གསལ་ལེ་རྒྱལ།
ཨ་ལགས་ཀླུ་སྨྱོན་ལགས། སྐུ་ཉིད་ལྟོ་རྒྱབ་ཀྱི་དཀའ་ངལ་ལ་མ་འཕྲད་པར་བདེ་འམ།
ང་ཚོ་སྟེ་རང་ལུས་མེར་སྲེག་གིས་ཁྱེད་ཚོར་བྲལ་ཟིན་པ་ཚང་མ་ཕྱི་མའི་འཇིགས་པར་མ་འཕྲད་ཅིང་རང་གི་ལྟོ་རྒྱབ་ལ་མ་ཆགས་པར་ཕྱི་མ་ན་བདེ་མོ་སྐྱིད་པོ་ཡིན། རང་གི་རྩ་བའི་བླ་མ་དང་། རང་གི་མི་རིགས། རང་གི་ཕ་མ་དང་རང་གི་བུ་ཕྲུག་ལ་བྲལ་བའི་སྡུག་བསྔལ་ལོས་ཡོད་མོད། བློས་བཏང་འདིའི་དམིགས་ཡུལ་ལ་བསམ་བློ་བཏང་ན། འགན་ཁུར་ལྡན་པའི་ལག་ལེན་འདིའི་མ་འོངས་བར་འདང་བརྒྱབས་ན། སྡུག་བསྔལ་དེ་ནི་ང་ཚོར་མཚོན་ན་ཧ་ཅང་ཆུང་ཆུང་ཞིག་ཡིན། ད་སྐབས་ང་ཚོ་རང་དབང་གིས་འཚོ་བཞིན་ཡོད། ཁྱེད་རིན་པོ་ཆེ་ཡི་གསུང་ཕྱོགས་ལྟར་བྱས་ན་ང་ཚོའི་གྲས་སུ་ཅི་ཡང་མི་ཤེས་པའི་ཕྱུག་རྫི་ཡོད་ལ། ཞིང་ལས་པའང་ཡོད། ངའང་དེའི་གྲས་ཀྱི་གཅིག་ཡིན། ཡིན་ནའང་ང་ཚོ་ཆོས་ཕྱོགས་ཀྱི་ཤེས་བྱ་ཅི་ཡང་མེད་པའི་ཞིང་འབྲོག་མི་དམངས་ཏག་ཏག་མིན། ང་ཚོའི་གྲས་སུ་དགོན་པའི་སློབ་གཉེར་ཆ་ཚང་གྲུབ་ཟིན་པའི་གྲྭ་བ་ཡོད་ལ་དགེ་བཤེས་དང་མཁན་པོའང་ཡོད།
ཁྱེད་ཀྱིས་ཁ་སང་གསུངས་པའི་སྐད་ཆ་དེས་ང་ཚོར་ན་ཟུག་མང་བོ་བསྐྲུན་ཡོད། ང་ཚོས་ཕྱི་མ་ནས་གོ་ཐོས་ལྟར་ན་ཀླུ་སྨྱོན་དུ་འབོད་པའི་ཡི་གེ་བ་ཁྱེད་ཀྱིས་ང་ཚོས་རང་གི་རྩ་འི་བླ་མ་ཕྱིར་བོད་ཡུལ་དུ་ཕེབས་པའི་ཆེད་དང་། རང་གི་མི་རིགས་ཀྱི་རིག་གཞུང་རླབས་པོ་ཆེར་སྲུང་སྐྱོབ་བྱེད་པའི་ཆེད་དུ་རང་གི་ལུས་སེམས་གཉིས་བླུ་ཡོན་དུ་ཕུལ་པ་དེ་བླུན་རྟགས་རེད་་”རང་ལུས་མེར་བསྲེགས་བྱེད་པ་ལས། ཁྱེད་ཀྱིས་ཀ་ཁ་ག་ང་སྦྱོངས། རང་ལུས་མེར་བསྲེགས་བྱེད་པ་ལས། མ་ཎི་ཡིག་དྲུག་སྒྲོངས། རང་ལུས་མེར་བསྲེགས་བྱེད་པ་ལས། ཚོགས་བསགས་སྒྲིབ་སྦྱོང་བྱོས། རང་ལུས་མེར་བསྲེགས་བྱེད་པ་ལས། བུ་བུ་མོ་དང་ཚ་བོ་ཚ་མོ་སློབ་གྲྭར་སྐྱོལ། རང་ལུས་མེར་བསྲེགས་བྱེད་པ་ལས། བྱིན་རླབས་ཀྱི་གཟི་འོད་འབར་བའི་བོད་ཡུལ་གྱི་གནས་ཆེན་དག་ལ་མཆོད་མཇལ་དུ་ཕེབས། རང་ལུས་མེར་བསྲེགས་བྱེད་པ་ལས། དེང་རབས་བཟོ་བཀོད་མཚར་བའི་རྒྱ་ནག་གི་གྲོང་ཁྱེར་ཁག་ལ་ལྟད་མོར་ཕེབས།”ཟེར།
