ཏྲེ་ཧོར་ཐུབ་བསྟན།
རྒྱ་གཞུང་གིས་བོད་དུ་ལག་སྟར་བྱེད་པའི་དྲག་པོའི་སྲིད་ཇུས་འོག་བོད་རིགས་རྣམས་ཀྱིས་བརྙས་བཅོས་མྱོང་བཞིན་པའི་སྐོར་རྒྱ་རིགས་འགའ་དང་མཉམ་དུ་དྲ་ལམ་བརྒྱུད་གླེང་མོལ་བྱེད་སྐབས།ཁོང་ཚོར་ཐུན་མོང་གི་ལྟ་ཚུལ་ཞིག་མཆིས་པ་ནི་“ང་ཚོའི་གནས་སྟངས་ཀྱང་ཁྱོད་ཚོ་དང་གཅིག་མཚུངས་རེད། “རིག་གནས་གསར་བརྗེ་ཆེན་མོའི”གོད་ཆག་ཁྱོད་ཚོའི་མགོ་ཐོག་ཏུ་ལྷུང་མྱོང་བ་མ་ཟད།ང་ཚོའང་དེ་ལས་གཡོལ་ཐུབ་མེད།ད་ལྟ་བོད་རིགས་མང་དག་ཅིག་འཇུ་བཟུང་དང་བཙོན་འཇུག་བྱེད་བཞིན་ཡོད་ཀྱང་།ང་ཚོའི་དམངས་གཙོ་དོན་གཉེར་བ་དང་སྲིད་གཞུང་དང་ལྟ་བ་མི་མཐུན་པ་ཚོའི་གནས་བབ་ཀྱང་ཤེས་གསལ་རེད་”ཟེར།ཕྱོགས་གཅིག་གི་གནས་བབ་ལ་བསམ་ན་ལྟ་ཚུལ་འདི་བདེན་མོད།འོན་ཀྱང་།གནད་དོན་དེ་ཙམ་ཀྱིས་ཁ་ཚོན་གཅོད་དེ་བཤད་ཐུབ་པ་ཞིག་མིན་པ་དང་།ང་ཚོའི་ད་དུང་གཏན་ནས་མཐོང་ཐུབ་མེད་པའམ་དོ་སྣང་དེ་ཙམ་མེད་པའི་ཕྱོགས་གཞན་ཞིག་གི་ངོས་ནི་མི་སེར་སྤེལ་ཡུལ་དང་དབང་བསྒྱུར་མི་རིགས་གཉིས་ཀྱི་མི་འདྲ་ས་དེ་རེད།
ཉེ་ཆར་སི་ཁྲོན་ཁྲིན་ཏུའུ་རུ་བོད་རྒྱའི་སློབ་མའི་དབར་འཁྲུག་ཟིང་གི་དོན་རྐྱེན་བྱུང་ཡོད་ཅིང་།རྒྱ་རིགས་སློབ་མའི་ཟུར་ཟའི་འབོད་སྒྲ་གཅིག་ནི་“སྐར་ གྲངས་ཐོལ་སྤྲོད”་རེད།བོད་རིགས་ཚུད་པའི་གྲངས་ཉུང་མ་རིགས་ཚོར་སྐར་གྲངས་ཁ་སྣོན་གྱི་སློབ་གསོའི་སྲིད་ཇུས་འདི་བོད་རིགས་སློབ་མའི་སྦྱོང་སྟོབས་ཞན་པར་དམིགས་པ་མིན་ལ། ཆེད་དུ་མི་རིགས་རོགས་སྐྱོར་སྲིད་ཇུས་ཀྱི་ཁོངས་གཏོགས་ཀྱང་མ་རེད།འདི་ནི་དབང་བསྒྱུར་མི་རིགས་དང་མི་སེར་སྤེལ་ཡུལ་གཉིས་ཀྱི་རྩ་བའི་འདྲ་མཉམ་མིན་པའི་སྲིད་ཇུས་དང་དེའི་རྒྱབ་ལྗོངས་རེད།ང་ཚོ་ནི་རྒྱ་རིགས་དང་ཐ་དད་པའི་མི་རིགས་རང་རྐྱ་འཕེར་བ་ཞིག་ཡིན་པ་མ་ཟད།ཡུན་རིང་གི་ལོ་རྒྱུས་ལྡན་པའི་རིག་གཞུང་དང་ཕུན་སུམ་ཚོགས་པའི་ལྟ་གོམས་གཤིས་ལུགས་མངའ་བའི་མི་ར