ངས་པོ་རྒྱལ་མཚན
ཞི་བདེའི་མེ་ཏོག་བཞད་པའི་ཁ་བའི་ལྗོངས།། ཕུན་ཚོགས་རང་དབང་བདེ་སྐྱིད་རོལ་པའི་དུས།།
ཤར་ཕྱོགས་འབྱུང་པོའི་བསླུ་བྲིད་དབྱེན་སྦྱོར་གྱིས།། བསིལ་ལྡན་ལྗོངས་ལ་ཁྲག་གི་འཁོར་ལོ་བསྐོར།།
ཕྱག་ན་པད་མོ་ས་མཐའི་ཡུལ་ལ་སྤྲད།། སྣང་མཐའི་མགོན་པོ་མུན་པའི་བཙོན་དུ་བཅུག།།
རིགས་ཞེན་ལང་ཚོ་རྒྱས་པའི་གངས་ཕྲུག་ཚོ།། གཡོ་སྒྱུའི་གདུག་རྩུབ་མེ་མདས་སྐུ་སྲོག་འཕྲོག།
གསོན་འདྲེ་དམར་པོ་དར་བའི་གནས་སྐབས་སུ།། ཤ་དང་ཁྲག་ལ་རྔམ་པའི་འབྱུང་ཚོགས་ཀྱིས།།
གསར་འགྱུར་སྣ་ཚོགས་འབྲུག་སྒྲར་ཟློ་མོད་ཀྱང།། གངས་ལྗོངས་རྒུད་པའི་ལྟས་ངན་ཉིད་དུ་ངེས།།
ཡོད་ཚད་དངུལ་ལ་བཅོལ་པའི་དུས་རབས་འདིར།། རྣག་ཁྲག་རུས་ལ་རྔམ་པའི་ཤན་ཚོགས་ཀྱིས།།
སུམ་རྩེན་གནས་ལ་འགྲན་པའི་ཁ་བའི་ལྗོངས།། ཟས་མེད་ཡི་དྭགས་དོ་ཟླའི་གནས་ལ་བསྒྱུར།།
བྱམས་བརྩེའི་ཟས་ཀྱི་འཚོ་བའི་གངས་ཅན་པ།། ལྟོགས་སྐོམ་མེ་ལྕེ་གཡུལ་སར་འགྲན་པའི་དུས།།
སྒོར་མོས་ལོང་པའི་རྒྱལ་སྤྱིའི་ཚོགས་སྡེ་རྣམས།། སྐུ་སྲོག་མཆོད་མེའི་འོད་ཀྱིས་མཐོང་བར་བརྩོན།།
བསིལ་ལྡན་བོད་མིའི་ཞི་བའི་གདུང་དབྱངས་ལ།། སྲིན་བུའི་ཕོ་ཉས་མཚོན་ཆའི་གདུག་རྩུབ་ཀྱིས།།
ཁྲག་གིས་འཁོར་ལོ་བསྐོར་སའི་དམྱལ་ཁམས་ནས།། སྐུ་ལུས་མཆོད་མེའི་འོད་ཀྱིས་སྐྱོབ་ཐབས་གནང་།།
བཙན་འཛུལ་མེ་ལྕེ་འབར་བའི་གཡུལ་ས་རུ།། ཞུམ་མེད་སྙིང་སྟོབས་བདེན་པའི་དར་འཕྱར་ནས།།
སྐྱབས་མེད་མགོན་མེད་བོད་མིིའི་ཐོབ་ཐང་དེ།། སྐུ་ལུས་མཆོད་མེའི་འོད་ཀྱིས་སླར་གསོར་བརྩོན།།
བཙན་ཤེད་གོས་སུ་གྱོན་པའི་རྒྱ་ཇག་གིས།། བོད་མིའི་ཐོབ་ཐང་མེ་མདས་བྲན་བཀོལ་ནས།།
རྒྱལ་སྤྱིར་རྫུན་གཏམ་མེ་ཆེན་སྤར་ན་ཡང་།། ལྷད་མེད་བདེན་པའི་ཆུ་ཡིས་བརླན་པར་མཛད།།
དཔལ་འབྱོར་འཕེལ་རྒྱས་སྒྲོགས་པའི་མིང་བྱང་ལས།། ཐོབ་ཐང་དངུལ་དང་བརྗེ་པའི་གྲོས་ཚོགས་སུ།།
ཤ་གཟན་འབྱུང་པོ་ལག་དམར་ཧུའུ་ཅིན་ཐའོ།། སྐུ་ལུས་མཆོད་མེའི་འོད་ཀྱིས་ལམ་སྣེ་དྲངས།།
རྒྱལ་གཅེས་པ་ཡིས་བདེན་པའི་སྙིང་སྟོབས་ཀྱིས།། མ་རུང་སྲིན་པོའི་ཚོགས་ལ་ཟུག་རྔུ་བསླངས།།
རྟ་གཡག་མགོ་སྦྲེལ་བླུན་པོའི་ཟློས་གར་དེ།། སྐུ་ལུས་མཆོད་མེའི་འོད་ཀྱིས་གསལ་བར་མཛད།།
Thank you very gud
རང་ལས་གཞན་གཅེས་དམ་པའི་གོ་ཆ་གྱོན།།
ན་ཟུག་བྲག་གི་འགག་འཕྲང་སྟོབས་ཀྱིས་བཅོམ།།
མེ་དཔུང་དམར་པའི་ཁྲོད་ཀྱི་མགོན་སྐྱབས་དག།
བསྒྲུན་མེད་དཔའ་བོ་དག་ལ་སྙིང་ནས་འདུད།།
འདས་མ་ད་གསུམ་ལོ་ཟླའི་སྐྱུར་ཁ་དག།
ཡུན་རིང་སེམས་ཀྱིས་ངོགས་སུ་ཝ་ལེར་གསལ།།
བོད་རྒྱལ་ལོ་་་་་་་་་བོད་རྒྱལ་ལོ་་་་་་མི་རིགས་ཀྱི་སྙིང་སྟོབས་ལགས་་་་་་ང་ཁྱེད་ལ་དུང་ཞིང་ཁྱེད་ལ་བྱམས།