ལྷོ་ཕྱོགས་གསར་འགོད་པ་དོན་གྲུབ་བཀྲིས།
བོད་ཀྱི་ཆབ་སྲིད་བཙོན་ཟུར་སྐུ་ཞབས་དགའ་ལྡན་བག་གྲོ་ལགས་ཀྱིས་མ་སྐུལ་དང་བླངས་ཐོག་ཉེ་ཆར་ཕྱི་ཟླ་དགུ་པའི་ཟླ་དཀྱིལ་ཙམ་ནས་རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་ཆགས་ཁག་ནང་མི་མང་དང་སློབ་ཕྲུག་གྲ་བཙུན་རྣམས་ལ་ཀུན་གཟིགས་པན་ཆེན་རིན་པོ་ཆེ་སྐུ་ཕྲེང་བཅུ་པ་ཆེན་པོ་མཆོག་དང་ཡང་སྲིད་པན་ཆེན་དགེ་འདུན་ཆོས་ཀྱི་ཉི་མ་མཆོག་གི་སྐོར་གོ་རྟོག་སྤེལ་བའི་གཏམ་བཤད་གནང་ཡོད་པ་དང་ཁ་ས་ཕྱི་ཟླ་བཅུ་པའི་ཕྱི ཚེས་༢ ཉིན་གདན་ས་བཀྲིས་ལྷུན་པོར་གཏམ་བཤད་གནང་ཏེ་མཇུག་སྒྲིལ་གནང་ཡོད་པ་དང་སྐབས་དེར་བཀྲིས་ལྷུན་པོའི་དགོན་པའི་ངོས་ནས་ཁོང་ལ་ཆེ་བསྟོད་གཟེངས་རྟགས་དང་ཐུགས་རྗེ་ལེགས་གསོལ་གྱི་ཕྱག་བྲིས་ཤིག་ཀྱང་གནང་སོང་ལ། དེ་བཞིན་དུ་རྣམ་གྲོལ་གླིང་དགོན་པས་ཀྱང་ཁོང་ལ་དྲན་རྟེན་གཟེངས་བསྟོད་ཤིག་གནང་འདུག
ཁོང་གི་གཏམ་བཤད་བརྗོད་གཞི་ནང་རྒྱལ་བ་རིན་པོ་ཆེ་དང་པན་ཆེན་རིན་པོ་ཆེའི་དབར་ཡང་སྲིད་ངོས་འཛིན་བྱེད་རེས་ཀྱིས་མཚཽན་པའི་གྱི་འབྲེལ་བའི་སྐོར་དང་་པན་ཆེན་སྐུ་ཕྲེང་བཅུ་པ་ཆེན་པོ་མཆོག་གི་བོད་རྒྱལལ་ཁབ་མི་རིགས་རིག་གཞུང་སྐད་ཡིག་བཅས་ཀྱི་ཆེད་སྐུ་ངལ་ཇི་ལྟར་སྐྱོན་ཚུལ་དང་མཐར་ཁོང་གི་སྐུ་སྲོག་ཡན་ཆད་རྒྱ་ནག་གི་ལག་ཏུ་ཤོར་བའི་གནད་དོན་དང་དེ་བཞིན་བོད་ནང་གི་ཆབ་སྲིད་བཙོན་པའི་གནས་སྟངས་དང་ལྷག་པར་དུ་ཁོང་རང་ཉིད་ཀྱང་དེ་སྔོན་ཞི་རྒོལ་ནང་མཉམ་ཞུགས་བྱས་རྐྱེན་རྒྱ་གཞུང་གིས་འཛིན་བཟུང་བཙོན་འཇུག་ཁྲིམས་ཐག་བཅད་པ་མ་ཟད་མཐར་སྲོག་ཁྲིམས་བཅད་ཀྱང་༸ ཀུན་གཟིགས་༸ པན་ཆེན་བཅུ་པ་ཆེན་པོ་མཆོག་གིས་བཀའ་དྲིན་ལ་རྟེན་ནས་རང་སྲོག་ཐར་བ་སོགས་ངོ་སྤྲོད་གནང་བ་མ་ཟད་ད་དུང་རྒྱ་གཞུང་གིས་ཆབ་སྲིད་ཀྱི་དགོས་མཁོའི་ཆེད་རྒྱ་གཞུང་གིས་པན་ཆེན་ཡང་སྲིད་རྫུན་མ་ངོས་འཛིན་བྱས་་ཤིང་གོང་ས་སྐྱབས་མགོན་ཐམས་བཅད་མཁྱེན་པ་མཆོག་གིས་ངོས་འཛིན་གནང་བའི་པན་ཆེན་ཆུང་སྲིད་དགེ་འདུན་ཆོས་ཀྱི་ཉི་མ་མཆོག་ཡབ་ཡུམ་སྐུ་འཁོར་དང་བཅས་པ་འཛིན་བཟུང་བྱས་ཏེ་ད་བར་གནས་སྟངས་ཇི་བྱུང་གསལ་ཁ་མེད་པ་བཅས་ཀྱི་་གནས་སྟངས་སྐོར་སོགས་ངོ་སྤྲོད་ཞིབ་ཕྲ་གནང་བ་མ་ཟད་དྲི་བ་ཁག་ལ་ལན་འདེབས་གསལ་བཤད་ཀྱང་གནང་སོང་།
