ཤ་ྐླན་འཇམ་དབྱངས་གྲགས་པ།
རྐུན་མ་ཚོས།
ངའི་ཨ་ཕའི་མཚོན་སྲུང་བརྐུས་སོང།
ངའི་ཨ་མའི་བཞོ་ཟོ་བརྐུས་སོང།
ངའི་ཕུ་བོའིོ་འགུལ་ཁུག་སོང་།
ངའི་སྲིང་མོའི་སྐེ་རྒྱན་བརྐུས་སོང།
བརྐུས་སོང་ཡ། ཁོ་ཚོས་ཡོད་ཚད་བརྐུས་སོང།
མཆོད་ཁང་གི་ཤིང་ཏོག་བརྐུས་སོང།
འོག་ཁང་གི་ཁྱི་ལྟོ་བརྐུས་སོང།
དགོན་པའི་གཏོར་མ་བརྐུས་སོང།
གྲོང་བའི་ལ་ཕུག་བརྐུས་སོང།
ཨ་ནེ་དབང་དགའ་ཚང་གི་རྟའི་དྲིལ་བུ་བརྐུས་སོང་།
ཨ་སྲུ་ཚེ་མཚོ་ཚང་གི་མཛོའི་སྣ་གཅུ་བརྐུས་སོང་།
ཨ་ཁུ་བླ་མ་ཚང་གི་བཀག་རི་ནས་རི་བོང་བསད་དེ་བརྐུས་སོང།
ཨ་ཞང་སྒམ་ཆེན་ལགས་ཀྱི་སྒྲུབ་ཕུག་འདབས་ནས་བྱ་སྒོང་བརྐུས་སོང་།
ཁོ་ཚོས་རང་ཉིད་རྐུན་མ་སྔོན་པོ་དེ་ཡིན་པ་མ་ཤེས་ནས།
ཨ་ཞང་གྲྭ་བ་ཚོ་རྐུན་མ་དམར་པོ་རེད་ཟེར།
ཨ་ཁུ་བླ་མ་ཚོ་ཇག་པ་སེར་པོ་རེད་ཟེར།
རྐུན་མ་ཚོ། ཧམ་པ་ཆེ་བའི་རྐུན་མ་ཚོ།
ཨ་ཕས་ཟེར་ན་ཁོ་ཚོའི་ཨ་ཕ་ཡང་རྐུན་མ་རེད་ཟེར།
ད་དུང་ལག་དམར་རེད་ཟེར།
ཨ་ཁུ་སྙིང་ལྕགས་ཁོ་ཚོས་བཀྲོངས་པ་རེད།
ཨ་སྲུ་ཀུན་སྐྱིད་ཁོ་ཚོས་སྨྱོ་བཅུག་པ་རེད།
རྐུན་མ་ཚོས་ང་ཚོ་ནམ་ཡང་སྡོད་མི་བཅུག
ཁ་སང་། ས་འགུལ་བྱུང་ནས་ངའི་ཕུ་ནུ་ཚོས།
བཟོད་པར་དཀའ་བའི་སྡུག་བསྔལ་མྱོང་དུས་ཀྱང་།
ཁོ་ཚོས་ང་ཚོའི་འབྲོག་ཁྱི་བརྐུས་སོང་།
ཁྱི་རྐུན་ཚོ། ངོ་མ་ཡ་རེ་ང་།
ཁྱེད་ཚོས་རྐུན་མཚམས་ནམ་ཞིག་གཞག་སྲིད།
ང་ཚོ་བོད་མི་ལ་ངོམ་འོས་པའི་བྱ་སྤྱོད་གཅིག་ཡོད་པ་ནི་བདེན་པའི་རིན་ཐང་ཤེས་མཁན་ཞིག་ཡིན་ཟེར་རྒྱུ་དེ་རེད་ལ་དེས་མ་འོང་པར་ང་ཚོ་ལ་རྒྱལ་ཁ་ཞིག་སྤྲོད་རྒྱུའི་ཡིད་ཆེས་བྱེད་ཀྱིན་ཡོད། དེར་བརྟེན་བདེན་པ་བཤད་རྒྱུ་དེ་ང་ཚོའི་ལས་འགན་ནམ་དམ་ཚིག་གཙོ་བོ་དེ་རེད། བྱས་