ིགས་ཤིག་རེད།བོད་ཀྱི་ སྐད་དང་ཡི་གེ་ནི་རྒྱལ་སྤྱིའི་ཚད་འཛིན་ཡིག་རིགས་སུ་གཏོགས་པའི་དེང་གི་རྒྱ་ནག་ གྲངས་ཉུང་མི་རིགས་ཀྱི་སྐད་ཡིག་གཅིག་པོ་དེ་ཆགས་ཡོད།ཀུན་གྱིས་ཤེས་གསལ་ལྟར།མི་ རིགས་གཞན་ཞིག་གི་སྐད་ཡིག་ནང་མི་རིགས་དེའི་མི་དང་འདྲ་མཉམ་གྱི་རྒྱུགས་འབྲས་སུས་ཀྱང་ལེན་མི་སྲིད།ད་དུང་རྒྱ་ནག་གིས་འབྲེལ་ཡོད་གྲངས་ཉུང་མི་རིགས་ས་ཁུལ་གྱི་རྒྱུགས་གྲངས་ཐོལ་སྣོན་སྐོར་བཤད་སྐབས།“གྲངས་ཉུང་མི་རིགས་ས་ཁུལ་གྱི་དཔལ་ འབྱོར་གནས་བབ་དང་ཤེས་ཡོན་གྱི་ཆུ་ཚད་སོགས་གང་ཅིའི་ཐད་ནས་རྗེས་ལུས་ཅན་ཡིན་པར་བརྟེན་རྩ་བའི་རྒྱུ་རྐྱེན་དེ་དག་ཡོངས་སུ་སེལ་ཐུབ་པའི་ཆེད་དུ་ཏང་དང་སྲིད་གཞུང་གིས་ཆེད་དུ་དམིགས་བཀར་སློབ་གསོའི་སྲིད་ཇུས་ལག་སྟར་བྱེད་པ་རེད་ཟེར།”འདི་ནི་དཔལ་འབྱོར་སྔོན་ཐོན་དང་རྗེས་ལུས་ལ་སྐུལ་འདེད་བྱེད་པའི་གནད་དོན་ཙམ་མིན་པར་མི་རིགས་གཉིས་ཀྱི་ཐུན་མོང་མ་ཡིན་པའི་ག ནས་སྟངས་འོག་བྱུང་བ་དང་།དམིགས་བསལ་གྱི་སྐར་གྲངས་༢༠%ལས་མང་བ་ཞིག་ཡོད་པའི་དབང་དུ་བཏང་ཡང་དྲང་བདེན་ལུགས་མཐུན་ཞིག་ག་ལ་འགྱུར།མི་རིགས་རང་ཉིད་ལ་བཀོལ་སྤྱོད་ཀྱི་ནུས་པ་ལྡན་པའི་ སྐད་ཡིག་ཕུན་སུམ་འཚོགས་པ་ཞིག་ཡོད་བཞིན་སློབ་ཚན་ཡོངས་རྫོགས་རྒྱ་ཡིག་ལམ་ནས་སྦྱང་དགོས་ན།འདི་ནི་ལུས་ཕུང་གནར་གཅོད་ཀྱི་སྡུག་བསྔལ་ལས་ཀྱང་ལྕི་བའི་བཙན་འགེལ་གྱི་བཅད་ཁྲིམས་ཤིག་རེད།
