རྒྱ་ནག་གི་རྩ་ཁྲིམས་ནག་འདེད་བྱ་རྒྱུ་ཐབས་མཆོག་རེད།

Comments (16) on “རྒྱ་ནག་གི་རྩ་ཁྲིམས་ནག་འདེད་བྱ་རྒྱུ་ཐབས་མཆོག་རེད།”

1. གྲོགས་པོ་ལགས། བདེ་མོ། ཁྱེད་ཀྱིས་ཉིན་མཚན་ཀུན་ཏུ་འདི་འདྲའི་ཕྱོགས་སུ་བསམ་བློ་བཏང་ནས་བཞུགས་བཞིན་པ་དེར་འཚམ་འདྲི་ཞུ་བཞིན་ཡོད། ཕོར་བ་དཀྲི་མཚམས་བཞག་ནས་ནང་ལ་སླེབས་ཚར་ཟིག་ཡིན། ཁ་པར་ཨང་གྲངས་གསར་བ་དེ་འདིར་འཇོག་རོགས། ཀླུ་ནས།

2. ཁྱེད་ཀྱིས་ཤོད་འདོད་པ་གཙོ་བོ་འདི་རེད་པས།
   རང་ལུས་མེར་བསྲེགས་གི་གྲངས་འབོར་གི་ཚད་འདི་འདྲ་ཞིག་ལ་བསླེབས་ཡང་ཚོར་བ་དང་། གྲུབ་འབྲས་ཡར་འཕེལ་པ་ལས་ལྡོག་ཏེ་མར་ཆགས་ཤག དཔེར་ན། ཨ་ལེ་ ཡང་མེར་བསྲེགས་འདུག་གས། ཞེས་པའི་ཚད་རིམ་འདིར་བསླེབས་འདུག་ཟེར་ན་་་་་་་། ད་གང་དྲག

3. ཨ་རོཊ་ཚོ། མདོ་དབུས་ཁམས་གསུམ་ན་ཁྲག་གི་འཁོར་ལོ་འདི་འདྲ་ཞིག་འཁོར་དོན་འདི་ང་ཚོ་ལ་ལས་རྒྱུ་འབྲས་ཟེར་བ་དེ་འཁོར་བ་ཨེ་ཡིན་ན། གནའ་ནས་ད་བར་ང་ཚོ་བོད་པ་ཚོས་རྟ་ནོར་ལུག་གསུམ་ལ་སྡུག་བཀོད་བཀོད་ལ་བསམ་བློ་ཞིག་བཏང་ན་འདི་ལས་འབྲས་འཁོར་བ་ཡིན་རྒྱུ་རེད་བསམ་གི སྣ་ཕུག རླུག་པ་བཅད། སྒ་བསྟད། སྤག་པ་བཀོག ཕ་ཤ་དང་བུ་ཤ་ཟོས་བའི་ལས་རྒྱུ་འབྲས་ཡིན་རྒྱུ་རེད། ཨོམཎིཔདྨེ་ཧུཾ།

4. རེད་རེད།ངོ་མ་རེད།ཕར་ཕྱོགས་ཚུར་ཕྱོགས་གཉིས་ལ་ཁ་སྐོར་བ་མང་དྲགས་སོང་།དེ་བས་རང་སྟེང་ལ་བསྐོར་བ་མན་ངག་དང་ལག་ལེན་གྱི་མཆོག་ཡིན།མང་གཙོ་རེད།ཐབས་ཤེས་བྱ་རྒྱུའི་གོ་སྐབས་རང་ཉིད་ཀྱི་སྟེང་ནའང་བོད་སྤྱི་ཡོངས་ལ་ཁྱབ་པ་ལྟར་ཡོད་པ་རེད།འོན་ཀྱང་བོད་པ་ཡོངས་ལ་མེད་པ་ཞིག་ཁྱོད་ལ་མངའ་བ་ནི་བོད་ནང་གི་ཕྱི་རྒོལ་དང་བཀའ་ཤག་གསར་བའི་བར་ཁྱམས་ནས་རང་ཉིད་ཀྱིས་གོ་སྐབས་འཚོལ་རྒྱུ་དེ་ཙམ་མ་ཡིན་ནམ།ཏག་ཏག་མེད་ན་ཁྱོད་ཀྱིས་ཐབས་ལམ་ཞིག་འདོན་སྲིད་ན་ཐང་།ལོ་ཕྱེད་ཙམ་གྱི་རིང་གི་ཁྱོད་ནི་དེ་ལྟ་བུ་ཞིག་མ་ཡིན་པར་སུ་ཞིག་གིས་གྲིབ་གཟུགས་ཙམ་ཡིན་པ་ཚོར་བྱུང་།

