དེ་རིང་གི་ཆུ་ཚོད་གསུམ་པ་ཙམ་ལ་གྲོགས་པོ་ཞིག་གིས་ཁ་པར་བརྒྱུད་བརྗོད་དོན་ལ། ཉེ་སྔོན་གྱི་རྨ་ཆུའི་ཆུ་ལོག་གི་སྐབས་སུ་རྐྱེན་ངན་འཕྲད་པའི་ཨ་མ་བཀྲ་གོའི་ཆེད་ཨ་སྒོར་བརྒྱ་ཐམ་པ་ཞལ་འདེབས་ལ་འབུལ་རྒྱུ་ཡིན་ཟེར། ཡིན་ན་ཡང་། ཆ་རྐྱེན་གཅིག་ནི། ངས་རྩོམ་ཐུང་འདི་བྲིས་ནས་ཁ་བརྡའི་ཐོག་སློང་ཡིག་འབྲི་དགོས་ཟེར། ད་བར་དུ་སློང་ཡིག་ཅིག་བྲིས་མ་མྱོང་། འོན་ཀྱང་། ཨ་མ་འདི་ལ་ཕན་ཐོགས་ན། སློང་ཡིག་འབྲི་རྒྱུ་ལ་ནི་ང་འཚེར་མི་རུང་། དེ་བས་སློང་ཡིག་འདི་བྲིས་པ་ཡིན། ཁ་བརྡའི་ཐོག་གི་རྩོམ་ཡིག་པར་དང་བཅས་པ། འབྲེལ་ཐག་འདི་ན་ཡོད།
རྩོམ་དེའི་ནང་ཐད་ཀར་འབྲེལ་གཏུགས་གནང་སའི་ཁ་པར་ཨང་གྲངས་གཤམ་གསལ་འདི་རེད། འབྲེལ་གཏུགས་ཁ་པར་ 13893995415
གྲོགས་པོ་ཚོ། ཁྱེད་ལ་འདི་ལ་ཞལ་འདེབས་གནང་འདོད་མཆིས་ཚེ། ཕྲན་གྱི་གློག་འཕྲིན་འདིའི་ཐོག་ grabsal@gmail.com འབྲེལ་བ་གནང་རོགས་ཞུ། དེ་ནས་ངེད་ཀྱིས་ཁྱེད་ལ་ཞལ་འདེབས་བསྐུར་སའི་གྲོགས་པོའི་མིང་དང་ཁ་བྱང་དང་བཅས་པ་ཕུལ་ཆོག དེ་མིན་ཉིད་ཀྱི་ཞལ་འདེབས་གནང་བཞེད་ཀྱི་མཆན་དང་འབྲེལ་གཏུགས་བྱེད་ས་སོགས་མཆན་གྱི་ཁོངས་སུ་འགོད་རོགས། ཐུགས་རྗེ་ཆེ། དགེ་འདུན་རབ་གསལ་གྱིས་ཕུལ།
བཀུར་འོས་དགེ་རབ་ལགས། ཁྱེད་ཀྱིས་ཉམ་ཕན་གྱི་ཕྱག་ལས་འདི་འདྲ་གནང་བར་རྗེས་སུ་ཡི་རང་དང་རྒྱབ་སྐྱོར་ཡོད། ངས་ཀྱང་ཨ་སྒོར་བརྒྱའི་ཞལ་འདེབས་ཕུལ་ངེས་ཡིན་པས། ཁོམ་སྐབས་བྱུང་ན་འབྲེལ་ཡོད་ཀྱི་མཚན་དང་ཁ་བྱང་སོགས་དྲ་འཕྲིན་འདིའི་knd1@tcbci.orgགཏོང་རོགས་ཞུ།
