སྤོབས་པ་མཐའ་ཡས།
སྐད་གྲགས་ཅན་གྱི་རྔ་བ་ཀིརྟི་དགོན་པའི་བཙུན་པ་རྒན་གཞོན་སུམ་བརྒྱ་ཙམ་ཞིག་རྒྱ་ནག་གི་རྒྱལ་གཅེས་སློབ་གསོའི་ལས་འགུལ་གྱི་མིང་ཐོག་ཏུ་བཙན་འགོག་བྱས་ཡོད། དེ་ཡང་ཁོང་ཚོ་ཨལ་ཁ་རྡའི་རྗེས་འབྲངས་བ་མ་རེད། འཇིགས་སྐུལ་རིང་ལུགས་པའི་ཤོག་ཁག་མ་རེད། སྤྱིར་བཏང་གི་དམར་གསོད་ཇག་བཅོམ་སོགས་ཀྱི་ཁྲིམས་འགལ་བ་མ་རེད། ཁོང་རྣམ་པ་ནི་ཆོས་པ་དང་རང་གི་རྩ་བའི་བླ་མ་༧གོང་ས་ཏཱ་ལའི་བླ་མ་ལ་དད་པ་བརྟན་པོ་ཞིག་ཡོད་པ་ཤ་སྟག་རེད།
ཁོང་ཚོར་ནག་ཉེས་གཅིག་བཙུགས་པ་དེ་ནི་བཙུན་པ་ཞིག་གིས་རྒྱ་དམར་གཞུང་ལ་ངོ་རྒོལ་དུ་རང་ལུས་མེ་ལ་བསྒྲོན་པའི་རྗེས་སུ་བཙུན་པ་ཚོས་དེ་ལ་མྱ་ངན་དང་རྗེས་དྲན་མཚོན་བྱེད་དུ་ཟས་བཅད་གྱི་ལས་འགུལ་སྤེལ་བ་ཙམ་ཞིག་རེད། རང་ལུས་མེ་ལ་བསྒྲོན་པའི་བཙུན་པ་དེ་ཡང་ཁོང་ཚོ་དང་མཚུངས་པར་རྔ་བ་ཀིརྟི་དགོན་པའི་བཙུན་པ་ཞིག་རེད།
སྐབས་དེ་ནས་བཟུང་རྒྱ་དམར་གཞུང་གིས་ཁོང་ཚོར་བཀག་སྐྱིལ་དང་། ཉེས་རྡུང་། འདྲི་རྩད། འགྲུལ་སྐྱོད་ཀྱི་རང་དབང་འཕྲོག་པ། སོ་ལྟ་བ་རྟག་འཛུགས་སོགས་ཀྱིས་སུན་གཙེར་རྒྱུན་མ་ཆད་དུ་བྱས། ལྷག་པར་ཡང་སྨད་འཚོང་མའི་སར་སོང་བ་དང་སྨད་འཚོང་མ་ལ་འབྲེལ་བ་བྱས་པ་ལྟ་བུའི་མཚན་མཐོང་གཅོག་ཐབས་ཀྱི་ཉེས་འཛུགས་ལྟར་སྣང་མང་པོ་བྱས་པ་རེད་ཟེར། ལྷག་པར་མི་མང་བཅིངས་འགྲོལ་དམག་གི་བཀོད་སྒྲིག་འོག་ཏུ་རྒྱལ་གཅེས་བསམ་བློའི་སློབ་གསོ་ལ་རྒྱུན་མ་ཆད་དུ་ཞུགས་དགོས་པའི་ལས་འགུལ་སྤེལ། ཐོག་མའི་ཆར་བཙུན་པ་ཚོ་དགོན་པའི་ནང་དུ་བཀག་འགོག་བྱས་ཡོད་སྐབས་སུ་ཕྱི་ཕྱོགས་སུ་གནས་ཚུལ་ཅུང་ཟད་རེ་འབྱོར་ཐུབ་ཀྱིན་ཡོད་མོད་ཁོང་རྣམ་པ་དམག་གི་བཀག་སྐྱིལ་ཁང་དུ་རྒྱལ་གཅེས་སློབ་གསོའི་ལས་འགུལ་ལ་ཁྲིད་རྗེས་སུ་ཕྱི་ཕྱོགས་ནས་ཁོང་རྣམ་པའི་གནས་སྟངས་གོ་ཐུབ་ཀྱིན་མེད།
