| མཚན། | ཤེས་རབ་ཚེ་རྡོར། |
| དགུང་ལོ་ | ༢༥ |
| འཚོ་ཐབས། | ལྡི་ལི་ས་གནས་གཞོན་ནུའི་རྒྱུན་ལས་ཟུར་པ་(ཟུང་དྲུང་) |
| ཕ་ཡུལ། | |
| སྐུ་ལུས་ཞུགས་མེར་སྒྲོན་ཉིན། | ༢༠༡༡ ཟླ་ ༡༡ ཚེས་ ༤ ཞོགས་པ་ཆུ་ཚོད་ ༡༠ ཡས་མས་ཤིག་ལ་ |
| ཞུགས་མེར་སྒྲོན་ས། | རྒྱ་གར་གྱི་རྒྱལ་ས་ལྡི་ལིའི་རྒྱ་ནག་གཞུང་ཚབ་ཁང་གི་མདུན། |
| སྐད་འབོད། | ཤེས་རབ་ལགས་རྒྱ་ནག་གཞུང་ཚབ་ཁང་གི་མདུན་དུ་མ་ཕྱིན་གོང་ངོ་དེབ་དྲ་རྒྱའི་སྟེང་འཕྲིན་ཐུང་ཞིག་བྲིས་ཡོད་འདུག་ལ། འཕྲིན་ཐུང་དེའི་ནང་དེ་རིང་དང་འདས་པའི་ལོ་འགའི་རིང་ཁོང་གིས་ལས་འགུལ་གང་བྱས་པ་ཚང་མ་བོད་ཀྱི་རྩ་དོན་དང་༧གོང་ས་མཆོག་གི་དོན་དུ་ཡིན། |
| སྐུ་འཚོའི་གནས་བབས། | ད་ལྟ་སྨན་ཁང་དུ་ཡོད། |
| མཚན། | དཔལ་ལྡན་ཆོས་མཚོ། |
| དགུང་ལོ་ | ༣༥ |
| འཚོ་ཐབས། | ཁམས་རྟའུ་བྱང་ཆུབ་ཆོས་གླིང་དགོན་པའི་བཙུན་མ། |
| ཕ་ཡུལ། | ཁམས་རྟའུ། |
| སྐུ་ལུས་ཞུགས་མེར་སྒྲོན་ཉིན། | ༢༠༡༡ ཟླ་ ༡༡ ཚེས་ ༣ བོད་ནང་གི་ཆུ་ཚོད་དང་པོ། |
| ཞུགས་མེར་སྒྲོན་ས། | རྟའུ་རྣམ་རྒྱལ་མཆོད་རྟེན་གྱི་ཉེ་འགྲམ། |
| སྐད་འབོད། | “བོད་ལ་རང་དབང་དགོས། ༸གོང་ས་མཆོག་སྐུ་ཚེ་ཁྲི་ལོར་བརྟན་པར་ཤོག ༸གོང་ས་མཆོག་བོད་ལ་གདན་ཞུ་བྱེད་དགོས།” |
| སྐུ་འཚོའི་གནས་བབས། | སྐུ་ཚེ་མ་ཟིན། |
| མཚན། | ཟླ་བ་ཚེ་རིང་། |
| དགུང་ལོ་ | ༣༨ ཙམ། |
| འཚོ་ཐབས། | དཀར་མཛེས་དགོན་ཆེན་གྱི་དགེ་འདུན་པ། |
| ཕ་ཡུལ། | དཀར་མཛེས་དགོན་པའི་འདབས་སུ་ཆགས་པའི་དཀར་མཛེས་རྫོང་ཁྲིན་པེ་ཤང་ཡུལ་པ་ཁག་རུ་ཁག་གཉིས་པ། |
| སྐུ་ལུས་ཞུགས་མེར་སྒྲོན་ཉིན། | ༢༠༡༡ ཟླ་ ༡༠ ཚེས་ ༢༥ བོད་ནང་གི་ཆུ་ཚོད་དགུ་དང་ཕྱེད་ཀ་ཙམ་ |
| ཞུགས་མེར་སྒྲོན་ས། | དཀར་མཛེས་དགོན་གྱི་ཤར་ཕྱོགས་སུ་ཡོད་པའི་བསངས་གཏོང་ས། |
| སྐད་འབོད། | ༸རྒྱལ་བ་རིན་པོ་ཆེ་སྐུ་ཚེ་ཁྲི་ལོར་བརྟན་པར་ཤོག ༸རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས། |
| སྐུ་འཚོའི་གནས་བབས། | གསལ་པོར་མ་ཤེས། |
| མཚན། | བསྟན་འཛིན་དབང་མོ་ |
| དགུང་ལོ་ | ༢༠ ཡས་མས། |
| འཚོ་ཐབས། | རྔ་པ་རྫོང་མ་མའི་བཙུན་དགོན་གྱི་བཙུན་མ་ |
| ཕ་ཡུལ། | རྔ་པ་རྫོང་བྱ་སྐོར་མ་སྡེ་བ། |
| སྐུ་ལུས་ཞུགས་མེར་སྒྲོན་ཉིན། | ༢༠༡༡ ཟླ་༡༠ ཚེས་༡༧ བོད་ནང་གི་ཉིན་རྒྱབ་ཆུ་ཚོད་དང་པོ་ཡོལ་ཙམ། |
| ཞུགས་མེར་སྒྲོན་ས། | རྔ་པ་རྫོང་མཁར་དང་བར་ཐག་སྤྱི་ལེ་གསུམ་ཙམ་ཡོད་པའི་བཙུན་དགོན་གྱི་ཞོལ་གྱི་སུམ་མདོའི་ཟམ་ཁ། |
| སྐད་འབོད། | ༧གོང་ས་མཆོག་བོད་ལ་གདན་འདྲེན་ཞུ་དགོས། བོད་ལ་ཆོས་དད་རང་དབང་དགོས། |
| སྐུ་འཚོའི་གནས་བབས། | སྐུ་ཚེ་མ་ཟིན། |
