རྒྱལ་གཅེས་དཔའ་བོ་དཀོན་པེ – རང་ལུས་མེར་བསྲེགས།

Comments (14) on “རྒྱལ་གཅེས་དཔའ་བོ་དཀོན་པེ – རང་ལུས་མེར་བསྲེགས།”

1. བསྟན་དང་དེ་འཛིན་ཆབ་སྲིད་རང་རིགས་སླད། །
   གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ། །
   དཀའ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས། །
   གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད། །

   མདོར་ན་མགོན་པོ་སྤྱན་རས་གཟིགས་དབང་གིས། །
   སྲས་བཅས་རྒྱལ་བའི་སྤྱན་སྔར་གངས་ཅན་ཞིང༌། །
   ཡོངས་བཟུང་རྒྱ་ཆེན་སྨོན་ལམ་གང་མཛད་པའི། །
   འབྲས་བཟང་དེང་འདིར་མྱུར་དུ་འཆར་བར་གསོལ། །

   སྣང་སྟོང་ཆོས་ཉིད་ཟབ་མོའི་རྟེན་འབྲེལ་དང་། །
   མཆོག་གསུམ་ཐུགས་རྗེའི་མཐུ་དང་བདེན་ཚིག་སྟོབས། །
   ལས་འབྲས་བསླུ་མེད་བདེན་མཐུས་བདག་ཅག་གི །
   བདེན་པའི་སྨོན་ལམ་གེགས་མེད་མྱུར་འགྲུབ་ཤཽག །

2. བསྟན་དང་དེ་འཛིན་ཆབ་སྲིད་རང་རིགས་སླད། །
   གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ། །
   དཀའ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས། །
   གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད། །

3. ༄༅། ཆ་མེད་ཡུལ་དུ་གྲོགས་མེད་གཅིག་པུར་འཁྱམས་།
   འཇིགས་སྐྲག་འཁྲུལ་བའི་སྣང་བ་ཆུ་ལྟར་འཁྲུགས།
   གར་སྐྱེའི་གདེང་མེད་བར་དོའི་འགྲོ་ཀུན་གྱི།
   སྐྱབས་མགོན་མཛོད་ཅིག་བླ་མ་ཡི་དམ་ལྷ།

4. རི་རབ་ལས་ཀྱང་རབ་ཏུ་ལྕི་བའི་མི་རིགས་བདེ་སྡུག་སེམས་ཀྱིས་ཁུར།།
   མེ་ལྕེ་ལས་ཀྱང་རབ་ཏུ་འབར་བའི་རིགས་ཞིན་ལ་རྒྱ་སེམས་ན་གསལ།།
   འདའ་མོ་ལས་ཀྱང་ཤིན་ཏུ་དྲང་བའི་བདེན་པ་སྨྲ་བའི་ཉག་ཕྲན་ཁྱེད།།
   གཞན་ལ་མི་འཚེ་རང་ཉིད་དོར་ནས་ཁུ་སིམ་བཞུད་འདི་ཨ་རེ་སྐྱོ།།

5. རང་ལུས་མེར་སྲེགས་རླབས་ཆེན་བྱ་ལས་འདི་།
   རང་གི་རྒྱལ་ཁབ་མི་རིགས་རྩ་དོན་དམིགས་།
   ཆོས་མེད་ཀླ་ཀློའི་བོད་མིར་བཙན་གནོན་གྱིས་།
   མ་བཟོད་བོད་མིའི་རང་ལུས་མཆོད་མེར་ཕུལ་།

   མཆོག་གསུམ་བསླུ་བ་མེད་པའི་བདེན་སྟོབས་དང་།
   སྣང་སྟོང་ཆོས་ཉིད་ཟབ་མོའི་མཐུ་བཙན་པས་།
   ལས་འབྲས་བསླུ་མེད་བདེན་པ་མྱུར་གསལ་ནས་།
   གཞིས་བྱེས་མཉམ་འཛོམས་ཉི་མ་ཤར་ལ་ཉེ་།

   གངས་རི་ར་བས་སྐོར་བའི་ཞིང་ཁམས་འདིར་།
   བསྟན་དང་བདེ་བ་མ་ལུས་འབྱུང་བའི་གནས་།
   སྤྱན་རས་གཟིགས་དབང་བསྟན་འཛིན་རྒྱ་མཚོ་ཡིའི་།
   སྐུ་ཚེ་མི་ཞིག་རྡོ་རྗེའི་ཁམས་སུ་བརྟན་།

