དོན་འགྲུབ་བཀྲ་ཤིས་ནས།
དེ་རིང་ཕྱི་ལོ་༢༠༡༨ ཟླ་བ་༣་ཚེས་༣༡ ཉིན་བརྒྱབ་ཕྱག་ཚོད་གསུམ་པའི་ཐོག་བོད་རྒྱལ་ཡོངས་ཡོངས་རྩེད་རིགས་ཚོགས་པས་གོ་སྒྲིག་གནང་བའི་རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་པོ་ལོའི་འགྲནབབསྡུར་ཐེངས་༢༤ པ་དེ་བཞིན་རྒྱ་གར་ལྷོ་ཕྱོགས་སྦེལ་ཀོབ་བདེ་སྐྱིད་སླར་གསོའི་རྩེད་ཐང་གསར་པའི་ནང་འགོ་འཛུགས་གནང་ཡོད་པ་རེད།
དེ་རིང་རྩེད་འའགྲན་དབུ་འབྱེད་ཀྱི་མཛད་སྒོའི་སྐུ་མགྲོན་གཙོ་གདན་ས་ཆེན་པོ་སེ་ར་ཐེག་ཆེན་གླིང་སེར་སྨད་ཐོས་བསམ་ནོར་གླིང་གྲ་ཚང་གི་མཁན་རིན་པོ་ཆེ་ངག་དབང་འབྱོར་ལྡན་མཆོག་ཕེབས་ཡོད་ཅིང་དེ་བཞིན་གཟིགས་མོ་བ་སྟོང་ཕྲག་གཉིས་ཙམ་ཞིག་ཕེབས་འདུག
ཐོག་མར་འཕགས་བོད་རྒྱལ་ཁབ་གཉིས་ཀྱི་རྒྱལ་གླུ་རོལ་དབྱངས་དང་བཅས་ཏེ་བླངས་པའི་རྗེས་བོད་བསྟན་སྲིད་མི་རིགས་ཆེད་རང་ལུས་མེར་སྲེགས་གིས་བློས་གཏོང་གནང་མཁན་རྣམས་གཙོ་བོར་གྱུར་བའི་རྒྱལ་གཅེས་བོད་མི་འདས་སོན་ཡོངས་ཀྱི་ལྷག་བསམ་སྙིང་སྟོབས་རྗེས་སུ་དྲན་པའི་སྒོ་ནས་སྐར་མ་གཅིག་རིང་ངག་བཅད་མྱ་ངན་གུས་བཏུད་ཞུས་གནང་སོང་ལ་སྐུ་གྲོན་གཙོ་བོ་མཆོག་གིས་རྩེད་འགྲན་དབུ་འབྱེད་གནང་བ་དང་ཆབས་ཅིག་རྩེད་འགྲན་དེའི་འདྲ་ཞིག་ཚུགས་པར་ཡི་རངས་བསྔགས་བརྗོད་དང་འབྲེལ་སླད་མར་ཡང་རྒྱ་གར་ཙམ་མ་ཡིན་པར་ཕྱི་རྒྱལ་ཁབ་ཁག་ལ་ཁྱབ་ཐུབ་པའིི་ཡར་རྒྱས་གཏོང་ཕྱོགས་ཀྱི་བླང་དོར་གསུང་བཤད་གནང་སོང་།
བོད་རྒྱལ་ཡོངས་རྩེད་རིགས་ཚོགས་པའི་འགན་འཛིན་པ་སངས་ལགས་ཀྱི་མཛད་སྒོ་དང་འབྲེལ་བའི་ངོ་སྤྲོད་གསུང་བཤད་གནང་ཞིང་བོད་རྒྱལ་ཡོངས་རྐང་རྩེད་པོ་ལོའི་རྩེད་འགྲན་གྱི་འབྱུང་རིམ་དང་རྩེད་འགྲན་དེ་ཚོགས་དགོས་དོན་དང་དེ་བཞྀན་རྩེད་མོ་དེ་ཚགས་འཚུད་ལམ་ལྷོངས་ཡོང་སླད་བླང་དོར་གྱི་སྒྲིག་གཞི་ཁག་ཡག་པོ་སྲུང་དགོས་པའི་འབོད་སྐུལ་དེ་ལྟར་གནང་ཡོད་སྒྲ།།
མཐའ་དོན་བོད་ཕྲུག་ཁྱིམ་སྡེའི་སློབ་ཕྲུག་གི་ངོས་ནས་རྟེན་འབྲེལ་མཚོན་ཆེད་ཡར་ཀླུང་བཀྲིས་ཞོལ་པའི་འཁྲབ་སྟོན་དང་དེ་བཞིན་གཞས་སྣ་ཁག་ཅིག་གཟིགས་འབུལ་ཞུས་པའི་སྒོ་ནས་ དེ་རིང་ཉིན་དང་པོའི་འགྲན་བསྡུར་ནང་ཐོག་མ་དེ་སྦེལ་ཀོབ་བོད་མིའི་གཞིས་ཆགས་གྷོ་ལ་ཐ་ལ་རུ་ཁག་དང་སྦེལ་ཀོབ་བདེ་སྐྱིད་སླར་གསོའི་རུ་ཁག་་ཀ་པ་གཉིས་དབར་འགྲན་བསྡུར་གནང་སོང་།
