—–ཐེ་བོ་སངས་རྒྱས།
དེ་ནི་དགའ་བྱེད་རྒྱལ་པོ་རཱ་མ་ཎ་ཡིས་ས་མཐའ་བསྐོར་ནས་ལོ་ངོ་བཅུ་བཞི་འགོར་ཙ་ན། སྲིན་པོ་ལངྐ་མགྲིན་བཅུ་ལས་བཙུན་མོ་སི་ཏཱ་ཕྱིར་འཕྲོགས་ཤིང་རྒྱལ་ཁའི་ངང་རང་ཁྱིམ་དུ་ལོག་སྐབས་དགའ་བསུའི་དུས་དྲན་ཡིན་ལ། འདི་ངྷ་སེ་རཱ་སྟེ་ཚེས་བཅུའི་དུས་ཆེན་རྗེས་ཀྱི་ཉི་མ་ཉི་ཤུ་བ་དེ་རེད།
ཡ་མཚན་པ་ཞིག་ལ་རྒྱ་བལ་གྱི་ཚེས་གྲངས་དང་བོད་ཀྱི་བརྩི་སྟངས་གཉིས་ཐོ་ཐུག་པར་མ་ཟད་ཀོང་པོའི་ལོ་སར་དང་གཅིག་ཏུ་ཁེལ་ཡོད་སྐད། ལོ་སར་བྱེད་སྟངས་ནི་དུད་ཁྱིམ་རེ་རེའི་སྒོའི་ཕྱི་རོལ་ཏུ་དཀར་ཐིག་འཐེན་ཞིང་མར་མེ་ཚོམ་བུར་བགྲམ། མེ་ཏོག་གི་ཕྲེང་བ་དྲ་བ་དྲ་ཕྱེད་དུ་བཀོད། ཁྱིམ་ཕུག་ཏུ་ལཱ་ཌོས་གིས་མཚོན་པའི་མངར་ཟས་རིགས་དང་འཇའ་ཚོན་ལྟ་བུའི་བཟའ་བཏུང་གི་སྡེར་ཁ་སྒྲིག་ཅིང་། མཚན་གང་བོར་ཤོག་སྤག་སྒྲ་ཆེན་དང་ཚོན་མདངས་ཅན་ཅི་རིགས་སྤར་ཏེ་ཁྱིམ་མཚེས་དག་གི་གཉིད་གཅོག་པར་བྱེད། བ་ལང་མཆོད་པ་སོགས་ངོ་མཚར་བའི་བྱེད་སྒོ་སྣ་ཚོགས་ཉིན་ལྔའི་རིང་སྤེལ།
གལ་སྲིད་འདིའི་ཉིན་ཕྲུ་གུ་ཞིག་སྐྱེས་ན་དེ་ལྷ་རུ་བཀུར། དེང་སང་ཧིན་རྡུའི་ཆོས་ལུགས་པ་མ་ཟད་སིཀ་རིང་ལུགས་པ་དག་གིས་ཀྱང་འདི་ཆོས་ཀྱི་དུས་ཆེན་གལ་བོ་ཆེར་བརྩི། ད་དུང་རྒྱ་གར་ལས་གཞན་བལ་ཡུལ་དང་། པར་ཀི་སྠིན། ཤྲིལིངྒ། བྷང་ལ་ངྷེ་ཤི མ་ལེ་ཤིས་ཡ། སིངྒ་ཕོར་སོགས་སུ་དུས་ཆེན་འདི་ལ་རོལ་མཁན་ཧ་ཅང་མང་ངོ་།།
མཆོད་མེའི་དུས་ཆེན།
དགའ་བྱེད་མི་ལོ་བཅུ་བཞིར། །
རིལ་སུལ་ཉུལ་ནས་བསྐྱལ་སོང་། །
སི་ཏ་སྲིན་རྒྱལ་ལག་ནས། །
རང་ལག་བསུ་ནས་ལོག་བྱུང་། །
མགྲིན་བཅུ་བསྒྲལད་བའི་དགའ་སྟོན། །
ཨ་ཡོ་དྷི་ཡར་བསུ་དུས། །
མར་མེའི་ཕྲེང་བའི་མཆོད་པ། །
མུ་སྟེགས་དགའ་སྟོན་རྙིང་པ། །
ཀརྡོ་གཉེར་ཕྱག་པ་ལགས་ཀྱིས་དྲན་སྐུལ་གནང་བར་དགའ་ཡོད། ནམ་རྒྱུན་བྲེལ་སྟབས་ཀྱིས་ཅི་ཞིག་བྲིས་རུང་ཁ་མ་ཚང་བའམ་ལྷག་པ་སོགས་སྐྱོན་མང་པོ་ཡོང་གི་འདུག འདིར་ངས་གལ་གནད་རེ་ཆད་བཞག ངྷི་ཝ་ལིའི་ནང་དོན་བོད་སྐད་དུ་མར་མེའི་མཆོད་པ་ཡིན་པ་དང་། དུས་ཆེན་འདི་ལ་ལོ་ངོ་སྟོང་ཕྲག་གི་ལོ་རྒྱུས་ལྡན་པ། བྲམ་ཟེ་ཆོས་ལུགས་པའི་དུས་ཆེན་ཡིན་པ་སོགས་རེད། ཁ་ཅིག་འདི་ནང་པའི་དུས་ཆེན་ཡིན་རབས་བཤད་འདུག་པས་དེའི་སྐོར་མཁྱེན་མཁན་རེ་ཨེ་ཡོད།