6. བོད་ནང་གི་ཁོར་ཡུག་སྐོར་ལ་་་་
   http://tibet.net/cop21/

7. ༧རྒྱལ་བའི་ཁྲི་དང་བཙན་རྒོལ་ཤོར་བ་ལ།
   སྡུག་ཡུས་གཅིག་དང་སྐད་ངན་མ་ཤོར་བར།
   འོས་ཤོར་རྐུབ་སྟེགས་ཤོར་བར་བྲོ་འཁྲབ་པའི་
   ལས་ངན་ཆོ་ག་སྐྱེལ་མར་འཁེལ་ལ་གཤགས།

   ཀྱེ་མ་དཔའ་བོ་གཅིག་རེ་གཅིག་རེ་ཕེབས།
   ནང་འཁྲུགས་གཉིས་རེས་གསུམ་རེ་མཆེད་དེ་བརྩམས།
   མི་དམངས་མང་མོས་རྗེ་བོར་སྡང་བ་རྣམས།
   དཔའ་བོ་བསྐྱོད་ཀའི་ཆང་སྐྱེམས་སྐྱུར་མོ་ལགས།

   རང་དབང་ལུང་པར་དར་དམར་འཕྱར་བ་དང་།
   ༧བླ་མ་དཔོན་པོ་ཕེབས་སའི་ཁྱི་འཚོགས་རྣམས།
   ལྟས་ངན་གྲངས་མེད་སྣ་ཚོགས་ཟིལ་གནོན་པ།
   དཔའ་བོའི་འདས་མཆོད་སྐྱེལ་མར་དགོངས་དག་མཛོད།

8. དགྱ་དམར་དགྲ་བོའི་བཙན་ཁྲིམས་བཀའ་འོག་ནས།།
   མདོ་སྨད་དཔའ་བོ་ཕྱི་མར་འགྲོ་དགོས་ཐུག།
   བཙན་བྱོལ་ཁམས་པའི་ཆོལ་ཞེན་ཕྱོགས་རེ་འོག།
   མདོ་སྨད་སྤྱི་དཔོན་དོན་མེད་རྒྱངས་ཕུད་བཏང་།།

   མཇུག་འབྲས་འདི་འདྲ་ཟ་བའི་ཆོལ་ཁ་འདི།
   གནའ་ནས་ད་བར་མྱང་བ་ཨམ་ཕྲུག་ཙམ།།
   སྙིང་འཕྱས་ཞྭ་ནག་ག་རེ་གཡོག་དུས་འདིར།།
   བདེན་པ་རུམ་ལ་བཅུག་ནས་མདུན་དུ་སྤོས།།

   སྨྱུག་ཤོག་ཐོགས་པ་མདོ་སྨད་མི་ཡི་རིགས།།
   གྲི་སྟ་སྤངས་བའི་དཔའ་བོ་རྟའི་ཆོལ་ཁ།།
   བདེན་པ་གནས་ལུགས་སྦྱོར་བའི་མཁས་བ་ཡིན།
   དུས་རབས་འདི་ལ་དགོས་བའི་བཀའ་གསུང་ཡིན།

   བླ་མའི་སྐུ་བརྟན་དཔའ་བོའི་དཔུང་བརྟན་པའི།།
   སྨོན་ལམ་ཡང་ཡང་སེམས་པའི་ཀློང་ནས་འདེབས།།
   སྐབས་འཚོལ་བ་དང་བསྟན་དགྲ་གཏོར་བ་ལ།
   མཐུ་ཆེན་ཐེབ་པའི་ཉིན་མོ་མྱུར་ཤར་ཤོག།

9. གངས་རིའི་ལྗོངས་སུ་སྟག་སེང་རྫོང་ཞིག་ཡོད། །
   དེ་ཡི་མིང་ལ་ཨ་མདོ་རྔ་བ་ཟེར། །
   གངས་རིའི་ལྗོངས་སུ་སྟག་སེང་ཁ་སྤྲོད་ཡོད། །
   དེའི་མིང་ལ་རྔ་བའི་དཔའ་རྒོད་ཟེར། །