5. ངོ་རྒོལ་གྱི་ཉེན་བརྡའི་སྒྲོན་སྟེགས་ཡིན་པ་ལས་འ་ཆད་འུ་ཐུག་གི་བྱ་སྤྱོད་མ་རེད།།གློག་འཕྲིན། པར་འདེབས། ཕི་ཌི་ཨེཧཕ།
   ཁུ་རི་སུ་ཊོབ་ཧྥེ བྷེ་སུའུ་ཆེས་བརྩམས། མང་རའི་གངས་ཐིགས་ཀྱིས་བསྒྱུར།༼ཝཱ་ཎ།༽
   ངས་ ཁྱོད་ཚོ་ང་ནང་བཞིན་ཡིན་མིན་ཧ་གོ་ཡི་མེད། ཡིན་ནའང་གསར་འགྱུར་བརྒྱུད་ལམ་དང་བཙན་བྱོལ་བོད་མི་ཚོས་ཉིས་སྟོང་དགུ་ལོ་ནས་ བཟུང་བོད་ནང་དུ་འབྱུང་བཞིན་པའི་རང་ལུས་མེར་བསྲེགས་ཀྱི་ངོ་རྒོལ་འདི་ལ་“འ་ཆད་ འུ་ཐུག་”ཅེས་པའི་རྒྱུན་སྤྱོད་ཀྱི་རྒྱན་ཚིག་འདིས་ཞིབ་འབྲི་གནང་བཞིན་པ་མཐོང་ དུས་
   ངའི་སེམས་པར་ན་ཟུག་དྲག་པོ་ཞིག་གཏོང་གི་འདུགངས་རྩོམ་ཡིག་འདི་འབྲི་དུས་བར་དུ་ བོད་ནང་རང་ལུས་མེར་བསྲེགས་ཀྱི་དོན་རྐྱེན་བཅུ་བདུན་བྱུང་ཚར་འདུག “དོན་དངོས་ཀྱི་འ་ཆད་འུ་ཐུག་གི་བྱ་སྤྱོད་” དམ “འ་ཆད་འུ་ཐུག་གི་རང་ལུས་མེར་བསྲེགས་”ཞེས་པའི་བཤད་རྒྱུན་འདི་ལྟ་བུ་དག་ནི་ རྒྱུན་ལྡན་གྱི་ཐ་སྙད་ཀྱི་གྲུབ་ཆ་ཞིག་ཏུ་གྱུར་ཚར་འདུག་ཅིང་རང་འགུལ་ངང་བསྐྱར་ ཟློས་ཡང་ཟློས་བྱེད་བཞིན་འདུག འདི་ལ་བལྟས་དེ་བཤད་ན་རྩོམ་པ་པོ་དང་གཞུང་ཞབས་པ། ཆབ་སྲིད་པ་ཚོས་བྱ་སྤྱོད་འདི་ཚོའི་རྒྱབ་ལོག་གི་གཞི་རྒྱ་ཆེ་བའི་དམིགས་ཡུལ་དག་ ལ་ཞིབ་དཔྱོད་ཅིག་བྱེད་དགོས་ཀྱི་མི་འདུག་སྙམ་གྱི་ཡོད་པ་འདྲ།
   ཐ་ སྙད་ཀྱི་འབྱུང་ཁུངས་ངོས་ནས་བརྗོད་ན་འ་ཆད་འུ་ཐུག་གམ་ desperation ཞེས་པ་འདི་ལ་ཊིན་སྐད་ནང་གི་desperatus ལས་བྱུང་བ་རེད། དེ ནི་“རེ་བ་བྲལ་བའི་” དོན་རེད། ངོ་རྒོལ་གྱི་ལས་འགུལ་ལ་སྦྱར་ཚེ་སྡུག་བསྔལ་དང་སྐྱོ་སྣང་གི་ཚོར་བ་ཞིག་སྤྲོད་ ཀྱིན་ཡོད། ཨབ་གྷན་སི་ཐན་དུ་བུད་མེད་རྒན་གཞོན་ཚོས་རང་ལུས་མེར་བསྲེགས་བཏང་བ་དེ་ནི་“འ་ ཆད་འུ་ཐུག་གི་བྱ་སྤྱོད”་ཅིག་ལ་ཕལ་ཆེར་ངོས་འཛིན་བྱེད་ཆོག་པ་རེད། གང་ཡིན་ཞེ་ན། རང་ལུས་མེར་བསྲེགས་༼༢༠༠༩ ལོའི་ཟླ་༣ པ་ནས་༢༠༡༠ ལོའི་ཟླ་༣ པའི་བར་དུ་རང་ལུས་མེར་བསྲེགས་ཀྱི་དོན་རྐྱེན་༡༠༣ བྱུང་ཡོད་པར་སྨྲ།༽ ༼༡༽ གཏོང་མཁན་ཚོ་ནི་རྒྱུན་ཆད་མེད་པའི་རྒྱལ་ནང་གི་དྲག་སྤྱོད་དང་དམའ་འབེབས་འོག་ འཚོ་སྡོད་བྱེད་པ་ལས་ཤི་བ་ལ་དགའ་མོས་གནང་ཡོད་པ་རེད། ཁོང་ཚོའི་ཀུན་སློང་སྐོར་ལ་དྲི་བ་འདྲི་དུས་རང་ལུས་མེར་བསྲེགས་ཁྲོད་ལམ་ལྷོང་ མ་བྱུང་བའི་ཨབ་གྷན་བུད་མེད་ཚོས་ཁོང་ཚོ་ལ་“ལམ་ཁ་གཞན”་མ་བརྙེད་པའི་ཚོར་བ་ བྱུང་བར་བརྗོད་འདུག དེའི་ནང་གི་བུད་མེད་གཅིག་ལ་བུད་མེད་གཞན་པ་ཚོར་འབོད་སྐུལ་ག་རེ་ཡོད་མེད་དྲིས་ དུས་“རང་ལུས་མེ་ལ་མ་བསྲེགས་རོགས། གལ་ཏེ་ཁྱོད་ཀྱིས་ལམ་ཁ་གཞན་འཚོལ་འདོད་ཡོད་ན་མེ་མདའ་བེད་སྤྱོད་གནང་རོགས། དེ་ལ་ཟུག་རྔུ་ཆུང་བ་འདུག་”ཅེས་ཐ་ན་འདི་ལྟར་ལན་བཏབས་ཡོད་པ་རེད།༼ ༢ ༽
   བོད་ མི་ཚོའི་རང་ལུས་མེར་བསྲེགས་ནི་རྦད་དེ་ལོག་པ་རེད། རྒྱུ་མཚན་དང་པོ། བོད་མི་ཚོ་ནི་རླབས་ཆེན་གྱི་བྱ་གཞག་ཅིག་གིས་བསྐུལ་ཏེ་རང་ལུས་མེར་བསྲེགས་ གཏོང་གི་ཡོད་པ་ལས་སེམས་ཞུམ་པ་དང་སྤྱི་ཚོགས་ཀྱི་གནོན་ཤུགས་དང་དཔལ་འབྱོར་གྱི་ དཀའ་ངལ་འོག་ནས་རང་ལུས་མེར་བསྲེགས་བཏང་བ་གཏན་ནས་མ་རེད། འདི་ནི་ད་ཡོད་ཀྱི་བདེན་དཔང་ཚང་མས་སྟོན་གྱི་ཡོད། དཔེར་ན། ཕྱི་ཟླ དང་པོའི་ཚེས་བརྒྱད་ཉིན་མགོ་ལོག་དར་ལག་ཏུ་རང་ལུས་མཆོད་འབུལ་གནང་མཁན་སྤྲུལ་ སྐུ་བསོད་བྷ་མཆོག་གིས་“ངས་རང་ལུས་མེར་བསྲེགས་གཏོང་དོན་ནི་ང་སྒེར་གྱི་ཁེ་ཕན་ དང་ཡང་ན་དཀའ་ངལ་གྱི་དབང་གིས་མིན། བོད་མི་ས་ཡ་དྲུག་གི་རང་དབང་གི་ཆེད་དང་༧གོང་ས་ལྷ་མིའི་རྣམ་འདྲེན་༧རྒྱལ་དབང་ བསྟན་འཛིན་རྒྱ་མཚོ་མཆོག་བོད་དུ་གདན་འདྲེན་གནང་བའི་ཆེད་དུ་ཡིན། ”༼༣༽ཞེས་འདི་ལྟར་ཕྱག་བྲིས་གནང་ཡོད། རྒྱུ་མཚན་གཉིས་པ། གལ་ཏེ་བོད་མི་ཚོའི་རང་དབང་གཞན་གྱིས་འཕྲོག་ཡོད་ནའང་རེ་བ་འཕྲོག་མེད། ཕྱི་ལོ་༡༩༩༨ ལོའི་ཟླ་༥ པའི་ནང་ལྡི་ལི་གསར་པ་རུ་ཐེངས་དང་པོར་རང་ལུས་མེར་བསྲེགས་གཏོང་མཁན་དཔའ་བོ་ཐུབ་བསྟན་དངོས་གྲུབ༼༤༽་ནས་བཟུང་རང་ལུས་མེར་བསྲེགས་གཏོང་མཁན་གཞན་དག་གི་རྒྱབ་ ལྗོངས་ཀྱི་གནས་ཚུལ་གང་ལ་བལྟས་ཀྱང་ཚང་མ་མི་བུ་བདེ་ཐང་ཅན་དང་སྐྱིད་པོ་ཅན་ཤ་ སྟག་རེད།། ཁོང་ཚོ་ཚང་མས་རང་སྲོག་བློས་གཏོང་བྱེད་དོན་ནི་རྒྱ་ནག་གིས་བོད་བདག་བཟུང་བྱས་ བར་འཐབ་རྩོད་བྱེད་པའི་ཆེད་ཡིན་པ་ལས་ཤི་དགོས་པའི་རྒྱུ་མཚན་གཞན་མེད། ད་དུང་སྤྲུལ་སྐུ་བསོད་བྷས་ཁོང་གི་ཆབ་སྲིད་ཀྱི་ཁ་ཆེམས་ནང་འ་ཆད་འུ་ཐུག་མིན་ པའི་སྐོར་ལ་“བོད་མི་ཚོས་འབྱུང་འགྱུར་ལ་རེ་བ་བརླག་མི་རུང་། བདེ་སྐྱིད་ཀྱི་ཉི་མ་ཞིག་འཆར་ཡོང་ངེས་རེད”་ཅེས་གསལ་གསལ་ཐིང་ཐིང་ངང་གསུངས་ ཡོིད། འདི་ལྟ་བུའི་ཡིད་ཆེས་ཟབ་མོ་ཞིག་ཤ་ཉེ་གཞན་དག་ལའང་སྐྱེས་ཀྱི་ཡོད་དེ་ཕྱི་ཟླ་ དང་པོའི་ཚེས་བཅུ་བཞི་ཉིན་དགུང་ལོ་ཉེར་གཉིས་ཅན་གྱི་རང་ལུས་མེར་བསྲེགས་གཏོང་ མཁན་ན་གཞོན་བློ་བཟང་འཇམ་དབྱངས་ལགས་ཀྱི་ཨ་མས་“ང་ཚོ་ནང་མི་ཚོ་ཁོང་གི་འདས་གྲོངས་ལ་འགྱོད་པ་སྐྱེས་ཀྱི་མེད། གང་ཡིན་ཞེ་ན། ཁོང་གིས་བོད་དོན་ཆེད་དུ་རང་སྲོག་བློས་བཏང་བ་རེད།” ཅེས་བསྒྲགས་ཡོད། ༼ ༥ ༽ འདི་ལྟ་བུའི་འཇིགས་སྣང་མེད་པའི་ངོ་རྒོལ་ལས་བྱུང་བའི་རེ་བ་དག་གིས་བོད་ནང་དུ་རྒྱ་ནག་གི་བཙན་གནོན་ལ་འགོག་རྒོལ་བྱེད་མཁན་དག་ལ་ཤུགས་རྐྱེན་ཆེན་པོ་ཞིག་ཐེབས་ཏུ་ བཅུག་ཡོད
   གསང་ཉུལ་བའི་ཉེས་མིང་འོག་རྒྱའི་བཙོན་ཁང་ཞིག་ནང་ལོ་དྲུག་རིང་བཙོན་འཇུག་བྱས་ པའི་རོལ་མོ་བ་དང་གློག་བརྙན་བཟོ་སྐྲུན་པ་བློ་བཟང་ཆོས་འཕེལ་ལགས་ཀྱིས་ཉེ་ཆར་ གསུང་དོན། “༡༩༩༧ ལོར་ང་བཙོན་ཁང་ནང་ཡོད་དུས་རྒྱ་གར་ནང་དཔའ་བོ་ཐུབ་བསྟན་དངོས་གྲུབ་ཀྱིས་རང་ ལུས་མེར་བསྲེགས་བཏང་པའི་སྐོར་གོ་སོང། ༼་་་་་་་་་་༽ ང་ལ་བོད་ནང་གི་ཆབ་སྲིད་བཙོན་པ་ཡོངས་རྫོགས་བཞིན་བློ་སྟོབས་རྒྱས་སུ་བཅུག་ སོང་། རྒྱུ་མཚན་ཅི་ཡིན་ཞེ་ན་ང་ཚོ་ཚང་མས་བོད་ཀྱི་ཆེད་དུ་དོན་དག་ཅིག་འབྱུང་ངེས་རེད་ བསམས་སོང་།” ཁོང་གིས་མུ་མཐུད་བརྗོད་དོན། “ལོ་རྒྱུས་ཀྱི་རང་བཞིན་ལྡན་པའི་དཔའ་བོ་ཐུབ་བསྟན་དངོས་གྲུབ་ཀྱིས་རང་སྲོག་ བློས་གཏོང་དེས་བོད་ནང་གི་བོད་མི་མང་ཆེ་ཤོས་ལ་བློ་སྟོབས་དང་སེམས་འགུལ་ཐེབས་ ཡོད་པ་ངས་ཁ་ཚོན་བཅད་ནས་བཤད་ཐུབ་
   ངོ་ རྒོལ་གྱི་ལས་འགུལ་འདི་ཚོ་གང་རུང་ནང་དུ་འ་ཆད་འུ་ཐུག་དང་རེ་བ་སྟོང་ཟད་ཡིན་ པའི་ཚོར་བ་མེད་པ་ངེས་གཏན་ཡིན་པ་ང་ཚོས་ཤེས་གསལ་རེད། རང་ལུས་མེར་བསྲེགས་ཀྱི་ལས་འགུལ་འདི་དག་ནི་བོད་ནང་གི་ལས་འགུལ་རེ་རེ་དང་འདྲ་ བར་རེ་བ་ཆེན་པོ་དང་སེམས་ཐག་གཙང་བཅད། ཡིད་ཆེས་ཀྱི་བསྐྱར་གསོའི་ནུས་པ་ལྡན་པའི་དཔེ་མཚོན་གསོན་པོ་ཁོ་ན་རེད། བློས་གཏོང་འདི་ཚོས་རྒྱལ་ཁབ་ཧྲིལ་བོ་ཞིག་གི་རྨི་ལམ་དང་བསམ་བློའི་སྟོབས་ཤུགས་ མཚོན་གྱི་ཡོད། དེར་བརྟེན། འདི་ཚོ་སྣང་མེད་དང་ཟུར་ཟའི་ངང་ཡིད་སེམས་སྐྱོ་བའི་མི་སྒེར་ཞིག་གི་བྱ་སྤྱོད་ ཀྱི་ངོ་བོར་གཏན་ནས་བསྒྱུར་མི་རུང་།“འ་ ཆད་འུ་ཐུག”་
