བསོད་ནམས་སྟོབས་རྒྱལ།
རྒྱ་རི་སྒྲོལ་མ་ལགས་སུ་སྲིད་སྐྱོང་གི་འོས་ཆོས་མང་ཅེས་པའི་ལེའུ་དང་པོའི་ནང་དོན་ཚན་བཞི་ལྔ་ཞིག་ཐོག་རང་ངོས་ཀྱི་བསམ་ཚུལ་ལ་བཀའ་ཟུར་འབྲོང་ཆུང་ལགས་ལས་འོས་ཆེ་བའི་སྐོར་ཞུས་ཡོད། འོས་མི་གཞན་རྣམས་ཁོང་གཉིས་སུ་འདྲན་ཆ་མེད་པས་བཀོད་མེད། དོན་ཚན་དེ་དག་རོབ་བསྡུས་ཤིག་སླར་ཞུས་ན།
དང་པོ་བོད་མིའི་ཚིག་སྒྲིལ་དེ་ཡིན། ཆོལ་གསུམ་བོད་མི་མང་པའི་རྒྱ་སྒྲོལ་ལགས་སུ་མོས་མཐུན་མ་ཞུ་རྒྱུའི་རྒྱུ་མཚན་མེད་དགོས་པ་དང་ལྷག་པར་རྩོད་རྙོག་ཅིག་བྱུང་ན་མི་མང་བས་བུད་མེད་ལ་ཉན་ཆེ་བ་ཡོང་རྒྱུ་སྤྱི་ཚོགས་འགྲོ་ལམ་རེད་པས་ཕྲན་བཟང་གནས་བཀོད།
གཉིས་པ་དེ་གནས་ཡུལ་རྒྱལ་ཁབ་ཀྱི་གཞུང་འཛིན་པ་དང་ཡུལ་མིས་བར་མཛའ་འབྲེལ་གནས་དོན་འདི་ང་ཚོར་གནད་ཆེན་པོ་ཡིན་། རྒྱ་རི་ལགས་སྤྱི་ཡོངས་རྒྱ་གར་གཞུང་འཛིན་ཆབ་སྲིད་པའི་མཉམ་འབྲེལ་ཉེ་བ་དང་གཟབ་པ། གསུངས་བདེ་བ་སོགས་ལས་ལེགས་ཆ་དུ་མ་ཡོད་སྐོར་ཞུས་ཡོད།
འཛམ་གླིང་ཆབ་སྲིད་ལམ་ལས་བོད་ཀྱི་གནད་དོན་དེ་སེལ་རྒྱུ་ལས་གནད་གསུམ་པ་དེ་རེད་སྙམ། ༸གོང་ས་མཆོག་གིས་དབུ་འོག་དཔུང་འདེགས་སུ་རྒྱ་སྒྲོལ་ལགས་འབྱུང་རིམ་ཐོག་ནས་ཕྱི་རྒྱལ་དཔོན་རིགས་སུ་འབྲེལ་ཆེ་བ་ཡོད་ཐོག་རྒྱ་སྒྲོལ་ལགས་སུ་མིའི་སེམས་འགུག་ཆེད་བཅོས་མེད་ཀྱི་ཕྱིའི་རྣམ་བསྒྱུར་དང་ངག་གི་གསུངས་ཀྱང་ལྷག་པ་ཡོད་སྐོར་སོགས། གཞན་བུད་མེད་ཀྱི་དཔལ་ཡོན་ལས་འོས་ཆོས་ལྡན་པའི་རྒྱ་སྤྱིའི་བུད་མེད་ཁག་ནས་སྤྱི་ཚོགས་བདེ་འདོད་ཐོག་གཟེངས་སུ་ཐོན་པའི་ཞབས་འདེགས་ཇི་ཞུས་སྐོར་དང་དེ་བཞིན་རྒྱ་རི་ལགས་ཀྱི་མངོན་འདོད་གསལ་བསྒྲགས་གནང་བའི་ནང་། བོད་རྒྱ་གཉིས་སྨན་དབུ་མིའི་ལམ་ལ་རྒྱ་ཕྱོགས་ནས་དོན་འབྲས་ལྡན་པའི་སྲིད་བྱུས་ཤིག་མེད་ན་རྔ་བརྡུངས་སྟངས་ལ་ཞིབ་པའི་སྲིད་བྱུས་འཛིན་དགོས་གནད་སོགས་ལས་འཆར་དང་དགོངས་གཞི་དམིགས་གསལ་འདུག་པས་འོས་ཆེ་པའི་གནས་དོན་སྤེལ་ཡོད་པས་དགོས་གལ་ཡོད་ན་རྒྱས་པར་གཟིགས་རོགས་ཞུ།
ད་ལེའུ་གཉིས་པའམ་གནད་དོན་གཉིས་པ་ཞིག་ཞུ་འདོད་པས་ན། དེ་ཡང་ང་རང་དུས་རིང་མོ་ཞིག་ནས་༧རྒྱལ་བའི་དགོངས་གསལ། གླེགས་བམ་དང་པོ། ཞུ་བའི་ཕྱག་དེབ་དེ་ཀློག་བཞིན་པའི་མཐའ་ཙམ་གྱི་ཤོག་གྲངས་༤༢༧ ནང་བཀའ་ཕེབས་དོན་དུ། དེ་སྔ་བོད་ཀྱི་གདན་ས་ཆེན་པོར་བཞུགས་པའི་དགེ་འདུན་ཕའི་རིཌ་མ་གཏོཌ དགོན་ཆུང་་་་་་རྒྱ་ཆེ་མང་ཚོགས་་་་་རང་རེའི་ཐུན་མིན་ཤེས་ཡོན་་་་སྤེལ་རྒྱུའི་སྲོལ་གཏོད་མ་ཐུབ་་་་་་་སློབ་གྲྭ་ཙམ་ཡང་འཛུཌ་གཉེར་མ་ཐུབ་་་་་་་ལྷག་བསམ་་་་་སྙིང་སྟོབས་མེད་པས་་་་་་མིན་ཡང། བློ་རྒྱ་དང་།་་་་་་་་་མཐོང་རྒྱ་ཆུང་དྲགས་་་་་་་་་་བསམ་ཤེས་མ་ཐུབ་པར། འདྲ་ཆགས་པོའི་ཚུགས་བཟུང་བ་སོགས་ཀྱི་མཐུད་ཤོར་བཏང་ཡོད་ཅེས་ཕེབས་འདུག འདྲ་ཆགས་པོའི་ཚུགས་བཟུང་བ་ཞུ་དུས་དེ་སྔ་གང་བྱས་མུ་འཐུད་འགྲོ་བ་ཙམ་ལས་དོན་དུ་མུ་འཐུད་བྱའི་སྲིད་བྱུས་སམ་གནད་དོན་དུ་དེའི་རྒྱུ་ཚན་དང་སྐབས་དུས་སོ་སོའི་བསྒྱུར་བགྲོད་དུ་བསམ་ཞིབ་མ་ཞུས་ནས་སྔར་སོང་ད་མུས་ཀྱི་མཐུད་ཤོར་དུ་མ་སོང་བ་དགོས་གལ་གྱི་བཀའ་ནན་ཕེབས་ཡིན། རྒྱ་སྒྲོལ་ལགས་ནས་རྒྱ་དམར་པོའི་ལམ་དབུ་མར་ཆ་འཛིན་ཞུ་ལམ་ལ་འདོད་མཐུན་མ་བྱུང་སྟབས་རང་ཕྱོགས་ཀྱི་སྲིད་བྱུས་ལ་གནད་དུ་ཕིགས་པའི་བསམ་ཞིབ་དགོས་རྒྱུའི་དགོངས་འཆར་དེ་འདྲ་ཆགས་ཀྱི་ཚུགས་བཟུང་པའི་མཐུད་ཤོར་དུ་མ་སོང་པའི་བཀའ་དགོངས་དང་ཆེར་འབྲེལ་བ་མཐོང་སོང་། རྒྱའི་འཛིན་པའི་ད་ལྟའི་སྲིད་བྱུས་གྱིས་ལམ་དབུ་མའི་དགོངས་རྒྱ་ལ་ཕན་པའི་བྱ་ལམ་ཞིག་མཐོང་རྒྱུ་ཕལ་ཆེར་མིན་འདུག