| མཚན། | ནོར་བུ་དགྲ་འདུལ། |
| དགུང་ལོ་ | ༡༩ ཙམ་ཡིན་པ། |
| འཚོ་ཐབས། | གྲྭ་ཟུར་ཡིན་ཞིང་ཕ་མ་དང་ལྷན་དུ་བཞུགས་ཡོད་པ། |
| ཕ་ཡུལ། | རྔ་པ་རྫོང་ཆོས་རྗེ་ཞང་སོ་རུ་མ། |
| སྐུ་ལུས་ཞུགས་མེར་སྒྲོན་ཉིན། | ༢༠༡༡ ཟླ་ ༡༠ ཚེས་ ༡༥ བོད་ནང་གི་ཆུ་ཚོད་ ༡༡།༥༠ ཙམ། |
| ཞུགས་མེར་སྒྲོན་ས། | རྔ་པའི་ཁྲོམ་གཞུང་། |
| སྐད་འབོད། | བོད་ཁ་བ་ཅན་ལ་རང་དབང་རང་བཙན་དགོས། རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས། |
| སྐུ་འཚོའི་གནས་བབས། | གཟུགས་པོ་མེས་ཚིག་པ་ཚབས་ཆེན་ཡིན་ཡང་སྐབས་དེ་རང་ལ་གྲོངས་མེད་པ་གསལ་པོ་ཡིན་འདུག |
| མཚན། | མཁའ་དབྱིངས། |
| དགུང་ལོ་ | ༡༨ ཙམ། |
| འཚོ་ཐབས། | སྐྱ་བོ། ༼རྔ་པ་ཀིརྟི་དགོན་པའི་དགེ་འདུན་པ་ཟུར་པ།༽ |
| ཕ་ཡུལ། | རྔ་བ་རྫོང་མཐའ་བ་གོང་མ། |
| སྐུ་ལུས་ཞུགས་མེར་སྒྲོན་ཉིན། | ༢༠༡༡ ཟླ་ ༡༠ ཚེས་ ༧ བོད་ནང་གི་ཉིན་རྒྱབ་ཀྱི་དུས་ཚོད་དང་པོ་ཡོལ་ཙམ་ |
| ཞུགས་མེར་སྒྲོན་ས། | རྔ་པ་རྫོང་གི་ཁྲོམ་གཞུང་། |
| སྐད་འབོད། | ཕྱག་གཉིས་ཐལ་མོ་སྦྱར་ཏེ་༸”༸གོང་ས་མཆོག་གི་མཚན་ནས་འབོད་པ་དང༌། བོད་ལ་རང་དབང་དགོས་”པའི་སྐད་འབོད་གནང་ཡོད་ཅིང་། སྐུ་མ་གྲོངས་གོང་སྨན་ཁང་དུ། ” ངས་འདི་ལྟར་རང་སྲོག་བོད་དོན་ཆེད་གཏོང་ཐུབ་པ་དེས་རང་ཉིད་འདོད་པ་ཁེངས་པ་བྱུང་ཡོད་ཅིང་། འགྱོད་པ་རྩ་བ་ནས་མེད་པས་ཚང་མས་སེམས་སྡུག་མ་གནང་རོགས” ཞེས་ཁ་ཆེམས་གསུངས་ཡོད་འདུག |
| སྐུ་འཚོའི་གནས་བབས། | ༢༠༡༡ ཟླ་ ༡༠ ཚེས་ ༧ ཉིན་སྐུ་ཚེ་མ་ཟིན། |
| མཚན། | ཆོས་འཕེལ། |
| དགུང་ལོ་ | ༡༩ ཙམ། |
| འཚོ་ཐབས། | སྐྱ་བོ། ༼རྔ་པ་ཀིརྟི་དགོན་པའི་དགེ་འདུན་པ་ཟུར་པ།༽ |
| ཕ་ཡུལ། | རྔ་བ་རྫོང་མཐའ་བ་གོང་མ། |
| སྐུ་ལུས་ཞུགས་མེར་སྒྲོན་ཉིན། | ༢༠༡༡ ཟླ་ ༡༠ ཚེས་ ༧ བོད་ནང་གི་ཉིན་རྒྱབ་ཀྱི་དུས་ཚོད་དང་པོ་ཡོལ་ཙམ་ |
| ཞུགས་མེར་སྒྲོན་ས། | རྔ་པ་རྫོང་གི་ཁྲོམ་གཞུང་། |
| སྐད་འབོད། | ཕྱག་གཉིས་ཐལ་མོ་སྦྱར་ཏེ་༸”༸གོང་ས་མཆོག་གི་མཚན་ནས་འབོད་པ་དང༌། བོད་ལ་རང་དབང་དགོས་”པའི་སྐད་འབོད་གནང་ཡོད། |
| སྐུ་འཚོའི་གནས་བབས། | ༢༠༡༡ ཟླ་ ༡༠ ཚེས་ ༡༡ ཉིན་སྐུ་ཚེ་མ་ཟིན། |
| མཚན། | སྐལ་བཟང་དབང་ཕྱུག |
| དགུང་ལོ་ | ༡༧ |
| འཚོ་ཐབས། | ཀིརྟི་དགོན་པའི་དུས་འཁོར་གྲྭ་ཚང་གི་གྲྭ་པ |
| ཕ་ཡུལ། | རྔ་པ་རྫོང་ཆོས་རྗེ་མ་ཞང་སོ་རུ་མ་སྡེ་བ |
| སྐུ་ལུས་ཞུགས་མེར་སྒྲོན་ཉིན། | ༢༠༡༡ ཟླ་ ༡༠ ཚེས་ ༤ |
| ཞུགས་མེར་སྒྲོན་ས། | རྔ་པ་རྫོང་མཁར་གྱི་གཞུང་ལམ། |
| སྐད་འབོད། | ྋརྒྱལ་བའི་སྐུ་པར་ཞིག་ལག་ཏུ་བསྣམས་ཏེ་རྔ་པ་རྫོང་མཁར་གྱི་གཞུང་ལམ་དུ་ཕེབས་ཏེ་སྐུ་ལུས་མེ་རུ་སྦར་ཏེ་རྒྱ་ནག་གཞུང་ལ་ངོ་རྒོལ་སྐད་འབོད་གནང་འདུག |
