱོང་བའི་ཆེས་མངོན་གསལ་ཆེ་བའི་དན་རྟགས་ཤིག་ནི། དེང་གི་ཆར་འབོད་བཞིན་པའི་རོ་ཐང་ཞེས་པ་འདི། སྔོན་དུས་ཀྱི་ར་རང་ཞེས་པའི་ཞང་སྐད་ལས་ཟུར་དུ་མཆེད་པ་ཞིག་ཡིན་པ་ནི། དེའི་ཉེ་འདབས་ཀྱི་རྨ་རི་ཞེས་ད་ལྟ་ཡང་འབོད་བཞིན་པ་འདི་ཞང་སྐད་འཁྲུལ་མེད་ཡིན་པ་བསྙོན་དུ་མེད་པ་དང། རི་ཆེན་དེའི་ཞོལ་དུ་ཡོད་པའི་རང་རི་ཞེས་པའི་ཞང་ཞུང་གྱི་སྐད་ཡིག་དག་གིས་རྟོགས་ཐུབ། ཡུལ་ལུང་དེར་hadimbamandirཞེས་པའི་བདུད་མོས་གསོལ་མཆོད་བྱེད་སའི་ཤིང་ཁང་ཞིག་ད་ལྟའི་ཆར་ཡོད་པ་ཡང་དངོས་བདེན་རེད། དེ་ཡང་བདུད་མོ་དེ་ནི་སྐྱ་སེང་བུ་ལྔའི་ནང་ཚན་རྒྱ་སྐད་དུ་bimཞེས་པ་དང། བོད་སྐད་དུ་འཇིགས་སྡེ་ཞེས་པའི་གྱད་སྟོབས་པོ་ཆེ་དེ་ཡི་སྐྱེས་དམན་ཡིན་པ་ཡང་ལོ་རྒྱུས་ཀྱི་ཐོག་ནས་མངོན་གསལ་རེད། རྒྱ་གར་གྱི་ལོ་རྒྱུས་མཁས་དབང་ཚོས་ཤོད་སྲོལ་ལྟར་ན། སྐྱ་སེང་བུ་ལྔ་ནི་འདི་ནས་ཡར་རྩིས་པའི་མི་ལོ་ལྔ་སྟོང་མཚམས་ལ་བྱུང་ཡོད་པ་དང། ཁྱབ་འཇུག་གི་འཇུག་པར་གྲགས་པའི་ramཞེས་པའི་རྒྱལ་པོ་དེ་འདི་ནས་ཡར་བརྩིས་པའི་མི་ལོ་འབུམ་དགུའི་སྔོན་དུ་བྱུང་བ་ཡང་ཤོད་ཀྱི་འདུག ཡུལ་མི་ཚོས་ཁ་རྒྱུན་ལྟར་ན་བདུད་མོའི་ཤིང་ཁང་དེ་ལོ་སྟོང་ཕྲག་ཙམ་གྱི་རྙིང་པ་ཡིན་ཚོད་ཀྱང་ཤོད་ཀྱི་འདུག གང་ལྟར་སྐྱ་སེང་དང་དུས་མཉམ་པའི་བདུད་མོ་དེ་ནི་ཞང་ཞུང་གི་རྒྱལ་རབས་ལ་ལྟོས་ཏེ་དུས་ཕྱིས་ཡིན་པ་མ་ཟད། གཞན་པའི་ཤོད་སྲོལ་ཁག་ཇི་ཙམ་ཡོད་ཀྱང་ཞང་ཞུང་གི་རྒྱལ་རབས་ལ་ལྟོས་ཏེ་དུས་ཕྱིས་ཁོ་ན་ཡིན་པས། དེ་དོན་ད་དུང་ཡང་རྟོག་དཔྱོད་ཀྱི་གཉུག་ཐག་བསྲིངས་ཏེ་ད་དུང་ཡང་དཔྱད་པའི་མཐའ་མ་རྫོགས་པས་ཞང་ཞུང་གི་རིག་གནས་དག་ལ་བློ་སྦྱོང་གི་སྒྲོན་མེ་སྤར་ཏེ། མཐའ་དཔྱོད་ཀྱི་སྡོམ་ཚིག་སྤེལ་ནུས་ན་དོན་སྙིང་དང་ལྡན་པ་ཞིག་ཏུ་གྱུར་བའོ། འདི་ལྟར་བཤད་པ་ཁག་ཆགས་སྡང་དང་འགྲན་རྩོད་ཀྱི་ཆེད་དུ་གཏན་ནས་མ་ཡིན་ལ། ལོ་རྒྱུས་ཀྱི་བདེན་དོན་རེ་དྲྭ་གྲོགས་རྣམས་ལ་ལེགས་སྐྱེས་སུ་ཕུལ་ཐུབ་ན་སྙམས་པའི་ལྷག་བསམ་དར་གྱི་ལྡིང་ཁུག་ནས་མཆེད་པ་ཞིག་ཡིན་པས། དེ་དོན་དགོངས་དཔྱད་གནང་བར་འཚལ།