དེར་སོང་ད་ཆ་ལམ་དབུ་མའི་དགོངས་གཞི་ལ་རྒྱ་ཕྱོགས་ནས་གནད་དུ་མཐོང་བའི་བྱ་ལམ་ཞིག་འདོན་རྒྱུའི་གནོད་ཤུག་དེ་ང་ཚོས་སྤེལ་རྒྱུའི་བསམ་ཞིབ་ནན་པོ་ཞུ་དགོས་གལ། ལམ་དབུ་མའི་སྲིད་བྱུས་ལ་བསམ་ཞིབ་དགོས་གནད་ཞུ་སྐབས་རང་བཙན་སྲིད་བྱུས་སུ་མངོན་འདོད་ཡིན་པ་བསམ་རྒྱུའམ་དྲན་རྒྱུ་དེ་ནོར་སྲིད། ཡིན་ཀྱང་རང་བཙན་ཐོབ་རྒྱུ་མེད་པའམ་རྩོད་རྒྱུ་མེད་པའི་བཀའ་གནང་མེད། བོད་པའི་ཆོས་དང་རིག་གཞུང་དེ་ཆེར་མི་ཉམས་གོང་བོད་ཀྱི་གནས་བབ་ཏུ་བསྒྱུར་བཅོས་དགོས་གལ་གཟིགས་རེད། གནད་དོན་འདིའི་ཐད་བཀའ་མོལ་ཞུ་རྒྱུ་དེ་ལས་སླ་པོ་མ་རེད་ལ་སྲིད་སྐྱོང་གིས་ཐག་གཅོད་ཐུབ་རྒྱུ་ཞིག་མིན་པ་རྒྱ་སྒྲོལ་ལགས་ནས་ཤེས་ཀྱང་གྲོས་ཚོགས་དང་རྒྱ་ཆེ་མི་དམངས་ཀྱི་དགོངས་དབྱིངས་སུ་གསོལ་རྒྱུ་དེ་རྒྱ་སྒྲོལ་ལགས་སྲིད་སྐྱོང་དུ་འཁོད་ན་ལས་འགན་དུ་བཞེས་རྒྱུའི་ལས་འཆར་ཞིག་ཏུ་ངོས་ལེན་པ་ཡིན། བསམ་གཏོང་དྲན་སྐྱེས་ཀྱི་བཀའ་མོལ་ལམ་འོས་ཐོབ་ཐབས་ཀྱི་གཏམ་སྙན་པོ་དཔེ་ན་བོད་མི་མང་པོ་ཞིག་ཨ་རི་སོགས་སུ་གཏོང་ཐབས་ཞུ་རྒྱུ་སོགས་མང་དག་ཅིག་སྲིད་སྐྱོང་འོས་མི་གཞན་རྣམ་པར་གསུངས་རྒྱུ་འདུག་པ་དེ་སྔ་མ་ཞུས་པ་དང་མ་བསམ་མིན་ཀྱང་བོད་མིའི་བདེན་མཐའ་སེལ་རྒྱུའི་གནད་དོན་གཅིག་པོ་དེ་བོད་རྒྱ་གཞི་མོལ་དེ་རེད། དེའི་ཐོག་རྒྱ་རི་སྒྲོལ་མ་ལགས་ལས་གཞན་རྣམས་འདྲ་ཆགས་པོས་ཚུགས་བཟུང་མཁན་ཤ་ཅིག་ཡིན་འདུག་པས་དོན་རྩ་ལ་མཐུད་ཤོར་ཉེན་མི་ཆེའམ།།