མི་རིགས་ཤིག་གི་སྐད་དང་ཡི་གེ་ལ་མཐོང་ཆེན་བྱེད་པ་ནི་མི་རིགས་དེར་གུས་བརྩི་མཚོན་པའི་འདྲ་མཉམ་གྱི་རྟགས་མཚན་ཞིག་ཡིན།མི་རིགས་ཀྱི་སྐད་ཡིག་རང་དབང་བཀོལ་སྤྱོད་ཐོབ་ཐང་ནི་རྒྱལ་སྤྱིའི་ཁྲིམས་ཐོག་ནས་གཏན་ལ་ཕབ་ཅིང་།འགྲོ་བ་མིའི་ཐོབ་ཐང་ལ་མེད་དུ་མི་རུང་བའི་གལ་ཆེའི་གནད་དོན་ཞིག་ཆགས་ཡོད་པ་མ་ཟད།རྒྱ་ནག་གི་ཡིག་ཐོག་འཁོད་པའི་<<རྩ་ཁྲིམས>>་ནང་དུའང་“མི་ རིགས་རང་ཉིད་ཀྱི་སྐད་ ཡིག་ལ་སློབ་སྦྱོང་གི་ཐོབ་ཐང་དང་བཀོལ་སྤྱོད་ཀྱི་ཐོབ་ཐང་།མི་རིགས་རང་སྐྱོང་ས་ཁུལ་དུ་ལས་དོན་སྒྲུབ་སྐབས་རང་སྐད་བེད་སྤྱོད་ཆོག་པའི་ ཐོབ་ཐང་”སོགས་བྲིས་ཡོད་མོད།ཡིན་ནའང་།དེ་ནི་ཡིག་ཐོག་འཁོད་པའི་ཁ་གཡར་ཀྱི་སྲིད་ཇུས་ཙམ་ལས་དོན་དུ་བོད་ཀྱི་སྐད་ཡིག་བཀོལ་སྤྱོད་དང་སློབ་སྦྱོང་གི་ཁོར་ཡུག་རྟ་རྔ་ལས་ཉག་ཕྲ་ཞིང་ཁབ་མིག་ལས་གུ་དོག དབང་བསྒྱུར་པའི་རང་ཉིད་ཀྱི་སྐད་ཡིག་གི་ཁྱབ་ཁོངས་རྒྱ་ཆེར་བཏང་བ་དང་“སྐད་ཡིག་ གཅིག་གྱུར”་གྱི་ཕྱོགས་སུ་གོམ་པ་སྤོས་ཏེ།རྒྱལ་ཁབ་གཅིག་གྱུར་གྱི་སྔོན་འགྲོའི་ཆ་རྐྱེན་བསྐྲུན་བཞིན་པ་འདི་“རྒྱ་ནག་གོང་བུ་གཅིག་གྱུར་”དང་“མེས་རྒྱལ་དང་ཁ་འབྲལ་ཐབས་མེད་པའི་མི་རིགས་ག་གེ་མོ”ཞེས་པ་དག་གཏིང་འཇོམ་བྱེད་ཀྱི་རྩ་བའི་སྲིད་ཇུས་ཡིན་པ་མ་ཟད།རྒྱ་རིགས་དང་བོད་རིགས་དབར་གནས་པའི་འདྲ་མཉམ་མིན་པའི་གནས་སྟངས་ཏེ།མི་སེར་སྤེལ་ཡུལ་དང་དབང་བསྒྱུར་མ ི་རིགས་གཉིས་བར་གཞི་རྩའི་གནད་དོན་དང་མི་འདྲ་བའི་ཆ་གཉིས་རེད།
སྤྱིར་རྒྱ་བོད་མི་རིགས་གཉིས་འདྲ་མཚུགས་སུ་རྒྱ་ནག་དམར་པོའི་ཤོག་ཁག་གི་སྲིད་དབང་གཅིག་སྡུད་ལམ་ལུགས་དང་སྒེར་སྡོམ་དྲག་པོའི་སྲིད་ཇུས་ཀྱི་བཙན་གནོན་དང་དབང་བསྒྱུར་འོག་ཡོད་པ་མ་ཟད།སྨྲ་བརྗོད་རང་དབང་དང་ཆོས་དད་རང་མོས།ཆབ་སྲིད་དང་དཔལ་འབྱོར་སོགས་ཕྱོགས་མང་པོ་ཐད་ཀྱི་རང་དབང་ལ་འདྲ་མཉམ་གྱི་ཚད་བཀག་ཐེབས་བཞིན་ཡོད་ན་ཡང་།བོད་ཀྱི་ཐུན་མོང་མ་ཡིན་པའི་ལོ་ རྒྱུས་དང་རིག་གཞུང་།ས་ཁམས་སོགས་མི་རིགས་རང་བཙན་པའི་ཁྱད་ཆོས་འབུར་དུ་ཐོན་པའི་རྩ་བའི་རྒྱུ་རྐྱེན་གྱིས་བོད་དེ་ནམ་ཡང་རྒྱ་ནག་གིས་མི་སེར་སྤེལ་ཡུལ་གྱི་ས་ཁུལ་ཞིག་ཆགས་ཡོད།མོའོ་ཙུང་ཏུང་གིས་ཐོག་མར་བོད་དེ་རང་བཙན་གྱི་རྒྱལ་ཁབ་ཅིག་ཏུ་ངོས་འཛིན་ཏེ་བོད་ལ་དབང་བསྒྱུར་གྱི་ཇུས་ངན་སྣ་ཚོགས་བཤམས་པ་དང་།ཁོང་ཚོ་རོགས་སྐྱོར་གྲོགས་པོ་ཞིག་གི་ངོས་ནས་བོད་དུ་ སླེབས།བོད་ལ་དམག་གི་རྟེན་གཞི་འཛུགས་རྗེས་ད་གཟོད་གདོང་མདོག་བསྒྱུར་ཏེ་དབང་བསྒྱུར་བའི་འགོ་བརྩམས།བོད་མིས་དེར་དྭང་ལེན་བྱས་མ་ནུས་པར་བོད་ཤར་ཕྱོགས་མདོ་སྟོད་སྨད་ནས་རིམ་བཞིན་ངོ་རྒོལ་བྱུང་སྐབས།“ངོ་ལོག་ཟིང་འཁྲུག་ཞི་ འཇགས་གཏོང་བ”ཞེས་ཉེས་མིང་འདོགས་ཏེ་མི་གྲངས་ཁྲི་ཚོར་བརྒལ་བ་དམར་གསོད་བཏང་། སྤྱི་ལོ་༡༩༥༩ལོའི་ཟླ་༣པའི་ནང་གྲོང་ཁྱེར་ལྷ་སར་མདོ་སྟོད་སྨད་ཀྱི་མི་སེར་དང་ཆུ་བཞི་སྒང་དྲུག་གི་དམག་མི།སེར་འབྲས་དགའ་གསུམ་གྱི་གྲྭ་བཙུན། ལྷ་སའི་ཡུལ་མི་བཅས་དམར་གསོད་བཏང་བའི་རོའི་ལྷ་སའི་སྲང་ལམ་ཁེངས་པའི་འཇིགས་ཡེར་སྐྱི་གཡའ་བའི་དུར་ས་ཞིག་ཏུ་བསྒྱུར་བ་དང་།ཉིན་མཚན་བདུན་ལ་བསྲེག་ནས་མ་འཚིགས་པའི་དུད་སྤྲིན་གྱིས་བར་སྣང་བསྟིབས།སྤྱི་ལོ་༡༩༨༦དང་༡༩༨༧ ལོ་༡༩༨༩ལོར་སོགས་བོད་མིའི་ངོ་རྒོལ་རིམ་པ་ཁག་ནང་བོད་མིའི་ཅི་ཙམ་གྱི་ཚེ་སྲོག་དམར་པོ་རྒྱ་དམར་དྲག་གཞུང་གི་མེ་མདའི་འོག་ཤོར་ཡོད།ད་དུང་༢༠༠༨དང་༢༠༠༨རྗེས་སུ་བོད་མི་ག་ཚོད་ཙམ་བསད་པ་དང་ག་ཚོད་ཙམ་གར་སོང་ཆར་མེད་དུ་གྱུར་ཡོད།ན་ནིང་སྤྱི་ཟླ་༣་ནས་བརྩིས་པའི་ད་བར་བོད་ཀྱི་གྲྭ་བཙུན་༡༣ལྷག་གིས་རང་ལུས་དྲོན་མོ་མེར་བསྒྲོན་ཏེ་དྲག་གཞུང་གི་བཙན་གནོན་ལ་ངོ་རྒ ོལ་འགྲོ་བ་མིའི་བློ་ངོར་ཤོང་དཀའ་བ་བྱུང་བཞིན་ཡོད།