རྒྱལ་སྤྱིའི་སྟེང་གི་མིའི་རིགས་ཀྱི་ཐོབ་ཐང་ལས་འགུལ་བ་ཚོས་རྒྱ་དམར་གཞུང་གིས་བཙན་ཁྲིད་བྱས་པའི་བཙུན་པ་སུམ་བརྒྱ་བོ་དེ་རྣམས་བོར་བརླགས་སུ་སོང་བའི་མིའི་ཁོངས་སུ་བགྲང་ནས་ལས་འགུལ་བ་རྣམས་ཀྱིས་བཀག་སྐྱིལ་ཁང་དུ་ལྟ་སྐོར་བྱ་ཆོག་པའི་འབོད་སྐུལ་ཞུས་ཀྱང་རྒྱ་དམར་གཞུང་གིས་ངོས་ལེན་བྱས་མེད། ཉེ་སྔོན་ཕྱི་ཟླ་༦པའི་ཚེས་༨ཉིན་རྒྱ་དམར་གཞུང་གི་ཕྱི་སྲིད་མགྲིན་ཚབ་པ་ཧོང་ལའེ་ཡིས་འདི་ལྟར་བཤད་ཁུལ་བྱས། ས་གནས་སྲིད་འཛིན་ལས་ཁུངས་ཀྱི་མི་སྣས་བཙུན་པ་ཚོར་ཁྲིམས་ལུགས་སློབ་གསོའི་ལས་འགུལ་ཞིག་སྤེལ་གྱིན་ཡོད། དེ་མིན་བཙན་དབང་བྱས་པ་དང་བོར་བརླགས་སུ་སོང་བའི་གནས་ཚུལ་གང་ཡང་མེད་ཅེས་བརྗོད་ཡོད། ཉིན་དེ་རང་ལ་རྒྱལ་ཚོགས་མཉམ་འབྲེལ་གྱི་མིའི་རིགས་ཀྱི་ཐོབ་ཐང་ལྟ་ཞིབ་པས་བཙུན་པ་དེ་ཚོ་གང་དུ་ཡོད་མེད་འདྲི་རྩད་དང་གཞུང་འཛིན་པས་བཀག་སྐྱིལ་བྱས་ནས་མི་གར་སོང་ཆ་མེད་དུ་འགྱུར་བཞིན་དེར་སེམས་ཁྲལ་ཆེན་པོ་ཡོད་ལུགས་དང་རྒྱ་དམར་གཞུང་ངོས་ནས་ཁྲིམས་མཐུན་གྱི་རྟོག་ཞིབ་བྱེད་དགོས་པའི་འབོད་སྐུལ་ཞུས་འདུག
ཉེ་ཆར་ཕྱི་སྲིད་མགྲིན་ཚབ་པ་ཧོང་གིས་བདུན་ཕྲག་རེའི་གསར་འགོད་གསལ་བསྒྲགས་ལ་རྔ་བ་ཀིརྟི་དགོན་པའི་བཙུན་པ་ཚོར་འབྲེལ་ཡོད་ལས་བྱེད་པས་ཆོས་ལུགས་ཀྱི་བྱེད་སྒོ་རྒྱུན་ལྡན་ཡོང་ཆེད་དུ་ཁྲིམས་ལུགས་སློབ་གསོ་སྤྲོད་བཞིན་ཡོད། དེ་མིན་བཙན་དབང་གིས་མི་བཀག་སྐྱིལ་གྱིས་གར་སོང་ཆ་མེད་དུ་གྱུར་བ་ལྟ་བུའི་གནས་ཚུལ་གཏན་ནས་བྱུང་མེད་ཅེས་བཤད་འདུག