གནད་དོན་གཉིས་པ་དེ་སླར་གོང་ཞུས་ཕྱག་དེབ་ཀྱི་མཐའ་བསྡོམས་ཤོག་གྲངས་ ༤༣༣ ནས་ ༥༡༩ བར་ཤོག་གྲངས་ ༨༦ ནང་ཚིག་འབྲུ་ ༡༦‚༠༠༠ ལྷག་ཙམ་ནང་དེ་སྔ་བོད་པའི་སྤྱི་ཚོགས་ནས་བུད་མེད་རྣམ་པར་ཆེ་མཐོང་ཇི་ལྟར་ཞུ་ལམ་ཡོད་མེད་དང་། བོད་ཀྱི་བུད་མེད་རྣམ་པས་ཆོས་སྲིད་གཉིས་དབུས་པས་སྤྱི་ཚོགས་ནང་ཁྱད་དུ་འཕགས་པའི་བྱས་རྗེས་ཞུ་ཐོབ་བྱུང་ཡོད་ནའང་དེ་དག་ལ་གུས་མཐོང་མེད་རྐྱེན་ལས་བུད་མེད་བྱས་བ་ཅན་རྣམ་པའི་རྣམ་མཐར་རམ་ལོ་རྒྱུས་ལྡན་པའི་མཛད་ཆའམ་དེབ་ཁུངས་ལྡན་ཞིག་ཀྱང་མཇལ་རྒྱུ་དཀའ་བའི་གནས་ལ་སོང་། དེ་ལྟའི་མ་དག་རྒྱུན་འཛིན་གྱི་སྲོལ་ངན་ལ་ཆེར་ཐུགས་ཕམ་ལས་༸གོང་ས་མཆོག་ཉིད་ནས་དཀའ་ཐུགས་ཆེ་བཞེས་ཀྱིེས་བུད་མེད་བྱས་པ་ཅན་མང་དག་ཞིག་གི་ལོ་རྒྱུས་ཕྱོགས་བསྡུས་བཀྲིན་ཆེ་བ་གནང་། ད་དུང་ལོ་རྒྱུས་དེ་དག་གྲ་རྒྱས་སུ་གཏོང་ཐབས་ཡོད་པ་མ་ཟད་བྱས་པ་ཅན་གྱི་བུད་མེད་ཀྱི་གྲངས་དང་མཛད་པ་བསྐྱངས་པའི་རྣམ་པའང་དེ་ལས་མང་པ་ཡོང་རྒྱུའི་དགོངས་འཆར། སྐྱབས་བཅོལ་སྤྱི་ཚོགས་ནང་བུད་མེད་ཀྱི་དཔལ་ཡོན་འཕེལ་རྒྱས་སླད་ཕོ་མོ་ཁྱད་མེད་ཀྱི་ཤེས་ཡོན་གྱི་གོ་སྐབས་བསྐྲུན་གནང་བ་མ་ཟད་དགོས་གལ་ཆེ་རྒྱས་ཡིན་པའི་རྨོངས་སེལ་ལམ་སྟོན་རྒྱུན་མར་གནང། དམངས་གཙོའི་གཞུང་གིས་ཀ་བ་གསུམ་ནས་གྲོས་ཚོགས་ནང་བུད་མེད་ཀྱི་ཆེ་མཐོང་དང་བུད་མེད་རང་ཉིད་ནས་བློ་སྟོབས་སྤེལ་ཐབས་ཆེད་སོགས་དགོས་པ་རྒྱུ་མཚན་གནད་དུ་གཟིགས་ནས་དམིགས་གསལ་སྐྱེས་མའི་འཐུས་མིའི་ཐོབ་ཆ་ཁྲིམས་སྲོལ་བཅད་གནང། བོད་ཀྱི་ཆོས་བརྒྱུད་ནང་སྔར་ཐོབ་རེ་མེད་པའི་དགེ་ཤེས་མའི་ལམ་སྲོལ་གསར་གཏོད་ཆེད་འགག་ཆ་ཡོང་བར་ལོ་མང་རིང་སྐུ་ངལ་ཁྱད་དུ་བསད་ནས་ད་ཆ་བོད་རྒྱལ་ཁབ་ཀྱི་ནང་ཆོས་ལོ་རྒྱུས་ནང་དགེ་ཤེས་མ་དངོས་སུ་ཐོན་ཐུབ་པ་ཐོག་མ་དེ་བྱུང་། དེ་བཞིན་འཛམ་གླིང་ཞི་བདེ་དང་མི་མང་ངལ་སེལ་ཆེད་སྲིད་ཞུའི་འགོ་ཁྲིད་ནང་བུད་མེད་ཀྱི་ནུས་པ་གང་མང་སྤེལ་ལམ་ཆེད་བཀའ་སློབ་དགོངས་འཆར་དང་བྱས་རྗེས་ཅན་གྱི་བུད་མེད་རྣམས་སུ་མི་དམངས་ནང་མོས་གུས་དང་བསྟོད་མངགས་ཇི་གནང་སོགས་ང་ཚོ་ཚང་མས་ཤེས་གསལ་དུ་ཡོད་མ་ལགས་སམ། དགོས་གལ་མཆིས་ཚེ་ཁོང་ཉིད་ཀྱི་སྐུ་སྐྱེས་ཡང་བུད་མེད་ཞིག་ཏུ་འཁྲུངས་རྒྱུའི་འཆར་སྣང་ཡང་དུ་མ་བཀའ་ཕེབས་ཡོད།། ༸རྒྱལ་བ་མཆོག་ནས་དགོངས་གཞི་དང་ཐུགས་རེ་འདི་ལྟར་གནང་བཞིན་ནའང་བོད་གཞུང་ཞབས་སྤྱི་ལོ་མང་ཞུས་པའི་མཚན་ཆེན་ཅན་མང་པའི་ཞལ་ནས་འོས་ཅན་དང་འོས་མིན་ཅན་གྱི་སྲིད་སྐྱོང་འོས་མིར་རྒྱབ་གཉེར་བཀའ་མོལ་མང་པོ་གནང་མཁན་འདུག་པ་མ་ཟད་༸རྒྱལ་བའི་དགོངས་གཞི་འགྲུབ་གལ་གྱི་འདོད་གཏམ་མང་པོ་གསུངས་མཁན་འདུག་ཀྱང་བུད་མེད་གནད་དོན་སྐོར་ཚིག་འབྲུ་གཅིག་ཀྱང་གསུངས་མཁན་ཕལ་ཆེར་མིན་འདུག འདྲ་ཆགས་པོས་ཚུགས་བཟུང་བ་དང་བཟུང་རེ་ལ་ཕྱོགས་པ་ནི་ཨེ་ཡིན།
དེ་ལྟར་ན་ཁོང་གི་དགོངས་གཞི་དེ་དག་འགྲུབ་ཐབས་དང་ང་ཚོ་བོད་མི་རྣམ་པས་དྭང་ལེན་ཞུ་ཐབས་ཆེད་ད་རེས་སྲིད་སྐྱོང་འོས་བསྡུ་དང་སྟབས་བསྟུན་ནས་སྲིད་སྐྱོང་འོས་མི་བུད་མེད་གཅིག་པོ་བཀའ་ཟུར་རྒྱལ་རི་སྒྲོལ་མ་ལགས་སུ་འོས་གནང་ན་ཕལ་ཆེར་བཀའ་བཞིན་འགྲུབ་པའི་མཆོད་པའི་རྫས་ཞིག་ཏུ་གྱུར་ངེས་འདུག་པ་རང་ངོས་ཀྱི་བསམ་ཚུལ་ཞིག་ཡིན། རྒྱ་རི་སྒྲོལ་མ་ལགས་སུ་ཆ་རྐྱེན་ཡོད་ནའང་ད་དུང་རྒྱ་གར་ནང་གཏན་བཞུགས་གནང་རྒྱུ་དེ་ཡང་བོད་སྤྱི་པའི་ཞབས་ཞུར་དམིགས་ཡུལ་གཙོ་བཞེས་ཡིན་སྲིད་པ་ཡིད་ངེས་ཆེ་བའི་ཕན་རན་ཡང་