གནས་ཚུལ་མཁོ་གཏོང་བ་བསོད་ནམས།
ཁ་སང་ཕྱི་ཟླ་༡་པའི་ཚེས་༡༨ཉིན་བོད་མདོ་སྨད་རྔ་བ་ཁུལ་ཁྱུང་མཆུ་རྫོང་སྦྲ་ཆེན་ཡུལ་ཚོའི་རུ་ཁག་གཉིས་པའི་རྒྱལ་གཅེས་དཔའ་བོ་གྲུབ་མཆོག་ལགས་ཀྱི་སྐུ་ཕུང་འབར་ཁམས་སུ་ཁྱེར་ནས་སྦྱིན་སྲེག་གནང་འདུག ཕྱི་ཚེས་༡༨ཉིན་ཕ་ཀྱོག་པོ་དང་མ་གཡང་མཚོ་ཡི་བུ་གྲུབ་མཆོག་ལགས་ཀྱིས་ཕྱི་ཚེས་༡༨ ཉིན་རྒྱབ་བོད་ནང་གི་ཆུ་ཚུད་༣དང་སྐར་༡༥་སྟེང་རང་ལུས་མེ་རུ་བསྒྲོན་ནས་རྒྱ་གཞུང་གི་ནོར་འཁྲུལ་ཅན་གྱི་སྲིེད་ཇུས་ལ་ངོ་རྒོལ་བྱས་ཏེ་སྐུ་གྲོངས་འདུག་པ་དང་། ཁོང་གི་སྐུ་ལུས་མེར་སྲེག་གནང་ཡུལ་ནི་སྦྲ་ཆེན་ཤང་གི་མི་དམངས་འདུ་འཛོམས་བྱེད་སའི་ལག་རྩེད་སྤོ་ལོ་རྩེད་ཐང་གི་ཉེ་འགྲམ་ལམ་གྱི་བཞི་མདོ་རེད།
ཁོང་སྐུ་མ་གྲོངས་གོང་ལ་ལག་གཉིས་ཕལ་མོ་སྦྱར་ནས་རྒྱལ་བ་བསྟན་འཛིན་རྒྱ་མཚོ་ཞེས་ཁ་ནས་བརྗོད་པ་དང་། དཔའ་བོ་ཁོང་གི་རང་ལུས་མེར་བསྲེགས་སྐབས་ས་གནས་དེ་གར་འབྲོག་མི་བརྒྱ་ཕྲག་མང་པོ་འཛོམས་ནས་སྐུ་ཕུང་རྒྱ་ལག་ལ་ཤོར་ཏུ་མ་བཅུག་པར་དཔའ་བོ་དམ་པའི་རང་ཁྱིམ་ལ་ཁྱེར་ཡོད་ནའང་། མདང་དགོང་རྒྱ་ནག་སྲིད་གཞུང་གི་མི་སྣ་དང་ཉེན་རྟོག་པ། དྲག་ཆས་དམག་མི་སོགས་མང་པོ་ཁོང་གི་རང་ཁྱིམ་དུ་བླུགས་ནས་སྐུ་ཕུང་བཙན་འཕྲོགས་ཀྱིས་ཁུལ་སྲིད་གཞུང་གི་ལྟེ་གནས་འབར་ཁམས་ལ་ཁྱེར་ནས་ས་གནས་དེ་རུ་སྐུ་ཕུང་སྦྱིན་བསྲེགས་བཏང་འདུག ཁོང་གི་ཕ་མ་དང་ཉེ་འབྲེལ་གཅིག་ཀྱང་འབར་ཁམས་སུ་འགྲོ་བཅུག་མི་འདུག སྐབས་དེར་ཨ་མཆོག་དགོན་པའི་གྲྭ་མང་རྣམས་དཔའ་བོ་ཁོང་གི་རང་ཁྱིམ་དུ་ཕེབས་ཏེ་བསྔོ་བ་སྨོན་ལམ་གསུངས་ཡོད་འདུག
དེ་རིང་ཕྱི་ཚེས་༡༩ཉིན་ས་གནས་ཡུལ་མི་རྣམས་ཁོང་ཚང་གི་ཁྱིམ་ལ་མྱ་ངན་འཚམས་འདྲིར་ཕེབས་ཡོད་པ་དང་། མྱ་ངན་འཚམས་འདྲིར་ཕེབས་མི་རྣམས་ལ་དཔའ་བོ་དམ་པའི་ཨ་ཕ་ཀྱོག་པོས་ངའི་བུ་འདི་བོད་མི་རིགས་ཀྱི་བདེན་དོན་དང་རང་དབང་གི་ཆེད་དུ་ཤི་བ་ཡིན་པས་ཕ་ང་ལ་འགྱོད་པ་སྤུ་ཙམ་ཡང་མེད་ཟེར་ནས་གཏམ་བཤད་གནང་འདུག