སྐབས་འདིར་བཙུན་པའི་ངོ་རྒོལ་གྱི་ལས་འགུལ་དེ་ཁྱབ་འཕེལ་དུ་འགྲོ་བཞིན་ཡོད་པའི་རྟགས་མཚན་གཞན་ཞིག་ནི་དཀར་མཛེས་སུ་ཡང་བཙུན་པས་ངོ་རྒོལ་གྱི་ལས་འགུལ་སྤེལ་བ་གཞུང་གིས་དྲག་གནོན་བྱས་ཚུལ་གྱི་གནས་ཚུལ་ཐོན་བཞིན་ཡོད། ཡིན་ན་ཡང་གནས་ཚུལ་གསལ་བོ་ད་དུང་ཤེས་རྟོགས་མི་འདུག
རང་དབང་གི་ཡུལ་དུ་གནས་ཤིང་རྒྱུ་བའི་མི་མང་དང་ལྷག་པར་ཡང་འཛམ་བུ་གླིང་ལ་འགུལ་སྐྱོད་གཏོང་གི་ཡིན་ཟེར་མཁན་ཚོས་བྱང་ཨ་ཧྥི་རི་ཁ་དང་དབུས་ཤར་ཨེ་ཞི་ཡའི་ཇ་སི་མེན་མེ་ཏོག་གསར་བརྗེའི་གཏམ་བཟང་ཁོ་ན་ལ་ཉན་ནས་འདུག་པ་ལས་ལྡོག་སྟེ་བོད་ཀྱི་ས་ཁུལ་གྱི་བཙུན་པ་ཚོས་སྤེལ་བཞིན་པའི་ཇ་སི་མེན་མེ་ཏོག་གི་གསར་བརྗེ་དེའི་སྐོར་ཀྱང་སྐད་གསང་མཐོན་པོས་གླེང་བའི་དུས་ལ་བབ་འདུག
མཆེ་གཙིགས་རྔམ་བརྗིད་ལྕགས་ཀི་ཐོ་བ་དང་། །
རྣོ་གི་སྐམ་པ་ཐོགས་པའི་ཆོས་སྐྱོང་ཟིག །
གངས་ཅན་བོད་པ་ཚང་ང་ཡོད་རྒྱུ་ན། །
ཀིར་དགོན་ལྕགས་ཚེར་གཅོད་རྒྱོ་ཅང་མ་རེད། །
ཀྱེ། བཞེངས་ཤིག་འཛམ་གླིང་སྤྱི་ཚོགས་རྣམས༎དྲང་བདེན་སྐྱོབ་པའི་དུས་ལ་བབ༎སྐད་གྲགས་ཆེ་བའི་དཀྱིལ་འཁོར་ནས༎རྒྱལ་ཚོགས་མཉམ་འབྲེལ་བཞེངས་སུ་གསོལ༎མི་ཡི་ཐོབ་ཐང་བསྒྲགས་གཏམ་འདི༎སྙིང་སྟོབས་ཆེན་པོས་ཉམས་ལེན་མཛོད༎ཅུས་གཏོགས་ཆེ་བའི་དཀྱིལ་འཁོར་ནས༎ཨ་མེ་རི་ཁ་བཞེངས་སུ་གསོལ༎ཞི་བདེ་སྤེལ་བའི་ཕོ་ཉ་དེ༎ཕྱོགས་རིས་མེད་པར་ཁྱབ་པར་མཛོད༎འབྲེལ་བ་ཆེ་བའི་དཀྱིལ་འཁོར་ནས༎རྒྱ་གར་གཞུང་དམངས་བཞེངས་སུ་གསོལ༎ཆ་རྒྱུས་ཆེ་བའི་ཁྱིམ་མཚེས་ཆེད༎བདེན་གཏམ་བ་དན་མཁའ་ལ་ཕྱོར༎ཤ་ཞེན་ཆེ་བའི་དཀྱིལ་འཁོར་ནས༎བོད་རིགས་སྤུན་ཟླ་བཞེངས་སུ་གསོལ༎སྐྱིད་སྡུག་མཉམ་དུ་མྱོང་བ་ཡི༎ལ་རྒྱའི་རི་མོ་སྙིང་ལ་ཁོད༎གཡར་དམ་གཉན་པོ་དྲན་པར་མཛོད༎མཐུ་རྩལ་ཕྱུངས་བའི་དུས་ལ་བབ༎
བྱ་ཐབས་གཞན་མ་རྙེད་ནས་འདི་ཡང་རྒྱབ་གནོན་དུ་བྲིས།