སྐུ་ཞབས་བག་གྲོ་ལགས་སུ་ཐེངས་འདིར་ཁོང་བོད་མིའི་གཞིས་ཆགས་ཁག་ནང་ཀུན་གཟིགས་པན་ཆེན་རིན་པོ་ཆེའི་སྐོར་ལ་གོ་རྟོག་སྤེལ་བའི་གཏམ་བཤད་གནང་དགོས་དོན་གྱི་དམིགས་ཡུལ་སྐོར་ལ་བཅར་དྲི་ཞུ་སྐབས་དེ་ནི་སྔ་ལོ་ཕྱི་ཟླ་བཞི་པ་ནས་འགོ་འཛུགས་ཀྱིས་རྒྱ་གར་གྱི་རྒྱལ་ས་ལྡི་ལིར་ཡོད་པའི་ཕྱི་རྒྱལ་གཞུང་ཚབ་ཁག་ལྔ་བཅུ་ཙམ་ལ་༸ཀུན་གཟིགས་༸པཎ་ཆེན་རིན་པོ་ཆེ་དང་བོད་དོན་སྐོར་ཞུ་གཏུགས་བྱས་ཤིང་སྐབས་དེར་ཕྱི་རྒྱལ་མི་རིགས་དང་རྒྱ་གར་མི་མང་ནང་པཎ་ཆེན་རིན་པོ་ཆེའི་སྐོར་གོ་རྟོགས་ཧ་ཅང་ཞན་པོ་ཡོད་པ་མཐོང་རྗེས་བློ་ཕམ་ཆེན་པོ་བྱུང་དེར་རྟེན་རྗེས་སུ་བོད་མིའི་སྒྲིག་འཛུགས་ཆོས་རིག་ལས་ཁུངས་དང་བདེ་སྲུང་ལས་ཁུང་བཅས་ལ་གནད་དེ་སྙན་གསན་ཞུས་པ་དང་སྦྲགས་ད་རེས་བོད་མིའི་ས་གནས་ཁག་ནང་༸པཎ་ཆེན་རིན་པོ་ཆེའི་སྐོར་གོ་རྟོགས་སྤེལ་བ་བརྒྱུད་རིམ་པ་རྒྱ་གར་མང་ཚོགས་དང་ཕྱི་རྒྱལ་མི་རིགས་ལ་གསལ་བཤད་ཡོང་རྒྱུའི་དམིགས་ཡུལ་བཅངས་ཡོད་པ་ངོ་སྤྲོད་གནང་སོང་ལ་དེ་ལྟར་ཁོང་གིས་གཏམ་བཤད་སྐབས་བོད་མི་ཚོར་དེ་ལྟར་རེ་སྐུལ་ཡང་གནང་གི་འདུག
སྐུ་ཞབས་བག་གྲོ་ལགས་ཀྱིས་གཞིས་ཆགས་མང་ཚོགས་དང་སློབ་ཕྲུག་བཅས་ནང་པནཆེན་རིན་པོ་ཆེའི་སྐོར་ལ་གསུང་བཤད་གནང་སྐབས་མི་ཚོགས་ཧ་ཅང་ཆེ་བ་མ་ཟད་ཚང་མས་དོ་སྣང་ཆེན་པོས་ཉན་གྱི་འདུག་ལ་ཚང་མ་་སེམས་འགུལ་ཆེན་པོ་ཐེབས་ཏེ་མིག་ཆུ་གཏོང་མཁན་ཡང་མི་ཉུང་བ་ཞིག་འདུག སྐུ་ཞབས་བག་གྲོ་ལགས་ཀྱིས་མུ་མཐུད་དུ་འགྲེལ་བརྗོད་གནང་དོན་བྱས་ན་ཐེངས་འདིར་ལྷོ་ཕྱོགས་གཞིས་ཆགས་ཁག་ནང་པན་ཆེན་རིན་པོ་ཆེའི་སྐོར་ལ་ངོ་སྤྲོད་གཏམ་བཤད་གནང་པ་ནི་་ད་རེས་ཐེངས་དང་པོ་ཆགས་ཡོད་པ་དང་ལྷོ་ཕྱོགས་ཁུལ་ལ་མ་ཕེབས་སྔོན་བཞུགས་སྒར་རྡ་ས་གངས་སྐྱིད་བོད་ཁྱིམ་སློབ་གྲ་ནས་དབུ་འཛུགས་ཀྱིས་བྱང་ཕྱོགས་ས་ཁུལ་གྱི་བོད་མིའི་འདུས་སྡོད་ས་གནས་ཁག་༣༠་ལྷག་ནང་ལ་སྐོར་སྐྱོད་གཏམ་བཤད་གནང་ཏེ་ད་བར་དུས་ཡུན་ཟླ་བ་གཉིས་ལ་ཉེ་བ་འགྲོ་བཞིན་ཡོོད་པ་རེད་འདུག་་་་མུ་་མཐུད་ལྷོ་ཕྱོགས་ཧུན་སུར་རབས་རྒྱས་གླིང་དང་ཀོ་ལི་གྷལ་མོན་གྷོ་འདོད་རྒུ་གླིང་བཅས་ལྷོ་ཕྱོགས་གཞིས་ཆགས་གཞན་ཁག་ནང་ཕྱོགས་བསྐྱོད་ཀྱིས་གཏམ་བཤད་གནང་རྒྱུ་མ་ཟད་དེ་རྗེས་ལ་དགས་ཁུལ་བོོད་མིའི་གཞིས་ཆགས་ནང་གཏམ་བཤད་གནང་རྒྱུ་རེད་འདུག
༸པཎ་ཆེན་རིན་པོ་ཆེ་མཆོག་གིས།
https://www.facebook.com/utsangcholkha/posts/1862590737318801?pnref=story