10. དམངས་གཙོའི་བདག་དབང་ཧ་ཅང་དབང་བཙན་པས།
    དམངས་གཙོའི་ཀ་མགོར་སྡང་བ་དམངས་ཀྱི་དགྲ །
    དམངས་ཀྱི་འོས་ཤོག་ཤོག་སྟོང་མ་ལགས་ཏེ།
    དམངས་རེའི་བསམ་པ་དགུངས་སྔོན་གནམ་ལས་མཐོ།

    ཁམས་པ་མཁས་པས་བསྐོས་ཀྱང་བཀའ་བློན་ཤོར།
    ཆང་རྐྱལ་རང་བཞིན་འཁྲེགས་པས་འོས་ཀྱང་ཤོར།
    བཀའ་བློན་འཕགས་པའི་འགྲན་ཡར་མི་དོ་བ།
    འོས་ཤོག་དུས་ནས་ཁོ་རང་ཕེབས་པ་ལགས།

    སྨྱུག་ཐོགས་པ་ཡི་ལས་དཀའ་ཧ་ཅང་བཟང་།
    མཛངས་པ་མེད་ན་འདི་ཡང་ཏང་གི་གཡོགས།
    དམངས་ཀྱི་དབུ་ལོར་སྡང་བའི་ཁྱི་ཚོགས་གཉིས།
    ཆོས་སྲིད་གཉིས་ཀར་ཕན་མེད་དོལ་ཚོགས་ལགས།

    ཟླ་མེད་དཔའ་བོས་བདེན་པ་བདར་བ་ལས།།
    གཞི་བྱེས་མི་དམངས་སེམས་རྩ་རབ་བརྟན་པས།།
    སྤུན་ཟླའི་མཛའ་བརྩེར་གནོད་པའི་རེ་དོགས་རྣམས།།
    གནོང་ཞིང་འགྱོད་པས་མྱུར་ཏུ་ཆོད་པར་ཤོག །

11. འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས།
    དུས་གསུམ་སངས་རྒྱས་ཀུན་གྱི་ངོ་བོ་ཉིད།
    རང་སེམས་ཆོས་སྐུ་མངོན་སུམ་སྟོན་མཛད་པའི།
    རྩ་བའི་བླ་མའི་ཞབས་ལ་གསོལ་བ་འདེབས།
    ཆོལ་ཁ་ཕྱོགས་ཞེན་ཞི་བར་བྱིན་གྱིས་རློབས།

12. གཞིས་ཞུགས་བོད་མིའི་ལྷག་བསམ་མེ་དམར་འབར་།
    བྱེས་འབྱོར་བོད་མིའི་ཆོལ་ཞེན་ངོ་རེ་ཚ་།
    གཞིས་ཞུགས་བོད་མིའི་ཆོད་སེམས་རི་ལས་བརྟན་།
    བྱེས་འབྱོར་བོད་མིའི་ནང་འཁྲུགས་ངོ་རེ་ཚ་།

13. ཆོལ་ཞེན་འགན་འཁུར་ང་ཚོའི་ལས་འགན་མིན་།
    ནང་འཁྲུགས་རྒྱག་རྒྱུ་ང་ཚོའི་ལས་འགན་མིན་།
    སྤྱི་ཚོགས་དཀྲུགས་རྒྱུ་ང་ཚོའི་ལས་འགན་མིན་།
    ངོ་རྒོལ་རྒྱག་རྒྱུ་ང་ཚོའི་ལས་འགན་མིན་།

    ཁྲིམས་སྲུང་ངོ་ཚ་ང་ཚོའི་ལས་འགན་ཡིན་།
    ཡ་རབས་བཟང་སྤྱོད་ང་ཚོའི་ལས་འགན་ཡིན་།
    ཆོལ་གསུམ་མཐུན་སྒྲིལ་ང་ཚོའི་ལས་འགན་ཡིན་།
    བཅའ་ཁྲིམས་འགན་འཁུར་ང་ཚོའི་ལས་འགན་ཡིན་།

14. སྐུ་ཞབས་ཡངས་གླིང་རྡོ་རྗེ་ལགས་ཀྱིས།
    https://www.facebook.com/jamyang.tenzin.73/videos/10155779158785999/