རྒན་པས་སྣེ་ཁྲིད་ནས་སློབ་གྲྭར་འགྲོ་བ།

Comments (21) on “རྒན་པས་སྣེ་ཁྲིད་ནས་སློབ་གྲྭར་འགྲོ་བ།”

1. ང་ལ་མཁོ་བའི་གཏམ་བཟང་འདི་རིགས་རེད། ངས་སྙིང་ཐག་པ་ནས་ཡིག་རྨོངས་སེལ་མཁན་དང་སེལ་འདོད་པའི་རྒན་རབས་པ་འདི་དག་ལ་བཀའ་དྲིན་ཆེ་ཞུ། བོད་མི་རྒན་རབས་པ་རྣམ་པས་འདི་དག་ལ་མིག་དཔེ་བལྟས་ནས་ཡིག་རྨོངས་སེལ་བའི་རྣམ་པ་གསར་བ་འདི་སྤང་ལ་མེ་ལྕེ་བཞིན་དུ་འབར་བར་བརྩོན།
   ཀ་ཁ་ག་ངས་ཁྱེད་ཅག་གི་གཏི་མིག་མུན་པ་སེལ་ནས་འདི་ཕྱིའི་མིག་ཏུ་འགྱུར་བ་ཁོ་ཐག་ཡིན། མི་རིགས་ཀྱི་མགོན་སྐྱབས་ངོ་མ་ཡང་འདི་རང་ཡིན། བཀྲ་ཤིས་སོ།།

2. ཨོ་ཡ། བོད་ཀྱི་སྐད་ཡིག་རིག་གཞུང་བོད་མི་རང་ཉིད་ཀྱིས་སློབ་གཉེར་གཅེས་སྲུང་མི་བྱེད་ན་སུས་བྱེད། ད་ང་ཚོ་སད་ཡོང་གི་འདུག བོད་རིགས་བགྲེས་སོན་འདི་ཚོ་ཚེ་རིང་ལོ་བརྒྱ། མུ་མཐུད་འདི་འདྲ་བྱས་ན། ང་ཚོ་ལྕགས་ཀྱི་སྒམ་ཞིག་གི་ནང་བཅུགས་ཀྱང་། རང་ཚུགས་ནམ་ཡང་ཤོར་གྱི་མ་རེད། ལམ་ཁ་ཚང་མ་འདིའི་སྒང་ན་ཡོད་པ་རེད། ཐུགས་རྗེ་ཆེ།

3. ངོ་མའི་བཟང་གི་ང་ཚོ་དགོས་པ་ནི་འདི་རེད།

4. རེད་རེད། ངའི་མ་རྒན་ལོ་བདུན་ཅུ་རེད། ཡིན་ཡང་ངས་མོ་ལ་བོད་ཡིག་སློབ་སྦྱོང་བྱེད་པར་སྐུལ་མ་གཏོང་གི་ཡོད།

5. གསར་འགྱུར་འདི་འདྲ་ཡང་འདུག་གོ།

   ཀོང་པོའི་གླུ་གཞས་ཀྱིས་བལ་བོའི་བོད་པ་རྣམས་ཀྱི་ཡིད་དབང་བཀུག་པ།
   རྩོམ་པ་པོ། བདེ་ཆེན་མཚོ། རྩོམ་སྒྲིག་པ། Bdechen mtso དུས་ཚོད། 2012-2-5 8:36:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས། 6