ཉིན་དེའི་ཕྱི་དྲོ་ནས་བཟུང་ཁྱུང་མཆུ་རྫོང་སྦྲ་ཆེན་གྲོང་བརྡལ་དུ་རྒྱ་དམག་གིས་ཡོངས་སུ་བསྐོར་ནས་ལག་ཏུ་དེང་རབས་ཀྱི་མཚོན་ཆ་སྣ་ཚོགས་བཟུང་སྟེ་ཡུལ་འདིའི་འབྲོག་མི་རྣམས་ལ་དྲག་པོས་གཉའ་གནོན་བྱས་འདུག་པས་ས་གནས་ཡུལ་མི་རྣམས་འཇིགས་སྐྲག་གི་འོག་ཏུ་གནས་འདུག སྦྲ་ཆེན་གྲོང་བརྡལ་ནི་མཛོ་དགེ་རྫོང་དང་ཁྱུང་ཆུ་རྫོང་གཉིས་ཀྱི་ས་འབྲེལ་དུ་ཆགས་ཡོད་འདུག
དཔའ་བོ་ཁོང་ནི་ཕྲུ་གུ་ཆུང་ཆུང་གཉིས་ཀྱིཕ་ཡིན་པ་དང་ཁོང་གི་མཚན་ལ་གྲུབ་མཆོག་དང་རང་ལོ་༢༧དང་། ལོ་རྟགས་སྟག་ལོ་བ་རེད།
ཁོང་ལ་ཕྲུ་གུ་གཉིས་ཡོད་པའི་གཅིག་གི་མིང་ལ་དཀོན་མཆོག་ཆོས་སྒྲོན་དང་རང་ལོ་༥རེད། ཅིག་ཤོས་ཀྱི་མིང་ལ་གནས་གསུམ་མཁའ་འགྲོ་དང་རང་ལོ་གཉིས་༣རེད་འདུག བཟའ་ཟླ་རིག་པའི་ཁོག་ལ་ཡང་ཕྲུ་གུ་ཞིག་ཆགས་ནས་ཟླ་ཤས་ཕྱིན་འདུག
འབྲེལ་བ་གནང་ཡུལ། ༠༠༤༡་་་༧༦༥༢༧༧༥༢༢
ཨ་ཁ་ཁ་ཁ་་་ད་ང་གང་ཡང་བཤད་མི་ཤེས་པ་དང་གང་ཡང་བསམ་མི་ཕོད་པ་གྱུར་སོང་། གནས་ཚུལ་འདིའི་རིགས་ལ་ངོ་མ་སེམས་ཁོངས་འཆི་མའི་ཁེངས་སོང་། བོད་ལ་རང་དབང་དང་བཙན་ཟེར་བ་ཞིག་དུས་ནམ་ཡང་མ་ཐོབ་ཀྱང་རུང་། བོད་མི་རིགས་འདི་བཞིན་སྒང་འདི་ནས་འཇིགས་ན་ཡང་ཐོང
།འདི་འདྲའི་གནས་ཚུལ་དེང་ནས་བཟུང་སྟེ་མ་ཡོང་བ་ཤོག་་་་་་་་་་་་་་་་་་་་་
ས་སྒོང་འདི་ནས་ཞེས་བཅོས་གནང་རོགས་དགོངས་སེལ་ཞུ།
སྤྱི་ཚེས་༡༨དེ་རིང་སྟེ་བོད་ནང་གི་དགུང་མོའི་ཆུ་ཚོད་༨དང་༩པའི་ཁམས་དཀར་མཛེས་རང་སྐྱོང་ཁུལ་གྱི་རྫོང་ཁག་ཁ་ཤས་ནང་ས་ཡོམ་ཤུགས་ཚད་༥-༤ཡས་མས་ཅན་ཞིག་བརྒྱབ་ཡོད་པ་དང་། ཁང་པ་ཁག་ཅིག་གཏོར་སྐྱོན་བྱུང་བ་ལས། ད་ལྟའི་ཆར་མི་ལ་གནོད་སྐྱོན་མི་འདུག་ཟེར། དེ་ཡང་ས་ཡོམ་གྱི་རྒྱག་སའི་ལྟེ་བ་དཔལ་ཡུལ་ཡིན་པ་དང་། དཀར་མཛེས་རྫོང་དུ་ཡང་ཤུགས་ཆེ་ཙམ་བརྒྱབ་ཡོད་འདུག གསེར་རྟ་རྫོང་དང་། འབའ་ཐང་རྫོང་ཐོག་ཏུ་ཡང་ཤུགས་ཚད་ཆུང་ཆུང་ཐེངས་འགར་བརྒྱབ་ཡོད་འདུག ཤུགས་ཚད་ཆེ་བ་རྒྱག་ས་ཚོའི་ཁང་པ་ཁག་ཅིག་འཐོར་བ་དང་། ནང་གི་ཅ་ལག་འཐོར་བ་སོགས་བྱས་པ་ལས། མི་ལ་གནོད་སྐྱོན་བྱུང་མེད་པ་དང་། ད་ལྟ་མི་ཚང་མ་ཕྱི་ལོག་ཏུ་ཉལ་གྱི་ཡོད་འདུག་ཅེས་འཕྲིན་ཕྲན་ལས་ཕན་ཚུན་ལ་བསྐུར་གྱིན་འདུག
གང་དྲག་་་་ད་ང་ཚོས་ཅི་ཞིག་བྱེད་ནུས་སམ།