ཐེ་བོ་སངས་རྒྱས།
SOS རྒྱལ་སྤྱིའི་ཕྲུ་གུའི་ཁྱིམ་སྡེ།
འདིའི་འབྱུང་ཁུངས་ནི་ཕྱི་ལོ་༡༩༤༩ ལོར་ཧེར་མན་རྒྱེ་མི་ནེར་Hermann Gmeiner གྱིས་ཨའོ་སི་ཁྲི་རི་ཡའི་ཨིམ་སི་ཊིའི་རྫོང་Imst Austria དུ་གསར་འཛུགས་བྱས་པ་དང་། SOS (save our soul,ང་ཚོའི་སྲོག་སྐྱོབས)རྒྱལ་སྤྱིའི་ཕྲུ་གུའི་ཁྱིམ་སྡེ་ནི་ཕྱི་ལོ་༡༩༦༠ ལོར་དབུ་བརྙེས་ཏེ། ཧྥ་རན་སི་དང་། ལྗར་མི་ནེ། ཨི་ཏྲ་ལི་བཅས་ནང་ལས་ཁུངས་ཀྱི་གཞི་བཙུགས་པ་ནས་བཟུང་འཛམ་གླིང་ཁྱོན་ཡོངས་སུ་རྒྱ་བསྐྱེད་བཏང་ཡོད། དུས་རབས་སྔོན་མ་ནང་ནས་འདི་ནི་རྒྱལ་མཚམས་མེད་ཅིང་རང་རྐྱ་འཕེར་བའི་རྒྱལ་སྤྱིའི་ཡར་རྒྱས་རྩ་འཛུགས་ཚོགས་པ་ཞིག་ཏུ་གྱུར། ཚོགས་པ་འདིས་མཉམ་འབྲེལ་རྒྱལ་ཚོགས་ཀྱིས་བསྒྲགས་པའི་ཕྲུ་གུའི་ཐོབ་ཐང་ཁག་ལ་གཞི་བཅོལ་ཏེ། ཕྲུ་གུའི་ཐོབ་ཐང་སྲུང་སྐྱོབ་ཐད་ཁ་ཚ་དགོས་གཏུགས་ཀྱི་འབྲེལ་མཐུད་ལ་སོགས་པའི་ལས་དོན་དྭང་འདོད་ཀྱིས་སྒྲུབ་པ་དང་། རང་སྐྱོང་ས་ཁུལ་དང་རྒྱལ་ཡོངས་ཀྱི་ཚོགས་པ་རྣམས་ལ་མཉམ་འབྲེལ་གྱི་སྒོ་ནས་འདིའི་ཁོངས་གཏོགས་ཕྲུ་གུ་ཚོའི་སློབ་གསོར་འབྲེལ་བའི་ལྟ་སྐྱོང་ཐད་འགྲོ་གྲོན་དང་སྟངས་འཛིན་གྱི་འགན་ལེན་བྱེད་པར་མ་ཚད། ཕྲུ་གུ་ཚོར་སློབ་སྦྱོང་གི་སྤུས་ཚད་གོང་འཕེལ་ཆེད་གདམ་ཀ་སྤྲད་དེ་མི་གཞིའི་ནུས་པ་ཚུགས་ཐུབ་ཡོང་ཕྱིར་ཉམས་ཞིབ་དང་། དེ་བཞིན་ཕྲུ་གུ་རེ་རེའི་ཤེས་འཇོན་ལ་རྒྱུས་ལོན་གྱིས་མི་ཚེའི་མདུན་ལམ་ཐད་འཆར་གཞི་དངོས་སུ་འདིང་བའི་ཁར། འདིར་རྒྱབ་རྟེན་བཅོལ་མཁན་གྱི་ཕྲུ་གུ་ཚོའི་བདེ་འཇགས་ཀྱི་ར་བ་དང་འཕྲོད་བསྟེན་བཅས་ལ་ཞབས་འདེགས་ཞུ་བཞིན་ཡོད།
ཚོགས་པ་འདིས་འཛམ་གླིང་གང་སར་རོགས་རམ་གནང་ས་ཕྲུ་གུ་དང་དར་མ་བསྡོམས་པས་ས་ཡ་གཅིག་ལྷག་ཡོད་ཅིང་། ཚོགས་པ་འདིས་ལས་གཞིའི་རྣམ་གྲངས་༢,༣༠༠ ལྷག་གཉེར་གྱི་ཡོད། འདིར་ཚུད་པའི་ཆ་རྐྱེན་ནི་ཁྱིམ་བདག་ཆེས་དབུལ་ཕོངས་ཉམ་ཐག་རིགས་དང་། དམིགས་བསལ་ཕ་མ་བུ་ཕྲུག་ཁ་གྱེས་པ་ལྟ་བུའི་དཀའ་ཉེན་གྱིས་སོ་སོའི་ཕྲུ་གུ་ལྟ་སྐྱོང་མི་ཐུབ་མཁན་དག་ཡིན། ཕྱི་ལོ་༢༠༠༤ ལོ་གཅིག་པུའི་ཡོང་སོང་གི་རྩིས་ཁྲ་ནི་དཔལ་འབྱོར་གྱི་དུས་བབས། <