དེ་མཚུངས་ཐོབ་རེ་ཆེ་བ། དེ་མིན་གྱི་ཕྱི་རྒྱལ་རོགས་དངུལ་མང་པོ་ཞུ་ཐབས་ཡོད་གནས་སམ་བོད་མི་ཚང་ལ་ཨ་རིར་ལེན་ཐབས་ཞུ་ཐབས། ཉམས་མྱོང་ཆེ་བས་བོད་དོན་དུ་ཐབས་བྱུས་ལྡན་གནས་སོགས་སུ་རེ་བཅོལ་ཆེ་ན་རྗེས་སུ་འགྱོད་ཀྱང་རང་གི་བཙོས་པའི་ཆང་དེ་ཞིམ་པོ་མེད་ནའང་འཐུང་རྒྱུ་ཆགས་པའི་གནས་ཡོད་དོ། ད་ཡོད་སྲིད་སྐྱོང་འོས་མི་གཞན་རྣམས་དང་རྒྱ་རི་སྒྲོལ་མ་ལགས་ཆ་རྐྱེན་གང་ལ་དཔྱད་ནའང་ཁོང་བཟང་བ་ལས་ཞན་པ་མེད་ངེས། སྤྱིར་ལམ་དབུ་མ་ལས་བོད་མིའི་བདེན་མཐའ་སེལ་ཐབས་དང་གནས་སྐབས་སྒེར་སོ་སོའི་བདེ་དོན་ལ་ཞིབ་ནའང་ཕན་རན་ཆེ་ཤོས་གནང་ཐུབ་མཁན་རྒྱ་སྒྲོལ་ལགས་ཡིན་ངེས་ཆེ། དེ་ན་ང་དང་གཞན་མང་པོ་ཞིག་ནས་རྒྱ་སྒྲོལ་ལགས་སུ་འོས་འདེམས་ཞུས་ནས་ང་ཚོའི་དབུ་ཁྲིད་མཆོག་གི་དགོངས་བཞེས་སྨིན་ཐབས་སུ་གོམ་ཆུང་ཞིག་དངོས་སུ་མདུན་བསྐྱོད་ཞུ་ཡི་ཡོད་ན་གཞན་རྣམ་པས་ཀྱང་དེ་ལྟར་ཞུ་ཐབས་སུ་འབད་སྤུང་གནང་རྒྱུ་གལ་ཆེ་བའི་དགོངས་དབྱིངས་སུ་ཕུལ་ཡིན་ལགས་སོ།།
ཚིག་སྙོགས་མེད་པའི་ཐོག་ནས་བཙན་བྱོལ་བོད་མིའི་བཅའ་ཁྲིམས་ལ་འགན་ཁུར་ནས་ཕོ་མོ་འདྲ་མཉམ་ཟེར་བའི་ཐ་སྙད་དེ་དོན་དངོས་ལག་ལེན་དུ་བལྟར་རྒྱུ་ཞིག་ཡིན་ན་འདས་པའི་བཀའ་བློན་ཁྲི་པ་འམ་སྲིད་སྐྱོང་ལ་སྐྱ་སེར་གཉིས་ཕེབས་པ་ནས་ད་ལམ་ཡོང་རྒྱུའི་སྲིད་སྐྱོང་ལ་བུད་མེད་སླེབ་དགོས་པ་དེ་མང་གཙོ་དང་། དྲང་བདེན་། འདྲ་མཉམ་། ཁྲིམས་ཀྱི་དབང་བསྒྱུར་ཟེར་བའི་ཐ་སྙད་དེ་ཚོའི་འོག་ཏུ་འགན་ཁུར་ནས་བུད་མེད་སྲིད་སྐྱོང་ལ་སླེབ་དགོས་པ་དེ་དུས་ཀྱི་དགོས་མཁོ་དང་ལོ་རྒྱུས་ཀྱི་བསླབ་ཆ་ཞིག་ཡིན་པའི་ངོས་འཛིན་ཞུ་གི་ཡོད་།