རྒྱལ་ཞེན་སྙིང་སྟོབས་དཔའ་བོའི་གད་རྒྱང་སྒྲོག། རང་ལུས་གཅེར་བའི་འོད་ཀྱི་མཆོད་མེ་སྒྲོན། ཚེ་གཅིག་འབར་བའི་ཞི་བདེའི་འོད་སྣང་དེ། མི་ནུབ་བསྟན་པའི་རྒྱལ་མཚན་འཛིན་གྱུར་ཅིག ཞེས་ཚིགས་སུ་བཅད་པའི་མདུན་བསུས་ནས་གང་གླེང་པར་བྱ་བ་ནི་རྔ་ཡུལ་ཀིརྟིའི་དགོན་གྲོང་ཞེས་པ་ཡོང་གྲགས་སུ་ཨ་མདོ་རྔ་བ་ཟེར་པ་དེ་ནི་ངོ་མ་བོད་མིའི་བདེན་དོན་ཆེད་དུ་རང་སྲོག་བློས་བཏང་ནས་སྐུ་གཟུགས་ཀྱི་མཆོད་མེ་སྒྲོན་མཁན་ཡང་གཉིས་ཞིག་བྱུང་ཡོད་པ་དང་དེ་ནང་བཞིན་བོད་མིའི་རྩ་དོན་ཆེད་རྩོམ་ཡིན་འབྲི་མཁན་སོགས་མང་དུ་བྱུང་བས་ད་སྐབས་བཙོན་ཁང་དུ་གནས་མོས་ཡིན་པ་དེ་ཚང་མའི་ཤེས་གསལ་རེད། སྤྱིར་བོད་མི་སུ་ཞིག་ཡིན་རུང་མདོ་དབུ་ཁམས་གསུམ་ཁྱོན་ཡོངས་ནས་བོད་མིའི་རྩ་དོན་ཆེད་རང་སྲོག་བློས་གཏོང་མཁན་གྲངས་ཀྱི་མི་ལོང་པ་ཞིག་བྱུང་ཡོད་པ་རེད། དེ་ཚོའི་རླབས་ཆེན་གྱི་ཕྱི་རྗེས་ལ་ཡིད་རིང་མི་བཤད་མཁན་ཞིག་སུ་ཡོད། གོ་ཚོད་ལྟར་ན་ཨ་མདོ་ཀིརྟིའི་དགོན་པ་ཟེར་པ་དེ་ལ་གྲྭ་གྲངས་སྟོང་ཕྲག་གཉིས་དང་བདུན་བརྒྱ་ཞིག་ཡོད་པ་རེད་ཟེར་དེ་ད་སྐབས་རྒྱ་ནག་དམར་གཞུང་གིས་དྲག་པོའི་བཙན་རྫོང་གི་མཐའ་སྐོར་ནས་ད་སྐབས་འཆད་ཉན་སློབ་གཉེར་བྱེད་ཅིག་གི་མེད་པར་མ་ཟད་དགེ་འདུན་པ་སུམ་བརྒྱ་ལྷགས་ཞིག་དགོན་པ་ནས་གནས་དབྱུང་བཏང་ཡོད་པ་དང་བཙོན་ཁང་དུ་སྐྱ་སེར་བརྒྱ་ལྷག་ཞིག་ཡོད་ཚུལ་སོགས་བརྗོད་པ་འདི་ངོ་མ་བོད་མི་སུ་ཞིག་ཡིན་རུང་བཟོད་ཐབ་མེད་པ་ལྟ་བུ་ཞིག་ཡིན་པ་མ་ཟད་ཁམས་དཀར་མཛེས་ཁུར་དུ་ཡང་བསྐྱར་སྤུན་ཟླ་མང་པོ་ཞིག་གི་རྒྱལ་ཞེན་སྙིང་སྟོབས་དེ་ང་ཚོའི་མིག་མདུན་དུ་བསྟོན་བཞིན་པ་དེ་ལ་བསམ་ཞིག་བྱུས་དང་ད་ང་ཚོ་འདི་འདྲ་བྱས་ནས་འདུག་ཐུབ་བསམ་བོད་མི་ཚོ་ང་ཚོས་ཞི་བདེའི་འོད་སྣང་གི་དྲག་པོའི་གོ་ཁྲབ་གཏོར་དགོས་ཡ་བོད་མི་ཚོ་རྡོག་རྩ་གཅིག་སྒྲིལ་བྱས་ནས་དམར་གཞུང་ལ་ངོ་རྒོལ་བྱེད་དགོས་ཡ་ལོང་ཤོགས་ལོང་ཤོགས་བོད་མི་ཚོ་ལོང་ཤོགས།