   ཟླ2པའི་ཚེས1ཉིན། བོད་ལྗོངས་ཉིང་ཁྲི་ས་ཁུལ་ནས་ཡོང་བའི་གླུ་གར་ཚོགས་པའི་བོད་རིགས་འཁྲབ་སྟོན་པ་བཅུ་ལྷག་བལ་བོའི་རྒྱལ་ས་ཅ་ཏི་མན་ཏུའུ་ནས་འཁྲབ་སྟོན་བྱས་ཏེ་བལ་བོར་སྡོད་པའི་ཀྲུང་གོའི་གཞུང་ཚབ་ཁང་གིས་རྩ་འཛུགས་བྱས་པའི་ཆུ་ཕོ་འབྲུག་ལོའི་སྣེ་ལེན་ཚོགས་འདུའི་ཡུལ་དངོས་དེ་གླུ་གར་གྱི་རྒྱ་མཚོ་ཇི་བཞིན་སྤྲོ་སྐྱིད་ཀྱི་རྣམ་པས་ཁེངས།
   གླུ་གར་ཚོགས་པས་ཞབས་བྲོ《ཀོང་པོའི་ལོ་སར》དང་། སྒྲ་སྙན་རྡུང་ལེན《ཕ་ཡུལ་བསྟོད་པ》། གླུ་གཞས《ལུག་རྫི་བུ་མོའི་སྤྲོ་གླུ》སོགས་ལེ་ཚན12ལྷག་འཁྲབ་སྟོན་བྱས།
   བལ་བོ་རྒྱལ་ཁབ་ནི་ཕྱིར་སྡོད་བོད་མི་རྣམས་འདུས་སྡོད་བྱེད་སའི་གནས་གཉིས་པ་ཡིན་ཞིང་། མིག་སྔར་མི་ཁྲི3.5ཡོད་པ་རེད། ཁོང་ཚོ་ཕ་ཡུལ་དང་རིང་དུ་གྱེས་པས་རང་ཡུལ་གྱི་སྲོལ་རྒྱུན་གླུ་གར་ལ་རོལ་མྱོང་བྱེད་པའི་གོ་སྐབས་ཧ་ཅང་དཀོན་པས། བལ་བོར་སྡོད་པའི་ཀྲུང་གོའི་གཞུང་ཚབ་ཁང་གིས་ཁོང་ཚོར་ལོ་སར་གྱི་སྣེ་ལེན་ཚོགས་འདུ་བསྡུས་ཤིང་ད་ལོ་ནི་སྤེལ་ཐེངས་བཅུ་བ་རེད།

6. ངོ་མ་ཡིད་སྨོན་སྐྱེ་བ་ཞིག་དང་། དགའ་བའི་མིག་ཆུ་འོང་བའི་སེམས་ཚོར་ངོ་མ་ཞིག་སྦྱིན་བྱུང་ལ། ངས་ཀྱང་ལོ་ལོན་ཚེ་རིང་ལོ་བརྒྱ་ལོན་པའི་བོད་ཡིག་སྦྱོང་མཁན་ཁོང་ཚོར་ཐུགས་རྗེ་ཆེ་ཞུ་རྒྱུ་དང་། མ་འོང་བར་མི་རབས་རྗེས་མ་རྣམས་ལ་བོད་ཡིག་སྦྱོང་བའི་སྐུལ་མ་ནན་པོ་ཅིག་ཡིན་པས་སྙིང་ཐག་པ་ནས་ཐུགས་རྗེ་ཆེ།

7. ཐུ་མིའི་དྲྭ་རྒྱའི་ལས་བྱེད་ཡོངས་ལ་ཐོག་མར་མཚམས་འདྲི་བཀྲ་ཤིས་བདེ་ལེགས་ཞུ། ཁྱེད་རྣམས་པས་བོད་སྐད་ཡིག་ཡར་རྒྱས་འགྲོ་ཐབས་དང་མ་འོངས་འབྱུང་འགྱུར་གྱི་མི་རབས་རྗེས་མ་དག་ལ་བོད་སྐད་བོད་ཡིག་གི་བག་ཆགས་ཟབ་མོ་ཞིག་འཇོག་པར་འབད་བརྩོན་བྱེད་པ་སྙིང་ཐག་པ་ནས་བཀའ་དྲིན་ཆེ།

8. ངའི་ཕ་ཡུལ་རྒྱས་ཤོག་ལུང་པ་ལ་ཡང་དེ་མཚུངས་གནང་གི་ཡེད་ཟེར། མི་རིགས་ཀྱི་ལ་རྒྱ་། དཔེ་རེད་་།

