སྤོབས་པ་མཐའ་ཡས།
ཉེ་ཆར་ཉི་ཧོན་གཞུང་གིས་ཞི་བདེ་རྒྱ་མཚོའི་ནང་གི་རི་ཕྲན་ཉི་ཧོན་ལ་དབང་ནས་ལོ་བརྒྱ་ཕྲག་འགོར་བའི་ལོ་རྒྱུས་གསལ་བོ་ཡོད་པ་ཞིག་སྒེར་བདག་གི་ལག་ནས་ཉོས། དེ་ལ་རྒྱ་ནག་གཞུང་གིས་དེ་རྒྱ་ནག་ལ་དབང་བའི་ལོ་རྒྱུས་ཡོད་པས་རྒྱ་ནག་དང་ལྷན་དུ་གྲོས་བསྡུར་མེད་པར་ཉོ་ཚོང་གི་ཐོབ་ཐང་མེད་ལུགས་བསྒྲགས། རྒྱ་ནག་ནང་དུ་རྒྱ་ཕྲུག་ཚོས་སྣེ་ཁྲིད་དེ་ཉི་ཧོང་གི་ཚོང་ལས་ལྟེ་གནས་ཁག་གཏོར་བཅོམ་སོགས་ངོ་རྒོལ་གྱི་ལས་འགུལ་རྒྱ་ཆེར་སྤེལ། ཉི་ཧོན་གྱི་ཕྱོགས་ནས་ལན་འདེབས་གསལ་བོ་ཞིག་གང་ཡང་མ་བྱས། ཉིན་ཞིག་ལ་ཉི་ཧོང་དབུས་གཞུང་གི་ཚོགས་འདུ་ཞིག་གི་སྟེང་དུ་གཞུང་གི་མགོ་གཙོས་འདི་ལྟར་བརྗོད། རྒྱ་ནག་གི་རྐང་འོག་ཏུ་མགོ་བོ་ཤོར་ན་བོད་ལ་ཡོང་རྒྱུ་དེ་ང་ཚོར་ཡང་ཡོང་གི་རེད་ཅེས་བརྗོད། རྒྱ་ནག་གཞུང་དམངས་གཉིས་ཀས་ཚ་ཚ་འུར་འུར་གྱིས་ཉི་ཧོན་ལ་རྒྱོབས་རྒྱོབས་སོད་སོད་ཟེར་ནས་བདུན་ཕྲག་ཁ་ཤས་འདས། ཡིན་ན་ཡང་ཉི་ཧོན་གྱི་ཕྱོགས་ནས་རྒྱ་ནག་གི་ལས་ཀ་དེ་བྱིས་པ་རྐྱག་ལངས་ལ་ཤོར་བ་ཞིག་གི་བྱ་བྱེད་ཙམ་ལ་བརྩིས་ནས་ཡ་ལན་ཡག་སྡུག་གཉིས་ཀ་གང་ཡང་མ་སློག་པས་རྒྱ་ཕྲུག་ཚོས་འཇུ་ས་འཐམ་ས་གཅིག་ཀྱང་མ་རྙེད།
རྒྱ་དམར་གཞུང་གིས་ད་ཐེངས་རྒྱ་ནག་དང་ཉི་ཧོན་བར་གྱི་ས་རྩོད་ཆུ་རྩོད་འདིའི་བར་ལ་ཨ་མེ་རི་ཁ་འཛུལ་མ་ཡོང་རོགས་ཞེས་ཞུ་བ་བཏོན། ཨ་མེ་རི་ཁ་འཛུལ་མ་ཡོང་ན་ཉི་ཧོན་ལས་སླ་བོ་ཡིན་མདོག་གི་ཧམ་བཤད་བྱས། ཨ་མེ་རི་ཁའི་གཞུང་གིས་ཀྱང་རྒྱ་དམར་གྱི་རེ་བ་ལ་ཉན་ནས་ཅུས་གཏོགས་ཆེར་བྱས་མ་སོང་། ཉིན་ཞིག་ལ་ཐའེ་ཝན་གྱིས་ཉི་ཧོན་མཚོ་ནང་གི་རི་ཕྲན་དེ་ང་ཚོར་དབང་བ་ཡིན་ཞེས་བརྗོད་ནས་གྲུ་གཟིངས་མང་པོ་ཞིག་བཏང་ནས་རི་ཕྲན་དེའི་མཐའ་ལ་སྐོར་བ་ཁ་ཤས་རྒྱག་ཁུལ་བྱས། ཡིན་ན་ཡང་ཉི་ཧོན་གྱིས་དེ་ལ་ཡ་ལན་གང་ཡང་མི་སློག་པས་ཅི་བྱེད་འདི་བྱེད་མ་རྙེད་པར་ཕྱིར་ལོག་དགོས་བྱུང་། རྒྱ་ཕྲུག་ཚོས་ད་ཡིན་