   ཅེས་པའི་ཐ་སྙད་འདི་བེད་སྤྱོད་ལོག་པར་༼མི་མང་པོ་ཞིག་གིས་བསམ་བཞིན་མ་ཡིན་པའི་ཐོག་ནས་བེད་སྤྱོད་གཏོང་གི་ཡོད་སྲིད།༽གཏོང་བཞིན་པ་འདི་ཡིས་ དཔའ་རྒོད་ཀྱི་སྤྱོད་ལམ་འདི་ཚོ་ལ་གནོད་སྐྱོན་གཏོང་གིན་འདུག འདི་ངེས་པར་དུ་ཐེར་འདོན་བྱེད་དགོས། རྒྱུ་མཚན་གཅིག་ནི་འདི་ཡིས་མི་སྒེར་གྱི་དྲན་ངོས་ལ་རྨས་སྐྱོན་གཏོང་གིན་ཡོད་པ་ མ་ཟད་དཔའ་བོ་དཔའ་མོ་དེ་དག་གི་ཀུན་སློང་དང་མངོན་འདོད། བློ་ཐག་རྦད་གཅོད་ལ་བརྩི་བཀུར་བྱེད་ཀྱི་མེད་པ་མཚོན་གྱི་ཡོད། སྙིང་པོ་དབེན་པའི་ཟུག་རྔུ་དྲག་པོ་དང་འ་ཆད་འུ་ཐུག་ལ་ནན་བརྗོད་མང་པོ་གནང་ན་ དཔའ་ཉམས་ལྡན་པའི་བྱ་སྤྱོད་ཅིག་ཉེན་གཡོལ་གྱི་ཐབས་བཀོད་ཙམ་ཞིག་ལ་ངོས་འཛིན་བྱ་ བར་འཇུག་སྲིད་ལ་ཆེས་སྡུག་ས་ནས་བརྗོད་ན་གཉོམ་ཆུང་དང་སྡེར་མའི་མཚོན་རྟགས་ཤིག་ གི་དྲན་སྐུལ་དུ་འགྱུར་སྲིད། འདི་ཡིས་ལུས་སེམས་གཉིས་ལ་གནོད་འཚེ་ཅན་གྱི་མཇུག་འབྲས་བསྐྱེད་ངེས། རྒྱ་གཞུང་གིས་རང་ལུས་མེར་བསྲེགས་གཏོང་མཁན་དག་གི་སྣང་བརྙན་ལ་དམའ་འབེབབ་གཏོང་ དགོས་པ་གསལ་པོར་ཤེས་ཀྱི་ཡོད། དཔེར་ན། སྤྲུལ་སྐུ་བསོད་བྷས་རང་ལུས་མེར་བསྲེགས་བཏང་བ་དང་རྒྱ་གཞུང་གིས་འཕྲལ་དུ་དེ་ ནི་གསང་བའི་བརྩེ་དུང་གི་རྒྱུ་རྐྱེན་ཞིག་ལ་བརྟེན་ནས་བྱུང་བ་ཡིན་སྐོར་བསྒྲགས་ པ་ལྟ་བུ་རེད། རང་ལུས་མེར་བསྲེགས་འདི་དག་ནི་རྒྱ་ནག་གི་བདག་བཟུང་ལ་འ་ཆད་འུ་ཐུག་གི་འཐབ་ རྩོད་ཡིན་ཞེས་མཚན་སྙན་བཏགས་ནའང་གནོད་སྐྱོན་ཆེ་ས་རེད།གང་ལེགས་ཞེས་ན། ང་ཚོས་འབྱུང་སྲིད་པའི་གསར་བརྗེ་ཞིག་གི་རེ་བའི་མེ་སྟག་དང་པོ་ནས་མེད་པར་བཟོ་ བཞིན་ཡོད། ཉུང་མཐར་ངྷ་རམ་ས་ལའི་བོད་ཀྱི་འགོ་ཁྲིད་ཚོའི་ཐད་ནས་བརྗོད་ན་སྐབས་འདིར་ང་ཚོས་ ཚོར་ཤེས་ཧ་ཅང་ཆེ་བའི་གནད་དོིན་ཞིག་ལ་ལག་པས་འཆིང་གིན་ཡོད།
   རང་ ལུས་མེར་བསྲེགས་གཏོང་སྐབས་མི་བུ་འདི་ཚོའི་སེམས་ལ་དམིགས་ཡུལ་ཁ་ཤས་ཡོད་ཁོ་ཐག་ རེད། ཁོང་ཚོས་ལས་འགུལ་འདི་དུས་ཡུན་ཐུང་ཐུང་ཙམ་ནང་མཇུག་རྫོགས་པར་ཕལ་ཆེར་བསམས་ཡོད་ ཀྱི་མ་རེད། དེ་ལས་ལྡོག་སྟེ། ཁོང་ཚོས་སོ་སོའི་བློས་གཏོང་འདི་གཞི་རྒྱ་ཆེ་བའི་ངོ་རྒོལ་ཞིག་གི་མེ་སྟག་ཏུ་ འགྱུར་བའི་ཆ་འཇོག་གནང་ཡོད་ཀྱི་རེད། དུས་རྒྱུན་ཁོང་ཚོའི་དམིགས་ཡུལ་ནི་བོད་ནང་གི་རྒྱ་ནག་གི་དྲག་གནོན་ལ་འཛམ་གླིང་ གི་དོ་སྣང་ཡོང་བའི་ཆེད་དུ་ཡིན་པར་འགྲེལ་བརྗོད་གནང་གི་ཡོད་པ་རེད། འདི་ནི་ཡང་དག་པ་ཞིག་གཏན་ནས་མ་རེད། བོད་ཕྱི་ནང་གི་བོད་མི་མང་ཆེ་ཤོས་ཀྱིས་ཕྱི་རྒྱལ་ཁབ་དག་ལ་རེ་བ་རྒྱག་གི་མེད་ལ་ ཁོང་ཚོ་ལ་དོན་ཕན་ལྡན་པའི་ཆབ་སྲིད་ཀྱི་རོགས་རམ་གནང་བར་རེ་བ་དངོས་གནས་རྒྱག་ གི་ཡོད་པ་མ་རེད། མ་ཟད། རང་ལུས་མེར་བསྲེགས་གཏོང་མཁན་ཚོས་ཁོང་ཚོའི་ཁ་ཆེམས་ནང་དུ་མཉམ་འབྲེལ་རྒྱལ་ ཚོགས་དང་ཕྱི་རྒྱལ་གྱི་སྲིད་གཞུང་གང་ལའང་གཞོགས་འདེགས་ཡོང་བའི་བརྡ་ལན་བཞག་མི་ འདུག རང་ལུས་མེར་བསྲེགས་འདི་ཚོའི་དམིགས་ཡུལ་ཆེ་ཤོས་ནི་བོད་མི་ཚང་མ་རྡོག་རྩ་གཅིག་ སྒྲིལ་གནང་སྟེ་རྒྱ་ནག་གི་བདག་བཟུང་ལ་འཐབ་རྩོད་བྱེད་པའི་དུང་བརྡ་སྒྲོག་པའི་ ཆེད་ཡིན་རྒྱུ་རེད། འདི་ཁོང་ཚོས་བསམ་བཞིན་དུ་འཆར་གཞི་ཕལ་ཆེར་བཏང་ཡོད་ཀྱི་མ་རེད་ཡིན་ཡང་སྔོན་ ཚུད་ནས་ཚོད་དཔག་གནང་ཡོད་ངེས་པ་རེད། འདི་ལ་ཐེ་ཚོམ་བྱེད་དགོས་དོན་མི་འདུག ཁ་གཏད་དུ་ལངས་པའི་བྱ་སྤྱོད་འདི་ཡིས་ངོ་རྒོལ་བྱེད་པའི་འདུན་པ་ཡོད་མཁན་ཚོ་ལ་ དངོས་གནས་ངར་ཤུགས་བསླངས་ཡོད་པ་རེད་ལ་གདོང་རྒོལ་བ་ཚོས་འདི་ལྟ་བུའི་གཅིག་ རྗེས་གཉིས་མཐུད་དུ་འབྱུང་སྲིད་པའི་གནས་ཚུལ་ལ་སྔ་མོ་ནས་བསམ་གཞིགས་གནང་ཡོད་ ངེས་རེད། སྤྲུལ་སྐུ་བསོད་བྷས་རང་ལུས་མེར་བསྲེགས་བཏང་རྗེས་མགོ་ལོག་ས་ཁུལ་དུ་བོད་རང་ བཙན་ལ་རྒྱབ་སྐྱོར་གྱི་ངོ་རྒོལ་བྱུང་འདུག་ཅིང་། བློ་བཟང་འཇམ་དབྱངས་ལགས་ཀྱིས་རང་ལུས་མེར་བསྲེགས་གནང་རྗེས་རྔ་བ་རུ་དེ་མཚུངས་ ཀྱི་ངོ་རྒོལ་བྱུང་སོང་། ཕྱི་མ་འདི་ནི་སྐོར་སྲུང་དམག་མི་དག་གིས་བློ་བཟང་འཇམ་དབྱངས་ལགས་ལ་དམར་ལམ་ལམ་ གྱི་མེ་ལྕེའི་ཁྲོད་དུ་ད་དུང་མི་སྤྱོད་ལས་འདས་པའི་མནར་གཅོད་བཏང་པ་ལ་བརྟེན་ ནས་མི་དམངས་ཀྱི་ངོ་རྒོལ་བྱུང་བ་འདྲ་ནའང་། ལས་འགུལ་འདི་ཚོས་དོན་རྐྱེན་འདི་དག་སྐུལ་རྫས་ལྟར་མྱུར་ཚད་ཇི་ལྟར་ཇེ་མགྱོགས་ སུ་བཏང་བ་གསལ་གསལ་ཐིང་ཐིང་གིས་སྟོན་གྱིན་ཡོད།
   བོད་ མི་རང་ལུས་མེར་བསྲེགས་གཏོང་མཁན་སྤྱི་དང་ལྷག་པར་དུ་ལས་འབྲས་ཀྱི་ལྟ་གྲུབ་ལ་ ཐོས་བསམ་བྱས་མྱོང་པའི་གྲྭ་བ་དང་བཙུན་མ་ཚོས་ཁོང་ཚོའི་བྱ་སྤྱོད་ཀྱིས་ཧ་ལས་ པའི་མཇུག་འབྲས་ཤིག་བསྐྱེད་ཐུབ་པ་དང་དེ་དག་གིས་ཁོང་ཚོའི་བློ་མཐུན་རྒྱལ་གཅེས་ པ་དག་གི་སུན་སྣང་དང་འདོད་བློ་མ་ཁེངས་པའི་ཡིད་སེམས་འགུག་ནུས་པའི་དངོས་ཡོད་ གནས་ཚུལ་འདི་ཚོར་མེད་ན་དེ་ནི་དངོས་གནས་ཧ་ལས་ཧོན་འཐོར་དགོས་པ་ཞིག་རེད། ཁོང་ཚོས་ལོ་སྔོན་མར་མོ་ཧཱ་མེ བྷོ་ཟི་ཡི་རང་ལུས་མར་བསྲེགས་ཀྱིས་ཐུ་ནེ་ཞི་ཡའི་གསར་བརྗེ་བྱུང་བཅུག་པ་དང་དེ་ ནས་གཞི་རྒྱ་ཆེ་བའི་ཨརབ་དཔྱིད་ཀའི་གསར་བརྗེ་བྱུང་བར་སྒུལ་ཤུགས་ཐེབས་པའི་ སྐོར་གོ་ཡོད་སྲིད་ལ་མེད་ཀྱང་སྲིད། འོན་ཀྱང་། མི་དེ་ཚོས་ཁོང་ཚོའི་བྱ་སྤྱོད་ལ་བརྟེན་ནས་ཟིང་འཁྲུག་ཆེན་པོ་ཞིག་འབྱུང་ངེས་པ་ རྟོགས་ཡོད་ངེས་རེད། གཅུན་དཀའ་བའི་བོད་ནང་གི་ས་ཆ་གང་སར་ཆ་མི་མཚུངས་པའི་རྒྱ་ནག་གི་གཞོགས་འདེཊ་ དཔུང་དམག་དང་སྐོར་སྲུང་དམག་མི། SWATརུ་ཁག་བཅས་བཀྲམས་ཡོད་པར་བལྟས་ན་པེ་ཅིན་གྱིས་ངོ་རྒོལ་འདི་ཚོའི་འབར་ཤུགས་ རང་བཞིན་རྟོགས་ཀྱིན་ཡོད་པ་ཐེ་ཚོམ་མེད་ཅིང་ལས་འགུལ་དེ་དག་ལས་བྱུང་བའི་འཇིགས་ སྐུལ་ལ་དོ་སྣང་ཧ་ཅང་ཆེན་པོ་བྱེད་བཞིན་ཡོད། འོ་ན། རྡ་རམ་ས་ལས་ཅིའི་ཕྱིར་གནས་སྟངས་འདིའི་ཁེ་ཕན་ལེན་གྱིན་མེད་པ་རེད།
   དབུ་ མའི་ལམ་རང་གི་བཙོན་མ་ཞིག་ཏུ་གྱུར་པའི་མཁྲེགས་བཟུང་ཅན་གྱི་བཙན་བྱོལ་བོད་ གཞུང་ལ་དངོས་འབྲེལ་བྱས་ན་རང་ལུས་མེར་བསྲེགས་ཀྱི་ལས་འགུལ་འདི་ཚོའི་ཁྱབ་ རྒྱའམ་བསྒྲུབ་བྱ་ཇེ་ཆུང་དུ་གཏོང་བའི་རྒྱུ་མཚན་ཡོད་པ་རེད། དང་པོ། ངོ་རྒོལ་འདི་ཚོས་བོད་གཞུང་གི་ཞི་མཐུན་འགྲིག་འཇགས་ཀྱི་སྲིད་བྱུས་ལ་རྒྱབ་འགལ་ བྱེད་གིན་ཡོད། མཐོ་རིམ་གཞུང་ཞབས་ཚོས་སྲིད་བྱུས་འདི་ནི་བོད་རྒྱའི་དཀའ་རྙོག་སེལ་ཐབས་ཀྱི་ ལྡེ་མིག་གཅིག་པུ་ཡིན་པའི་ཡིད་ཆེས་གནང་གིན་ཡོད། ཡིན་ནའང་དེ་ལས་ཀྱང་གལ་ཆེ་བ་ཞིག་ལ་རང་ལུས་མེར་བསྲེགས་གཏོང་མཁན་ཁ་ཤས་ཀྱིས་རང་ དབང་རང་བཙན་ལ་དགོས་འདུན་འདོན་གྱིན་ཡོད་པ་དང་གཞན་པ་ཚོས་བོད་ནི་“རྒྱལ་ཁབ”་ ཅིག་ཡིན་པའི་ཁུངས་གཏུགས་ཀྱི་ཡོད་པ་འདི་དག་གིས་“རང་སྲིད་རང་སྐྱོང་གཙང་མ་”ལ་ རྒྱབ་སྐྱོར་ཉུང་ངུ་ལས་སྟོན་གྱིན་མེད་པ་ནམ་ལངས་ལངས་དང་ཉི་ཤར་ཤར་རེད།
   དེར་ བརྟེན། བཀའ་ཁྲི་བློ་བཟང་སེངྒེས་ཝ་ཤིན་ཊོན་ཕོ་སི་ཊིའི་ནང་ལ་རང་ལུས་མེར་བསྲེགས་ཀྱི་ བྱ་སྤྱོད་འདི་ཚོ་ནི་“འ་ཆད་འུ་ཐུག་གི་བྱ་སྤྱོད་” ༼༧༽ དམ་ཡང་ན་ཉེ་ཆར་གྱི་བཅར་འདྲི་ཞིག་གི་ནང་“གྲྭ་བ་ཚོས་ཅི་བྱ་གཏོལ་བྲལ་འོག་ནས་ རང་ལུས་མེར་བསྲེགས་གཏོང་གིན་ཡོད”་༼༨༽པ་ཁྱབ་བསྒྲགས་གནང་བཞིན་པ་མཐོང་སྐབས་ཡ་ མཚར་མི་རུང་ལ། རྡོར་གདན་གྱི་དུས་འཁོར་དབང་ཆེན་སྐབས་སུ་བོད་མི་འབུམ་ཕྲག་གཉིས་ལ་ཉེ་བའི་ མདུན་ནས་བོད་ནང་གི་རང་ལུས་མེར་བསྲེགས་གཏོང་མཁན་ཡོངས་རྫོགས་ཀྱི་མཚན་ཐོ་ཀློག་ དུས་སྤྱི་ལོ་༢༠༠༩ལོའི་ཟླ་༢པའི་ནང་ཐེངས་དང་པོར་རང་ལུས་མེར་བསྲེགས་གཏོང་མཁན་ ལོ་ན་ཉི་ཤུ་ཅན་གྱི་བཀྲ་བྷེ་ཡི་མིང་ཐོ་སྐྱུར་བ་ལའང་ཧ་ལས་མི་རུང་