ངས་ཀྱང་འདི་ཕྱོགས་ནས་ཞལ་འདེབས་རེ་བསྡུ་ཨེ་ཐུབ་ལྟ་ངེས་ཡིན། དྲ་གྲོགས་ཡོངས་ཀྱི་སྙིང་རྗེས་གཟིགས་ཏེ་ཉམ་ཆུང་མ་བུ་དེ་གཉིས་ལ་གང་ནུས་ཀྱི་ཞལ་འདེབས་རེ་གནང་རོགས་ཞུ། ཀུན་རྫོབ་ཀྱི་དགེ་བ་ཞིག་ལ་དེ་ལས་ལྷག་པ་ཞིག་ཨེ་ཡོད་སྙམ། གལ་ཏེ་དགེ་བ་ཟེར་བ་དེ་ལ་ཡིད་ཆེས་ཡོད་མེད་གང་ལྟར་ཀྱང་ཉམ་ཆུང་ལ་རོགས་རམ་གནང་རྒྱུ་འདི་མི་བཟང་པོ་དང་ཡག་པོ་ཚོའི་ཕྱག་ལས་གནང་ཕྱོགས་ཡིན་པས་དེ་ལུགས་ཐུགས་ལ་འཛིན་འཚལ།
རིག་པའི་རྡོ་རྗེ་ལགས།
འཁྱུག་ཙམ་གཉིད་དུ་ཡུར་བའི་ཤུལ་དུ་ཁྱེད་ཁྱེད་ཀྱི་མཆན་གཉིས་བསྟུད་མར་བཀོད་པ་མཐོང་བྱུང་། ཐུགས་རྗེ་ཆེ། ངེད་ཀྱིས་གྲོགས་པོ་ལ་འབྲེལ་བ་ཞིག་བྱས་རྗེས་ཁྱེད་ལ་ལན་ཕུལ་ཆོག
བྱ་བ་འདི་ནི་གལ་ཆེན་ནང་གི་དོན་ཆེན་ཞིག་རེད། ཡིན་ནའང་། རང་ཕྱོགས་ན་བལྟ་མཁན་མེད་པར་དོ་སྣང་མ་བྱུང་བ་དང་། འཁུར་དུ་མ་བླངས་པ། ཕྱོགས་འཛིན་གྱིས་བརྡ་ཁྱབ་མ་བཏང་བ་སོགས་ཀྱི་དབང་གིས་འདི་ལས་ལྷག་པའི་ཉམ་ཆུང་ནི་མ་མཐོང་མ་ཤེས་ས་ན་ཁེངས་ནས་ཡོད་པས། ལྷག་བསམ་དག་པས་སྟོང་ཕོད་གྱི་ཕྱག་ཟུང་རིང་དུ་ཡོད་མཁན་ཚོས་ནི་འདི་དང་འདི་ལྟ་བུར་ཡོད་ཚོད་ནུས་ཚོད་ཀྱིས་མུ་ནས་མུ་རུ་སྦྱིན་གཏོང་གནང་རྒྱུ་ནི་མི་རུ་སྐྱེས་པའི་བྱ་བ་རླབས་ཆེན་ཞིག་རེད་ལ། དེ་བཞིན་ཀུན་སློང་དག་པས་ཉམ་ཆུང་གི་ཕྱོགས་ཁ་བལྟ་མིག་བལྟ་བྱས་ནས་རོགས་སྐྱོར་སློང་དངུལ་གྱི་སྐུལ་བརྡ་གཏོང་མཁན་ཚོས་ཀྱང་རང་གི་ཉེ་ས་ཁོ་ན་ནས་མི་བལྟ་བར་ཡོངས་ཁྱབ་རྒྱ་ཁྱབ་ཀྱིས་བལྟས་ཏེ་བྱ་བ་བཟང་པོ་འདི་བསྒྲུབ་རྒྱུའི་རེ་བ་ཡོད། མ་ཟད་ཕྱོགས་ཁག་ནས་སློང་དངུལ་བསྡུ་གསོག་བྱས་པ་དེ་ཡང་ཁྲ་ཁྲ་ཟང་ཟིང་མིན་པར་དམ་གཙང་སྤུས་གཙང་གིས་ཕ་རོལ་པོའི་ལག་ཏུ་དངོས་སུ་རྩིས་འབུལ་ངེས་འབྱོར་བྱེད་ཐུབ་པ་དགོས་རྒྱུ་ནི་དེ་བས་ཀྱང་གལ་གནད་ཆེ་ཞིང་ཡིད་གཟབ་བྱ་དགོས་པ་ཞིག་ཏུ་སེམས་སོ།། སྐད་ཆ་འདི་དྲན་སྐུལ་ཙམ་ཡིན་པས་ཐུགས་བློ་དང་མི་མཐུན་པའི་འགལ་ཆ་ཡོད་ན་དགོངས་དག་ཞུ།
འགར་ཚེ་རྒྱལ་གྱིས།