ན་རྒྱ་ནག་གཉིས་པོ་གཅིག་ཏུ་བསྒྲིལ་ནས་ཉི་ཧོན་ལ་ཁ་གཏད་གཅོག་གི་ཡོད་པ་འདྲ་ཟེར་ནས་ཐོག་མར་སྤོབས་སེམས་དང་ངར་ཤུགས་སྐྱེས། སྐབས་དེ་ཤེད་ཅིག་ལ་ཉི་ཧོན་གྱིས་ཐའེ་ཝན་དང་ལྷན་དུ་རི་ཕྲན་དེའི་སྐོར་ལ་གྲོས་མོལ་བྱ་རྒྱུ་རེད་ཅེས་པའི་གཏམ་འཆལ་ཞིག་བྱུང་། དེ་ལ་རྒྱ་དམར་གཞུང་སྡུག་ཐག་ཆོད་ནས་ཐའེ་ཝན་ལ་རི་ཕྲན་དེའི་སྐོར་གླེང་བའི་ཐོབ་ཐང་མེད་སྐོར་བརྗོད་ནས་སྐྱོན་རྗོད་ཤུགས་ཆེན་བྱས། རྐྱེན་དེས་རྒྱ་ཕྲུག་ཚོར་ཞེད་སྣང་ཆེན་པོ་བསླངས། ད་ཡིན་ན་ཉི་ཧོན་མཚོ་ནང་གི་བྲག་རྡོ་རྐམ་པོ་འདིའི་དོན་ལ་རྒྱ་ནག་དང་ཐའེ་ཝན་གཉིས་ནང་འཁྲུག་འདྲ་ཤོར་ས་རེད་ཟེར་ནས་འཇམ་ཅག་གེར་སོང་།
དེ་བཞིན་དུ་ཧྥི་ལི་པིན་གྱི་སྟེང་ལ་ཡང་རྒྱ་དམར་གྱིས་དཔུང་ངོམ་བྱས། ཧྥི་ལི་པིན་གྱི་དམག་སྤྱི་ཞིག་གིས་རྒྱ་དམག་གི་འཇིགས་སྐུལ་ལ་ཁ་གཏད་གཅག་རྒྱུའི་གྲ་སྒྲིག་ཡོད་ལུགས་ཀྱི་དཔའ་སྐད་བསྒྲགས། ཨ་མེ་རི་ཁ་དང་ཧྥི་ལི་པིན་མཉམ་འབྲེལ་གྱིས་རུ་སྒྲིག་མཚོན་ངོམ་གྱི་བྱེད་སྒོ་ཆེན་པོ་བྱས་པས་རྒྱ་དམག་རྣམས་ཁུ་སིམ་མེར་སོང་། མ་གཞི་ཉེ་བའི་ལོ་འདི་དག་གི་རིང་ལ་རྒྱ་དམག་གི་མི་དགོས་གཏོ་བཅོས་ཀྱི་དྲག་དཔུང་རྒྱ་སྐྱེད་བྱས་པས་ཨེ་ཤེ་ཡའི་ཡུལ་ལུང་ཚོར་དོག་འགྲོག་ཆེན་པོ་བསླངས། ཐའེ་ཝན་དང་། ཧྥི་ལི་པིན། མ་ལའེ་ཤི་ཡ། ཨིན་ཏྲོ་ཉི་ཤི་ཡ། རྒྱ་གར་སོགས་ཀྱིས་ཉེ་བའི་ལོ་འདི་དག་གི་རིང་ལ་དམག་འཁྲུགས་ཡོ་བྱད་མཚོན་ཆ་ཉོ་སྒྲུབ་རྒྱ་ཆེན་བྱས། མཚོན་ཆ་ཡོང་ཁུངས་གཙོ་བོ་ནི་དེ་ནི་ཨ་མེ་རི་ཁ་དང་ཨུ་རུ་སུ་ཡིན་སྟབས་ཡུལ་དེ་གཉིས་ཀྱི་མཚོན་ཆ་བཟོ་བསྐྲུན་སྡེ་ཚན་ཚོས་མ་འབད་བཞིན་དུ་གསེར་གྱི་ཕྱེ་མའི་ནང་དུ་འགྲེ་ལྡོག་བྱ་ས་རྙེད། རྒྱ་དམག་གིས་ཁྱིམ་མཚེས་ཡུལ་ལུང་རེའི་སྟེང་ལ་རུ་སྒྲིག་མཚོན་ངོམ་རེ་རེ་བྱས་རིམ་བཞིན་ཨ་མེ་རི་ཁ་དང་ཨུ་རུ་སུའི་མཚོན་ཆ་བཟོ་བསྐྲུན་པ་ཚོའི་མཚོན་ཆའི་རིན་འབབ་ཡོང་སྒོ་ལོ་རེ་རེ་ནས་ལོ་བཞིན་ཉིས་འགྱུར་སུམ་འགྱུར་གྱིས་གོང་དུ་འཕར་བའི་གྲོགས་སུ་འགྲོ་བཞིན་ཡོད་འདུག
