༄༅།། བལ་ཡུལ་ལུམ་བིའི་ནི་ཆེས་མཐོའི་གཙུག་ལག་སློབ་གཉེར་ཁང་གི་ངོས་འཛིན་ཐོབ་པའི་རྒྱལ་སྤྱིའི་གསོ་བ་རིག་པའི་གཙུག་ལག་མཐོ་སློབ་སྡེ་ཚན་དུ་སྨན་དགེ་གཉིས་གསར་བསྡུ་ཞུ་རྒྱུ་ལགས་ན། གཤམ་གསལ་ཆ་རྐྱེན་ལྡན་རིགས་རྣམས་སྤྱི་ལོ་ ༢༠༡༦ ཟླ་ ༢ ཚེས་ ༢༩ ནས་མ་འགྱང་པར་རྒྱལ་སྤྱིའི་གསོ་བ་རིག་པའི་ངེས་སྟོན་པའི་མཚན་ཐོག་སྙན་ཞུ་འབུལ་དགོས།
ཀ༽ སྨན་དགེའི་ཤེས་ཚད།
༡། ལོ་གསུམ་གསོ་བ་རིག་པའི་སློབ་ཁྲིད་ཀྱི་ཉམས་མྱོང་ངམ། ཚན་རིག་དང་ནང་ཆོས་ཀྱི་རྨང་གཞི་ཡོད་པ།
༢། ཚད་ལྡན་གསོ་རིག་སློབ་གཉེར་ཁང་ནས་སློབ་མཐར་ཕྱིན་པའི་སྨན་པ།
སྨན་རམས་པའི་ཤེས་ཚད་ལག་ཁྱེར་ལྡན་ན་ཚངས་རྒྱུགས་ནང་བརྒྱ་ཆ་ཉི་ཤུ་འཕར་མ་འབུལ་རྒྱུ།
ཁ༽སྨན་དགེའི་གཞི་རྩའི་ཆ་རྐྱེན།
༡། ཨིན་ཡིག་ཐོག་སློབ་ཁྲིད་ཐུབ་པ།
༢། རང་རིགས་ལོ་ན་ ༣༥ ནས་ ༥༠ བར་ཡིན་པ།
༣། དགེ་རྒན་བྱེད་འདུན་དང་རྒྱུན་དུ་ཤེས་ཡོན་ལ་དོ་སྣང་ཙམ་མ་ཟད། བསླབ་གཞི་གང་ཞིག་གི་ཐོག་ཞིབ་འཇུག་གི་སྤྲོ་སྣང་ལྡན་པ།
༤། ལུམ་བི་ནི་ཆེས་མཐོའི་གཙུག་ལག་སློབ་གཉེར་ཁང་དང་འདི་གའི་མཐོ་སློབ་ཀྱི་སྒྲིག་གཞི་བརྩི་སྲུང་གནང་ཐུབ་པ།
༥། གནས་ཡུལ་རྒྱལ་ཁབ་ནང་གནས་སྡོད་ཆོག་པའི་ལག་འཁྱེར་ཡོད་པ།
༦། བོད་སྨན་དང་ཕྱི་ལུགས་སྨན་པ་ཚད་ལྡན་གྱིས་འཕྲོད་བསྟེན་བརྟག་དཔྱད་ངོས་སྦྱོར་ངོ་མ་མཉམ་སྦྱར་དགོས།
༧། ཁྲིམས་ཁང་སོགས་ནས་ནག་ཉེས་ཕོག་པ་མ་ཡིན་པ།
༨། བུ་ལོན་སྒྲུབ་འཇལ་མ་ཐུབ་པ་མ་ཡིན་པ།
༩། ཁྲིམས་ཁང་ངམ། སྨན་པ་ཚད་ལྡན་གྱིས་རིག་འཚོ་མ་ཟིན་པར་ངོས་འཛིན་བྱས་པ་མ་ཡིན་པ།
༡༠། གསོ་བ་རིག་པ་འཛིན་སྐྱོང་སྤེལ་གསུམ་ཆེད་དུ་ལྷག་བསམ་རྣམ་དག་གིས་ལས་དོན་གནང་འདོད་ཡོད་པ།
༡༡། འབྲེལ་ལམ་བྱེད་ཡུལ་རང་ཉིད་ཀྱི་གློག་འཕྲིན་E-mailདང། ཁ་དཔར་ Telephone,