   རྡ་ རམ་ས་ལ་ཡིས་རང་ལུས་མེར་བསྲེགས་གཏོང་མཁན་དག་གི་དམིགས་ཡུལ་ངོ་མ་དག་ལ་ངོས་ འཛིན་བྱེད་པར་འདོད་མོས་མེད་པ་དང་ཕྱི་རྒྱལ་གྱི་བརྒྱུད་ལམ་དག་གིས་བོད་པ་ཚོས་ ཅི་ཞིག་གི་ཆེད་འཐབ་རྩོད་བྱེད་བཞིན་པ་ཇི་མ་ཇི་བཞིན་བཤད་པར་ཁས་ལེན་བྱེད་ཀྱི་ མེད་པ་ལ་མ་ལྟོས་པར་རང་ལུས་མེར་བསྲེགས་ཀྱི་བྱ་སྤྱོད་འདི་ཚོ་ངེས་མེད་དུ་མི་ འབྱུང་བའི་འགན་ལེན་བྱེད་ཆེད་ཅི་ཞིག་ཡིན་ཡང་ཛ་དྲག་གིས་སྒྲུབ་དགོས་ཀྱི་འདུག ཡིན་ནའང་། དགོན་པ་དག་གི་མཐའ་སྐོར་མཁན་དཔུང་དམག་དག་དང་བརྟན་ལྷིང་མེད་པའི་ས་ཁུལ་དག་ནས་ གཞོགས་འདེགས་དྲག་དམག་དག་ཕྱིར་འཐེན་བྱེད་དུ་བཅུག་པ་ཙམ་གྱིས་རང་ཉིད་རང་ལུས་ མེར་བསྲེགས་གཏོང་བའི་ལས་འགུལ་འདི་མཚམས་འཇོག་ཏུ་འཇུག་ཐུབ་ཀྱི་མེད་ལ་ཁོང་ཚོས་ དམིགས་ཡུལ་ངོ་མ་ཞིག་སྒྲུབ་ཏུ་འཇུག་པའི་ཁག་ཐེག་བྱ་ཐུབ་ཀྱི་མ་རེད། ཁྲབ་ལྡན་འཐབ་འཁོར་དང་མེ་མདའ་སྦག་སྦག་དག་ནི་རྒྱ་ནག་གི་ཡ་ང་སྙིང་རྗེ་མེད་པའི་ དབང་སྒྱུར་གྱི་མངོན་སུམ་མཚོན་རྟགས་ཁོ་ན་རེད། རྒྱ་གཞུང་གིས་བོད་ཀྱི་ས་གནས་མི་དམངས་ལ་“དོ་དམ་”༼ཐ་སྙད་འདི་ནི་ཨ་རི་གཞུང་གི་ བོད་དོན་དམིགས་བསལ་འབྲེལ་མཐུད་པས་བེད་སྤྱོད་གནང་ཡོད།༽ ༼༩༽ གནང་སྟེ་སྐྱོབ་གསོ་ཅི་ཙམ་གནང་ཡང་དེ་ནི་གནས་སྐབས་ཙམ་གྱི་དཀའ་ངལ་སེལ་ཐབས་ལས་ མ་འདས། ཉིན་ཞིག་གམ་ཡང་ན་དེའི་རྗེས་ནས་ཡང་བསྐྱར་ངོ་རྒོལ་གྱི་ལས་འགུལ་དག་འབྱུང་གི་ རེད། དེ་དུས་ཀྱི་ངོ་རྒོལ་ནི་ཆེས་གཞི་རྒྱ་ཆེ་བའི་བཙན་རྒོལ་ཞིག་ཡིན་ངེས་ལ་དེའི་ ཁྲོད་དུ་ཆག་སྒོ་ཆེན་པོ་འབྱུང་ངེས་པ་གདོན་མི་ཟ་ཕྱོགས་ གཞན་ཞིག་ནས་བརྗོད་ན་ནུས་ཤུགས་བསྐྱར་གསོ་བྱས་ཏེ་རྡོག་རྩ་གཅིག་སྒྲིལ་ངང་གོ
   ་ སྒྲིག་བྱས་ཏེ་ངོ་རྒོལ་གནང་ན་བོད་ནང་གི་བོད་མི་ལྷག་བསམ་ཅན་དག་གིས་བཙན་དབང་ སྒོས་རང་ལུས་མེར་བསྲེགས་མ་ཡིན་པའི་བྱ་སྤྱོད་གཞན་སྤེལ་ངེས་པ་ཕལ་ཆེར་གཏན་ འཁེལ་བ་རེད། སྤྱི་ལོ་༢༠༠༨་ལོ་ནས་བཟུང་བོད་ནང་གི་བོད་མི་ཚོས་ཁོང་ཚོའི་ཆོད་སེམས་དང་སྙིང་ སྟོབས་ཕྱི་གསལ་ནང་གསལ་སྒོས་མིག་སྟོན་གསལ་བཤད་གནང་ཡོད་པ་རེད། ལོ་བཞིིའི་ནང་ཚུད་ནང་རྒྱ་ནག་གི་བཙན་བཟུང་ལ་རྒོལ་བའི་ལས་འགུལ་གྱི་གཞི་རྒྱ་ མི་མཐུད་ཇེ་ཆེར་འགྲོ་གིན་འདུག་ལ་ད་ཆ་༡༩༥༠་ལོའི་རྗེས་ནས་བསླེབས་མ་མྱོང་བའི་ ཚད་གཞི་ཞིག་ལ་སླེབས་འདུག སྔོན་ཆད་ལངས་ཕྱོགས་བརྟན་པོ་ཞིག་བཟུང་བར་གཡོལ་མཁན་གྱི་ཤེས་ཡོན་པ་དང་སྒྱུ་ རྩལ་པ་དག་གིས་ད་ལྟ་བོད་ལ་རྒྱབ་སྐྱོར་གནང་བའི་སེམས་ཐག་གཙང་བཅད་གནང་འདུག བོད་རང་བཙན་གྱི་འབོད་སྒྲག་སྒྲོག་མཁན་དང་བོད་ཀྱི་རྒྱལ་དར་བེད་སྤྱོད་གནང་མཁན་ གྱི་གྲངས་འབོར་སྔོན་མ་ལས་ཇེ་མང་དུ་འགྲོ་བཞིན་འདུག་ལ་བོད་ས་ཡོངས་རྫོགས་ཏུ་ མཉམ་ལས་མི་བྱེད་པའི་ལས་རིམ་འདུས་པའི་ལྷག་དཀར་ལས་འགུལ་རྒྱ་ཇེ་ཆེར་འགྲོ་གིན་ འདུག ད་དུང་བོད་ས་ཁྱོན་ཡོངས་ལ་རྒྱལ་ཁབ་ཀྱི་འདུ་ཤེས་གསར་བ་ཞིག་འཕེལ་བཞིན་འདུག ངོ་རྒོལ་གྱི་རྣམ་པ་གསར་པ་མང་པོ་ཞིག་གསར་གཏོད་བྱེད་བཞིན་འདུག སྤྱི་ཡོངས་ནས་འདོད་བློ་མ་ཚིམས་པའི་སེམས་པ་ཆུ་ཁོལ་ལྟར་ལྷོག་ལྷོག་ཏུ་ལྡུད་ བཞིན་འདུག འདི་ལྟ་བུའི་གནས་སྐབས་ཤིག་འབྱུང་བ་ཧ་ཅང་དཀོན་པོ་རེད།
   འདི་ ལྟ་བུའི་གནས་སྟངས་དག་གི་འོག་རྡ་རམ་ས་ལས་བོད་ནང་གི་བོད་མི་ཚང་མ་གཅིག་སྒྲིལ་ གྱིས་འཚེ་མེད་ཞི་བའི་ལས་འགུལ་རྒྱ་ཆེན་པོ་སྤེལ་བའི་འབོད་སྐུལ་གནང་བ་ཡིན་ན་ འདིས་བོད་ནང་ལ་ཤུགས་རྐྱེན་ཧ་ཅང་ཆེན་པོ་ཞིག་ཐེབས་ངེས་པ་ཚོད་དཔག་བྱེད་ཐུབ་པ་ ཞིག་རེད། དཔེར་ན། བོད་ས་ཁྱོན་ཡོངས་ལ་མཉམ་འབྲེལ་མི་བྱེད་པའི་ལས་འགུལ་ཞིག་སྤེལ་དགོས་པའི་རེ་ སྐུལ་གནང་བ་ཡིན་ན་དེ་ལ་དགའ་བསུ་ཞུ་ངེས་རེད་ལ་གལ་ཏེ་ཆ་རྐྱེན་འགྲིག་པ་ཡིན་ན་ རྒྱའི་བཙན་འོག་གི་འཚོ་སྡོད་གནང་མཁན་བོད་མི་མང་ཆེ་ཤོས་ཀྱིས་རྒྱབ་སྐྱོར་བྱ་ ངེས་པ་ཐེ་ཚོམ་མི་འདུག ད་དུང་གླེང་རིན་ཡོད་པ་ཞིག་ལ་འདི་འདྲའི་གོམ་སྟབས་ཀྱིས་བཙན་བྱོལ་ནང་གི་དབུ་ ཁྲིད་གསར་བ་ལ་ནུས་ཤུགས་ལྡན་པའི་ཁྲིམས་མཐུན་གྱི་འགོ་ཁྲིད་གནས་བབ་སྩོལ་ངེས་ རེད། བོད་ནང་གི་བོད་མི་ཚོས་དབུ་ཁྲིད་གསར་བའི་འོས་འདེམས་ལ་སྤྲོ་སེམས་འཁོལ་བའི་ ཐོག་ནས་དེ་སྔ་རྣ་བས་གཏད་པ་རེད་ལ་ད་དུང་འང་ཁོང་ལ་གཞིས་ལུས་གདོང་དམར་བ་ཚོས་ རེ་བ་མཐོ་པོ་ཞིག་རྒྱག་གིན་ཡོད་པ་རེད། ཡིན་ནའང་། ངས་སྐབས་འདིར་ཡང་བསྐྱར་བཙན་བྱོལ་བོད་གཞུང་ལ་འཐབ་རྩོད་འདི་དབུ་ཁྲིད་པའི་ འདུན་པ་ཡོད་མེད་ལ་ཐེ་ཚོམ་ཡོད་ཅེས་བསམ་ཚུལ་མི་བརྗོད་ག་མེད་བྱུང་། དབུ་མའི་ལམ་ནི་རང་སྲིད་རང་སྐྱོང་གི་ཐོབ་ཐང་རྩོད་བྱེད་ཁོ་ན་ཞིག་མ་རེད། དེ་ནི་ལས་འགུལ་མི་སྤེལ་བ་དང་མགོ་སྒུར་པའི་འབོད་སྐུལ་ཞིག་ཡིན་པ་ར་སྤྲོད་བྱས་ ཡོད་པ་རེད། དེ་ཡིས་བོད་ནང་གི་བོད་མི་ཚོར་ལམ་སྟོན་ཁ་ཕྱོགས་ཤིག་གཏན་ནས་གནང་མེད། ༼སྔོན་ཆད་རྒྱ་མི་བཙན་འཛུལ་བ་ཚོར་མཉམ་རུབ་མཉམ་ལས་ཀྱི་ལངས་ཕྱོགས་རྒྱུད་འཛིན་ བྱས་པ་ཡིན་སྲིད།༽ བཀའ་བློན་ཁྲི་བའི་གཏམ་བཤད་དག་དང་རྒྱ་གཞུང་ནས་གདུག་རྩུབ་ཆེ་བའི་དམ་བསྒྲག་ བཀའ་ཆད་༼༡༡༽མི་ཡོང་ངམ་སྙམ་པའི་ཁོང་གི་སེམས་ཁྲལ་དག་ལ་གཞིར་བཞག་སྟེ་བརྗོད་ན་ རྡ་རམ་ས་ལས་ལམ་སང་བོད་ནང་ལ་ཆབ་སྲིད་ཀྱི་ངོ་རྒོལ་ལས་འགུལ་དག་སྤེལ་བའི་སྐུལ་ མ་མི་གཏོང་བ་ངེས་གཏན་རེད།
   ཡིན་ ནའང། ང་རང་དོན་དག་གཅིག་ལ་ཡིད་ཆེས་གཙང་མ་ཡོད། དེ་ནི་བོད་མིའི་ངོ་རྒོལ་འདི་ཚད་གཞི་གསར་པ་ཞིག་ལ་བསྐྱལ་མ་ཐུབ་ན་རང་ལུས་མེར་ བསྲེགས་དག་དང་དེ་མཚུངས་ཀྱི་ཐལ་ཆ་ཆེ་བའི་བྱ་སྤྱོད་འདི་དག་མཚམས་འཇོག་གི་མ་ རེད་འདོད། སྔར་ཡོད་གནས་བབ་ལ་ཕྱིར་སློག་བྱེད་པ་ནི་གདམ་ག་ཞིག་མ་རེད། ད་ལྟ་བོད་མི་ཚོ་ཕྱིར་འཁོར་ས་མེད་པའི་ས་མཚམས་ཤིག་ལ་ཐོན་གྲབས་འདུག
   འཇིགས་ མེད་ཨོ་རྒྱན་གྱིས་བཏགས་པའི་“རྩམ་པའི་གསར་བརྗེ་”ད་ལྟ་འགོ་རྩོམ་བཞིན་པའི་སྒང་ རེད། དབྱིན་ཇིའི་གཞས་པ་ཕེ་ཊར་གྷ་བྷལ་ལགས་ཀྱིས་སི་ཊེ་བན་བྷི་ཀོ་ལྷོ་ཨ་ཧྥེ་རི་ཀའི་ བཙོན་ཁང་ཞིག་ནང་བཀྲོངས་ཚར་རྗེས་བྲིས་པའི་གཞས་ཚིག་ཅིག་བསྐྱོར་ན་འདི་ལྟ་སྟེ། “ཡང་ལྭའི་འོད་སྣང་མེད་པར་བཟོ་ཐུབ་ཀྱང་།།མེ་ཡི་འོད་ཟེར་དེ་ལྟ་ཡིན་མི་སྲིད།། དེ་ཡི་མེ་ལྕེ་ཁྱབ་འགོ་ཚུགས་པ་ན།། རླུང་གིས་དེ་ཉིད་དགུང་ལ་སྦར་བར་ངེས།།”༼ ༡༢༽
   རང་ ལུས་མེར་བསྲེགས་གཏོང་མཁན་འདི་ཚོ་ནི་དངོས་གནས་དྲང་གནས་ཀྱི་རང་དབང་འཐབ་རྩོད་ པ་རེད། ཁོང་ཚོས་ཆེས་ན་ཟུག་ཆེ་ཤོས་སམ་མཐར་ཐུག་གི་འཚེ་མེད་ཞི་བའི་བྱ་སྤྱོད་སྤེལ་སྟེ་ རང་གི་རྒྱལ་ཁབ་བཙན་གནོན་འོག་ནས་སྐྱོབ་ཀྱིན་ཡོད། ང་ཚོས་ཆེས་ཉུང་མཐར་སྒྲུབ་འོས་པ་གཅིག་ནི་ཁོང་ཚོས་རང་སྲོག་བློས་གཏོང་ག་རེིའི་ ཆེད་དུ་གནང་གི་ཡོད་པ་དེ་ག་རང་དུ་ལྟ་དགོས་པ་ལས་བློ་རྒྱ་དོག་པའི་ང་ཚོའི་བསམ་ དོན་ལྟར་ལྟ་ག་ལ་རུང་། སྐྱེས་པ་དང་བུད་མོ་འདི་ཚོ་ནི་རྒྱ་ནག་གི་དབང་ཆ་གཅིག་སྡུད་ལམ་ལུགས་ཀྱི་འ་ཆད་ འུ་ཐུག་གི་གནོད་འཚེ་ཕོག་ཡུལ་མ་རེད། ཁོང་ཚོ་“རེ་བ་བྲལ་བ”་ལ་བརྟེན་ནས་རྒྱ་ནག་གི་སྟོབས་ཤུགས་ལ་མགོ་སྒུར་མཁན་གྱི་ མི་བུ་དེ་ཚོའང་མ་རེད། ཁོང་ཚོས་རང་གི་ཁ་བ་རི་བའི་སྤུན་ཟླ་ཚོའི་ཁེ་ཕན་ཆེད་དང་རྒྱལ་ཁབ་ཅིག་གི་སྤོབས་ པ་བསྐྱར་གསོ་ཡོང་བའི་དོན་དུ་རང་རང་སོ་སོའི་ཚེ་སྲོག་བློས་གཏོང་གནང་གིན་ཡོད། གང་ཡིན་ཞེ་ན། ཁོང་ཚོས་རང་གི་བྱ་སྤྱོད་དག་གིས་ཁྱད་པར་ཞིག་བཟོ་ཐུབ་པ་ཤེས་ཀྱི་ཡོད། ཁོང་ཚོའི་གངས་དཀར་སེམས་ལ་བོད་འདི་ཉིན་ཞིག་རང་དབང་ཐོབ་པའི་རེ་བ་བཟུང་ཡོད་པ་ རེད། ཁོང་ཚོ་ནི་རྒྱ་ནག་གི་བཙན་དབང་སྲིད་གཞུང་ལ་འཐབ་རྩོད་བྱེད་མཁན་གྱི་ཉེན་བརྡའི་ སྒྲོན་སྟེགས་རེད་ལ་བོད་མི་ས་ཡ་མང་པོར་མཚོན་ན་ཁོང་ཚོ་ནི་བོད་མི་ཚོ་རྡོག་རྩ་ གཅིག་སྒྲིལ་བྱེད་སྤྱད་ཀྱི་ཕྲེང་ཐག་རེད་ལ་རང་དབང་རང་བཙན་ལེན་པའི་ལ་རྒྱ་དང་ སྤོབས་པ་ཡི་འབྱུང་ཁུངས་རེད། རང་ལུས་མེར་བསྲེགས་གཏོང་མཁན་བོད་མི་ཚོའི་བློས་གཏོང་འདི་ནི་རྒྱ་ནག་དམར་ ཕྱོགས་རིང་ལུགས་པའི་ཉམས་རྒུད་ཀྱི་འགོ་འཛུགས་པའི་མཚོན་རྟགས་སུ་འགྱུར་བར་ སྨོན།
   སྒྱུར་མཁན་གྱི་མཆན། རྩོམ་ ཡིག་འདི་རྩོམ་པ་པོ་ཁུ་རི་སུ་ཊོབ་ཧྥེ བྷེ་སུའུ་ཤེ་འམ་མགོ་ལོག་ཨ་འབུམ་གྱི་རེ་འདུན་ལྟར་བསྒྱུར་བ་ཡིན། ཁོང་ནི་ལག་རྩལ་སློབ་སྟོན་པ་དང་ ལོ་མང་རིང་གི་བོད་རང་བཙན་གྱི་ལས་འགུལ་བ་ཞིག་རེད། ད་ལྟ་སི་ཝེ་སུའི་རང་བཙན་མཐུན་ཚོགས་ཀྱི་ཚོགས་གཞོན་ཡིན་འདུག དོགས་པ་ཡོད་ན་འོག་གི་མ་རྩོམ་ལ་་གཟིགས་རོགས།