བསྡོམས་ཚིག་ཡག་པོ་བཀོད་འདུག
ཡག་པོ་འདུག་གྲོགས་པོ་ཐུགས་རྗེ་ཆེ།
ཕྱོགས་གཅིག་ལ་ཕན་ན་ཕྱོགས་གཅིག་ལ་གནོད་པའི་ཕན་གནོད་འདྲེས་མའི་དཔལ་འབྱོར་ལམ་ལུགས་འདི་ནུབ་ཕྱོགས་དང་རྒྱ་ནག་གི་བར་གྱི་ཐོབ་ཤོར་འགག་རྩར་ཐུག་ཡོད་ས་རེད།
ངོ་མ་དཔའ་སྐད་འཐེན་ལབ་ནའང་ཐང་ཡིན་ལུགས་ལབ་ནའང་ཐང་བྲི་ཐང་ཡག་པོ་ཞེ་དྲག་
འདུག་བློ་བདེ་པོ་འདྲ་བྱུང།
ཇ་པན་ལ། ཉི་འོང་དང་ཉིན་ཧོང་། ཉི་ཧོན་གསུམ་ལས་གང་དག་པ་ཡིན་ནམ། ལགས།
ཀ་རྡོ་ལགས། ཉི་ཧོན་གྱི་ཡི་གེ་དབྱངས་གསལ་རྩ་བ་ཧི་ར་གྷ་ནི་སྦྱོར་ཀློག་ལ་ཉི་ཧོན་ཞེས་སྒྲ་ཐོན་པས་ངས་ཉི་ཧོན་ཞེས་བྲིས་པ་ཡིན། སྔོན་དུས་སུ་བོད་ཡིག་གི་ཡིག་ཆ་མང་པོར་ཉི་ཧོང་ཞེས་བྲིས་འདུག ཡུལ་དང་མིའི་མིང་དེ་ཚོ་ཡུལ་དེའི་སྐད་ཀྱི་མིང་དང་སྒྲ་གདངས་ག་ཚོད་ཐག་ཉེ་ཉེ་ཞིག་འབྲི་ཐུབ་ན་གོ་བརྡ་འཕྲོད་པར་ཕན་ཐོགས་ཆེན་པོ་འདུག
སྤོ་པ་གིས་ཧ་གོ་མདོག་གི་སྐད་ཆ་མང་པོ་ཞིག་བཤད་འདུག་ཡིན་ན་ཡང་དོན་དངོས་སུ་རང་འདོད་འདྲ་པོ་ཞིག་རེད་མ་གཏོག་གནད་ལུགས་ཁུངས་ལྡན་གྱིས་ལོ་རྒྱུན་ཅི་ཡང་ཤེས་མི་འདུག། འདི་སྔ་མའི་ལོ་རྒྱུན་མ་རེད་དེ་སང་འབྱུངས་བཞིན་པའི་གནད་ཚུལ་ཡིན་དུས་ཚོང་མས་མཁྱེན་གསལ་རེད་། མིང་མང་ལ་འགོ་སྐོར་མ་གཏོང་་་་་ང་འདྲ་པོ་རྩོམ་དང་དག་ཡིག་གང་ཡང་མི་ཤེས་པའི་མི་ཞིག་གི་ཅི་བཤད་ཡང་ཡ་ལན་བྱས་མི་་སུ་ཡོད་མ་རེད་་་་ཁྱེད་རང་ཚོས་རྩོམ་འདྲི་དུས་ཏོག་ཙམ་གཟབ་གཟབ་བྱས་ནས་འབྲི་ན་ཡག་གི་འདུག་་་གང་འབྱུང་མ་འབྲི་རོག།
༦༽སྤོབས་པ་མཐའ་ཡས་ལགས་ཀྱིས། ཇ་པན་ལ་ཉི་ཧོན་འབྲི་དགོ་སྟངས་ཀྱི་གསལ་བཤད་ལ་ཐུགས་རྗེ་ཆེ་ཞེས་ཞུའོ། །
ཀ་རྡོ་ལགས་ཁྱེད་ཡིད་ཆེས་པ་མཛོད། ངས་ཉི་ཡིག་གི་ཧི་ར་གྷ་ན་ཟེར་བའི་སྦྱོར་ཀློག་དབྱངས་གསལ་རྩ་བ་དེ་སྦྱོང་གིན་ཡོད་པས་སྒྲ་གདངས་འདོན་སྟངས་དེ་ཡིན་པར་ནོར་འཆུག་མེད།