རྒྱ་རི་སྒྲོལ་མ་ལགས་སུ་སྲིད་ཕྱོགས་ཀྱི་ཞབས་འདེགས་དང་མི་མང་ཞབས་འདེགས་འགྲུབ་རྒྱུ་ལེགས་པའི་ཆ་མང་པོ་ཡོད། དེ་བཞིན་ཁོང་བུད་མེད་ཡིན་པས་འོས་གཅིག་གིས་མངོན་འདོད་གཉིས་དུ་གཅིག་ཏུ་འགྲུབ་པའི་ཞབས་འདེགས་ཀྱང་འདུག ཚང་མས་འོས་ཁོ་མར་གནང་རོགས།། དེ་མིན་འབྲོང་ཆུང་ལགས་འདུག
ད་ལྟའི་འོས་བསྡུ་འགྲོ་བཞིན་པའི་སྐབས་རྒྱ་རི་སྒྲོལ་མའི་དྲིལ་སྒྲགས་བྱས་སྟངས་ལ་སྐབས་རེ་འབྱུང་འགྱུར་སྒྲུབ་ཐུབ་མིན་ལ་མི་བསམས་པར་སོ་སོར་ལ་འོས་ཐོབ་ཆེད་རང་བཀའ་མོལ་མང་པོ་ཞིག་གནང་བ་ནི་བློ་ཕམ་སྐྱེས་ཡུལ་ཡིན་པ་སྨོས་མེད་རེད།་དཔེར་ན་སོལ་ཚོང་རྣམས་ལ་དངུལ་ཁང་གི་སྐྱེས་ཀ་མེད་པའི་བུ་ལོན་གནང་རྒྱུ་དང་དེ་ལས་གལ་ཆེ་བ་རང་བཙན་ལང་ཕྱོགས་ཀྱི་འོས་ཐོབ་ཆེད་ལམ་དབུ་མ་དེ་འུ་ཐུག་ཐབ་ཟད་ཡིན་པ་སོགས་བཤད་ནས་སོ་སོ་ལང་ཕྱོགས་ཡང་བརྟན་པོ་མེད་པར་སྔོན་གསལ་སྟོན་ཡོད་པས་བསམ་བློ་གཉིས་པ་ཞིག་མི་གཏོང་ཀ་མེད་རེད།ད་དུང་སོ་སོ་རྒྱབ་སྐྱོར་འོ་སྟོབས་དང་ཆུ་སྒང་སོགས་ཀྱི་༧གོང་ས་མཆོག་ལ་མཚན་མེད་ཞུ་སྐབས་མ་གོ་མ་ཐོས་ལྟར་སྣང་བ་ནི་དེ་བས་བློ་ཕམ་སྐྱེས་ཡུལ་ཞིག་རེད།་ད་དུང་ཉག་རོང་དོན་ལ་སོགས་པ་དངོས་ཤུགས་རྒྱུ་གསུམ་དུ་འབྲེལ་བ་ཡོད་པ་ནི་བོད་མི་དམངས་ལ་མགོ་སྐོར་བཏང་བ་རང་རེད།
རྒྱ་རི་སྒྲོལ་མའི་གཏམ་བཤད་ཉན་པ་ཡིན། སྨྱོ་ལབ་རང་རེད་འདུག སྐུ་ངོ་འཇུ་ཆེན་འདས་པོའི་དེབ་ནང་ཡོད་པ་བཞིན། རྒྱ་རི་འདི་རང་ཁེའི་ཆེད་དུ་ཚང་མ་བཙོང་མཁན་རེད་འདུག
རྒྱ་རི་སྒྲོལ་མ་སྲིད་སྐྱོང་བྱེད་འདོད་ན། སྐུ་ངོ་འཇུ་ཆེན་གྱི་མི་ཚེར་མ་ཉེས་ཁག་གཡོགས་ཀྱིས་ནག་ཐིག་བཏབ་པ་དེར། རྒྱ་རི་ཚང་གི་འཇུ་ཆེན་ཚང་ལ་དགོངས་དག་ཞུ་དགོས།
དེ་ནས་ག་ཐེར་བལྟ་ཆོག་གི་རེད།