སྐྱོ་བྲག་དགའ་དབང་།
གང་ཟག་སོ་སོའི་བློ་མོས་དང་ནུས་པ་མི་འདྲ་བས་ན། བསྒྲུབ་བྱ་དགེ་བ་ཡང་མི་འདྲ་བ་ལས། ང་ཚོས་ནི་ཐེངས་འདིར་རྒས་འཁོགས་ཤི་ལ་ཁད་མི་ཉུང་བ་ཞིག་ལ་སངས་རྒྱས་རང་ཉིད་ཀྱིས་བྱིན་གྱིས་བརླབས་པའི་སྐུ་བརྙན་ཁྱད་འཕགས་མཇལ་ཕྱག་མཆོད་འབུལ་གྱི་གོ་སྐབས་བསྐྲུན་པའི་སྟ་གོན་བྱེད་ཀྱི་ཡོད་པར་དྭང་བླང་ལས་རོགས་འཚོལ་བའི་བསམ་གཞིག་ནི།
ལས་ཀ །
ང་ཚོའི་དམིགས་རེའི་ལས་ཀར་ཞུགས་ཏེ་ལས་རོགས་འཚོལ་བ་ན་ལས་བྱེད་ག་འདྲ་ཞིག་དགོས་ཀྱི་ཡོད་པ་ནི་ལས་ཀར་རག་ལས་ཀྱི་ཡོད་ཕྱིར། ཐོག་མར་ལས་ཀ་ངོས་བཟུང་དགོས་པ་ལས། ང་ཚོའི་ལས་ཀ་ནི། འགྲོ་བསྐྱོད་གཞི་རྩའི་གོ་སྒྲིག །ཟ་ཉལ་འགྲོ་འདུག་ཞབས་ཕྱི། ན་ཚའི་རྟོག་ཞིབ། ཤི་དགེ་གསོན་རིམ་ཙམ་ཡིན།
ལས་བྱེད།
མཉམ་རུབ་ཀྱི་ལས་ཀ་ཞིག་ཡིན་ནས་བཟུང་། ཚང་མར་སྟུན་ཤེས་དགོས་པ་ནི་གཞིར་བཅས། ལས་ཀ་སོ་སོ་དང་མཐུན་པའི་ཁྱད་ཆོས་ལས་བྱེད་སོ་སོར་ཡོད་དགོས་པ་ལས། ང་ཚོའི་ལས་ཀ་འགྲོ་བསྐྱོད་གཞི་རྩའི་གོ་སྒྲིག་བྱ་མཁན་ལ། ཤེས་འཇོན་ལྷག་བསམ་ལྡན་པའི་འགོ་ཁྲིད་གཅིག །ཟ་ཉལ་འགྲོ་འདུག་ཞབས་ཕྱི་ལ། ལས་འཕེར་བཟོད་བསྲན་ཅན་གྱི་ན་གཞོན་རྒས་འཁོགས་ལྔ་རེ་ལ་རེ་རེ་ཙམ་སྟེ། འདི་དག་ཕལ་མོ་ཆེ་འགོ་ཁྲིད་ཀྱི་ཁ་ཉན་ངག་འཁྲི་བྱ་མཁན་དང་། དམིགས་བསལ་ཁ་ཤས་རྒས་འཁོགས་རྙོག་སྒྲ་ཅན་གྱི་བློ་ཉེ་ཡོད་ན་བྱ་སྟབས་བདེ་ཡི་རེད། ན་ཚའི་རྟོག་ཞིབ་ལ། ནད་སྨན་སྤྲོད་ཤེས་པའི་སྨན་པ་བློ་ཁེལ་གཅིག །ཤི་དགེ་གསོན་རིམ་ལ། རིམ་གྲོ་དང་འཕོ་བར་མཁས་ཤིང་། ས་བལྟ་དུར་འདེབས་ཤེས་པའི་བླ་མཆོད་གཅིག་བཅས་ཀྱིས་ཆོག་པར་སྙམ།
གྲངས་ཀ །
ལས་བྱེད་མང་ཉུང་གི་གྲངས་ནི་ལས་ཀའི་རྒྱ་ཁྱོན་དང་སྟུན་གྱིན་ཡོད་པ་ལས། ང་ཚོས་ནི་རྒས་པའི་འཁོས་ཀར་དཔགས་པའི་ཞབས་ཕྱི་མང་ཉུང་བྱ་བ་གལ་ཆེ་ཞིང་། གཞན་ཕེབས་འཁོར་གྱི་ཤོང་ཚད་དང་འགྲོ་སོང་གི་ཆ་རྐྱེན་ལ་ཡང་བལྟས་ནས་ཐག་གཅོད་པར་བྱའོ། །
དེའི་ནང་དོན་གཙོ་བོ་ག་རེ་གསུང་གི་ཡོད་དམ།
ག་རེ་གསུང་གི་ཡོད་མེད་ཤེས་ན་དཀོན་མཆོག་གསུམ། ཧ་ཧ་ཧ་ཧ་གསལ་བོ་ཞིག་བྲིས་ན་ཨ་རོགས།
ཁོང་གི་རྒས་གསོ་ཁང་ཞིག་རྒྱབ་རྒྱུ་དང་དེར་དྭངས་བླང་ལས་མི་ཀུན་སྤྱོད་དང་ཡོན་ཏན་སོགས་དགོས་བསྐོར་ཡིན་ས་རེད་