   http://phayul.com/news/article.aspx?c=4&t=1&id=30767&article=Beacons+of+resistance%2C+not+desperate+acts+by+Christophe+Besuchet
   མཐའ་མའི་བསྐྱར་བཅོས། ( ‘༢༠༡༢, ༠༢, ༡༢’ )
   ཤར་ཁུག་ལགས་དང་གོང་གི་མཆན་འདེབས་མཁན་ཚོས་རྩོམ་ཡིག་འདི་ཅིག་བཀླགས་ནས་་ད་གཟོད་སྐད་ཆ་ཤོད་་་་དེ་མིན་རྒྱ་ནག་གི་རྩ་ཁྲིམས་དང་ལུས་འབྲས་ཟེར་ནས་སྐྱིག་བྲོ་པའི་སྐད་ཆ་མ་བཤད་རོགས་་་་་་་་་་

6. རང་བཙན་དང་དབུ་མ་ཚོས་རྩོད་པ་མ་བྱེད། རང་རང་གི་བསམ་ཚུལ་རེད། དངོས་གནས་རང་སྲོག་དོར་མཁན་ཡོད་ན་འགྲོ རྒྱ་ནག་གཏོར་མཁན་ཡོད་ན་འགྲོ།

7. ༢༽ མི་ནག་མདུང་ཐུང་ནས།
   སྤྱི་ལོ་ ༢༠༡༢ ཟླ་ ༢ ཚེས་ ༡༣ གི་ཆུ་ཚོད་ ༡༢ སྐར་མ་ ༠༤
   ད་ནི་བཀའ་སྤྱི་ལྷན་རྒྱས་ལ་གནང་རྒྱུ་གཅིག་ལས་ལྷག་ཡོད་པ་མ་རེད། བོད་གཞུང་མང་རྒྱལ་ཡོངས་ཚོགས་ཆེན་འཚོགས་ནས་བཟང་ཐག་ངན་ཐག་གཅོད་སྟངས་ཐད་ཀྱི་ལྟ་སྟངས་བསྡུར་ནས། བཟང་ཐག་ངན་ཐག་གཅོད་པའི་དུས་ཚོད་ཀྱི་བཅད་པ་བཟོས་ནས་རྒྱ་ནག་གཞུང་ལ་དུས་ཚོད་འདིའི་ཕན་ནས་ང་ཚོས་ངང་སྒུག་བྱེད་མི་ཐུབ་ཅེས་བརྡ་ལན་སྤྲོད་དགོས། དེ་མིན་གང་ཡང་ལྷག་མེད། གཞིས་ལུས་རྒྱ་ཆེའི་མི་མང་གི་སེམས་ཤུགས་དང་ནུས་པ་ནི་ང་ཚོའི་རྩ་དོན་འཐབ་རྩོད་ཀྱི་རྨང་གཞི་ཡིན་ཞེས་པ་དེ་བརྗེད་མེད་པ་ཡིན་ན། ད་ནི་གཞིས་ལུས་རྒྱ་ཆེའི་མི་མང་གི་སྟོབས་ཤུགས་འདི་ཆུད་ཟོས་སུ་མི་འགྲོ་བའི་མདུན་སྐྱོད་ཅིག་ཏུ་བསྒྱུར་དགོས་པ་གལ་ཆེན་པོ་ཆགས་ཡོད། ད་ནི་ལས་འགུལ་སྤེལ་ནས་སྡོད་པ་ལས། ལག་ལེན་གྱི་སྟེང་ནས་མདུན་སྐྱོད་བྱེད་དགོས་པ་རེད། གཞིས་ལུས་རྒྱ་ཆེའི་མང་ལ་བོད་པ་རང་ངོས་ནས་རང་སྐྱོང་གི་ཐོབ་ཐང་ངོ་མ་ལག་བསྟར་བྱེད་ཕྱོགས་ཀྱི་ལམ་སྟོན་དང་སྐུལ་སློང་བྱས་ནས་མདུན་དུ་བསྐྱོད་དགོས་པ་ལས། སྐད་འབོད་བྱས་ནས་ཉི་མ་སྐྱེལ་ཐབས་འདི་ཡོངས་སུ་བསྒྱུར་བའི་བཀའ་གྲོས་ཤིག་གནང་རོགས།