| སྐུ་འཚོའི་གནས་བབས། | གསལ་པོར་མ་ཤེས། |
| མཚན། | བློ་བཟང་སྐལ་བཟང་ |
| དགུང་ལོ་ | ༡༨ |
| འཚོ་ཐབས། | རྔ་པ་ཀིརྟི་དགོན་པའི་གྲྭ་ |
| ཕ་ཡུལ། | རྔ་པ་རྫོང་རྨེའུ་རུ་མའི་རུ་ཆེན་གཉིས་པ |
| སྐུ་ལུས་ཞུགས་མེར་སྒྲོན་ཉིན། | ༢༠༡༡ ཟླ་ ༩ ཚེས་ ༢༦ བོད་ནང་གི་ཆུ་ཚོད་བཅུ་དང་ཕྱེད་ཀ་ཙམ་ |
| ཞུགས་མེར་སྒྲོན་ས། | རྔ་པ་རྫོང་གི་ཁྲོམ་གཞུང་དུ། |
| སྐད་འབོད། | “༸རྒྱལ་བ་རིན་པོ་ཆེ་སྐུ་ཚེ་ཁྲི་ལོར་བརྟན་པར་ཤོག བོད་ལ་ཆོས་དད་རང་དབང་དགོས།” |
| སྐུ་འཚོའི་གནས་བབས། | གསལ་པོར་མ་ཤེས། ཁོང་ནི་དཔའ་བོ་བློ་བཟང་ཕུན་ཚོགས་ཀྱི་སྤུན་ཆུང་ཡིན་འདུག |
| མཚན། | བློ་བཟང་དཀོན་མཆོག |
| དགུང་ལོ་ | ༡༨ |
| འཚོ་ཐབས། | རྔ་པ་ཀིརྟི་དགོན་པའི་གྲྭ་ |
| ཕ་ཡུལ། | རྔ་པ་རྫོང་རྨེའུ་རུ་མའི་རུ་ཆེན་གཉིས་པ |
| སྐུ་ལུས་ཞུགས་མེར་སྒྲོན་ཉིན། | ༢༠༡༡ ཟླ་ ༩ ཚེས་ ༢༦ བོད་ནང་གི་ཆུ་ཚོད་བཅུ་དང་ཕྱེད་ཀ་ཙམ་ |
| ཞུགས་མེར་སྒྲོན་ས། | རྔ་པ་རྫོང་གི་ཁྲོམ་གཞུང་དུ། |
| སྐད་འབོད། | “༸རྒྱལ་བ་རིན་པོ་ཆེ་སྐུ་ཚེ་ཁྲི་ལོར་བརྟན་པར་ཤོག བོད་ལ་ཆོས་དད་རང་དབང་དགོས།” |
| སྐུ་འཚོའི་གནས་བབས། | གསལ་པོར་མ་ཤེས། |
| མཚན། | ཚེ་དབང་ནོར་བུ་ |
| དགུང་ལོ་ | ༢༩ |
| འཚོ་ཐབས། | ཁམས་རྟའུ་ཉ་མཚོ་དགོན་པའི་དགེ་འདུན་པ་ |
| ཕ་ཡུལ། | ཁམས་རྟའུ། |
| སྐུ་ལུས་ཞུགས་མེར་སྒྲོན་ཉིན། | ༢༠༡༡ ཟླ་༨ ཚེས་༡༥ བོད་ནང་གི་ཉིན་གུང་ཆུ་ཚོད་བཅུ་གཉིས་དང་ཕྱེད་ཀ་ཙམ། |
| ཞུགས་མེར་སྒྲོན་ས། | རྟའུ་རྫོང་གི་ཁྲོམ་གཞུང་དུ། |
| སྐད་འབོད། | “སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་བོད་ལ་གདན་འདྲེན་ཞུ་དགོས། བོད་རང་དབང་ཡིན།” |
| སྐུ་འཚོའི་གནས་བབས། | ཉིན་དེར་སྐུ་ཚེ་མ་ཟིན། |
| མཚན། | ཕུན་ཚོགས་ |
| དགུང་ལོ་ | ༢༡ ཙམ་ཡིན་པ། |
| འཚོ་ཐབས། | ཀིརྟི་དགོན་པའི་གྲྭ་ |
| ཕ་ཡུལ། | རྔ་པ་རྫོང་རྨེའུ་རུ་མ་ |
| སྐུ་ལུས་ཞུགས་མེར་སྒྲོན་ཉིན། | ༢༠༡༡ ཟླ་ ༣ ཚེས་ ༡༦ |
| ཞུགས་མེར་སྒྲོན་ས། | ཀིརྟི་དགོན་པའི་ཉེ་འདབས་ཀྱི་ཁྲོམ་ |
| སྐད་འབོད། | “༸རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས་པ་དང༌། བོད་རང་བཙན་ཡིན” |
| སྐུ་འཚོའི་གནས་བབས། | ཉིན་དེར་སྐུ་ཚེ་མ་ཟིན། |
| མཚན། | བཀྲ་བྷེ་ |
| དགུང་ལོ་ | |
| འཚོ་ཐབས། | རྔ་བ་ཀིརྟི་དགོན་པའི་དགེ་འདུན་པ། |
| ཕ་ཡུལ། | |
| སྐུ་ལུས་ཞུགས་མེར་སྒྲོན་ཉིན། | ༢༠༠༩ ཟླ་ ༢ ཚེས་ ༡༦ |
| ཞུགས་མེར་སྒྲོན་ས། | |
| སྐད་འབོད། | |