དེ་རིང་ངས་མཐོང་བའི་གནས་ཚུལ་འདི་བདེན་པ་ཡིན་ན་བོད་མི་རིགས་ཀྱི་གནས་བབ་འདི་འདྲའི་གཉན་འཕྲང་ཆེ་བའི་དུས་སྐབས་འདི་འདྲ་ཞིག་ལ་བོད་མི་རིགས་ཀྱི་མགོན་སྐྱབས་དང་བོད་མི་མང་གཉིས་ཀས་ཡིད་ཆེས་བློ་འགེལ་བྱས་པའི་བཙན་བྱོལ་བོད་མིའི་སྒྲིགས་འཛུགས་ཀྱི་ལས་ཀྱི་སྣེ་མོ་ཚོས་རང་སྣང་གང་དྲན་གྱིས་བོད་མི་རིགས་ཀྱི་གནས་བབ་འདི་རྩེད་མོ་རྩེད་བྱེད་ལྟ་བུ་ཞིག་ལ་བེད་སྤྱོད་བྱས་པ་འདི་ལ་བོད་མི་རིགས་སྤྱི་དང་ཡང་སྒོས་ང་ཚོའི་ཆོས་བརྒྱུད་ཆེན་མོ་བཀའ་བརྒྱུད་པའི་སྤྱི་འཐུས་སུ་བཏང་བ་ཞིག་ཡིན་པས་ཆ་ནས་བཀའ་བརྒྱུད་པའི་དགེ་འདུན་པ་གཙོ་བྱས་པའི་ང་ཚོ་དགེ་འདུན་པ་ཡོངས་ནས་གནས་ཚུལ་འདི་བདེན་པ་ཡིན་་མིན་བཙལ་དཔྱོད་དང་བདེན་པ་ཡིན་ན་ངེས་པར་ཁོང་ཕྱིར་ཕུད་དང་ཕྱིན་ཆད་སྤྱི་འཐུས་ཞབས་འདྲེན་འདི་འདྲ་མི་ཡོང་བའི་ཐབས་ལ་ལས་འགུལ་སྤེལ་དགོས་པ་དུས་ལ་བབས་འདུག
ལྷག་དོན་ཀརྨ་ཆོས་འཕེལ་འདི་ང་ཚོས་སྤྱི་འཐུས་སུ་བཀུར་ཀྱང་ཁོང་གིས་སྔ་ཕྱི་བར་གསུམ་དུ་ཞབས་འདྲེན་རིམ་པར་ཞུ་བཞིན་པའི་གནས་བབ་འདི་ཚོ་རང་ངོས་ནས་གསལ་བྱེད་ཅིག་བྱ་དགོས་པ་མ་ཟད་བོད་མི་རིགས་ལའང་དགོངས་དག་ངེས་པར་ཞུ་དགོས་པ་ཡིན།
ཕ་མེའི་རྒྱུད་ནས་མཆོད་པའི་ཕོ་ལྷ།
ཡང་མེའི་རྒྱུད་ནས་བསྟོད་པའི་དགྲ་ལྷ།
བུ་ཚ་རབས་ཀྱིས་གསོས་པའི་ཡུལ་ལྷ།
ཟས་གོས་ཕུད་ཀྱིས་མཆོད་པའི་གཞི་བདག།
རྔམ་གནག་མཆེ་སྡེར་ཅན་གྱི་ཆོས་སྐྱོང་།
དར་མཚོན་ཀློང་ན་བརྗིད་པའི་སྲུང་མ།
སྡང་དགྲ་དམར་བོའི་གློ་སྙིང་འབྱིན་ཤོག།
སྒེར་གཅོད་བདག་པོའི་ཀླད་རྩ་འགེམ་ཤོག།