8. ཤར་ཕྱོགས་ཁུག་རྟ་ལགས་ཀྱི་རྩོམ་ཡིག་འདི་ལ་བསམ་བློ་གཏོང་དགོས་སའི་རིན་ཐང་ཅན་གྱི་གདན་དོན་མང་པོ་ཞིག་གསེད་བཀྲོལ་བྱས་འདུག འོན་ཀྱང་མི་རེ་ཟུང་དམིགས་བཀར་གྱིས་དེ་དང་དེ་མང་ཚོགས་ཀྱི་མདུན་དུ་ཐོན་དགོས་པ་རེད་ཟེར་བའི་ཚིགས་དེར་ང་ལ་ཅིའི་ཕྱིར་དེ་ལྟར་བྱེད་དགོས་པ་ཡིན་ནམ་སྙམ་ནས་ཐེ་ཚོམ་ཞིག་ཀྱང་བྱུང་།

9. ངས་ལྟོས་ན་སང་ཉིན་བཀའ་སྤྱི་ཚོགས་ན་འདྲ། ༧རྒྱལ་བ་རིན་པོ་ཆེ་དང་དམིགས་བསལ་སྐུ་ཚབ་གདན་འདྲེན་ཞུས་ན་འདྲ། དབུ་མའི་ལམ་ལ་བསྐྱོད་ཀྱི་ཡིན་ན། ལམ་ཁ་འདི་ལས་ཡོད་པ་མ་རེད། འདི་གནད་འགག་ཅིག་རེད་འདོད་ཀི ཤར་ཕྱོགས་ཁུག་རྟ་ཟེར་བས་གནད་འགག་བཏོན་འདུག འདི་དངོས་གནས་ལག་ལེན་དང་ཐག་ཉེ་བོ་འདུག

10. ད་ང་ཚོས་རྒྱ་ནག་གིས་ཚུར་དྲག་གནོན་བྱེད་མི་ཐུབ་པའི་ལས་འགུལ་གྱི་ཐབས་རྩལ་ཞིག་འཚོལ་དགོས་ཀྱི་འདུག ལས་འགུལ་གྱི་ངོ་བོ་ཅི་འདྲ་ཞིག་སྤེལ་ཚེ། ད་གཟོད་རང་ཉིད་སྲུང་སྐྱོབ་བྱེད་ཐུབ་ཅིང་། གཞན་གྱིས་དྲག་གནོད་བྱེད་མི་ཐུབ་པའི་ཐབས་རྩལ་ཞིག་དགོས་ཀྱི་འདུག ང་ཚོའི་དམིགས་ཡུལ་མིང་དོན་མཚུངས་པའི་རང་སྐྱོང་རེད། རང་ཉིད་ཀྱི་སྐད་ཡིག་དང་རིག་གཞུང་སྲུང་སྐྱོབ་དང་དར་སྤེལ། དཔལ་འབྱོར་འདྲ་མཉམ། མི་རིགས་ཀྱི་ཐོབ་ཐང་འདྲ་མཉམ། མི་རིགས་དབྱེ་འབྱེད་ལ་ངོ་རྒོལ་སོགས་རྒྱ་ནག་གི་ཁྲིམས་ལུགས་འོག་ནས་རྩོད་གླེང་གིས་ངོ་རྒོལ་བྱས་ཚེ། ངས་བལྟས་ན་དེས་རང་རེའི་འཐབ་རྩོད་ཀྱི་གཞི་རྒྱའམ། ཁྱབ་རྒྱ་ཆེན་པོ་ཞིག་ཆགས་ཐུབ་ཀྱི་རེད། རྒྱ་ནག་གི་རྩ་ཁྲིམས་ཀྱི་འོག་ནས་ང་ཚོས་ངོ་རྒོལ་བྱས་ཚེ། ངོ་རྒོལ་དེའི་ནང་ལ་གཞུང་གི་ལས་བྱེད་དང་། འགོ་ཁྲིད། སློབ་མ། ལས་བཟོ་པ། དགེ་རྒན། ཞིང་འབྲོག་མི་མང་ཚང་མ་མཉམ་ཞུགས་བྱེད་ཐུབ་ངེས་རེད། དེ་ལྟར་བྱས་ཚེ་ང་ཚོའི་ལས་འགུལ་གྱི་ནུས་པ་དཔག་ཚད་ཀྱིས་ཇེ་ཆེར་འགྲོ་ངེས་རེད། ངས་སྔོན་ཆད་མེ་སྲེག་གི་ལས་འགུལ་འདི་འདྲ་དགོས་ཀི་འདུག བསམ་སོང་། ད་ལྟ་བསམ་ཞིང་བསམ་ན་ང་ཞེད་སྣང་སྐྱེས་ཀི ངས་རང་ཉིད་ལ་དཔེ་བླངས་ནས་ཞེད་སྣང་སྐྱེས་ཀི་འདུག ཐུགས་རྗེ་གཟིགས། སྙིང་ཉེ་བའི་ཕུ་ནུ་མིང་སྲིང་ཚོ། ང་ཚོས་རང་ལུས་མེར་སྲེག་གི་ལས་འགུལ་འདི་མཚམས་བཞག་ནས་ལས་སྣེ་དང་གོ་ཐོབ་ལ་མ་ལྟོས་པར་བོད་མི་ས་ཡ་དྲུག་པོ་ཚང་མ་མཉམ་ཞུགས་བྱེད་ཐུབ་པའི་ལས་འགུལ་ཞིག་སྤེལ་རྒྱུའི་ཕྱོགས་སུ་བསམ་བློ་གཏང་དགོས་ཀྱི་འདུག ཐུགགས་རྗེས་གཟིགས། དཀོན་མཆོག་གསུམ་པོས་གཟི་བརྗིད་དང་བཅས་ཏེ་འགྲོ་བ་མིའི་ཆེད་གཤེགས་ཟིན་པའི་ངའི་ཕུ་ནུ་མིང་སྲིང་མེ་ཏོག་འདྲ་བོ་དེ་དག་མགོན་སྐྱབས་ཤིག་གནང་རོགས།

