གནས་ཚུལ་མཁོ་གཏོང་བཿ བསོད་ནམས།
ཕྱི་ཟླ་༡༡པའི་ཚེས་༨ཉིན་རེབ་གོང་མདོ་བ་ལྡོང་ངེ་སྡེ་བའི་ཕ་གཅོད་པ་སྐྱབས་དང་མ་བདེ་མཆོག་སྐྱིད་གཉིས་ཀྱི་བུ་སྐལ་བཟང་སྦྱིན་པ་ལགས་ཀྱི་ཁྱིམ་དུ་ཡུལ་ཕྱོགས་གང་ས་ནས་མྱ་ངན་དང་གདུང་སེམས་མཉམ་བསྐྱེད་ཆེད་མི་མང་གང་མང་ཕེབས་དང་ཕེབས་བཞིན་འདུག་ལ། དེ་ཡང་བོད་ནང་ནས་འབྱོར་བའི་གནས་ཚུལ་ལྟར་ན། ཉིན་འདི་གར་རེབ་གོང་མདོ་བ་ཞང་ཐོག་ཏུ་མདོ་བ་སྡོང་ངེ་སྡེ་བའི་རྒྱལ་གཅེས་དཔའ་བོ་སྐལ་བཟང་སྦྱིན་པ་མཆོག་ལ་ནང་མི་ནས་འདས་མཆོད་རྒྱ་ཆེན་པོ་སྒྲུབ་བཞིན་འདུག་ལ། ཞོར་དུ་བོད་ཁམས་སྤྱི་དང་ལྷག་པར་རེབ་གོང་དང་བླ་བྲང་ཕྱོགས་ནས་མྱ་ངན་ཞུ་བ་དང་གདུང་སེམས་མཉམ་བསྐྱེད་ཆེད་ཕེབས་པའི་མི་མང་ལ་རྣམས་ལ་སྣེ་ལེན་ཞུ་བཞིན་འདུག
གནས་ཚུལ་ཞིབ་ཕྲ་ཤེས་པ་ལྟར་ན། ཁ་སང་ནས་ཉིན་རེར་མི་བརྒྱ་ཕྲག་མང་པོ་སླེབས་བཞིན་འདུག་ལ། མྱ་ངན་ལ་ཕེབས་མི་དགེ་འདུན་པ་རྣམས་ཀྱིས་དམ་པ་ཁོང་གི་གདུང་མདུན་དུ་བསྔོ་སྨོན་དང་རྒྱལ་བའི་ཞབས་བརྟན་གསུངས་འདོན་དང་། ཁྱིམ་པ་རྣམས་ནས་ཡིག་དྲུག་དང་སྨོན་ལམ་བཏབས་རྗེས་རང་རང་སོ་སོའི་ཡུལ་ཏུ་ཕར་འགྲོ་ཚུར་འོང་གི་མགྲོན་པོ་མང་བས་དམ་པ་ཁོང་གི་ཁྱིམ་ནི་རྒྱ་གཞུང་གི་འབྲོག་པ་གྲོང་སྡེ་ཅན་དུ་བསྒྱུར་བའི་ཁང་མིག་ཆུང་ངུ་ཞིག་ལས་མེད་པ་པ་དེ་ས་ཕྱོགས་སོ་སོའི་མྱ་ངན་ཞུ་མཁན་རྣམས་ལ་སྣེ་ལེན་ཞུ་སར་ཆུང་དྲགས་སྟབས་སྣེ་ལེན་ཐད་དཀའ་ངལ་ཀྱང་འཕྲད་ཀྱི་ཡོད་འདུག
ཁོང་གིས་ཤུལ་དུ་བཞག་པའི་ཁ་ཆེམས་ཡི་གེར། མི་རིགས་འདྲ་མཉམ་ཡོང་དགོས། བོད་ལ་རང་དབང་དགོས། བོད་ཡིག་དར་སྤེལ་བྱེད་དགོས། ༸རྒྱལ་བ་བསྟན་འཛིན་རྒྱ་མཚོ་བོད་ལ་ཕེབས་དགོས། བོད་རང་དབང་གི་ཆེད་དུ་ངས་རང་ལུས་མེར་སྲེག་གཏོང་རྒྱུ་ཡིན། ཞེས་འཁོད་ཡོད་འདུག
