རྒྱ་གར་བྱང་ཤར་ས་ཁུལ་གྱི་བོད་ཀྱི་གཞོན་ནུ་ཚོགས་པས་གོ་སྒྲིག་གནང་བ་ལྟར་དུ། ཀ་རྡོར་སྒང་གསུམ་ཀྱི་བོད་རིགས་༤༠༠ལྷག་གིས་ཉིན་ཤས་རིང་དུ་སོ་སོའི་ས་ཁུལ་ནས་ཤི་རི་གུ་རི་གྲོང་ཁྱེར་བར་དུ་ཞི་བའི་གོམ་བགྲོད་གནང་བ་སྟེ་སྤྱི་ལོ་༢༠༡༢་ལོའི་ཟླ་༡༡ཚེས་༢༨ཉིན་དུ་༸གོང་ས་མཆོག་གིས་ཤི་རི་གུ་རི་དུས་དབང་གནང་སའི་ཕོ་བྲང་གི་མདུན་ཐང་དུ་མཉམ་འཛོམས་གནང་ནས་བོད་ནང་དུ་རྒྱ་ནག་གི་དྲག་གནོན་སྲིད་ཇུས་ལ་བཟོད་བསྲན་མ་ཐུབ་པར་རང་ལུས་མེར་སྲེག་གིས་ཞི་བའི་ངོ་རྒོལ་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་ལ་གདུང་སེམས་མཉམ་སྐྱེད། བོད་ལ་རང་དབང་ཐོབ་པ་དང་། ༧གོང་ས་མཆོག་བོད་ལ་ཕེབས་ཐུབ་པར་རྒྱ་གར་གཞུང་མང་གཉིས་ནས་རྒྱབ་སྐྱོར་རོགས་རམ་གནང་དགོས་པའི་འབོད་སྐུལ་གྱི་མཛད་སྒོ་རྒྱས་པ་ཞིག་ཚོགས་ཡོད། 
མཛད་སྒོའི་སྟེང་དུ་ཀ་རྡོར་སྒང་
རྒྱ་གར་བྱང་ཤར་གྱི་བོད་མིའི་ཞི་བའི་གོམ་བགྲོད་ཀྱི་ལས་འགུལ།
ག་གི་གཏམ་བཤད་དུ། བྱང་ཤར་ས་ཁུལ་གྱི་བོད་རིགས་རྣམས་ནི་བོད་དོན་དང་བོད་ཀྱི་རིག་གཞུང་ལ་དོ་སྣང་ཤུགས་ཆེན་བྱེད་ཀྱི་མེད་པའི་ཚོར་སྣང་ཞིག་འདུག་པས། བྱང་ཤར་ཀྱི་གཞོན་ནུའི་ཚོ
གས་པའི་ཚོགས་འདུ་རིམ་པར་ཚོགས་པ་ལ་བརྟེན་ནས། ད་ནས་བཟུང་བྱང་ཤར་གྱི་བོད་རིགས་རྣམས་ཀྱིས་བོད་ཀྱི་ལྷག་དཀར་ཉིན་མོ་སྲུང་བརྩི་དང་ལྷག་དཀར་དམ་བཅའ་རྣམས་ལག་ལེན་དུ་བསྟར་
ཡིན་པས་བོད་རིགས་མང་ཚོགས་རྣམས་ཀྱིས་དེ་ལ་རྒྱབ་སྐྱོར་དང་མཉམ་ཞུགས་བྱེད་དགོས་པའི་འབོད་སྐུལ་ཤུགས་ཆེན་གནང་བ་དང་འབྲེལ་མཛད་སྒོ་གྲོལ་ཡོད། རྒྱུ་
དེ་ནས་བོད་མི་༦༠༠་ལྷག་གིས་ཤི་རི་གུ་རུ་རྡོ་རྗེ་གླིང་མོར་ནས་ཁྲིམས་ཁང་གི་མདུན་བར་དུ་དུས་ཚོད་གསུམ་གྱི་རིང་སྐད་འབོད་ཀྱི་ཁྲོམ་སྐོར་གནང་བ་དང་། དགོང་དྲོར་དུས་ཚོད་བཞི་བ་ནས་ཤི་རི་གུ་རུ་གྲོང་ཁྱེར་ཡོངས་སུ་མར་མེ་ཁྲོམ་སྐོར་རྒྱས་པ་ཞིག་ཀྱང་གནང་ནས་ད་ཐེངས་ཀྱི་ཞི་བའི་གོམ་བགྲོད་ཀྱི་ལས་འགུལ་རྒྱ་ཆེན་པོ་དེ་མཇུག་སྡོམ་གནང་བ་རེད། ཅེས་དཀར་མཚོ་སྐྱིད་ཀྱིས་ཀ་སྦུག་ནས་གནས་ཚུལ་མདོར་བསྡུས་སུ་བྲིས་པ་ཡིན།