11. ཤར་ཕྱོགས་ཁུག་རྟ་ལགས་ཀྱི་རྩོམ་ཡིག་འདིས་བསམ་བློ་གཏོང་དགོས་སའི་རིན་ཐང་ཅན་གྱི་གདན་དོན་མང་པོ་ཞིག་གསེད་བཀྲོལ་བྱས་འདུག འོན་ཀྱང་མི་རེ་ཟུང་དམིགས་བཀར་གྱིས་དེ་དང་དེ་མང་ཚོགས་ཀྱི་མདུན་དུ་ཐོན་དགོས་པ་རེད་ཟེར་བའི་ཚིགས་དེར་ང་ལ་ཅིའི་ཕྱིར་དེ་ལྟར་བྱེད་དགོས་པ་ཡིན་ནམ་སྙམ་ནས་ཐེ་ཚོམ་ཞིག་ཀྱང་བྱུང་།

12. ད་ང་ཚོས་རྒྱ་ནག་གིས་ཚུར་དྲག་གནོན་བྱེད་མི་ཐུབ་པའི་ལས་འགུལ་གྱི་ཐབས་རྩལ་ཞིག་འཚོལ་དགོས་ཀྱི་འདུག ལས་འགུལ་གྱི་ངོ་བོ་ཅི་འདྲ་ཞིག་སྤེལ་ཚེ། ད་གཟོད་རང་ཉིད་སྲུང་སྐྱོབ་བྱེད་ཐུབ་ཅིང་། གཞན་གྱིས་དྲག་གནོད་བྱེད་མི་ཐུབ་པའི་ཐབས་རྩལ་ཞིག་དགོས་ཀྱི་འདུག ང་ཚོའི་དམིགས་ཡུལ་མིང་དོན་མཚུངས་པའི་རང་སྐྱོང་རེད། རང་ཉིད་ཀྱི་སྐད་ཡིག་དང་རིག་གཞུང་སྲུང་སྐྱོབ་དང་དར་སྤེལ། དཔལ་འབྱོར་འདྲ་མཉམ། མི་རིགས་ཀྱི་ཐོབ་ཐང་འདྲ་མཉམ། མི་རིགས་དབྱེ་འབྱེད་ལ་ངོ་རྒོལ་སོགས་རྒྱ་ནག་གི་ཁྲིམས་ལུགས་འོག་ནས་རྩོད་གླེང་གིས་ངོ་རྒོལ་བྱས་ཚེ། ངས་བལྟས་ན་དེས་རང་རེའི་འཐབ་རྩོད་ཀྱི་གཞི་རྒྱའམ། ཁྱབ་རྒྱ་ཆེན་པོ་ཞིག་ཆགས་ཐུབ་ཀྱི་རེད། རྒྱ་ནག་གི་རྩ་ཁྲིམས་ཀྱི་འོག་ནས་ང་ཚོས་ངོ་རྒོལ་བྱས་ཚེ། ངོ་རྒོལ་དེའི་ནང་ལ་གཞུང་གི་ལས་བྱེད་དང་། འགོ་ཁྲིད། སློབ་མ། ལས་བཟོ་པ། དགེ་རྒན། ཞིང་འབྲོག་མི་མང་ཚང་མ་མཉམ་ཞུགས་བྱེད་ཐུབ་ངེས་རེད། དེ་ལྟར་བྱས་ཚེ་ང་ཚོའི་ལས་འགུལ་གྱི་ནུས་པ་དཔག་ཚད་ཀྱིས་ཇེ་ཆེར་འགྲོ་ངེས་རེད། ངས་སྔོན་ཆད་མེ་སྲེག་གི་ལས་འགུལ་འདི་འདྲ་དགོས་ཀི་འདུག བསམ་སོང་། ད་ལྟ་བསམ་ཞིང་བསམ་ན་ང་ཞེད་སྣང་སྐྱེས་ཀི ངས་རང་ཉིད་ལ་དཔེ་བླངས་ནས་ཞེད་སྣང་སྐྱེས་ཀི་འདུག ཐུགས་རྗེ་གཟིགས། སྙིང་ཉེ་བའི་ཕུ་ནུ་མིང་སྲིང་ཚོ། ང་ཚོས་རང་ལུས་མེར་སྲེག་གི་ལས་འགུལ་འདི་མཚམས་བཞག་ནས་ལས་སྣེ་དང་གོ་ཐོབ་ལ་མ་ལྟོས་པར་བོད་མི་ས་ཡ་དྲུག་པོ་ཚང་མ་མཉམ་ཞུགས་བྱེད་ཐུབ་པའི་ལས་འགུལ་ཞིག་སྤེལ་རྒྱུའི་ཕྱོགས་སུ་བསམ་བློ་གཏང་དགོས་ཀྱི་འདུག ཐུགགས་རྗེས་གཟིགས། དཀོན་མཆོག་གསུམ་པོས་གཟི་བརྗིད་དང་བཅས་ཏེ་འགྲོ་བ་མིའི་ཆེད་གཤེགས་ཟིན་པའི་ངའི་ཕུ་ནུ་མིང་སྲིང་མེ་ཏོག་འདྲ་བོ་དེ་དག་ལ་མགོན་སྐྱབས་ཤིག་གནང་རོགས།

13. ཁ་སང་འཛམ་གླིང་ནང་ཆེས་སྙན་གྲགས་ཅན་གྱི་ནོ་བེལ་ཞི་བདེའི་གཟེངས་རྟགས་བཞེས་མྱོང་མཁན་ལྷོ་ཨ་ཕི་རི་ཀའི་ཡི་ཤུ་བླ་ཆེན་(Archbishop Desmond Tutu)ཨརཅ་བི་ཤོབ་ཌེ་ས་མོན་ཊུ་ཊུ་མཆོག་གིས། ( ངས་རྒྱ་ནག་གཞུང་ལ་བོད་ཀྱི་༧སྐྱབས་མགོན་ཏཱ་ལའི་བླ་མ་མཆོག་ནི་འཛམ་གླིང་སྟེང་ཞི་བདེར་དགའ་མོས་ཆེ་ཤོས་གནང་མཁན་ཞིག་རེད་ཅེས་བརྗོད་རྒྱུ་མ་ཟད། བོད་ཀྱི་༧སྐྱབས་མགོན་ཏཱ་ལའི་བླ་མ་མཆོག་ལ་དམག་མི་མེད། ཁོང་གི་བཀའ་འོག་ཏུ་མེ་མདའ་ཁྱེར་ནས་བཀའ་སྲུང་ཞུ་མཁན་དམག་མི་གཅིག་ཀྱང་མེད། ཁོང་ཁ་བྲལ་བ་ཞིག་མིན། རྒྱ་ནག་དཔོན་རིགས་ཚོས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ནང་གང་འཁོད་ཡོད་པ་དེ་བོད་མི་ཚོར་ལག་བསྟར་བྱེད་རོགས་ཞེས་ངས་འབོད་སྐུལ་ཞུ་རྒྱུ་ཡིན།) གསུངས་འདུག ཤར་ཕྱོགས་ཁུག་རྟའི་བསམ་ཚུལ་ལ་རྒྱབ་སྐྱོར་བྱེད་ཀྱི་ཡིན།

14. ༧གོང་ས་མཆོག་གིས་ན་ནིང་གསུམ་དུས་གསུང་འཕྲིན་ལས །

    ༼ རྒྱ་ནག་མི་མང་སྤྱི་མཐུན་རྒྱལ་ཁབ་ནི་མི་རིགས་སྣ་མང་ལས་གྲུབ་པའི་རྒྱལ་ཁབ་ཅིག་ཡིན་ཅིང་། སྐད་ཡིག་དང་རིག་གཞུང་རྣམ་གྲངས་ཕྱུག་པོ་ཡོད། མི་རིགས་སོ་སོའི་རིག་གཞུང་དང་དེ་དག་གི་གཞི་རྟེན་སྐད་ཡིག་དང་བཅས་པ་མི་ཉམས་རྒྱུན་འཛིན་དང་སྲུང་སྐྱོབ་བྱ་རྒྱུ་ནི་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་སྲིད་བྱུས་དང་མཐུན་པར་མ་ཟད། རྩ་ཁྲིམས་ཀྱི་ནང་དུའང་གསལ་བོ་འཁོད་ཡོད། བོད་ཀྱི་སྐད་ཡིག་ནི་ནང་པའི་ཆོས་དང་ལྟ་གྲུབ། ཚན་རིག་བཅས་ཀྱི་རིག་གཞུང་དཔལ་ནཱ་ལེན་དྲའི་སྲོལ་རྒྱུན་ཡོངས་སུ་རྫོགས་པ་མདོ་རྒྱུད་བསྟན་བཅོས་ཆ་ཚང་བཞུགས་པའི་སྐད་ཡིག་གཅིག་པུ་དེ་ཡིན། དེ་བཞིན་ཚན་མ་རིག་པའི་གཞུང་ལུགས་ཆ་ཚང་དང་དེའི་འཆད་ཉན་གྱི་སྲོལ་རྒྱུན་བོད་ཀྱི་སྐད་ཡིག་ནང་མ་གཏོགས་མེད། ནང་པ་སངས་རྒྱས་པའི་དཔལ་ཡོན་ནི་འཇིག་རྟེན་སྐྱེ་འགྲོ་ཡོངས་ཀྱི་ཕན་བདེའི་གཞི་རྩ་ཡིན་པ་དེ་དག་སྲུང་སྐྱོབ་དར་སྤེལ་བྱ་རྒྱུ་ལས་ལྡོག་སྟེ། དངོས་ཤུགས་ཅི་རིགས་ནས་དོ་ཕོག་ཉམས་དམས་གཏོང་བ་ནི་མི་རྣམས་ཀྱི་ལེགས་ཉེས་འབྱེད་པའི་རྣམ་དཔྱོད་ཀྱི་བློ་མིག་ཆེད་གཉེར་མེད་པ་བཟོས་པ་ཞིག་ཡིན། དེས་ནམ་ཕུགས་རང་གཞན་ཡོངས་ལ་གནོད་པ་ཡོང་རྒྱུར་བརྟེན་ངེས་པར་མཚམས་འཇོག་བྱེད་དགོས། ༽