སྙན་རྩོམ་ལགས་སོ། འདིའི་དུས་ཆེན་དེ་ཕྱིའི་རྒྱལ་མ་ལ་ཤ། སིངྒཱ་པུར། དེ་བཞིན་བལ་ཡུལ་སོགས་སུའང་ཆོས་རྒྱུད་ཧིནྡུ་པ་རང་ཡིན་མ་གཏོགས་ཆོས་རྒྱུད་གཞན་ནང་པ་ཡེ་ཤུ་ཁ་ཆེས་སོགའ་ཀྱིས་དུས་སྟོན་རོལ་བར་དཀའ་བས་ཡ་མཚན་རྒྱུ་དེ་བས་ཅང་མེད་དོ་སྙམས་སོ།
ཐེ་བོ་སངས་རྒྱས་ལགས་འདི་ནི་རྒྱ་གར་གྱི་ར་མ་རྡི་ལ་མཆོད་པ་བྱེད་པའི་དུས་ཞིག་ཡིན་པ་ལས་ལོ་གསར་ཞིག་མིན་།
བྲིས་འདུག་པ་དེ་ཡིད་ལ་འབབ་པོ་བྱུང་། ལོ་སར་འདི་ལ་མར་མེའི་མཆོད་བཤམས་ག་འདྲ་བྱས་ཏེ་བྱུང་བ་རེད་ལགས
བྲིས་འདུག་པ་དེ་ཡིད་ལ་འབབ་པོ་བྱུང་། ལོ་སར་འདི་ལ་མར་མེའི་མཆོད་བཤམས་ག་འདྲ་བྱས་ཏེ་བྱུང་བ་རེད་ལགས།
དགའ་བྱེད་དེ། རྰམ་ནི། ལྷ་ཁྱབ་འཇུག་གི་སྤྲུལ་པར་གྲགས། ལཀྴ་མྰན་ནི། ཀླུ་ཁྱབ་འཇུག་གི་སྤྲུལ་པ་དང་། དེ་གཉིས་ཀྱི་དགྲ་ཟླ་ལངྐའི་རྒྱལ་པོ་མགྲིན་བཅུ་ནི། ལྷ་དང་ལྷ་མ་ཡིན་ལས། འཆི་མེད་དངོས་གྲུབ་ཀྱི་བདུད་རྩི་དེ་རང་གི་ལུས་ནང་གི་ལྟེ་བར་སྦས་བསྐུང་བྱས་ཡོད་ཙང་། མགྲིན་པ་རེ་རེ་ནས་བཅད་ཀྱང་། སླར་གསོས་ནས་མི་འཆི་བར། མཐར་ལྟེ་བར་མདའ་བརྒྱབས་ནས་བསྒྲལ་བར་ཤོད་སྟངས་འདི་ཕྱི་རོལ་གཏམ་བརྒྱུད་གལ་ཆེན་ཅིག་རེད། གཏམ་བརྒྱུད་འདི་མཚང་དོལ་ན་དུས་དེ་ཉིད་ནས་ཕྱི་ཆོས་འདི། ཉམས་འགྲོ་ཉན་ཡོད།
མར་མེའི་མཆོད་སྟོན་འདི། ལྷ་ལྷ་མིན་ལས་སམ། ཆོས་ཆོས་མིན་ལས་རྒྱལ་བས། རྒྱལ་བའི་དགའ་སྟོན་ཅིག་ལས། ལོ་གསར་པ་ཤར་བའི་དགའ་སྟོན་ཅིག་མ་རེད།
མར་མེ་སྤར་བ་ནི་རྒྱ་གར་བའི་མགྲོན་བསུ་བྱེད་པའི་ཡུལ་སྲོལ་རྣམ་གྲངས་ཤིག་ཆགས་ཡོད། མེ་ཏོག་གི་ཕྲེང་བ་འབུལ་བ་ནི་རང་རེས་ཁ་བཏགས་འཐེན་པ་མཚུངས་ཤིང་། བོད་ཀྱི་བླ་མ་ཕེབས་བསུ་སོགས་སུའང་རྒྱ་གར་བའི་ལུགས་བཞིན་དཀར་ཐིག་འཐེན་པ་འདི་དག་དགེ་ཆོས་ཀྱིས་བོད་ཀྱི་ཆོས་དང་འབྲེལ་བའི་བྱེད་སྒོ་ཕལ་ཆེ་བ་རྒྱ་གར་ན་འདུག་གསུངས་པ་ཧ་ཅང་བདེན།
ནང་མི་འགྲུལ་པ་ཞིག་ནང་ནས་གྱེས་དུས། འགྲོ་མཁན་གྱི་མགོ་ལ་མར་གྱི་ཆེར་ག་བརྒྱབས་པ་དང་། དབུ་ཐུག་པ། ཁ་བཏགས་བཏགས་པ་སོགས་དང་། འོངས་དུས་དཀར་ཐིག་བཏང་བ། ཁ་བཏགས་ལག་ཏུ་བཟུང་བ། བསངས་བཏང་བ། མགྲོན་ཆང་བཟོས་ནས་འགུགས་པ་སོགས་ནི། ཛམ་གླིང་གཞན་ལ་མེད་པའི་བོད་རང་གི་ཐུན་མོང་མ་ཡིན་པའི་རིག་གཞུང་ཅིག་རེད་འདུག་པས་ཀུན་གྱིསགཅེས་སྐྱོངས་མཛོད་ཅིག་གུ