9. མི་རབས་རྒན་པ་འདི་དག་གིས་བརྗེས་བཞག་གི་བྱ་བ་ལ་རྟག་ཏུ་ཡིད་སྨོན་ཡོད།

10. ཧ་ཅང་བཟང་གི་རེ་བ་ཡིད་བཞིན་འགྲུབ་པའི་སྨོན་ལམ་ཞུ།

11. རྗེས་སུ་ཡི་རང་གི་གནས་རེད།
    པར་བདག་ལགས། པར་དང་པོ་ངས་པར་ལོག་བརྒྱབ་ན་འགྲིག་གམ?ཅེས་ཕྱིར་ཞེ་ན། པར་ངོས་ཀྱི་སྐྱེས་དམན་དེ་ངའི་ཨ་ནེ་རེད། མ་མཐོང་ནས་ལོ་མང་འགྲོ་སོང་།

12. མིག་ལྟོས་བཟང་པོ་ཞིག་རེད། ཁྱིམ་ཚང་གི་ཕ་མ་ནས་འདི་ལྟར་ཕྲུ་གུའི་སེམས་ལ་རང་གི་སྐད་ཡིག་ལ་བག་ཆགས་བཟང་པོ་ཞིག་འཇོག་ཐུབ་ན་རང་ཉིད་བོད་པ་ཞིག་ཡིན་པའི་གོ་ཆོད་པ་རེད། བོད་པའི་ཁྱད་རྟགས་རང་གི་སྐད་ཡིག་གི་སྟེང་ན་ཡོད་པ་ལས་ཤ་དང་རུས་པའི་གསེང་ན་མེད་པ་ངོས་ཟིན་པ་རེད། བཀྲ་ཤིས་པ་རེད། ཁྱིམ་ཚང་གི་ཕ་མ་ནི་དགེ་རྒན་དང་པོ་ཡིན་གསུངས་པ་དེ་བདེན་པ་རེད། སྔོན་ཆད་བོད་ཀྱི་ས་ཁུལ་འབྲོག་པ་མང་ཚོགས་དང་མི་དམངས་དཀྱུས་མའི་ཁྲོད་དུ་བོད་ཡིག་སློབ་པའི་གོམས་གཤིས་མི་འདུག་ཀྱང་ད་ཆ་རྨོངས་གཉིད་སད་དེ་བོད་ཡིག་གི་སྲོག་ཉེན་ལ་ཐུག་པ་ཤེས་འདུག །

13. ངོ་མ་གཏམ་བཟང་རེད། འདི་ལྟར་བྱས་ན་ལོ་ངོ་བཅུའི་རྗེས་སུ་འུ་ཚང་གི་ཁྱིམ་གཞི་འདིར་ཡིག་རྨོངས་པ་གཅིག་ཀྱང་ཡོད་མི་སྲིད་དོ།

14. ལོ་ན་མཐོ་བའི་རྒན་རབས་རྣམས་ཀྱིས་བོད་ཡིག་སྦྱོང་ནས་ཁོང་རྣམས་པ་ལ་ཕན་ཐོག་ག་ཚོད་ཡོད་མེད་ཤེས་དཀའ་ཡང་། དེ་ནི་ང་ཚོའི་མི་རབས་རྣམས་གཉིད་ལས་སད་པའི་རྟགས་དང་། ཕྱི་རབས་རྣམས་ཀྱི་མིག་དཔེ། བོད་མིའི་རེ་བ་ནམ་ཡང་ཆད་མི་སྲིད་པ་བཅས་མཚོན་བཞིན་ཡོད། པར་དེ་དག་མཐོང་དུས་དངོས་གནས་དགའ་ངུ་ཐེངས་གཅིག་ཤོར་སོང་།

15. ཇི་སྐད་དུ།རིག་པ་ནངས་བར་འཆི་ཡང་སློབ།།ཅེས་ཤོད་སྲོལ་ཡོད་པ་བཞིན་ཡིན་འདུགད་ལྟ་གཞི་ནས་བསླབ་བྱ་དེ་ལག་ལེན་དུ་བསྟར་ཐུབ་པ་རེད།འདི་ནི་རང་སྐད་ཡིག་གི་ནང་སྙིང་ཆོས་ཀྱིས་གཏམས་པའི་རྒྱུ་མཚན་གྱིས་ཡིན་འདུག་ན།ནང་ཆོས་ནི་ང་ཚོ་སྐྱོབས་བྱེད་ཡིན་པ་འདིས་ཀྱང་ངོ་འཕྲོད་པ་མ་ཡིན་ནམ།

16. བོད་དུ་ཡོད་པའི་བོད་མི་ལ་སེམས་ཤུགས་ལྷད་མེད་འདི་འདྲ་ཡོད་རེད། བཙན་བྱོལ་བ་རྣམས་ཅི་འདྲ་རེད་ཤེས་ཀྱི་ཡོད་དམ།

17. གླིང་ཕྲུག་ལགས་བོད་ནང་གི་བོད་མི་མང་ཆེ་བའི་སེམས་ཤུགས་དང་ལྷག་བསམ་ནི་ཧ་ལས་པ་ཡོད་ཀྱང་བོད་ཀྱི་བླ་བཙོང་རྒྱའི་རྒྱུག་ཁྱི་རེ་ཟུང་མེད་པ་མ་རེད། བྱེས་ལ་བསམ་ན་ཡང་ཁ་ཅིག་ངོ་ཚ་དང་རུས་པ་མེད་པ་ཡིན་ཀྱང་མང་ཆེ་བ་གང་ལ་གང་མཚམས་ཀྱི་འབད་བརྩོན་བྱེད་ཀྱི་ཡོད་རེད། དེས་ན་སྤྱིར་མང་གཙོའི་ལུང་པར་སྐྱོན་ཐེར་འདོན་བྱེད་ནས་ཡར་རྒྱས་གཏོང་དགོས་ཀྱང་གཟུ་བོའི་བློ་ཡི་དྲང་པོ་དང་གསལ་པོ་ཞིག་མ་བྱས་ན་གཞིས་ལུས་བོད་མི་རྣམས་ཀྱི་མཐོང་ན་བོད་མིའི་སེམས་ཤུགས་ཆག་པའི་རྐྱེན་དུ་འགྱུར་ཉེན་ཆེན་པོ་རེད།

18. བཟང་གི ཡིན་ནའང་ལོ་བཞི་བཅུ་ཡས་མས་ཡིན་པའི་བུད་མེད་ཚོས་བསླབས་ན་ཡག་པོ་འདུག དེར་མ་ཟད་བཀའ་ཤག་གི་གཙོ་བྱས་ནས་བཙན་བྱོལ་བོད་ལ་འདི་འདྲ་ཞིག་མེད་དུ་མི་རུང་བ་རེད།

19. བལ་པོའི་ནང་པ་རྒནམོ་ཤར་པའི་རིགས་དེ་ཚོས་ཀྱང་བོད་ཡིག་སྦྱངས་ནས་སངས་རྒྱས་ཆོས་ཚོགས་མ་ཡིག་ཐོག་ནས་འདོན་འགོ་བཙུགས་པ་ང་རང་རང་གིས་མིང་མཐོང་ལག་ཟིན་བྱུང་མྱོང་བས་དགེ་འོ། དགེའོ། དགེ་བར་འགྱུར་ཅིག །

20. བོད་གཞུང་སློབ་གྲྭ་ནས་ཐོན་པ་དང་བོད་ཡིག་དང་ཁ་བྲལ་བ་གཉིས་དུས་གཅིག་ཡིན་པ་མང་པོ་ངས་ཤེས་སོང་། འདི་བཀྲ་ཤིས་དོན་ཡིན་ནམ་བཀྲ་མི་ཤེས་པའི་དོན་དཔྱད་པར་ཞུ།

21. ཆུང་དུས་ཡོན་ཏན་མ་སྦྱང་ན།
    ཆེ་དུས་ངུས་དང་མ་ངུས་མེད།
    ཨ་ཅེ་རྒན་མོ་ཀུ་རེ་ཡིན།
    ཀུ་རེ་རྩེད་མོ་གཉིས་ཀ་ཡིན།