འཁྲེག་གཟུང་སྲོག་གི་རྩ་བ་གཅོད་ཤོག།
གཅིག་བསྡུད་དབང་རྩའི་རྒྱུ་ཞག་ཆོད་ཤོག།
ལྐོག་ཟ་རུལ་སུངས་སྲིད་གཞུང་གཏོར་ཤོག།
སྐྱེ་རྒྱུན་སྲོག་གི་གཤེད་མ་སྒྲོལ་ཤོག།
འགྲོ་མའི་ཐོབ་ཐང་རྡོག་ཏུ་མནན་པའི།
བདུག་རྩུབ་ཀླ་ཀློའི་སྙིང་ཁམས་དཀྲུགས་ཤོག།
མཐུ་སྟོབས་ཅན་གྱི་བོད་པའི་ལྷ་སྲུང་།
སྡང་དགྲའི་ཚེ་བླ་སྲོག་གསུམ་བཀུག་ཤོག།
དྲ་གྲོགས་སྤོབས་པ་མཐའ་ཡས་ལགས་ཁྱེད་རང་འཛམ་གླིང་སྤྱི་ཚོགས་ལ་རེ་བ་བཅོལ་དང་ངས་འབྲི་ཆུའི་ཆུ་རག་ལ་རེ་བ་བཅོལ་ནས་རྒྱ་དམར་དེ་ཚོ་ཆུ་བཤལ་གཏང་ཁོ་ཐག་ཡིན་
བཞེངས་ཤིག་བཞེངས་ཤེགས་འབྲི་ཆུའི་ཆུ་རག་བཞེངས།
སྐུལ་ལོ་སྐུལ་ལོ་གང་ཅན་དོན་དུ་སྐུལ།
རྒྱ་ཞིང་ཆེན་བཅོ་བརྒྱད་ཆུ་བཤལ་ཐོངས།
བོད་མགོ་ནག་ཡོངས་ལ་བདེ་སྐྱེད་སྒྲུབས།
རྒྱ་སྡུག་ནས་ངུ་སྒྲ་ལྷབ་སེ་ལྷབ།
བོད་དགའ་བའི་གད་མོ་འུ་རུ་རུ་
དོན་དེ་ཆུ་ཡིས་སྒྲུབ་ཏུ་གསོལ།
དྲ་གྲོགས་སྤོབས་པ་མཐའ་ཡས་ལགས་ཁྱེད་རང་འཛམ་གླིང་སྤྱི་ཚོགས་ལ་རེ་བ་བཅོལ་དང་ངས་འབྲི་ཆུའི་ཆུ་རག་ལ་རེ་བ་བཅོལ་ནས་རྒྱ་དམར་དེ་ཚོ་ཆུ་བཤལ་གཏང་ཁོ་ཐག་ཡིན།
ཧྲེ།བཞེངས་ཤིག་བཞེངས་ཤེགས་འབྲི་ཆུའི་ཆུ་རག་བཞེངས།
སྐུལ་ལོ་སྐུལ་ལོ་གང་ཅན་དོན་དུ་སྐུལ།
རྒྱ་ཞིང་ཆེན་བཅོ་བརྒྱད་ཆུ་བཤལ་ཐོངས།
བོད་མགོ་ནག་ཡོངས་ལ་བདེ་སྐྱེད་སྒྲུབས།
རྒྱ་སྡུག་ནས་ངུ་སྒྲ་ལྷབ་སེ་ལྷབ།
བོད་དགའ་བའི་གད་མོ་འུ་རུ་རུ་
དོན་དེ་ཆུ་ཡིས་སྒྲུབ་ཏུ་གསོལ།
ཀྱེ་མ་ཧོ། །
སངས་རྒྱས་གཞན་དུ་བཟུང་བའི་འཁྲུལ་ཚབས་ཀྱིས། །
ཆོས་ཀྱི་དགོངས་དོན་མ་རྟོགས་བདུད་དུ་གོལ། །
འཇིག་རྟེན་སྣང་ཚུལ་བདེན་དང་རྟག་འཛིན་མཁན། །
སྡིག་འདུན་དེ་དག་སྲིད་ན་དབེན་གྱུར་ཅིག །
སྐྱོ་ཤས་ཆུང་བས་དད་གུས་རིམ་གྱིས་ཡལ། །
