<ཆེད་བཀབ་བྱས་པའི་རྒྱ་ནང་གི་དམག་འཁྲུག།>ཞེས་པའི་རྒྱ་ཡིག་གི་དེབ་འདི་ནི་ཉེ་ཆར་ཕྱི་ཟླ་4ནང་ཧོང་ཀོང་དུ་པར་སྐྲུན་བྱས། ཉིན་ཤས་སྔོན་ཕྲན་གྱིས་རྒྱ་ནག་སྐམ་ས་ཆེན་པོ་ནས་ཡིན་པའི་རྒྱ་རིགས་ཤིག་མཉམ་དུ་ཁ་བརྡ་བྱེད་ཞོར་ལ། རྒྱ་རིགས་འདིས་དེབ་འདི་ཀློག་པ་ཡིན་ཅེས་བཤད། ངས་དེབ་འདི་གང་འདྲ་འདུག་གམ་ཞེས་དྲིས་པར། དེབ་གྱི་ནང་དོན་གཙོ་བོ་ནི་ཕྱི་ལོ་1958ལོར་མཚོ་སྔོན་ཁུལ་དུ་ངོ་ལོག་ཟིང་འཁྲུག་ཞོད་འཇགས་བཏང་བའི་སྐོར་གླེང་འདུག ཧ་ཅང་ཡག་པོ་བྲིས་བཞགདེབ་ནང་ལུང་འདྲེན་བྱས་པའི་གྲངས་ཀ་དེ་ཚོ་རིན་ཐང་ཆེ། གང་ཡིན་ཟེར་ན། གྲངས་ཀའི་ཁུངས་གཏུགས་ས་མང་ཆེ་བ་ལོ་རབས་བརྒྱད་བཅུའི་སྐབས་ཀྱི་རྒྱ་ནག་གཞུང་གི་གཞུང་འབྲེལ་ཡིག་ཆ་རེད་འདུག ང་ཧང་སང་སོང་། སྐབས་དེའི་འགོ་ཁྲིད་ཚོས་བསམ་ཡུལ་ལས་འདས་པའི་ལས་སྡུག་པོ་བརྩམས་འདུགཅེས་ལན་འདེབས་བྱས།ངའི་སེམས་ནང་དེབ་ཀྱི་ནུས་པ་ནི་ཧ་ཅང་གི་ཆེན་པོ་རེད་ཨང་བསམ་པ་བྱུང་།
ལོ་རྒྱུས་ནི་ཐོ་འགོད་བྱེད་མཁན་གྱིས་འབྲི་རྩོམ་བྱས་པ་རེད་ཅེས་འགོ་བརྗོད་དུ་འཁོད་པའི་དེབ་འདིའི་སྔོན་གླེང་ནི་1959ལོའི་ལྷ་ས་ཞེས་པའི་དེབ་ཀྱི་རྩོམ་པ་པོ་རྒྱ་རིགས་ལི་ཅང་ལིན་གྱིས་བྲིས་འདུག
དེབ་ཀྱི་རྩོམ་པ་པོ་ནི་རང་དབང་མེད་པའི་རྒྱ་ནག་ནང་ཡོད་པ་དང་།གླེང་བརྗོད་འབྲི་མཁན་ནི་རང་དབང་ཡུལ་གྱི་ཨ་རིར་ཡོད་ཅིང་།པར་སྐྲུན་བྱེད་ས་ནི་རྒྱ་ནག་གི་དབང་འོག་ཏུ་ཡོད་པའི་ཧོང་ཀོང་དུ་ཡིན་པ་བཅས། དྲྭ་གྲོགས་ཚོར་ངོ་སྤྲོད་ཆེད་འདིར་བཀོད་པ་ཡིན།
ཁྱེད་རང་གསལ་བཤད་གནང་བ་ཐུགས་རྗེ་ཆེ།
ང་ཚོས་གང་ལའང་དོད་སྣང་བྱེད་དགོས་ལ། ང་ཚོར་ག་རེ་ཡིན་ནའང་མཁོ་ཆེ།
ང་ཚོ་ཉལ་ནས་མ་བསྡད་པར་གཉིད་སད་རན་འདུག་ལ། ད་དུང་རྒྱ་ནག་མི་དམངས་གཉིད་ལས་དཀྲོགས་དགོས།
ང་ཚོས་ཁ་ནས་མ་ནི་དག་མ་རེ་འདོན་པའི་ཚབ་ལ་བོད་སྐད་གཙང་མ་རེ་བཤད་རྒྱུར་འབད་དགོས།
ད་ལྟ་ང་ཚོས་རིག་པ་མ་བསྒྲིམ་ན་ང་ཚོའི་སྐད་རིགས་འདི་འཆི་རྒྱུར་དུས་ཚོད་རིང་བོ་མ་རེད།
ཐབས་ཅུས་ཅན་ཁྱོད་ལ་སྐྱོན་ཞིག་བརྒྱབས་ཡོད། ཡག་པོ་བྱོས་ནས་ཀློགས་ཤིས།
(ཁྱེད་རང་གསལ་བཤད་གནང་བ་ཐུགས་རྗེ་ཆེ།) སྐད་ཆ་ཤོད་སྟངས་འདི་འདྲ་ཡིས། (ད་ལྟ་ང་ཚོས་རིག་པ་མ་བསྒྲིམ་ན་ང་ཚོའི་སྐད་རིགས་འདི་འཆི་རྒྱུར་དུས་ཚོད་རིང་བོ་མ་རེད།)
ངོས་ལེན་ཡོད། ཐུགས་རྗེ་ཆེ