    དེ་བཞིན་ ༧གོང་ས་མཆོག་གི་ཡོ་རོབ་གྲོས་ཚོགས་སྦར་སིལ་གསུང་བཤད་ལས་༼ ངོས་ཀྱི་དབུ་མའི་ལམ་གྱི་སྙིང་དོན་ནི་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་བོད་རིགས་ཡོངས་ལ་མིང་དོན་མཚུངས་བའི་རང་སྐྱོང་ཐོབ་ཐབས་བྱ་རྒྱུ་དེ་ཡིན་༽ཞེས་གསུངས་འདུག མིང་དོན་མཚུངས་བ་ཞིག་ཐོབ་དགོས་ན། ང་ཚོ་ལམ་ཁ་འདི་ལས་མེད་པ་གསལ་བོ་རེད་འདུག་པས། ༧གོང་ས་མཆོག་གི་དགོངས་གཞི་ལྷུན་གྱིས་འགྲུབ་པར་སྨོན། བོད་ལ་རང་དབང་ཚད་ལྡན་ཞིག་ཐོབ་པར་སྨོན། བོད་རྒྱལ་ལོ།

15. ཡག་པོ་འདུག འོན་ཀྱང་མེ་སྲེགས་ཀྱི་ལས་འགུལ་ཡི་ནུས་པ་ཐོན་མེད་ཟེར་ན་བདེན་པ་མིན་ཏེ། རྒྱལ་སྤྱིའི་བོད་དོན་ལ་དོཅསྣང་ཤུགས་ཆེ་འགྲོ་བཞིན་ཡོད་ལ། གསར་ལམ་ཁག་ཏུ་སྔ་ལས་ཤུགས་ཆེར་འགྲོ་བ་ནི་གསར་ལམ་ཁག་ཀློག་ན་ཤེས་ཐུབ། འོན་ཀྱང་གྲུབ་འབྲས་མ་ཐོན་པའི་འགག་རྩ་ནི་བོད་མི་ཡོངས་མཉམ་ཞུགས་མ་བྱེད་ཅིང་བྱེད་མ་ཐུབ་པས་ཛ་དྲག་ཏུ་མ་ཆགས་པས་རྒྱལ་སྤྱིའི་དོ་སྣང་དེ་ཙམ་མ་སླེབས་པ་འདོད། ང་ཚོའི་འཐབ་རྩོད་ནི་གསེ་རི་ཡའི་གནས་སྟངས་དང་བསྡུར་ན་བརྒྱ་ཆ་གཅིག་ཙམ་མ་ཟིན་པས་རེད། རྒྱུ་མཚན་ནི་མི་གྲངས་ཅི་ཙམ་མང་ན་པོ་ལས་འགུལ་ཁྲོད་མཉམ་ཞུགས་བྱེད་ཐུབ་ན་དེ་ཙམ་གྱིས་ལས་འགུལ་ཟ་དྲག་རེད་ལ། མི་ཅི་ཙམ་མང་བའི་ཚེ་སྲོག་ཤོར་ན་དེ་ཙམ་གྱིས་ཛ་དྲག་རེད། རྒྱལ་ཁབ་ཅིག་དང་མི་རིགས་ཤིག་གནད་དོན་མི་བརྒྱ་གཉིས་བརྒྱ་ཡི་ཚེ་སྲོག་ཤོར་ན་ཛ་དྲག་མིན་ལ། དེ་ཙམ་ཚོགས་པ་ཁག་གཉིས་མ་མཐུན་པ་ལས་བྱུང་བས་རེད། མི་ཡི་འགྲོ་སོངམ་བཏང་བ་བོད་ལ་རང་དབང་ཐོབ་པ་འདོད་པ་ནི་རྨི་ལམ་རེད། དེ་དཀའ་ལས་རྒྱག་མི་དགོས་བ་ཟས་ཟ་དགོས་སྨྲས་བ་དང་གཅིག་མཚུངས་རེད། དཀའ་ལས་མེད་པ་གྲུབ་འབྲས་ཡོད་ན་ཆོས་ཉིད་དང་འགལ་བ་རེད་ལ་དེ་ལྟར་ཡོད་ན་ཀུན་ཀྱང་ལྷ་བཞིན་འཚོ་བ་སྐྱེལ་ངེས་རེད། རེ་བ་ཁག་པོ་རེད། ཆོལ་ག་གསུམ་སྡེབ་ལངས་མ་དགོས་རྔ་བའི་མཐའ་འཁོར་གྱི་ས་ཆ་དང་ཀིརྟིའི་དགོན་ཁག་རྣམས་ཀྱང་གདུང་སེམས་མཉམ་སྐྱེད་ཀྱིས་ལངས་མི་ཐུབ་པས་མི་པས་རྒྱ་ཡིས་བོད་ཀྱི་དགོས་འདོད་ཅི་ལ་སྐོང་། ད་ལྟ་ལངས་མཁན་གྱི་ས་ཁུལ་ནི་བོད་ཀྱི་བརྒྱ་ཆ་གཅིག་ལས་མི་ཟིན་པས་བརྒྱ་ཆ་གཅིག་གི་འདོད་པ་ལ་རྒྱ་གཞུང་གིས་བསམ་ཤེས་བྱེད་སྲིད་དམ། རྒྱ་གཞུང་མ་དགོས་བོད་གཞུང་གིས་བསམ་ཤེས་བྱེད་པ་དཀའ་བ་འདོད།

16. ང་ཚོས་མ་འོངས་པ་ཁོ་ནའི་སྐོར་བཤད་པ་ལས་འདས་ཟིན་པ་རྣམས་དེ་ཙམ་གལ་ཆེན་པོར་མི་བརྩི་བའི་གོམས་གཤིས་ངན་པ་ཞིག་འདུག དཔེར་ན་ད་བར་རྒྱ་མིས་གང་འདོད་དུ་བཙོན་འཇུག་དང་དམར་གསོད་བཏང་བ་དང་སྐུ་ལུས་མེ་སྦྱིན་བཏང་ཟིན་པའི་དཔའ་པོ་དཔའ་མོ་རྣམས་ཀྱི་ཆེད་རྒྱ་དམར་གཞུང་ལ་འཇུ་མི་ཐུབ་པའི་ཉེས་ཆད་དང་གྱོང་གུད་ག་རེ་སྤྲོད་ཐུབ་ཀྱི་ངེས་པར་ལྟ་དགོས་རེད། དཔེར་ན་བོད་མི་ཚོས་རྒྱ་མིའི་ཟ་ཁང་མི་འགྲོ་རྒྱུའི་མནའ་བསྐྱལ་བ་ཡིན་ན། རྒྱ་དམར་གཞུང་གིས་བོད་རྒྱ་བསྒྱུར་གྱི་སྲིད་ཇུས་ལ་ཕོག་ཐུག་ག་ཚོད་གཏོང་གི་མ་རེད། འདི་ནི་བོད་མི་རིགས་ཀྱི་རི་སྐྱེས་སྲོག་གི་ཆགས་ཀི་པགས་རིགས་མི་སྤྱོད་རྒྱུའི་དམ་བཅའ་བཞག་པ་ནང་བཞིན་ལག་ལེན་ཁེལ་ན་རྒྱལ་ཁ་ཆེན་པོ་ག་འདྲ་མ་རེད་དམ།

    གཉིས་པ་རྒྱ་ནག་ཅ་དངོས་སྤྱི་དང་། ལྷག་པར་དུ་བོད་རང་ལ་ཡོད་བཞིན་པའི་ཐོན་རྫས་ཤ་མར་ཕྱུར་བ་དང་གྲོ་ནས་སྲན་གསུམ་སོགས་བོད་པ་རང་གི་ཐོན་དངོས་ཁོ་ནས་ལས། རྒྱ་ནང་ནས་བོད་དུ་འོར་ཡོང་བའི་མར་རྫུན་དང་ཤ་ཟས་རྣམས་དུག་ནང་བཞིན་ཉོ་སྤྱོད་མི་བེད་རྒྱུའི་མནའ་བསྐྱལ་དམ་བཅས་པ་ཡིན་ན། ང་ཚོར་སྲིད་འབྱོར་རིག་གསུམ་གྱི་ཐད་ནས་ཁེ་ཁོ་ན་ལས་གྱོང་དང་དཀའ་ངལ་གཏན་མི་འདུག
    ང་ཚོས་རང་ལ་ཡོད་པའི་ནུས་པ་རྣམས་བེད་སྤྱོད་གཏོང་སྟངས་མ་སྦྱངས་པར་། འཛམ་གླིང་བོད་པའི་ཆེད་དུ་བེད་སྤྱོད་གཏོང་རྒྱུའི་སྟོང་རེ་བྱེད་ཀྱི་འདུག ང་ཚོས་བོད་པ་རང་ལ་ནུས་པ་ག་རེ་ཡོད་དང་དེ་བེད་སྤྱོད་གཏོང་ལ་ཞིབ་འཇུག་བྱེད་རྒྱུ་ལག་ཆེན་པོ་མཐོང་གི་འདུག བགད་ཤོར་ཡ་ཞིག་ལ་བཀའ་ཁྲི་སེང་གེས་གསར་འགོད་གསར་བསྒྲགས་ཚ་བོ་བྱས་ནས་བོད་དོན་བསྒྲུབ་རྒྱུའི་རྨི་ལམ་ནོར་འཁྲུལ་ཅན་དེའི་ཆེད་དུ། ང་ཚོས་ཚེ་སྲོག་གི་འགྲོ་སོང་གཏོང་མི་རུང་བར་མཐོང་།