དམར་པོའི་ཤོག་ཁག་གིས་རྒྱ་ནག་སྐམ་སར་དྲག་པོའི་སྲིད་དབང་བཙུགས་པ་ནས་བཟུང་རིག་གནས་གསར་བརྗེ་དང་དམངས་གཙོ་བཅོས་བསྒྱུར།གཡས་ཐལ་དང་གཡོན་ཐལ་སོགས་ཆབ་སྲིད་ཀྱི་ལས་འགུལ་འདྲ་མིན་འོག་རྒྱ་རིགས་མི་དམངས་དུང་ཕྱུར་བརྒལ་བས་བཟོད་བསྲན་དཀའ་བའི་གདུག་རྩུབ་ཀྱི་སྲིད་ཇུས་འདྲ་མིན་རེ་རེར་བཞིན་ཉམས་སུ་མྱོང་དགོས་བྱུང་ཡོད་ཅིང་།༡༩༨༩ལོར་གནམ་བདེ་སྒོ་མོ་ཆེའི་ཐང་ཆ ེན་རྒྱ་རིགས་སློབ་མ་བརྒྱ་ཕྲག་བརྒལ་བའི་ཚེ་སྲོག་དྲག་གཞུང་གི་མེ་མདའི་འོག་ནས་གཤེགས་པ་དང་།ཧྥ་ལིན་ཀུང་ཆོས་ལུགས་སྒོམ་སྒྲུབ་ཉམས་ལེན་པ་ཁྲི་ཚོ་མང་པོར་འཇུ་བཟུང་བཀར་ཉར་གྱིས་སུན་བཙེར་སྣ་ཚོགས་བཟོས་པ་དང་།དུས་ད་ལྟའི་བར་དུ་རྒྱ་ནག་སྐམ་ས་ནང་ཁུལ་དུ་ལོ་རེར་བཞིན་མི་དམངས་ཚོས་དྲག་གཞུང་ལ་ངོ་རྒོལ་རྒྱུན་ཆད་མེད་པར་བྱུང་བཞིན་ཡོད་པ་མ་ཟད།དམར་ཤོག་རང་ཉིད ་ཀྱི་སྲིད་དབང་སྲ་བརྟན་ཆེད་སྒོ་ཀུན་ནས་དམ་དྲག་གྱི་སྲིད་ཇུས་རྒྱུན་འཁྱོངས་ཀྱིས་རང་དབང་ལ་མངོན་གསལ་དོད་པོས་ཚད་འཛིན་ཡོད་ནའང་།མི་སེར་ སྤེལ་ཡུལ་དང་དབང་བསྒྱུར་མི་རིགས་གཉིས་ལ་ད་དུང་རྩ་བའི་ཧེ་བག་ཆེན་པོ་ཡོད།བོད་དུ་ངོ་རྒོལ་ཆེ་མ་ཆུང་གསུམ་ཅི་ལྟ་བུ་ཞིག་བྱུང་ཀྱང་ལམ་སེང་ཐེ་ཚོམ་མེད་པར་དྲག་གནོན་བྱས་རྐྱང་ཡིན་པ་དང་།“ཁ་བྲལ་ལ་ངོ་རྒོལ”་ཞེས་པ་ནི་བོད་ལ་དབང་བསྒྱུར་གྱི་རྩ་བའི་ཆབ་སྲིད་ཀྱི་ལག་ཆ་རུ་གྱུར་ཡོད།ཁ་བྲལ་ལ་ངོ་རྒོལ་མཐིལ་ཕྱིན་བྱ་ཐུབ་མིན་ནི་རྒྱ་ནག་གིས་བོད་ལ་དབང་བསྒྱུར་གྱ ི་སྲིད་དབང་སྲ་བརྟན་ཆགས་མིན་གྱི་ཚད་འཛིན་ལྟ་བུ་ཡིན།བོད་མིའི་སྨྲ་བརྗོད་རང་དབང་དང་ཆོས་དད་རང་མོས།འགྲོ་བ་མིའི་ཐོང་ཐང་དང་སྐད་ཡིག་འདྲ་མཉམ་ཐོང་ཐང་།ཁོར་ཡུག་གི་གནད་དོན་སོགས་ཚུད་པའི་རྒྱ་གཞུང་ལ་ངོ་རྒོལ་གྱི་རྣམ་འགྱུར་ཐམས་ཅད་ལ་“ཁ་བྲལ”ཞེས་པའི་ཉེས་མིང་གཡོགས་ཏེ་ བཙན་གནོན་རྐྱང་བྱེད་བཞིན་པ་འདི་ལ་ཞིབ་ཏུ་བསམ་ན།འདི་ནི་འགྲོ་བ་མིའི་ཐོབ་ཐང་ཙམ་གྱི་གནད་དོན་མིན་པར་མི་རིགས་ཤིག་གིས་མི་རིགས་གཞན་ཞིག་ལ་དྲག་པོའི་དབང་ བསྒྱུར་གྱི་སྲིད་དབང་སྲ་བརྟན་དང་རྒྱུན་སྐྱོང་ཆེད་རེད།
འཇར་པན་དབང་བསྒྱུར་ཤོག་ཁག་གིས་རྒྱ་ནག་ལ་བཙན་འཛུལ་བྱས་པའི་ལོ་རྒྱུས་ནང་།ང་ ཚོར་བག་ཆགས་ཆེས་འཐུག་པ་ཞིག་ནི་“ནེ་ཅིང་དམར་གསོད་ཆེན་མོ”རེད།རྒྱ་གཞུང་རང་གི་རྩ་འཛིན་ཡིག་ཆ་ནང་འཁོར་ལྟར་ན།“ནེ་ཅིང་དམར་གསོད་ཆེན་མོའི”ནང་རྒྱ་རིགས་ཁྲི་༣༠ ནས་༤༠བར་རྐྱེན་ལམ་དུ་བཏང་ཡོད་པ་དང་།རྒྱ་ནག་མི་དམངས་ཀྱི་དུས་རབས་ཕྱེད་ལྷག་རིང་བརྗེད་མི་ཐུབ་པའི་སེམས་ལ་ཤ་འཁོན་གྱི་རྨ་ཁ་བཟོས་ཡོད།སྐབས་དེར་འཇར་པན་གྱིས་རྒྱ་ནག་གི་མི་གྲངས་དེ་ཙམ་དམར་གསོད་བཏང་དགོས་དོན་ནི་འཇར་པན་གྱི་རྒྱ་ནག་ལ་དབང་བསྒྱུར་ཕྱིར་རེད།འཇར་པན་དང་རྒྱ་ནག་མི་རིགས་གཉིས་དབར་དངོས་སུ་བྱུང་མྱོང་བའི་ལོ་རྒྱུས་ཀྱི་སྐྱོ་གར་ཞིག་ཀྱང་རེད། དེ་ལྟར་ནའང་།རྒྱ་ནག་གིས་བོད་ལ་དྲག་པོའི་བཙན་འཛུལ་དང་དབང་བསྒྱུར་ཁྲོད་བོད་མི་ཁྲི་༡༢༠ཙམ་རྒྱུན་ལྡན་མིན་པའི་གནས་སྟངས་འོག་རྐྱེན་འདས་སུ་སོང་ཡོད་པ་དང་།རྒྱ་མི་འགས་བཤད་པ་ལྟར་ན།གྲངས་ཀ་དེ་ནི་ཧ་ཅང་ཐལ་དྲག་པ་རེད་ཟེར།གང་ལྟར་ཐལ་དྲག་པ་ཡིན་པའི་དབང་དུ་བཏང་ཏེ་གྲངས་ཁྲི་༣༠ནས་༤༠བར་ཉུང་དུ་བཏང་ཡང་།རྒྱ་རིགས་དང་བོད་རིགས་བར་གྱི་མི་གྲངས་གཤིབ་བསྡུར་འོག་ “ནེ་ཅིང་དམར་གསོད་ཆེན་མོ་”ལྟ་བུ་ཐེངས་ག་ཚོད་རེད་དམ།འདི་ནི་རྒྱ་ནག་གི་མིས་འཇར་པན་ལ་འཛིན་པའི་བརྗེད་མི་ཐུབ་པའི་ཤ་འཁོན་དང་འདྲ་བ་དགུ་བརྩེགས་ཤིག་བོད་མིའི་མགོ་ཐོག་ཏུ་ལྷུང་ཡོད་པ་རེད།
