གནས་ཚུལ་མཁོ་གཏོང་བ། ས་རཱ་མཐོ་སློབ་ཀྱི་སློབ་མ་དཔལ་གུང་ཟླ་བ།
ཉེ་ཆར་ཕྱི་ལོ་༢༠༡༢། ༡༠། ༢༥་གཟའ་ཕུར་བུའི་ཉིན་གུང་བོད་ནང་གི་ཆུ་ཚོད་གཉིས་པ་གསུམ་པ་གཡས་གཡོན་དུ་ཁམས་འབྲི་རུ་རྫོང་བན་དཀར་ཤང་ནག་རོག་སྡེ་པ་ཕམ་པ་གྲོང་ཚོ་ནས་ཡིན་པ་རྒྱལ་གཅེས་དཔའ་བོ་ཚེ་སྤོ་ལགས་དང་། རྒྱལ་གཅེས་དཔའ་བོ་བསྟན་འཛིན་གཉིས་ཀྱིས་ས་གནས་དེའི་རུ་ཁག་གཉིས་པའི་སློབ་གྲྭའི་ཉེ་འགྲམ་དུ་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཡོད། སྐབས་དེར་རྒྱལ་གཅེས་དཔའ་བོ་ཚེ་སྤོ་ལགས་སྐུ་གྲོངས་ཡོད་འདུག་ཀྱང་རྒྱལ་གཅེས་དཔའ་བོ་བསྟན་འཛིན་ལགས་སྐབས་དེར་རྒྱ་དམག་གིས་འཛིན་བཟུང་བྱས་ནས་ད་བར་གཪ་ཡོད་ཀྱི་གནས་ཚུལ་སོགས་གཏན་ནས་ཤེས་ཐབས་མེད་པར་དྲ་ལམ་དང་ཁ་པར་སོགས་ཚང་མ་བཀག་ནས་དམ་དྲག་ནན་པོ་བྱེད་བཞིན་ཡོད་འདུག
རྒྱལ་གཅེས་དཔལ་བོ་ཁོང་གཉིས་ཀྱི་འབོད་ཚིག་གི་ནང་དོན་གཙོ་བོ་གསུམ་ཡོད་པ་དང་དང་པོ“ བོད་རང་བཙན་ཡིན། གཉིས་པ་༧རྒྱལ་བ་རིན་པོ་ཆེ་བོད་ལ་ཕེབས་འཇུག་དགོས། གསུམ་པ་བོད་མི་ཚང་མ་སྤུན་མཆེད་ལྟར་ཆིག་སྒྲིལ་གནང་རོགས”ཞེས་འབོད་ཚིག་གསུམ་དང་སྦྲགས་ནས་སྐད་འབོད་གནང་འདུག རྒྱལ་གཅེས་དཔའ་བོ་ཚེ་སྤོ་ལགས་ནི་དགུང་ལོ་༢༠་ཡིན་པ་དང་ཡབ་ཀྱི་མཚན་ལ་བུ་ཆུང་དང་། ཡུམ་གྱི་མཚན་ལ་དགའ་དགའ་དང་སྤུན་མཆེད་བུ་གསུམ་ཡོད་འདུག
རྒྱལ་གཅེས་དཔའ་བོ་བསྟན་འཛིན་ལགས་ནི་དགུང་ལོ་༢༥་ཡིན་པ་དང་ཡབ་ཀྱི་མཚན་ལ་ཉི་མ་དང་ཡུམ་གྱི་མཚན་ལ་ལུག་གེ་སྤུན་མཆེད་སྲིང་མོ་༢་དང་སྤུན་མཆེད་བུ་གསུམ་ཡོད་ཀྱང་ལོ་ཤས་སྔོན་སྤུན་མཆེད་གཅིག་གྲོངས་འདུག ཁོང་གི་ཡབ་ཀྱང་ལོ་བཅུ་ཙམ་སྔོན་ནས་གྲོངས་འདུག རྒྱལ་གཅེས་དཔའ་བོ་བསྟན་འཛིན་ལགས་ནི་དེར་སྔོན་ཕྱི་ལོ་༢༠༠༨ ལོར་བཙན་བྱོལ་དུ་སླེབས་ནས་སུ་ཇཱ་བོད་ཁྱིམ་དུ་ཟླ་༦ ཙམ་རིང་བསྡད་རྗེས་རང་ཡུལ་དུ་ཕྱིར་ལོག་འདུག འདིར་རྒྱལ་གཅེས་དཔའ་བོ་བསྟན་འཛིན་ལགས་༢༠༠༨་ལོར་རྒྱ་གར་ཕེབས་སྐབས་བསྒྲོན་པའི་འདྲ་པར་དེ་ཙམ་གསལ་པོ་མེད་པ་ཞིག་ཀུན་གྱི་སྤྱན་ལམ་དུ་ཕུལ་ཡོད།།
ད་ནས་བཟུང་རང་ལུས་མེར་སྲེག་དེ་འཚམ་འཇོག་ཡོང་བའི་རེ་བ་ཡོད་།
རྒྱ་གཞུང་གིས་ངེས་པར་བོད་མི་གསོད་རྒྱུ་མཚམས་འཇོག་དགོས།
སྤུ་ཟླ་ཁྱོད་གང་དུ་བཞུད་དྲན་་པའི་གདུང་སེམས་།
བརྩེ་བའི་རྦ་རླབས་།
མི་རིགས་ཞིག་གི་ལ་རྒྱ་།
ནགས་ཤོད་པ་ངར་བ་རེད། བོད་རྒྱལ་ལོ
རྒྱལ་གཅེས་དཔའ་བོ་དང་དཔའ་མོ་རྣམས་ཀྱིས་བོད་དོན་ལ་གཅེས་པའི་རང་གི་སྲོག་ཡང་བཏང་
ནུས་པའི་སྙིང་སྟོབས་ལ་ཡིད་རངས་ཡོད་ཀྱང་གོང་གི་བསྟན་འོད་ཀྱིས་བཤད་པ་ལྟར་རེད་
ད་ཁ་གྲངས་ཤིན་ཏུ་མང་དྲགས་འདི་བྱུང་མ་མྱོང་བ་ཞིག་ཡིན་པ་ནི་བཤད་མ་དགོས་མོད་
དཀོན་མཆོག་གསུམ་ནི་ནམ་ཡང་མི་སླུ་བ་ཡིན་པས། མུ་སླུ་བའི་དཀོན་མཆོག་གསུམ་གྱིས་ཁྱེད་རྣམ་དག་ཞིང་ཞིག་ལ་འདྲེན་པར་ཤོག།
རྒྱ་ནག་གིས་བོད་མི་དམར་གསོད་ངེས་པར་མཚམས་འཇོག་དགོས།
བོད་པ་ཚོ། གཞིས་བཞུགས་པས་རང་ལུས་མེར་སྲེག་གི་གནད་དོན་དེ་རང་གིས་རང་མེད་པ་བྱས་པ་ལྟ་བུ་མིན་པར་རྒྱ་གཞུང་གིས་བསད་པའི་གོ་བ་ལེན་དགོས།
ཞུམ་པ་མེད་པའི་སྙིང་སྟོབས་དང་ལྡན་པའི་རྒྱལ་གཅེས་དཔའ་བོ་བསྟན་འཛིན་ལགས་ཁྱེད་དང་ལྷན་དུ་གདུང་སེམས་མཉམ་སྐྱེ་དང་གུས་འདུད་ཡོད།
ད་ནས་བཟུང་སྟེ་རང་ལུས་མེར་བསྲེགས་ཀྱི་གནས་ཚུལ་མི་གོ་བར་ཤོག
ཁྱེད་དང་ཁྱེད་འདྲ་བའི་དཔའ་བོ་དང་དཔའ་མོ་རྣམས་པའི་བློ་སྟོབས་ལ་རྗེས་སུ་ཡིད་རང་དང༌། ནང་མི་ཉེས་འབྲེལ་དང་མཉམ་དུའང་གདུང་སེམས་ཐ་གཅིག་ཏུ་ཞུ་ཡི་ཡོད།