| སྐུ་འཚོའི་གནས་བབས། | རྒྱ་གཞུང་གི་ཉེན་རྟོག་པས་མེ་མདའ་བརྒྱབས་ཏེ་སྨན་ཁང་དུ་བསྐྱལ་རྗེས་ཀྱི་གནས་ཚུལ་མ་ཤེས། |
རྒྱལ་སྤྱིའི་དཔའ་བོ་དང་དཔའ་བོ་རྣམས་ལ་སྙིང་ནས་མྱ་ངན་ཞུ། འདིའི་ནང་དུ་དཔའ་བོ་ཐུབ་བསྟན་དངོས་གྲུབ་ཀྱི་མཚན་སོགས་ཀྱང་བཀོད་གནང་རོགས་ཞུ། ཐུགས་རྗེ་ཆེ།
རྒྱལ་གཅེས་དཔའ་བོ་དང་དཔའ་མོ་རྣམས་ཀྱི་མཚན་འགོད་སྟངས་ཀྱི་གོ་རིམ་ཡང་སྐུ་ལུས་སྒྲོན་མེར་སྤར་བ་ལྟར་བཀོད་ན་མི་ལེགས་སམ། དཔའ་བོ་ཐུབ་བསྟན་དངོས་གྲུབ་དང་པོ་དང་། དེ་ནས་བྱུང་རམ་ལྟར་བཀོད་ན་ལོ་རྒྱུས་སུ་འགོད་དུས་གོ་རིམ་ལྡན་པ་ཞིག་འདུག་སྙམ་པ་འདི་བདག་གི་བསམ་ཚུལ་ཙམ་ཡིན།
ལས་འགུལ་རླབས་ཆེན་རེད། ཧ་ཅང་དགའ་ཡོད། བོད་མི་ཞིག་ཡིན་ཚེ་འདི་ཚོའི་འབོད་སྒྲ་དང་རེ་བ། ལོ་ཚོད། འཚོ་ཐབས་བཅས་ལ་ཡིད་དུ་དམ་པོར་འཛིན་རྒྱུ་གལ་ཆེ། སེམས་ནས་མི་བརྗེད་རྒྱུའི་དམ་བཅའ་འཇོག་དགོས་ཀྱིན་འདུག དེ་ནི་རང་རང་གིས་འཇོན་པའི་ལས་ཀ་ཆུང་ཆུང་ཞིག་རེད།
བོད་ཀྱི་དཔའ་བོ་དཔའ་མོ་ཚོར་སེམས་བསམ་པའི་གཏིང་ནས་གུས་བརྩི་བླ་མེད་ཞུ། བོད་རྒྱལ་གྱུར་ཅིག
འདིར་ཞུ་དགོས་པ་ཞིག་ནི། རྔ་བའི་དཔའ་བོ་ཆོས་འཕེལ་དང་མཁའ་དབྱིངས་གཉིས་ནི་མི་སྐྱ་རེད། འདིར་ཀིརྟི་དགོན་པའི་གྲྭ་བ་རེད་གསུང་བ་ནོར་བ་མིན་འགྲོ བསྐྱར་དུ་དཔྱད་ཞིབ་ཅིག་གནང་རོགས།
མཐར། དཔའ་བོའི་གཟི་བརྗིད་ནམ་ཡང་ཉམས་པ་མེད།
ཧ་ཅང་གི་ཡག་པོ་འདུག་ཐུགས་རྗེ་ཆེ་ཞུ། ཡིན་ནའང་དཔའ་བོ་དཔའ་མོའི་རྗེས་དྲན་ཁོངས་སུ་དཔའ་བོ་ཐུབ་བསྟན་དངོས་གྲུབ་ལགས་མིན་འདུག་དེ་ཡིན་ནམ།
ཧ་ཅང་གི་ཡག་པོ་བྲིས་འདུག་ཐུགས་རྗེ་ཆེ་ཞུ། ཡིན་ནའང་དཔའ་བོ་དཔའ་མོའི་རྗེས་དྲན་ཁོངས་སུ་དཔའ་བོ་ཐུབ་བསྟན་དངོས་གྲུབ་ལགས་མིན་འདུག་དེ་གང་ཡིན་ནམ།
ལས་འགུལ་དགའ་བསུ་ཡོད་ཀྱང་། དྲག་པོའི་སྒོ་ནས་དགྲ་བོའི་ལུས་དང་མཚོན་ཆ་མེར་བསྲེག་དགོས་རེད། ཡང་ན་ཞི་བའི་སྒོ་ནས་དགྲ་བོའི་གདུག་རྩུབ་དང་ངན་འཆར་ཞི་བར་བྱེད་དགོས་ལ་པ་ལས། ཐབས་ལམ་གསུམ་པ་ཞིག་ངས་ནི་མཐོང་བགྱིད་མི་འདུག་ལགས། ངས་ཚིག་འདི་ལོག་འགྲེལ་མ་གནོངས་རོགས། ཐུགས་རྗེས་གཟིགས།
དེ་རིང་༤་་་༡༡་་༢༠༡༡་་ཉིན་ལྡི་ལི་རྒྱ་དམར་གཞུང་ཚབ་མདུན་རྒྱལ་གཅེས་པ་ཞིག་ནས་སྐུ་གཟུགས་ལ་མེ་སྤར་འདུག་ལུས་པོ་བརྒྱ་ཆ་༡༦ཙམ་འཚིགས་ཡོད་ཚོད་འདུག། ད་ལྟ་ཁོང་སྨན་ཁང་དུ་བཞུགས་ཡོད་པའི་གནས་ཚུལ་ལས་མིང་སོགས་གཞན་ཤེས་རྟོགས་མ་བྱུང་། ཁོང་སྐུ་ཚེ་བརྟན་པའི་སྨོན་འདུན་ཞུ།། །།
ད་དུང་རེའུ་མིག་གཅིག་ཁ་སྣོན་གནང་ནས་སྐུ་པར་རེ་བྱུང་ན་སྙམ་པ་ལགས།
དེ་རིང་ཞོགས་པར་ལྡི་ལི་ས་གནས་གཞོན་ནུའི་རྒྱུན་ལས་ཟུར་པ་ཤེས་རབ་ལགས་གཅིག་པུ་རྒྱ་ནག་གཞུང་ཚབ་ཁང་གི་མདུན་དུ་ཕྱིན་ཏེ་རང་ལུས་མེར་བསྲེགས་བཏང་འདུག་པ་དེ་ཡང་འདིར་གང་མྱུར་བཀོད་གནང་རོགས་ཞུ།
