རྒྱ་གར་དང་བོད་གཉིས་སྤུན་ཟླ་རེད། བོད་རྒྱལ་ལོ།

ཐད་གཏོང་གནང་མཁན། སྤྱི་འཐུས་ཨ་ཀྲུག་ཚེ་བརྟན།

ལྷོ་ཕྱོགས་ཞུ་སྐུལ་ལས་འགུལ་ཚོགས་ཆུང་ནས་སྤོན་གྲི་ཅ་རིས་མངའ་སྡེ་འཛིན་སྐྱོང་བློན་ཆེན་དང་། གྲོས་ཚོགས་ཚོགས་གཙོ་གནད་ཡོད་མི་སྣ་བཅས་ལ་མཇལ་འཕྲད་ཀྱི་བོད་དོན་ཞུ་སྐུལ་གནང་ཡོད་པ་དང་། དེ་ཡང་ཚེས་༡༨ ཉིན་སྔ་དྲོ་ཆུ་ཚོད་༢ ཐོག„ཏ་མིའི་རྫི་སམ་འགམ་„ཚོགས་ཁང་དུ་ཧིན་བོད་མཛའ་འབྲེལ་ཚོགས་པའི་གོ་སྒྲིག་འོག་བོད་རིགས་༢༣དང་། རྒྱ་གར་མི་མང་༢༠༠ ཙམ་འདུ་འཛོམས་་ཐོག་མངའ་སྡེ་འཛིན་སྐྱོང་བློན་ཆེན་„ཐེ་རུབ་ཨན་ར་ག་ས་མིས’མཆོག་ཆེད་ཕེབས་ཀྱིས་མཇལ་འཕྲད་གནང་། བོད་མི་མང་སྤྱི་འཐུས་ཚོས་བོད་དོན་སྤྱི་དང་ད་ལྟའི་ཛ་དྲག་གི་གནས་སྟངས་ངོ་སྤྲོད་ཞུས་པ་དང་། བློན་ཆེན་མཆོག་གིས་བོད་དང་རྒྱ་གར་གཉིས་ཆོས་དང་རིག་གཞུང་གང་གི་ཐོག་ནས་ཞུས་ཀྱང་སྤུན་ཟླ་ནང་བཞིན་ཡིན་ཞིང་། བོད་ལ་དཀའ་སྡུག་ག་རེ་འཕྲད་ཀྱང་རྒྱ་གར་གྱི་རྒྱབ་སྐོར་ཡོད་པ་དང་། རྒྱ་གར་གཞོན་སྐྱེས་ཚོས་ངེས་པར་དུ་དེ་དག་ལ་ཐུགས་སྣང་གནང་ནས་རྒྱབ་སྐྱོར་བྱེད་དགོས་པ་སོགས་གདུང་སེམས་མཉམ་བསྐྱེད་ཀྱི་བཀའ་སློབ་གནང་བ་དང་།བོད་མི་མང་སྤྱི་འཐུས་ཚོ་ལ་དགའ་བསུའི་སྣེ་ལེན་དང་གཞུང་འབྲེལ་གསོལ་ཚིགས་ཕུལ་བ་སོགས་བོད་དོན་རྒྱབ་སྐྱོར་གྱི་རྣམ་འགྱུར་ཤུགས་ཆེན་གནང་།