༢༠༠༨ལོའི་ཞི་རྒོལ་སྐབས་གྲོང་ཁྱེར་ལྷ་སའི་ཉེ་འདབས་ཀྱི་གྲོང་མི་ཁག་ཅིག་རྒྱ་དམག་གིས་འཛིན་བཟུང་བྱས་པའི་བརྙན་འཁོར་ཕྱིར་གྱར་བ་དེ་བལྟས་སྐབས།ང་ཚོས་རང་དབང་མེད་པར་རྒྱ་གཞུང་རང་ཉིད་ཀྱིས་ཐལ་དྲག་སྒྲོ་འདོགས་བྱས་པའི་གློག་ བརྙན<<འདྲེ་དམག་གྲོང་པར་འཛུལ་བ>>ཡི་ནང་གི་བྱ་སྤྱོད་དག་མིག་ལམ་ ལྷང་ངེར་འཆར་ཞིང་།དེ་ལས་ལྷག་པའི་སྣང་བརྙན་ཞིག་གང་དུ་བཙལ་ཀྱང་རྙེད་ཀྱི་མི་ འདུག མི་རྣམས་སྐྱིད་པའི་གཉིད་དུ་ཡུར་བའི་ཐོ་རེངས་ཀྱི་དུས་ཚོད་དེར།དྲག་པོའི་གོ་མཚོན་འདྲ་མིན་ཐོགས་པའི་དམག་མི་བརྒྱ་ཁྲག་བརྒལ་བ་གློ་བུར་དུ་བོད་གྲོང་ལ་འཛུལ་བ་དང་།གྲོང་མིའི་དུད་ཁྱིམ་རེ་རེའི་སྒོར་ཉུལ་བྱས་ཏེ་ལག་ཏུ་ཁབ་འབིག་ཙམ་ཡང་ཐོགས་མེད་པའི་བོད་མི་རེ་རེར་བཞིན་ཡ་ང་སྙིང་རྗེ་མེད་པའི་རྡུང་རྡེག་དང་བཅས་བཙན་གྱི་འཁྲིད་སྐབས།ཁོང་ཚོའི་གློག་བརྙན་འཁྲ བ་ཚན་ནང་གི་འཇར་པན་བ་ཚོའི་གཟུགས་བརྙན་རེ་རེར་བཞིན་དྲན་འོང་།རེད་ཡ།འདྲེ་དམག་རེད།དུས་རབས་ཕྱེད་ལྷག་གོང་གི་འཇར་པན་གྱི་འདྲེ་དམག་རྣམས་དེ་རིང་གི་ལོ་རྒྱུས་དང་སྒྲོ་འདོགས་གློག་བརྙན་གྱི་གཟུགས་སུ་གྲུབ་སོང་བ་ཡིན་ཡང་།དུས་རབས་ཉེར་གཅིག་པའི་རྒྱ་འདྲེ་གསོན་པོ་དག་ བོད་ཀྱི་གྲོང་པ་དང་དགོན་སྡེ་སོགས་ཀྱི་ནང་དུ་འདུར་རྒྱུགས་བྱེད་བཞིན་འདུག འདི་ནི་རྒྱ་ནག་གིས་བོད་ལ་དབང་བསྒྱུར་ཏེ་མི་ལོ་དྲུག་ཅུར་ཟིན་པའི་དེ་རིང་བོད་ཀྱི་གནས་སྟངས་ཡིན་ཞིང་།ཆོལ་གསུམ་བོད་མིས་ད་བར་བོད་མི་རིགས་ཀྱི་སྐད་དང་ཡི་གེ ཆོས་དང་རང་གཞུང་།ཁོར་ཡུག་སོགས་བོད་རང་ཉིད་ལ་དབང་བའི་ཡོད་ཚད་ལ་བདག་པོའི་འདུ་ཤེས་ཀྱིས་སྲུང་སྐྱོབ་དང་།གཞན་གྱིས་དབང་བསྒྱུར་ལ་འཐབ་རྩོད་མཐར་ཕྱིན་བྱེད་པའི་མི་རིགས་ཤིག་གི་འཆི་གསོན་གྱི་འཐབ་རྩོད་ཅིག་ཡིན་འོས་པ་ལས།སྨྲ་བརྗོད་རང་དབང་དང་ཆོས་དད་རང་མོས་ཙམ་ལ་ཚད་འཛིན་གྱི་ལམ་ནས་མི་རིགས་དབང་བསྒྱུར་གྱི་གནད་དོན་དུས་ནམ་ཡང་མཇུག་སྒྲིལ་མི་ཐུབ་པ་མ་ཟད། གལ་ཏེ་རྒྱ་ནག་དམངས་གཙོའི་ལམ་ཏུ་བསྐྱོད་ཀྱང་“རྒྱ་ནག་གོང་བུར་གཅིག་གྱུར”་གྱི་རྨི་ལམ་ལ་ད་དུང་འགལ་རྐྱེན་འཕྲད་ངེས་ཡིན།།
སྤྱི་ལོ་༢༠༡༡ལོའི་ཟླ་༡༢པའི་ཚེས༢༧ལ།
མཁྱེན་ཡངས་དྲ་གྲོགས་རྣམས་ལ་འདྲི་རྒྱུ། སྐྱབས་རྗེ་ཕ་བོང་ཁ་པའི་དྲུང་ཡིག་ལྡན་མ་བློ་བཟང་རྡོ་རྗེ་ལགས་དང་། ཆོས་མགོན་སྐུ་ཕྲེང་བདུན་པ་ཆོས་ཀྱི་ཉིན་བྱེད་མཆོག་རྣམ་གཉིས་ཀྱི་འཁྲུངས་འདས་ལོ་ཚིགས་དང་ལོ་རྒྱུས་མདོར་བསྡུས་རེ་དང་། ཡོངས་འཛིན་བློ་བཟང་བསྟན་འཛིན་རྒྱལ་མཚན་གྱི་འཁྲུངས་འདས་ལོ་ཚིགས་ཁ་གསལ་རེ་གསུངས་རྒྱུ་ཡོད་ན་གང་མྱུར་བདག་གི་དྲ་ཚིགས་སུ་མཆན་དུ་སྤེལ་རོགས། དགོས་མཁོ་ཞིག་གིས་དེད་ནས་ཡོང་གི་ཡོད།
་་་་། མི་རིགས་རང་ཉིད་ལ་བཀོལ་སྤྱོད་ཀྱི་ནུས་པ་ལྡན་པའི་ སྐད་ཡིག་ཕུན་སུམ་འཚོགས་པ་ཞིག་ཡོད་བཞིན་སློབ་ཚན་ཡོངས་རྫོགས་རྒྱ་ཡིག་ལམ་ནས་སྦྱང་དགོས་ན།འདི་ནི་ལུས་ཕུང་གནར་གཅོད་ཀྱི་སྡུག་བསྔལ་ལས་ཀྱང་ལྕི་བའི་བཙན་འགེལ་གྱི་བཅད་ཁྲིམས་ཤིག་རེད། ་་་། ཟེར།
ཁྱོད་ཀྱིས་གསུངས་པ་ལ་མངོན་པར་བསྟོད་དོ།རྗེས་སུ་ཡི་རང་ངོ་།ཞེས་བརྗོད་ནས་བུད་སོང་ངོ་
དགོས་ངེས་ཀྱིས་ལེགས་རྩོམ་ཞིག་སྤེལ་འདུག མུ་མཐུད་དུ་འབད་གནང་ཡོང་བར་ཞུ།བོད་རྒྱལ་ལོ།
ཞིབ་བཀླགས་ཤིག་བྱས་ནས་བུད་སོང་།