ཐུགས་རྗེ་ཆེ།
བོད་ཀྱི་དཔའ་བོ་དཔའ་མོ་ཚོར་སེམས་བསམ་པའི་གཏིང་ནས་གུས་བརྩི་དང་རྗེས་དྲན་ཞུ།
མྱ་ངན་དང་གུས་འདུད་ཞུ།
རང་ཅག་ཐུན་མོང་གི་མངོན་འདོད་མི་རིང་འགྲུབ་པའི་སྨོན་ལམ།
དཔའ་བོ་དཔའ་མོ་ཡོངས་དང་དམིགས་བསལ་དུ་རང་ལུས་མཆོད་མེད་ཀྱི་ལས་འགུལ་སྲོལ་འབྱེད་ཆེན་པོ་དཔའ་བོ་ཐུབ་བསྟན་དངོས་གྲུབ་མཆོག་ལ་མྱ་ངན་རྗེས་དྲན་ཞུ། ད་ལྟ་ཁོང་གི་རྣམ་ཤེས་ཀྱིས་ཁོང་གི་ལས་འགུལ་མུ་མཐུད་སྤེལ་བཞིན་པ་ལ་ངོ་མ་ཡི་རང་བྱེད་བཞིན་ཡོད་ཤག་རེད།
ད་ང་ཚོ་འདུག་མུས་འདུག་དགོས་ལེ་ཨ་རེད། ཨ་རོག་ཚོ། སུ་འཚིག་ཡོང་ཧ་མི་གོ་བའི་དུས་ཚོད་ཅིག་ཚེས་ཚར་སོང་། ད་ནི་ཆོས་པ་ཚོས་ཀྱང་གུ་ཡངས་རེའམ། བཀའ་སློབ་མང་པོ་མ་གནང་ན་ཡག་པོ་འདུག
འདི་འདྲ་ཡིན་ན། ས་ཡ་དྲུག་པོ་རིམ་པ་བྱས་ནས་འཚིག་རྒྱུ་ལས་མི་འདུག ད་ནི་གྲི་ཞིག་མ་གཏོགས་མེད་ཀྱང་། ཁུར་རན་མ་སོང་ན། ཕ་འབུམ་དུམ་པ་བཅུ་གཉིས། ཕ་རོ་ཟ་ཚོ།
རབ་གསལ་སོགས་ཁ་བརྡའི་རྩོམ་སྒྲིག་པ་བཅུ་བདུན་ལགས། གོང་དུ་དཔའ་བོ་དཔའ་མོ་ཚོའི་སྐུ་པར་རེ་ཡང་བཀོད་ཐུབ་ན་ཡག་པོ་འདུག མཆན་དང་པོ་གཡག་གིས་བཤད་པ་ལྟར། དཔའ་བོ་ཐུབ་བསྟན་དངོས་གྲུབ་ཀྱི་མཚན་དང་ལོ་རྒྱུས་ཕྲན་བུ་ཞིག་ཀྱང་འགོད་རོགས་ཞུ། ཁོང་ནི་བོད་དོན་དུ་རང་ལུས་མེ་སྲེག་གཏོང་མཁན་གྱི་དཔའ་རྒོད་ཐོག་མ་དེ་ཡིན་པས་སོ།
འདིར་རང་ལུས་མེར་བསྲེག་གིས་ལས་འགུལ་སྤེལ་མཁན་འདས་གསོན་གཉིས་ཀའི་ལོ་རྒྱུས་འགོད་ཀྱི་ཡོད་ན། དབུས་བོད་ཀྱི་རྒྱུན་ལས་ཟུར་བ་ལྷག་པ་ཚེ་རིང་ཞུ་པ་དེ་ཡང་འགོད་དགོས་པར་མཐོང་། མང་པོ་ཞིག་གིས་དཔའ་བོ་ཐུབ་བསྟན་དངོས་གྲུབ་མ་གཏོགས་ཁོང་འདིར་ཆད་ཡོད་པའི་ཟུར་ཙམ་ཡང་གླེང་གིན་མི་འདུག ཁོང་བཙན་བྱོལ་ནང་རང་ལུས་མེར་བསྲེག་གི་ལས་འགུལ་སྤེལ་མཁན་པ་དེ་ཆགས་ཡོད་པ་རེད།
བོད་ཀྱི་གཞོན་ནུའི་ཆད་འདུག དགོངས་དག
ཨ་རོ་གྲོགས་པོ་ཚོ། མདོ་དོན་བོད་ཆོས་རེད། སྐྱག་རྫིན་མ་ཡིན་པར། ཟན་ཕྱེ་བརྫིས་ནས་ཤོག། ཚོ་དཔོན་རང་གིས་བྱེད། རང་དབང་ལེན་དུ་འགྲོ། ཁ་ནས་མཎི་འདོན། ཚུམས་ཚུམས་མིག་གིས་བྱེད།།
འདིར་དཔའ་བོ་ཁོང་གི་མཚན་ལ་ཤེས་རབ་ཚེ་རྡོར་ཞེས་དང་། ནོ་ཝེར་རླུང་འཕྲིན་ནས་དཔའ་བོ་ཁོང་གི་མཚན་ལ་མིག་དམར་ཚེ་རིང་ཞེས་གསར་བསྒྲགས་གནང་བཞིན་འདུག ཡང་བོད་ཀྱི་དུས་བབ་དྲ་བའི་ནང་ཁོང་གི་མཚན་ལ་ཤེས་རབ་ཞེས་བཀོད་པས། འོན་ཀྱང་སྤྱིར་དཔའ་བོ་ཁོང་ལ་མཚན་མང་པོ་ཡོད་སྲིད་ཀྱང་གསར་འགྱུར་ཁང་ཁག་ནས་མཚན་གཅིག་བེད་སྤྱོད་གནང་བ་ཡག་ཀ་མེད་དམ་བསམ་བྱུང་།
རྒྱལ་གཅེས་དཔའ་བོ་དང་དཔའ་མོ་རྣམ་པ་ཚོས་མི་རིགས་དང་རང་དབང་གི་ཆེད་དུ་སྐུ་ལུས་ཞུགས་མེར་སྒྲོན་པའི་སྙིང་སྟོབས་ལ་ཡི་རང་དང་གདུང་སེམས་མཉམ་བསྐྱེད་ཡོད། ཀྱེ་མ་ང་ཚོའི་སྡུག་གི་ཁུར་པོ་དེ་ནམ་བོར་ཐུབ་ན། སྒང་པ་བོད་པ་ཚོ་ལས་དབང་ཅི་ཞིག་གིས་ཕམ་ཁས་མནར་བ་རེད། དཀོན་མཆོག་མཁྱེན།
