རྒྱ་གར་བྱང་ཤར་གྱི་བོད་མིའི་ཞི་བའི་གོམ་བགྲོད་ཀྱི་ལས་འགུལ།

རྒྱ་གར་བྱང་ཤར་ས་ཁུལ་གྱི་བོད་ཀྱི་གཞོན་ནུ་ཚོགས་པས་གོ་སྒྲིག་གནང་བ་ལྟར་དུ། ཀ་རྡོར་སྒང་གསུམ་ཀྱི་བོད་རིགས་༤༠༠ལྷག་གིས་ཉིན་ཤས་རིང་དུ་སོ་སོའི་ས་ཁུལ་ནས་ཤི་རི་གུ་རི་གྲོང་ཁྱེར་བར་དུ་ཞི་བའི་གོམ་བགྲོད་གནང་བ་སྟེ་སྤྱི་ལོ་༢༠༡༢་ལོའི་ཟླ་༡༡ཚེས་༢༨ཉིན་དུ་༸གོང་ས་མཆོག་གིས་ཤི་རི་གུ་རི་དུས་དབང་གནང་སའི་ཕོ་བྲང་གི་མདུན་ཐང་དུ་མཉམ་འཛོམས་གནང་ནས་བོད་ནང་དུ་རྒྱ་ནག་གི་དྲག་གནོན་སྲིད་ཇུས་ལ་བཟོད་བསྲན་མ་ཐུབ་པར་རང་ལུས་མེར་སྲེག་གིས་ཞི་བའི་ངོ་རྒོལ་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་ལ་གདུང་སེམས་མཉམ་སྐྱེད། བོད་ལ་རང་དབང་ཐོབ་པ་དང་། ༧གོང་ས་མཆོག་བོད་ལ་ཕེབས་ཐུབ་པར་རྒྱ་གར་གཞུང་མང་གཉིས་ནས་རྒྱབ་སྐྱོར་རོགས་རམ་གནང་དགོས་པའི་འབོད་སྐུལ་གྱི་མཛད་སྒོ་རྒྱས་པ་ཞིག་ཚོགས་ཡོད།    མཛད་སྒོའི་སྟེང་དུ་ཀ་རྡོར་སྒང་གསུམ་གྱི་ས་གནས་ཁག་གི་གཞོན་ནུ་ཚོགས་པ་དང་།    བུད་མེད་ཚོགས་པ།    རང་བདེན་ཚོགས་པ།     སྐྱིད་སྡུག་ཚོགས་པ་བཅས་ཀྱི་ཚོགས་གཙོ་དང་ཚོགས་མི་རྣམ་པ།     ས་གནས་བོད་རིགས་མང་ཚོགས་རྣམས་མཉམ་ཞུགས་གནང་ཡོད།   སྐུ་མགྲོན་གཙོ་བོར་འབྲས་ལྗོངས་ཀྱི་བློན་ཆེན་ཟུར་པ་སྒྲུབ་མཆོག་ལཱ་ཆུང་པ་དང་། ཀ་སྦུག་ས་གནས་གོར་ཁ་སྲིད་དོན་ཚོགས་པའི་རྒྱུན་ལས་མི་སྣ་ས་མེལ་རྒུ་རུང་སོགས་ཕེབས་ནས་གཏམ་བཤད་གནང་ཡོད།    གཏམ་བཤད་དུ་ད་ལྟའི་བོད་ནང་གི་ཆེས་ཛ་དྲག་གི་གནས་ཚུལ་ལ་ཐུགས་ཚབས་ཆེན་པོ་ཡོད་པ་དང་།   རྒྱ་ནག་དམར་པོས་བོད་ནང་དུ་བོད་མི་ཚོའི་འགྲོ་བ་མིའི་རང་དབང་དང་།    ཆོས་ལུགས་དང་མི་རིགས་ཀྱི་སློབ་གསོའི་རང་དབང་།    ༸གོང་ས་མཆོག་ལ་མཚན་སྨད་ཞུས་པ་བཅས་ལ་བཟོད་བསྲན་མ་ཐུབ་པར་རང་སྲོག་བློས་གཏོང་གི་ཞི་བའི་ངོ་རྒོལ་བྱེད་བཞིན་པ་ལ་གདུང་སེམས་མཉམ་སྐྱེད་ཡོད་པ་དང་།   ད་དུང་བོད་མི་ཚོ་རྡོག་རྩ་ཆིག་སྒྲིལ་དང་མཐུན་སྒྲིལ་དམ་གཟབ་གནང་ནས།    ༸གོང་ས་མཆོག་བོད་ལ་གདན་འདྲེན་ཞུ་དགོས་པའི་སྐུལ་མ་དང་ཁོ་ཚོས་སྔོན་མ་ནས་རྒྱབ་སྐྱོར་ཡོད་ལ་ད་དུང་མུ་མཐུད་དུ་རོགས་རམ་གནང་རྒྱུ་ཡིན་པར་ཁས་ལེན་གནང་ཡོད།   རྒྱ་གར་བྱང་ཤར་ས་ཁུལ་ཀྱི་བོད་ཀྱི་གཞོན་ནུ་ཚོགས་པའི་ཚོགས་གཙོ་མཆོ