ངེས་འབྱུང་མེད་པས་འཁོར་བར་རྟག་ཏུ་ཞེན། །
སྙིང་བརྩེ་བྲལ་བས་བྱང་སེམས་རྩ་བ་རུལ། །
གསང་སྔགས་ཚོང་ལས་དེ་ཚོ་ཞེ་རེ་ཁྲེལ། །
མཆོད་འོས་བསླུ་ཚེ་ཡ་ཐོད་འཛུམ་གྱིས་གང་། །
དམ་པ་བསྐུར་འདེབས་འགྲོ་ལ་གཡོ་སྒྱུ་མཁན། །
བོད་དོན་ཁ་ལ་ཁྱེར་བའི་སྤྱི་འཐུས་དང་། །
སྤྱི་རྒྱུ་དཀོར་གཉེར་ཅན་ཚོ་གང་དུ་སོང་། །
རྔ་བའི་རྔ་མའི་ཞབས་ཀྱི་ཁ་གྲགས་འདི། །
སྐྱ་སེར་ལས་ཀྱི་སྒྲུབ་པ་གོ་ལོག་ནས། །
ཆབ་སྲིད་ཆོས་ལ་གཡོག་པའི་ཁ་འབོད་འདི། །
ཁ་སྨྲས་ཉེས་པ་སྟོང་གི་དོ་ཟླ་མིན། །
ཁ་བའི་ལས་དབང་སད་ཀྱི་ཁྱེར་བ་ལ། །
རང་བྱས་ལས་ཀྱི་རྣམ་སྨིན་འབྱུང་བ་ལ། །
མཆོག་གསུམ་ཆོས་སྐྱོང་སྲུང་མ་སྐུལ་བ་དང་། །
ལྷ་བརྒྱ་ཀླུ་སྟོང་འབོད་ཀྱང་སྐྱོབས་པར་དཀའ། །
ལས་ངན་ལྕགས་སྒྲོག་སོ་ཡིས་ཆོད་པ་མིན། །
མཚོན་ཆའི་གཡུལ་ངོ་ཁ་ཡིས་སེལ་ཐབས་དཀའ། །
ཞི་བདེ་རང་དབང་འདོད་པའི་གང་ཟག་དག །
ཐབས་མཁས་རིག་པ་གྲིམས་ཤིག་ཨི་ཐི་རྒྱ། །
ཅི་དྲན་དུ་ཤྲྰིས་སོ
ལས་ངན་ལྕགས་སྒྲོག་སོ་ཡིས་མ་ཆོད་ཀྱང་
མཚོན་ཆའི་གཡུལ་ངོ་ཆུ་ཡི་ལྡོག་ཐབས་ཡོད །
ཞི་བདེ་རང་དབང་འདོད་པའི་གང་ཟག་དེ།
བཙན་པོས་མ་ཞག་མུན་པའི་བཙོན་དུ་བཅུག
ལ་རྒྱས་མ་ཞག་ཁ་ནས་དམོད་ཚིག་བོར།
དེ་རིང་ལག་ནས་གང་བྱུང་འདྲེས་པ་དེ་
ངེས་འབྱུང་ཅན་ཚོའི་མདུན་བཤགས་སུ་གསོལ་།
༄།། དཔའ་བོའི་རྒྱང་གླུ།
རྔ་ཡུལ་ལ་ཕུལ་བ།
ཚེ་སྲོག་གི་མེ་རི་འབར་སོང་།། གཟི་བརྗིད་ཀྱིས་འཛམ་གླིང་ཁྱབ་སོང་།།
བདེན་དོན་གྱི་འབོད་སྒྲ་བསྒྲགས་སོང་།། རྫུན་གཏམ་གྱི་སྨྲ་ལྕེ་བཅད་སོང་།།
ཨེ་མ་ངོ་མཚར་ཆེ།། རྔ་ཡུལ་དཔའ་བོའི་ཞིང་།།
ཨེ་མ་ངོ་མཚར་ཆེ།། བདག་གི་ཕ་ཡུལ་ལགས།།
ལྷིང་འཇགས་ཀྱི་རྨི་ལམ་དཀྲོགས་སོང་།། ལ་རྒྱ་ཡི་སྙིང་ཁམས་སད་སོང་།། སྙིང་སྟོབས་ཀྱི་སེམས་ཁ་གསོས་སོང་།། གཅིག་བསྒྲིལ་གྱི་ལྡོག་རྩ་བརྟན་སོང་།།