ཡིད་ལ་བརྣག་པ་དེ་དག
…… རང་ལུས་མེ་རུ་སྦར་པའི་སྐྱེས་ཆེན་དེ་དག་ཡིད་ལ་ཡང་ཡང་དྲན་པས།
བདེན་ལ་རྫུན་ཅིང་རྫུན་ལ་བདེན་པའི་གསར་འགྱུར་དེ་དག་གིས
ཡིད་ཀྱི་ཟབ་ས་ནས་དྲུས་འགྲོ་བ་ཞིག་གམ
གློ་བའི་དྲོད་ས་ནས་གཏུབ་འགྲོ་བ་ཞིག
རང་ངོས་ནས་མ་བདེན་ན་སྙམ་པའི་སྦྲིད་ཚོར་དེ་དག་དག་དང
ཡིད་སེམས་མུག་པ་དེ་དག་གིས་ང་རང་ཅིས་ཀྱང་བསྡོད་དུ་མི་འཇུག་གོ
མི་ཡུལ་ན་ཡོད་ལ་མེད་ཅིང་མེད་ལ་ཡོད་པའི་བློ་སྤོབས་དེ་དག་གིས
སེམས་པ་ཞིག་གཅེར་བུར་གཏང་འགྲོ་ལ
བུ་ཆུང་དེ་སྡུག་གིས་མནན་ཡོང་བས
མི་སྙན་པའི་ངག་གི་སྡེབ་སྦྱོར་དང་ཕྲེང་པའི་སྙིགས་རོ་དག་ཀྱང
ང་ཡིས་མནན་གྱིས་མ་སྐུལ་བར་ཞེ་ནས་བཞུར་འོང་པ་ཞིག་གོ
བརྗེད་པར་བསམ་ཡང་དྲན་ནས་འོང་བ་དེ་དག་གིས
མེ་འོད་དང་ཚིག་དྲི་ཡོད་ཚད
གཉའ་གནོན་དང་ངར་ཤུགས་ཐམས་ཅད
བསམ་གཞིག་གི་མིག་ཟུང་བཙན་གྱིས་བཙུན་ནའང
ཡིད་ངོས་སུ་འབུས་པར་བྱས་པའང་དེ་དག་གོ
བྱུང་ན་འདི་དག་རྡོ་རིང་ངོས་སུ་གསེར་ཡིག་གིས་བཞེངས་དགོས།
ཚོགས་སྡེ་ཁག་ཐུན་མོང་གིས་མཉམ་ལས་གནང་ན་ཞལ་འདེབས་ཀྱི་གནང་མཁན་ཧ་ཅང་མང་གི་རེད།
མེ་ལྕེ།
མེ་ལྕེ་རེ་རེ་ལྷམ་ལྷམ་འབར།
རང་དབང་གི་ཆེད་དུ་འབར་སོང།
མིའི་རིགས་ཀྱི་ཆེད་དུ་འབར་སོང།
དམངས་གཙོ་ཡི་ཆེད་དུ་འབར་སོང།
བདེན་དཔང་གི་ཆེད་འབར་སོང།
དཔའ་བོའི་གཟི་བརྗིད་གནམ་འོག་ཁྱབ་ཤོག
མེ་ལྕེ་རེ་རེ་ལྷམ་ལྷམ་དུ་འབར།
མེ་ལྕེའི་འོད་སྣང་ཕྱོགས་ཀུན་མཆེད།
གདུག་རྩུབ་ཀྱི་གདོང་འབག་བསྲེགས་ཏེ།
བདེན་ལུགས་ཀྱི་རྒྱབ་ལྗོངས་གསལ་སོང།
རེ་སྤོབས་ཀྱི་གསོན་ཤུགས་སྦར་སོང།
དཔའ་བོའི་བྱས་རྗེས་གནམ་འོག་ཁྱབ་ཤོག
མེ་ལྕེ་རེ་རེ་མི་རིགས་ཀྱི་སྙིང་སྟོབས་དང་ལ་རྒྱ།
མེ་ལྕེ་རེ་རེ་མི་རིགས་ཀྱི་སྡུག་བསྔལ་དང་རེ་སྨོན།
མེ་ལྕེ་རེ་རེ་རྒྱལ་ཁའི་མདུན་སྐྱོད་ཀྱི་དཔལ་འབར།
མེ་ལྕེ་རེ་རེ་ང་ཚོའི་སེམས་ཁོང་ན་འབར་བའི།
རྒྱལ་གཅེས་དཔའ་བོའི་རྣམ་ཤེས་གསོན་པོ།
དཔའ་བོའི་མཚན་སྙན་གནམ་འོག་ཁྱབ་ཤོག
དཔའ་བོ་ཐུབ་བསྟན་དངོས་གྲུབ་ལགས་སོགས་རིམ་གྱིས་འགོད་ཆོག་པ་ཞུ།
བཙན་ནག་པས་གསུངས་པ་ལྟར། ང་ཚོའི་གསར་འགོད་པ་ཚོས་གནས་ཚུལ་གཏིང་ཟབ་ཟབ་དྲིས་ཏེ་འགོད་རྒྱུ་གལ་ཆེན་པོར་མཐོང་། དཔའ་བོ་རྣམས་ཀྱི་ལོ་རྒྱུས་རྡོ་རིང་ངོས་སུ་འབྲི་རྒྱུའང་གལ་ཆེ། ད་ལྟ་དགོས་གལ་ཆེ་བ་ནི་དཔའ་བོ་དང་དཔའ་མོ་རེ་རེ་བཞིན་གྱི་ལོ་རྒྱུས་ཧ་ཅང་ཁ་གསལ་བ་རེ་འབྲི་དགོས་པ་དེ་རེད་འདུག་དྲན། འདི་ནི་ང་ཚོ་མི་རེ་ངོ་རེ་ནས་འགན་ཁུར་ཏེ་འཚོལ་དགོས་པ་རེད་དྲན།