ཕྱི་དྲོ་ཆུ་ཚོད་༥ བའི་ཐོག„ཨ་རོ་བིལ་„ཚོགས་སྡེ་ནང་ཕ་རིན་སི་„ཁུལ་ལོབ་ཁྲི་ཨབ་ཕེ„མཆོག་གི་མགྲོན་བརྡ་འབྱོར་བ་ལྟར་བཅར་བ་དང་དེར་རྒྱལ་ཁབ་ཁག་མི་འདྲ་བ་༡༣ ནས་ཕེབས་པའི་ཕྱི་རྒྱལ་མཁས་དབང་དང་། མི་སྣ་ལྔ་བཅུ་ཙམ་འཛོམ་ཡོད་པར་སྤྱི་འཐུས་ཚོས་འདས་བའི་བོད་ཀྱི་ལོ་རྒྱུས། ད་ལྟའི་ཛ་དྲག་གི་གནས་སྟངས། མ་འོངས་མངོན་འདོན་བཅས་ཞུས་པ་ན། ཁོང་རྣམས་ཀྱིས་ཁྱེད་རང་ཚོའི་འདས་པའི་ལོར་རྒྱུས་ང་ཚོའི་ཤེས་ཀྱི་ཡོད་ལ། ད་ལྟའི་ཛ་དྲག་གནས་སྟངས་ཐུགས་འཚབ་ཡོད། མ་འོངས་པའི་མངོན་འདོད་ལ་རྒྱབ་སྐྱོ་ཡོད་ཅེས་གསུང་བ་སོགས་བགྲོ་གླེང་ལྷུག་པོ་གནང་།

ཚེས་༡༩ ཉིན་དགོང་ཆུ་ཚོད་༣ པའི་ཐོགས་གྲོས་ཚོགས་ཚོགས་གཙོ་„ཨར་ར་རྡ་ཀུར་ཤིས་ནམ་„མཆོག་དང་མཇལ་བ་དང་། ང་ཚོས་སྔར་བཞིན་ངོ་སྤྲོད་གྲུབ་པ་དང་ཁོང་གིས་ཁྱེད་རང་ཚོའི་གནས་ཚུལ་ཤེས་ཀྱི་ཡོད། གང་གསུང་པ་བདེན་པ་རེད། ང་ཚོས་རྒྱབ་སྐྱོར་དང་གདུང་སེམས་མཉམ་བསྐྱེད་ཡོད་ཅེས་གསུང་པ་དང་། ཆེ་མཐོང་ཆེན་པོའི་ངང་སྣེ་ལེན་ཟབ་རྒྱས་གནང་བྱུང་། ཆུ་ཚོད་༥་༣༠ ཐོག་ཨར་ཝེན་རྡོ་ཨ་ཞོམ་སྤྱི་ཁྱབ་ལས་ཁང་འགན་འཛིན་མོ་ནོ་ཇི་རྡ་སི་རྒུག་ཏ་མཆོག་དང་མཇལ་བ་དང་། ཁོང་གི་དགའ་བསུའི་སྣེ་ལེན་བཞིན། ཚོགས་པའི་རྒན་རབ་དམ་པ་„མ་རྡར་„(ཨ་མ་ལགས་)མཆོག་གིས་སྔར་བོད་དོན་ཐོག་དགོངས་ཚུལ་འདི་ལྟར་གནང་གི་རེད། རྒྱ་ནག་ལ་འགྱུར་བ་ཆེན་པོ་འགྲོ་གི་རེད་ལ་བོད་ཀྱི་བདེན་མཐའ་ཡང་མགྱོགས་པོ་གསལ་གྱི་རེད་གསུང་གི་རེད། མ་རྡར་མཆོག་༸གོང་ས་མཆོག་ལ་མཇལ་མྱོང་བར་མ་ཟད་དད་གུས་ཆེན་པོ་ཡོད་པ་དང་བོད་དོན་རྒྱབ་སྐྱོར་ཤུགས་ཆེན་གནང་གི་རེད། ང་ཚོ་ཨ་ཞིམ་གྱིས་ངོས་ནས་དམ་པ་མ་རྡར་མཆོོག་གི་དགོངས་དོན་ལྟར་བོད་དོན་ལ་རྒྱབ་སྐྱོར་དང་བོད་པ་ལ་གདུང་སེམས་མཉམ་བསྐྱེད་ཡོད་བཅས་གསུང་བར་མ་ཟད་མཐར་ཁོང་གི་„བོད་རྒྱལ་ལོ་„ཅེས་གསུང་སོང་།