ཨེ་མ་ངོ་མཚར་ཆེ།། རྔ་ཡུལ་དཔའ་བོའི་ཞིང་།།
ཨེ་མ་ངོ་མཚར་ཆེ།། བདག་གི་ཕ་ཡུལ་ལགས།།
གསེར་ཡིག་གི་ལོ་རྒྱུས་བྲིས་སོང་།། ལས་དབང་གི་ནོར་རྟགས་བཅོས་སོང་།།
འགྲན་རྩོད་ཀྱི་རྡོ་རིང་བསླངས་སོང་།། དུས་རབས་ཀྱི་འབོད་པ་བཏང་སོང་།།
ཨེ་མ་ངོ་མཚར་ཆེ།། རྔ་ཡུལ་དཔའ་བོའི་ཞིང་།།
ཨེ་མ་ངོ་མཚར་ཆེ།། བདག་གི་ཕ་ཡུལ་ལགས།།
བོད་ཡུལ་དམྱལ་ཁམས་གླིང་།
མགོ་ནག་སྡུག་གི་མནར་།
རྒྱ་ཡུལ་སྲིན་པོའི་གླིང་།
བདུད་པོ་རོ་ལང་རྒྱུག་།
རྔ་ཡུལ་དཔའ་བོའི་ཞིང་།
ཕུན་ཚོགས་དཔའ་རྒོད་འཁྲུང་།
བཙུན་པ་ཚོས་བོད་བསྟན་སྲིད་ཀྱི་ཆེད་དུ་ལས་འགུལ་འདི་ལྟར་སྤེལ་ནའང། ད་དུང་ཁ་ཤས་ཀྱིས་བཙུན་པ་ཚོར་ཁ་གཏོང་ཅི་ཐུབ་བྱེད། འདི་དྲང་པོ་མ་རེད། བཙུན་པའི་ནང་མ་རབས་ཡོད་ལ་ཞབས་འདྲེན་ཞུ་མཁན་ཡང་ཡོད། འོན་ཀྱང་། སྤྱི་ཡོངས་ནས་བཤད་ན། ལྷག་པར་བོད་སྤྱི་པའི་དོན་དག་སྟེང་ནས་བཤད་ན། བཙུན་པ་ཚོ་དངོས་གནས་རླབས་ཆེན་རེད། བཙུན་པ་ཚོ་མེད་ན་ཁྱིམ་པ་ཚོས་ཁག་པོ་རེད་བཞག བོད་ནང་ནས་དཔའ་ངར་ཞུམ་མེད་ཀྱིས་ལས་འགུལ་སྤེལ་མཁན་མང་ཆེ་ཤོས་བཙུན་པ་དང་བཙུན་མ་རེད། འོན་ཀྱང་བཙུན་པ་བཙུན་མ་ཚོའི་ལས་འགུལ་འདི་སངས་རྒྱས་བསྟན་པ་འཛིན་སྐྱོང་གི་བྱ་བ་ཞིག་ལས། གསར་བརྗེའི་ལས་འགུལ་ཞིག་ཏུ་ཁོང་ཚོའི་ངོས་ནས་བརྩི་གི་མེད་པས། ང་ཚོས་དེར་བརྩིས་ན་ཁོང་ཚོའི་བསམ་བློ་གཏོང་ཕྱོགས་དང་ལས་འགུལ་སྤེལ་ཕྱོགས་ལ་གནོད་སྐྱོན་ཐེབས་སྲིད།
དེར་བརྟེན། ༼བོད་ཀྱི་ས་ཁུལ་གྱི་བཙུན་པ་ཚོས་སྤེལ་བཞིན་པའི་ཇ་སི་མེན་མེ་ཏོག་གི་གསར་བརྗེ་དེའི་སྐོར་ཀྱང་སྐད་གསང་མཐོན་པོས་གླེང་བའི་དུས་ལ་བབ་འདུག༽ཅེས་པ་འདི་ལ་ད་དུང་བསམ་དགོས།