20. སངས་རྒྱས་གཤེན་རབ་མི་བོའི་ཞེས་པར་བཅོས་རོགས།

21. སངས་རྒྱས་གཤེན་རབ་མི་བོའི་སྐུ་དུས་སུ་ཞེས་པར་བཅོས་རོགས།

22. སྤྱིར་ཧ་མ་ཅལ་མངའ་ཁུལ་འདིར་ལྷ་དང་གྲུབ་པའི་བསྟི་གནས་ཞེས་འབོད་སྲོལ་ཡོད་པ་དང་། ལོ་རྒྱུས་སྨྲ་བ་འགས་མི་ན་ལིའི་ལུང་བ་སྐྱ་སེང་བུ་ལྔའི་ཡུལ་དུ་རྩིས་བ་དང་གཞུང་ཆུ་དེ་ལ་བྷ་ར་ཏའི་ཆུ་བོ་ཟེར། ཐང་ཟན་བླ་མ་ཡང་གནས་འདི་ནས་ཕེབས་པར་གྲགས་ཤིང་། ཞང་ཞུང་གི་ལོ་རྒྱུས་དེ་ཚོ་གལ་ཆེན་ཡིན་པ་བཤད་མ་དགོས་བ་རེད། ཡིན་ན་ཡང་ཞང་ཞུང་གི་རྗེས་ལ་འགྱུར་བ་མང་པོ་ཞིག་ཕྱིན་ཚར་བས་དེ་ཚོ་ནག་བསུབ་བཏང་ན་འགྲིག་གི་མ་རེད། ཡོད་ཚད་ཞང་ཞུང་གི་ལོ་རྒྱུས་ན་ཡོད་པའི་ངེས་བ་ཅི་ཡོད། གོང་དུ་མཆན་བུ་༡༩་བས་གསུངས་བ་ལ་རོ་ཐང་ཞེས་པ་སྔོན་དུས་ཀྱི་ར་རང་ཞེས་པའི་ཞང་སྐད་ལས་ཟུར་དུ་མཆེད་པ་ཞིག་ཡིན་པར་བཤད་པ་ནི་རང་རི་དང་ནོར་བ་མིན་འགྲོ ། གང་ཡིན་ཟེར་ན་དེའི་ཉེ་འདབས་ཀྱི་རྨ་རི་ཞེས་ད་ལྟ་ཡང་འབོད་བཞིན་པ་འདི་ཞང་སྐད་འཁྲུལ་མེད་ཡིན་པ་བསྙོན་དུ་མེད་པ་དང། རི་ཆེན་དེའི་ཞོལ་དུ་ཡོད་པའི་རང་རི་ཞེས་པའི་ཞང་ཞུང་གྱི་སྐད་ཡིག་དག་གིས་རྟོགས་ཐུབ་པ་བདེན་ན། ཡུལ་ལུང་དེར་hadimbamandirཞེས་པའི་བདུད་མོས་གསོལ་མཆོད་བྱེད་སའི་ཤིང་ཁང་ཞིག་ད་ལྟའི་ཆར་ཡོད་པས་ཁུལ་དེ་ལ་རོ་ཐང་ཞེས་བཏགས་ན་འོས་འཚམས་མ་རེད་དམ།