ང་ཚོས་ཁོང་ཚོ་དྲན་པའི་སྙན་ངག་ལོས་འབྲི། འོན་ཀྱང་ད་ལྟའི་ཆ་ལ་སྙན་ངག་ལས་ཁོང་ཚོའི་ལོ་རྒྱུས་རྣམས་གསལ་ཐག་ཆོད་རེ་བྲིས་ཏེ་མི་རབས་རྗེས་མའི་ལོ་རྒྱུས་ནང་འཁོད་ཐུབ་པ་བྱེད་རྒྱུ་གལ་ཆེ་འདུག
ཁམས་རྟའུ་བཙུན་དགོན་བྲག་དཀར་ཆོས་གླིང་རེད་མ་གཏོགས་བྱང་ཆུབ་ཆོས་གླིང་མ་རེད་ལགས། མིང་དེ་ནོར་འདུག།
སྒོ་མེ་ལགས་བྲག་དཀར་དང་བྱང་ཆུབ་གཉིས་ཀ་ནོར་འདུག།རྟའུ་དགའ་ལྡན་ཆོས་གླིང་ཡིན་པར་དོགས་པ་མེད།ཁུངས་གསལ་བོ་ཡོད།དེ་ཡིན་ཁོ་ཐག་ཡིན།
ལས་འགུལ་ལ་རྒྱབ་སྐྱོར་ཡོད་དང་ཡོད།
དཔའ་བོ་རྣམས་རྒྱལ་གྱུར་གཅིག དཔའ་མེད་རྣམས་ཕམ་གྱུར་གཅིག
ཁྲི་རལ་ལགས། རྟའུ་བཙུན་དགོན་བྲག་དཀར་ཆོས་གླིང་ཡིན་མིན་ཐེ་ཚོམ་འདྲ་ཡོད་ཚེ་ཁམས་རྟའུ་ནས་ཡིན་པའི་གྲྭ་བཀྲ་ཤིས་ལགས་སུ་སྐད་ཆ་དྲིས་དང་ཁ་གསལ་ཡོང་ངེས་།ཁ་པར་ཨང་༨༥༥༣༤༨༤༨༨༦ ཁོང་ནི་བློ་འཁེལ་ཆོག་པའི་དགེ་འདུན་པ་ཡག་པོ་ཞིག་རེད་ལགས།
རོ་དང་མཚུངས་པའི་ལུས་པོ་འདི།།
ག་དུས་ཤི་ཡང་མི་འགྱོད་དེ།།
གསེར་དང་མཚུངས་པའི་རྣམ་དཔྱོད་དག།
མཉམ་དུ་ཤི་ན་ཤིན་དུ་ཕངས།།
གཞན་ཕན་སྙིང་རྗེའི་སྣུམ་དང་བྲལ་ན་ཡང༌།།
རིག་རྩལ་ཐབས་མཁས་གློག་གི་ཆོ་འཕྲུལ་གྱིས།།
དྲང་བོའི་མི་ལ་འཁྱོག་པོའི་ལམ་སྟོན་པ།།
སྐྲ་སེར་སྤྲེའུའི་རིགས་ལ་དོགས་ཟོན་མཛོད།།
མི་ང་ཚོ་ནི་ཤི་དུས་བེམ་པོའི་ཕུང་བོ་ཙམ་ལས་གང་ཡང་མེད་པ་རེད། ཡིན་ན་ཡང་། ཁོང་ཚོ་ཤི་བ་ནི་རི་བོ་ཧི་མ་ལ་ཡ་ལས་ཀྱང་མཐོ་བའི་གཟི་བརྗིད་ལོ་རྒྱུས་དེབ་ཐེར་ན་ཡོད་པ་རེད།
མི་ཚོ་སྐྱེས་པ་འདྲ་ན་ཡང་ཤི་བ་མི་འདྲ་ཚུལ་འདི་འདྲ་རེད།
ཁ་བརྡ་ཚང་གི་ཁ་ལས་དགེ་གྱུར་ཅིག
བོད་རྒྱལ་ཁབ་ཀྱི་ཆགས་འཇིགས་དང༌། བོད་མི་རིགས་ཀྱི་བདེ་སྡུག་ཆེད་རང་སྲོག་མཆོད་མེར་ཕུལ་མཁན་ཡོངས་ལ་སྙིང་ནས་གུས་བཏུད་དང༌། གདུང་སེམས་མཉམ་སྐྱེད་ཞུ།
ང་ཚོ་བོད་མི་རིགས་ནི་སྤུ་རྒྱལ་བཙན་པོའི་བུ་རབས་ཚ་རྒྱུད་ཡིན་པས། ནམ་ཡང་གཉའ་མི་ཞུམ་པར་བཙན་འཛུལ་པར་འཐབ་རྩོད་བྱས་ན་རྒྱལ་ཁ་ལོན་ངེས་ཡིན།
གནས་ཚུལ་གོ་ཐོས་ལ། གྲྭ་བ་ཞིག་གིས་བལ་ཡུལ་བྷོ་དྷ་ལར་རང་ལུས་མེ་རུ་སྲེག་འདུག་ཟེར་གྱི་འདུག
ད་ལྟ་རང་གནས་ཚུལ་ཁུངས་ལྡན་ཞིག་གོ་ཐོས་ལ། བལ་ཡུལ་མཆོད་རྟེན་བྱ་རུང་ཁ་ཤོར་སྐོར་ལམ་དུ་ ཞོག་ཀ་བལ་ཡུལ་ཆུ་ཚོད་༧ པའི་སྐབས་གྲྭ་བ་ཞིག་གིས་ལག་ཏུ་བོད་ཀྱི་རྒྱ་དར་ཞིག་ཁྱེར་ནས་ ཁ་ནས་བོད་ལ་རང་དབང་དང་རང་བཚན་དགོས། རྒྱལ་བ་རིན་པོ་ཆེ་སྐུ་ཚེ་བརྟན། ལ་སོགས་པའི་འབོད་ཚིག་ན་བསྒྲོགས་བཞིན་མཆོད་རྟེན་ལ་སྐོར་ར་གསུམ་བསྐོར་ཏེ་རང་ལུས་མེར་སྒྲོན་ཡོད་ཀྱང་ཉེ་འཁྲིས་ཀྱི་མི་རྣམས་ནས་མེ་གསོད་དེ་ས་གནས་གཞན་དུ་ཁྱེར་ཡོད་སྐད་འདུག གློ་བུར་དུ་རྒྱ་མིའི་ལྐོག་ངན་ཟ་མཁན་གྱི་བལ་ཡུལ་གྱི་Police སླེབས་ནས་ཇུས་ཏོག་བཟོས་ཡོད་ཀྱང་གྲྭ་དེ་ད་ལྟ་་Policeལག་ཏུ་ཤོར་མི་འདུག