ཀ་ཁ་ག་ང་སྦྱོངས། མ་ཎི་ཡིག་དྲུག་སྒྲོངས། ཚོགས་བསགས་སྒྲིབ་སྦྱོང་བྱོས། བུ་བུ་མོ་དང་ཚ་བོ་ཚ་མོ་སློབ་གྲྭར་སྐྱོལ། ཧ་ཧ་ཧ། སྐད་ཆ་ཚོན་པོ་བཤད་ག ཁྱེད་རང་ལོ་ངོ་ཉི་ཤུའི་རིང་ལ་ཕ་མ་གཉིས་ཀར་ཐུག་མ་ཐུབ་དོན་ཨེ་ཤེས། རྗེ་ཙོང་ཁ་བའི་ལད་མོ་བྱས་པ་ཡིན་རྒྱུ་མ་རེད། སྡེ་དགེ་དཔོན་པོས་སྤྲང་བོ་ཞིག་ལ་” ཉིན་རྟག་པར་ལྟོ་སློང་བ་ལས་མཛོ་མོ་སུམ་ཅུ་ཉོས་ནས་འོ་མ་བཙོང་ན་མི་བཟང་ངམ་”ཞེས་བའི་སྐད་དེ་དྲན་བྱུང་།
གང་ལྟར། ཀླུ་སྨྱོན་ལགས། ཆ་རྐྱེན་འདི་དག་ཁྱེད་ལ་ཆ་ཚང་བར་བསྐྲུན་ཡོད། ས་ཆ་སྐྱིད་ས་དང་བདེ་འཇགས་ཀྱི་གནས་ནས་ཁྱེད་ཀྱིས་མ་ཎི་བཏོན་མྱོང་བར་ང་ཚོར་ཡིད་ཆེས་ཡོད། ཐུགས་རྗེ་ཆེ། ཡིན་ནའང་མ་ཎི་རེ་རེའི་རིན་གོང་སྒོར་མོར་འཇལ་བ་དེས་ང་ཚོར་དོགས་པའང་བསླངས་མྱོང་། དེ་བས་ང་ཚོས་བར་དོ་བརྒྱུད་ནས་འགྲོ་དུས། དམྱལ་བའི་ཐོ་གཞུང་དང་རྡེའུ་དཀར་ནག་གི་གྲངས་ཀར་ལྟ་དུས། ཁྱེད་ལ་སྙིང་རྗེ་ཞིག་སྐྱེས་བྱུང་།
12/12/2016 ལ་ཕ་རེ་སི་ནས།
རང་བསྲེགས་བྱེད་མཁན་ཚོར་རྒྱབ་སྐྱོར་ནམ་ཡང་བྱེད་ཐུབ་ཀྱི་མི་འདུག དགོངས་འགལ་མེད་པར་ཞུ། ཨ་ལགས་ཀླུ་སྨྱོན་གྱི་གསུངས་ལ་མངོན་པར་བསྟོད། ཡིན་ཀྱང་བསམ་མེད་བྱིས་པ་ཚོས་རྟོགས་ག་ལ་ཐུབ། དེས་ན་རེ་ཞིག་ཅི་ཡང་མི་སྨྲ་བར་ཏིང་ངེ་འཛིན་ལ་ཞུགས་ན་ལེགས་པར་སྙམ་མོ། །ཨོཾ་མ་ཎི་པདྨེ་ཧཱུཾ་ཧྲིཿ
རང་སྲེག་ནི་འཚེ་བ།
འཚེ་བ་ནི་ཉེས་པ།
ཉེས་པ་ནི་གནོད་ཆེ།
གནོད་པ་ནི་ཕན་ཆུང་།
་
རང་གནོད་གཞན་གནོད་གཉིས་གནོད། །
གནོད་པའི་རྒྱུ་འབྲས་གཉིས་ཀ་ངལ། །
ངལ་བའི་ལས་དེ་གཉིས་སྨན་མིན། །
དབུས་ལམ་ཆེད་དུ་གཉིས་སྨན་གྱིས། །
ང་ཚོ་ཕྱི་སྡོད་པ་ཚོ་བོད་ནང་གི་མགྲིན་ཚབ་པ་བྱེད་རྒྱུ་སོ་སོའི་འགན་རེད། ད་ཐེངས་ཁྱེད་ཀྱིས་འགན་ཡག་པོ་ཁུར་འདུག་པར་མ་ཟད། འདས་གྲོངས་སུ་ཕྱིན་པའི་དཔའ་བོ་དཔའ་མོ་ཚོའི་ཚབ་ཡག་པོ་བྱས་འདུག བོད་མི་ལ་ལ་ཞིག་གིས་རང་ཉིད་སྐྱབས་བཅོལ་དུ་ཡོང་བའི་དམིགས་ཡུལ་དང་འགན་འཁྲི་ཡང་ཤེས་ཀྱི་མེད་པའི་ཚོད་དུ་འདུག
ཀླུ་སྨྱོན་སྨྱོན་པ་ཆགས་ནས་གང་འཚམས་ཕྱིན་སོང་། མི་བཤད་དགུ་བཤད། མི་ལས་དགུ་ལས། མི་འགྲོ་དགུ་འགྲོ་རེད། ཀ་ཁ་ག་ང་ཞིག་བསྒྲིགས་ཤེས་པ་དེའི་རིན་ཐང་འདི་རེད།
བླ་རྫུས་ཀླུ་སྨྱོན་ཀླུའུ་དགའ་བྱམས་དང་འདྲ། །
ལྟོ་གོས་དོན་དུ་ཕ་མེས་བླ་ཡང་བཙོང་། །
རྒྱ་སྒོར་བྱིན་ན་བླ་མའི་སྲོག་ཡང་ལེན། །
ཆགས་སྲེད་སྐྱེས་ཚེ་ཨ་མའི་སྟེང་དུའང་འཛེག །