ཙང་སྐད་ཆ་བདེན་པ་བཤད་ན་ཡིད་སྐྱོ་བའི་ས་ཡོམ་གྱི་གོད་ཆགས་ཁྲོད་རྐུན་ཇག་གི་ལས་བྱེད་མཁན་གཙོ་བོ་ནི་རྒྱ་རིགས་མ་ཡིན་པ་བོད་རིགས་ཡིན་པ་དང་དེ་ཡང་སྐྱེ་དགུ་ས་གནས་ཀྱི་མི་མ་ཡིན་པ་ཁམས་ཉག་རོང་དང་དཀར་མཛེས་ཁུལ་གྱི་མི་ཡིན་པ་ནི་ཉེན་རྟོག་པས་འཛིན་བཟུང་ཚར་བའི་རྐུན་མ་སུམ་ཅུ་ལྷག་ཙམ་ཡོད་པ་དེས་དཔང་པོ་བྱས་ཚར་རེད།
མིའུ་ཕྲུག་གི་གསུངས་པར་བརྒྱ་ཆའི་བརྒྱ་རྒྱུ་མཚན་ཡོད་རྒྱུ་རེད། རྐུན་མའི་ནང་དུ་མི་རིགས་འདྲ་མིན་དང་ཐ་ན་བོད་རིགས་ཀྱང་ཡོད་ཆོག་ཆོག་རེད། ཡིན་ཡང་ངས་འཆད་ཀྱིན་པ་ནི་བརྒྱ་དམག་རོགས་སྐྱོར་རུ་ཁག་ནས་ཡིན་ཟེར་བའི་ཁྱི་རྐུན་དེ་ཚོ་ཡིན། ངས་རྩོམ་འདི་དང་མཉམ་དུ་རྒྱ་དམར་རོགས་སྐྱོར་རུ་ཁག་གིས་རླངས་འཁོར་ནང་ཁྱི་བསྡུ་བཞིན་པའི་དཔར་ཞིག་ཀྱང་བསྐུར་ཡོད་ཀྱང་འདིར་འགོད་ཐུབ་མི་འདུག དཔར་དེ་འཕྲུལ་ཆས་ཀྱིས་སྒྲིག་པ་སོགས་གང་ཡང་མིན་པར་གསར་ལམ་ཁག་ནས་ཡོངས་ཁྱབ་སྒོས་བཀྲམས་ཟིན་པ་དག་རེད། ཉིད་ཡིད་མ་ཆེས་ན་ཁ་བརྡ་དྲ་དེབ་དང་། འོད་ཟེར་དྲ་བ། སོགས་དྲ་ལམ་ཁག་ལ་ལྟོས་དང་མཁྱེན་ངེས། མ་གཞི་ནས་རྒྱ་མི་ཉེན་རྟོག་པས་འཇུས་པའི་བོད་རིགས་འགའ་ཡོད་པར་རྒྱུ་མཚན་དུ་བྱས་ནས་རྐུན་མ་ཡོད་ཚད་ནི་བོད་རིགས་སོ་ཞེས་སྨྲ་བ་ཡང་ཅུང་དྲང་ཆེ་སོང་བའི་ཚོར་སྣང་ཞིག་བྱུང་ལ། ད་དུང་དེས་དཔོང་པོ་བྱས་ཚར་ཞེས་བློ་ཐག་ཆོད་པས་བཤད་པས་ངོ་མ་ཉིད་ནི་སྔོན་ནས་ད་ལྟའི་བར་དུ་རང་རེ་ལ་སྡུག་སྦྱོང་མནར་གཅོད་གཏོང་མཁན་ཁོང་ཚང་ལའང་དེ་འདྲའི་ཡིད་ཆེས་ཡོད་པ་ཧངས་སང་བྱུང་།
གོང་གི་སྙན་ངག་ནང་གི་༼ངའི་ཕུ་བོའི་འགུལ་ཁུག་བརྐུས་སོང་༽ཞེས་པ་དེ་༼ངའི་ཕུ་བོའི་དངུལ་ཁུག་བརྐུས་སོང་།༽ཞེས་པར་ནོར་བཅོས་ཡོང་བ་ཞུ།