Mobile numberསོགས་ཀྱི་ཨང་གྲངས་ཁ་གསལ་འགོད་དགོས།
ག༽ སྒྲིག་གསལ་ཕོགས་ཐོབ་དང་མཐུན་རྐྱེན་ཁག
གོང་གསལ་ཆ་རྐྱེན་ལྡན་རིགས་རྣམས་སྐབས་འོས་འཚམས་ཤིག་ཏུ་རྒྱུགས་ཀྱི་ལམ་ནས་འོས་འདེམས་ཞུ་རྒྱུ་དང༌། འདེམས་ཐོན་བྱུང་ཚེ་ཐོག་མའི་གསོལ་ཕོགས་ཟླ་བ་རེར་བལ་སྒོར། ༤༠༠༠༠ དང༌རིམ་པས་འཕར་རྒྱུ། ལས་ཤག་དང་། གསོལ་ཚིགས། འཕྲོད་བསྟེན་སོགས་ཆ་ཚང་མཐུན་རྐྱེན་འབུལ་རྒྱུ། ཚོད་ལྟའི་དུས་ཡུན་ཟླ་བ་དྲུག་ཡིན།
ང༽ འདེམས་རྒྱུགས་བྱེད་ཕྱོགས་དང་ཟླ་ཚེས།
གོང་གསལ་འཚང་སྙན་དུས་བཀག་རྗེས་བདུན་གཅིག་ནང་ཚུན་རྒྱུགས་བཞེས་ཀྱི་བརྡ་ཐོ་གཏང་རྒྱུ་བཅས།
རྒྱལ་སྤྱིའི་གསོ་བ་རིག་པའི་གཙུག་ལག་མཐོ་སློབ་ནས།།
སྤྱི་ལོ་ ༢༠༡༦ ཟླ་ ༡ ཚེས་ ༢༦ ལ།། །།
འབྲེལ་ལམ་བྱ་ཡུལ།
Sowa Rigpa International College
Aarubari, Jorpati Height, Ward No.15
Gokarneshwor Municipality, Kathmandu
Nepal.
Tel. 4914082
E-mail: sorigcollege@gmail.com
Website: www.sorigcollege.org
ཟུར་བརྗོད།
འདི་ག་མཐོ་སློབ་ཀྱི་སྐོར་ཞིབ་པ་ཤེས་འདོད་ན། གོང་གི་དྲ་རྒྱའི་ཐོག་གཟིགས་ཞིབ་གནང་རོགས།
གཙུག་ལག་སློབ་གཉེར་ཁང་གིས་ངོས་འཛིན་གནང་བའི་མཐོ་སློབ་ཟེར་དུས་ཚད་ལྡན་གྱི་གསོ་རིག་སློབ་གྲྭ་ཐོག་མ་དེ་ཡིན་རྒྱུ་རེད།
དེའི་ནང་སློབ་སྦྱོང་བྱ་འདོད་ན་འཛུལ་ཞུགས་ཀྱི་ཆ་རྐྱེན་གང་དག་ཡོད་དམ།
གཞུང་གིས་ངོས་འཛིན་ཡོད་ན་ཡག་པོ་རེད།
མིའི་སེམས་གསོ་བ་ལ། བོད་ཆོས་འདི་གལ་ཆེ། མིའི་ལུས་ཉམས་པ་གསོ་བ་ལ། བོད་ཀྱི་གསོ་རིག་འདི་ཕན་ཐོགས་ཆེ་བས། ཀུན་གྱིས་དོ་སྣང་དང་སྦྱང་བརྩོན་དགོས་འདུག ངས་ཀྱང་དེང་སང་སྨན་གཞུང་རྒྱུད་བཞི་དེ་ལ་ལག་པ་འཆང་ཙམ་འཆང་ཙམ་བྱེད་བགྱིད་ཡོད།