དེ་རིང་གནས་ཚུལ་གཞན་ཞིག་ལ་ཐུན་རིན་རྫོང་གི་ལས་བྱེད་མི་སྣ་མཐོ་གྲས་དང་དབང་ཆ་ཆེ་ཤོས་ ༼ཞན་ཨེའུ་ཧྲུ་ཅི༽ མིང་ལ་ཅང་ཧྲུའུ་ཁྲིན་ཟེར་བ་ཁོང་། བདུན་ཕྲག་སྔོན་མ་ནས་པེ་ཅིང་དུ་ཚོགས་འདུ་ལ་ཕྱིན་འདུག་ཀྱང་། རེབ་གོང་དུ་གནས་ཚུལ་ཛ་དྲག་ཆེ་སྟབས་ཚོགས་འདུ་ཡི་བར་མཚམས་ནས་ཕྱིར་རེབ་གོང་དུ་ལོག་ཡོང་བཞིན་འདུག་ཟེར། ཁོང་རེབ་གོང་རྫོང་གི་དབང་ཆ་ཆེ་ཤེས་ཡིན་པ་མ་ཟད། ཁོང་རེབ་གོང་དུ་ལས་ཀ་བྱེད་པར་སླེབས་པ་ནས་བཟུང་། རེབ་གོང་རོང་བོ་དགོན་པའི་ནང་ཡོང་༸ གོང་ས་མཆོག་གི་སྐུ་པར་བཤམས་མི་ཆོག་པ་སོགས་དམ་དྲག་བྱས་མྱོང་ཡོད་ལ། ཁོང་དེ་སྔོན་མཚོ་ལྷོ་ཁུལ་ཀོས་ནན་རྫོང་གི་རྫོང་ཨུ་ཧྲུའི་ཅི་ལ་བསྡད་སྐབས། ས་ཁུལ་དེར་དམ་དྲག་ཤུགས་ཆེན་བྱས་མྱོང་ཡོད་པའི་ཧ་ཅང་གི་གདུག་རྩུབ་ཆེ་བའི་མི་ངན་ཞིག་ཡིན་འདུག
གཤམ་གྱི་པར་འདི་ནི་རྨ་ལྷོ་བོད་རིགས་རང་སྐྱོང་ཁུལ་རེབ་གོང་༼ཐུན་རིན་༽རྫོང་གི་དམར་ཕྱོ
རེབ་གོང་རིག་འབྱུང་གི་འདས་གསོན་གཉིས་ལ་སྙིང་ནས་གུས་འདུད་ཞུ།
གོང་གི་རྒྱ་འདྲེ་ལ་ཏང་གི་ཚོགས་ཆེན་ཐོག་ནས་ཅིག་རག་མེད་པར་མར་སླེབས་འདུག་གམ ཤི་རེ་ཀོ ཁོ་ལ་སྙིང་རྗེ་མོ་ཞིག་དགོས་ས་རེད
གྲུ་འཛིན་མགོན་དེས་ཐུགས་རྗེས་གཟིགས།
མཐོ་རིས་ཡོན་ཏན་བདུན་ལྡན་ལེགས་ཐོབ་ཞིང་།།
སྐྱེ་མ་ཐག་ཏུ་ཆོས་དང་བཤེས་ཕྲད་ནས།།
ཚུལ་བཞིན་སྒྲུབ་པའི་རང་དབང་ཡོངས་ཐོབ་ཏེ།།
བོད་ཁམས་བདེ་བའི་དཔལ་དུ་འཆར་བར་ཤོག།
ཨོཾ་མ་ཎི་པདྨེ་ཧཱུྃཿ ཨོཾ་མ་ཎི་པདྨེ་ཧཱུྃཿ ཨོཾ་མ་ཎི་པདྨེ་ཧཱུྃཿ
དཔོན་ངན་དེ་ཚོ་ལྐོག་གསོད་གཏོང་དགོས་པ་རེད།