གནས་ཚུལ་མཁོ་གཏོང་བ། བློ་གྲོས་རྣམ་རྒྱལ།
ཨ་རིའི་མེ་ནི་སོ་ཏྲ་གནས་སྡོད་རིན་པོ་ལགས་ནས་རང་ལུས་མེར་བསྲེགས་གནང་མཁན་རྣམས་ཀྱིས་ཚབ་ཞུས་དེ། ཁོང་ཚོའི་འབོད་སྒྲ་ཁྱབ་བསྒྲགས་ཆེད་ཡུ་རོབ་རྒྱལ་ཁབ་བཅུ་གསུམ་ནང་རྐང་འཁོར་སྐོར་བསྐྱོད་ཀྱི་ལས་འགུལ་ཞིག་མགོ་འཛུགས་གནང་སོང་། དེ་རིང་ཕྱི་ཚེས་༡༧ ཉིན་་ཡུ་རོབ་ཀྱི་རྒྱལ་ས་བྷུ་རུ་སེལ་ནང་འདི་གའི་བོད་རིགས་ཚོགས་པ་དང་། ས་གནས་གཞོན་ནུ་ཚོགས་པ། ས་གནས་ཆུ་བཞི་སྒང་དྲུག་ཚོགས་པ། དེ་བཞིན་ས་གནས་ཀྱི་མི་མང་བཅས་ནས་ཕེབས་སྐྱེལ་གྱི་མཛད་སྒོ་ཞིག་ཚོགས་ཏེ་ཚོགས་པ་ཁག་གི་མཛད་གཙོ་རྣམ་པས་ཁོང་གི་ལས་འགུལ་ལ་རྒྱབ་སྐྱོར་དང་བསྔགས་བརྗོད་ཀྱི་གསུང་བཤད་ཀྱང་གནང་སོང་། ཁོང་ཉིན་ཤས་ཀྱི་རྗེས་སུ་ཕ་རན་སིར་འབྱོར་རྒྱུ་དང་། དེ་ནས་རིམ་བཞིན་སི་པེན་དང་། ཨི་ཏྲ་ལི། སུད་སི། ཨོ་སི་ཀྲོ་རི་ཡ། ཁེ་ཟཀ་ཀི་སྤྱི་མཐུན་རྒྱལ་ཁབ། འཇར་མན་ནི། སུ་ཝེ་ཏན། ནོར་ཝེ། ཏྲན་མཀ ཧོ་ལན་ཏྲི། ཨེན་ལན་ཏྲི་སོགས་བརྒྱུད་ནས་ཁྱོད་བསྡོམས་གྲོང་ཁྱེར་དང་གྲོང་བརྡལ་༢༠༠ ལྷག་བརྒྱུད་ནས་ཕེབས་རྒྱུ་རེད་འདུག
བྷེལ་ལྗམ་ནང་གནས་འབྲེལ་བྱེད་ས། 0032484124976
ཕ་རན་སིར་གནས་འབྲེལ་བྱེད་ས། 0033763093946
ཐུགས་རྗེ་ཆེ།
ཉམས་ཞུགས་བྱས་ན་འགྲིག་གི་ཡོད་དམ།
ཁྱོད་ཀྱི་ལྷག་བསམ་ལ་གུས་བཀུར་ཞུ
སྤུན་ཟླ་ལགས་། གངས་ཕྲུག་ངས་ཀྱང་ཁྱེད་ཀྱི་ལྷག་བསམ་ལ་སྙིང་དབུས་ནས་གུས་འདུད་ཞུ་།།