སྨན་རམས་པ་ལ་གཤགས་བཅོས་ཆུང་ངུ་ཞིག་བྱེད་དམ།
མཁྱེན་ཡངས་རྒན་ལྷ་མོ་སྐྱབས་ལགས་དང་སྤྱན་ཅབ་ལགས་རྣམ་གཉིས་ཀྱི་སྙན་ངག་ཧ་ཅང་སྙན་ཞིང་ཚོར་བ་ཟབ་མོ་
ཞིག་སྟེར་གྱིན་འདུག་ཀྱང་ད་དུང་མུ་མཐུད་ལས་འགུལ་དེ་རང་སྟུད་མར་སྤེལ་དགོས་པའི་འབོད་སྐུལ་སྙན་ཚིག་ལྟ་བུའི་རྒྱབ་ལྗོངས་ཤིག་ཀྱང་འདུག་པས་དེ་ནི་དབུ་མའི་ལམ་གྱི་སྟོན་པ་ཆེན་པོ་དང་ཤིང་རྟའི་སྲོལ་འབྱེད་ལྟ་བུའི་སངས་རྒྱས་གསུམ་པ་༸གོང་ས་སྐྱབས་མགོན་ཆེན་པོའི་དགོངས་གཞི་འམ་ནམ་རྒྱུན་གྱི་བཀའ་སློབ་༼བོད་མི་གཅིག་གི་ཚེ་སྲོག་ཡིན་ནའང་གསོན་པོར་གནས་ཏེ་བོད་དོན་འཐབ་རྩོད་ནང་གཅེས་ཉར་ཐུབ་པ་གལ་ཆེ་དོན་ཆེན་ཡིན་སྐོར་དང་འགལ་མེད་དམ་སྙམ་པའི་དོགས་པ་ཞིག་འདུག་པས་རྒན་ཆབ་བྲག་ལགས་ཀྱི་སྙན་ཚིག་ཚན་པ་དེའི་རྒྱབ་ལྗོངས་དེ་ལྟར་ཡིན་ནམ།གསལ་བཤད་གཅིག་གནང་རོགས་ལ། གལ་སྲིད་དེ་ལྟར་འབོད་སྐུལ་གནང་གི་ཡོད་པ་དང་ཕན་འབྲས་གཡུར་དུ་ཟ་བ་ཡོད་ན།ཐོག་མར་རང་ཉིད་སྐུ་ངོ་མ་ནས་རང་དབང་ལུང་པར་དེ་ལྟར་མགོ་འཛུགས་མ་གནང་བའི་རྒྱུ་རྐྱེན་གང་གང་ཡིན་ནམ།
གཞན་ཡང་མཆན་དེའི་ནང་དུ། ༼ཞལ་འདེབས་ཀྱི་གནང་མཁན་༽ཞེས་བྲིས་གནང་འདུག་པ་དེ་བོད་ཀྱི་ལུང་པ་གང་གི་བཤད་སྲོལ་ལམ་ཡིག་སྐད་ཡིན་ནམ། གསལ་པོ་ཞིག་གསུང་རོགས་གནང་། ངས་ད་བར་མཐོང་ཐོས་བྱུང་བ་ནི་༼ཞལ་འདེབས་གནང་མཁན་༽ཞེས་འབྲེལ་སྒྲ་བསྡུས་པ་དེ་ཉིད་ཡིན་པས། ཁྱེད་ཀྱི་འབྲེལ་སྒྲ་
༼མཆོད་མེ་འམ་མཆེད་མེ་༽
ལྷ་ཚོགས་ནམ་ཡང་སྨག་རུམ་གྱི་ཀློང་ནས་ཕེབས་པས།
ས་སྲོད་དུ། ངས་དད་པ་བརྟན་པོས།
འབར་བཞིན་པའི་མཆོད་མེ་རྐང་གཅིག་སྒྲོན།
ཡིན་ནའང༌། དེ་དགོང་ཅིའི་ཕྱིར།
ངས་དག་སྣང་གི་དམིགས་པ་ཅི་ཙམ་གཏད་ཀྱང༌།
རང་སེམས་ལྷ་དང་དབྱེར་མེད་དུ་བསྒོམས་མ་ནུས་ལ།
རང་ལུས་འོད་དང་འདྲེས་རུང་དུ་འཛིན་མ་ཐུབ་པས།
དངངས་སྐྲག་གིས།
བླ་མ་འབོད་མ་ནུས་ལ།
ཕ་མ་ཡང་འབོད་མ་ཐུབ་པ་ཅིའི་ཕྱིར།
ཨ་ཙི། ང་དངོས་གནས་ནར་སོན་པ་ཡིན་ནམ།
ངས་ཁས་བླངས་ཆོ
འདོད་པའི་ཁམས་ནས།
ངས་འདོད་པ་བརྗེད་ཅིང་
མི་ཡུལ་ནས།
ངས་མི་ཡུལ་བོར་བ་བདེན་ཡང༌།
ང༌། འཕུར་མི་ཐུབ་པའི་བྱ་རྒོད་ཅིག་བྱེད་མི་འདོད་ལ།
མཆོད་མེ་རྐང་གཅིག་གི་མདུན་ནས།
ང༌། འཇིག་རྟེན་དང་མཉམ་དུ།
ཅི་ཡང་མི་ནུས་པར། གཏོལ་མེད་ངང༌།
ཐེངས་མང་པོར་འདི་ལྟར་ཧུར་རེར་འདུག་མི་འདོད།
ཀྱེ་མ། ང་འབར་རྐང་ཞིག་བྱེད་འདོད།
འདི་ཕྱི་ཕ་མའི་དྲུང་ནས། ང་འབར་རྐང་ཞིག་བྱས་ཏེ།
ཞེད་སྣང་དང་འགྱོད་སྣང་ཅི་ཡང་མེད་པར།
འཁོར་བ། ཕྱི་ལུས། ཐ་ན་ཐིག་ལེ་རླུང་བུ་དང༌།
བཅས་པའི་ངོ་མཚར་ཡོད་ཚད།
འབར་བཞིན་པའི་མཆེད་མེ་བཞིན་སྒྲོན་ནས།
མཆེད་བཞིན་པའི་མཆེད་མེ་བཞིན་མཆོད་འདོད།