རྩེད་འགྲན་དེ་བཞིན་དེ་རིང་ཕྱི་ཚེས་ ༣༡ ཉིན་ནས་ཕྱི་ཟླ་ ༤ ཚེས་ ༡༠ བར་ཚོགས་གནང་གི་ཡོད་པ་རེད་ཐེངས་འདིའི་འགྲན་སྡུར་ནང་རྒྱ་གར་དང་བལ་ཡུལ། ཁེ་ན་ཌ་བཅས་ནས་ཁྱོན་རྩེད་འགྲན་རུ་ཁག་ ༡༩ ཡིས་ཐོ་འགོད་དེབ་སྐྱེལ་བྱས་ཡོད་པ་དང་། འགྲན་སྡུར་སྐབས་རྩེད་འགྲན་གྱི་འགྲོ་ལུགས་ལྟར(League Cum knock out System)རུ་ཁག་རེར་ཉུང་མཐར་ཐེངས་གཉིས་རེར་འགྲན་སྡུར་བྱེད་པའི་གོ་སྐབས་ཡོད་འདུག
སང་ཉིན་མུ་མཐུད་བོད་ཕྲུག་ཁྱིམ་སྡེའི་སྤྱི་མཐུན་རུ་ཁག་དང་སྦེལ་ཀོབ་གྷོ་ལ་ཐལ་རུ་ཁག་གཉིས་་དང་་་གྷོ་བ་རུ་ཁག་དང་་ཀོ་ཐ་གྷི་རི་རུ་ཁག ་ DYSA དར་ཆེ་གླིང་རུ་ཁག་དང་་ སམ་བྷོ་ཌ་རུ་ཁག སྦེལ་ཀོབ་བདེ་སྐྱིད་སླར་གསོ་ཪུ་ཁག་ཁ་པ་དང་་Vicotry་ལྦིག་ཀོ་ཀྲོ་རི་རུ་ཁག་བཅས་རུ་ཁག་བཅུ་དབར་འགྲན་བསྡུར་གནང་རྒྱུ་རེད་འདུག
རྩེད་འགྲན་ཚགས་ཚུད་ཡོང་སླད་བདེ་སླར་ས་གནས་མགོ་འཛིན་ལྷག་པ་ཚེ་རིང་ལགས་ཀྱི་སྣེ་འཁྲིད་འགན་འཁུར་འོག་རྩེད་འགྲན་གོ་སྒྲིག་ཚོགས་ཆུང་ཞིག་བཙུགས་ཡོད་པ་དང་། ཚོགས་ཆུང་འདིའི་ནང་བོད་རྒྱལ་ཡོངས་རྩེད་རིགས་ཚོགས་པའི་འཛིན་སྐྱོང་གི་ཚོགས་མི་རྣམ་པ་དང་། བདེ་སླར་མཉམ་འབྲེལ། བདེ་སླར་རྩེད་རིགས་ཚོགས་ཆུང་གི་ཚོགས་མི། གཞིས་གྲོང་ཁག་གི་མགོ་དཔོན། གཞན་ཡང་སྦེལ་ཀོབ་བདེ་སླར་བོད་མིའི་གཞིས་ཆགས་ཀྱི་གཞུང་འབྲེལ་མིན་པའི་ཚོགས་སྐྱིད་ཁག་བཅས་ཡོད་འདུག
རྩེད་འགྲན་དེ་བཞིན་ཐོག་མར་ཕྱི་ལོ་༡༩༨༡ ལོར་སྤྱི་ནོར་གོང་ས་སྐྱབས་མགོན་སྐུ་འཕྲེང་བཅུ་བཞི་པ་ཆེན་པོ་མཆོག་གི་རྒྱལ་ཡུམ་ཆེན་མོའི་བཀའ་དྲིན་རྗེས་དྲན་ཆེད་དུ་འགོ་འཛུས་ཞུས་ཡོད་པ་དང་བོད་མིའི་སྤྱི་ཚོགས་ནང་དགའ་མོས་ཆེན་པོ་ཞུ་བཞིན་ཡོད་པ་རེད།
གོང་གསལ་རྩེད་འགྲན་ནང་མཉམ་ཞུགས་གནང་མཁན་རུ་ཁག་དེ་རྣམས་ནི སྦེལ་ཀོབ་བདེ་སྐྱིད་སླར་གསོ་རུ་ཁག་ཀ་པ་དང་ཁ་པ བོད་ཁྱིམ་སྤྱི་མཐུན་རུ་ཁག གྷོ་ལ་ཐ་ལ་རུ་ཁག མོན་གྷོ་འདོད་རྒུ་གླིང་ན་གཞོན་རྩེད་རིགས་ཚོགས་པ། བལ་ཡུལ་མཆོད་རྟེན་རུ་ཁག་ བདེ་སྐྱིད་གླིང་སམ་བྷོ་ཏྲ་རུ་ཁག དང་ཟུར་དམག་མིའི་རུ་ཁག སྒང་ཏོག་རུ་ཁག ལ་དགས་སོ་ནམ་གླིང་རུ་ཁག་ ལྡི་ལི་བསམ་ཡས་གླིང་རུ་ཁག ཀོ་ལི་གྷལ་དོན་ལྡན་གླིང་རུ་ཁག་། སྦེང་ལོར་ཏ་བླའི་བླ་མ་མཐོ་སློབ་རུ་ཁག ཆོལ་གསུམ་རུ་ཁག ཅ་ནིལ་མཚམས་རུ་ཁག དོན་གྲུབ་གླིང་རུ་ཁག ཧུན་སུར་རབས་རྒྱས་གླིང་རུ་ཁག ་གྷོ་བ་རུ་ཁག་བཅས་རུ་ཁག་བཅས་རེད་འདུག