ཐེ་བོ་སངས་རྒྱས།
༢༽རྒྱལ་སྤྱིའི་རྒྱ་གྲམ་དམར་པོའི་ཚོགས་པ།
རྒྱལ་སྤྱིའི་རྒྱ་གྲམ་དམར་པོའི་ཚོགས་པ།(international committee of the red cross) ཕྱི་ལོ་༡༨༦༣ ལོར་ཧེན་རེས་སྒྲུ་ནན་ཐྲི་དང་Henry Dunant གྷུ་སེ་ཐྲ་ཝེས་མྰོ་ནེར་Gustave Moynier གཉིས་ཀྱིས་སིད་སུའི་གྲོང་ཁྱེར་ལྗེ་ནེས་ཝ་Geneva རུ་གསར་དུ་བཙུགས་ཤིང་། འདི་ནི་འཛམ་གླིང་ནང་འགྲོ་བ་མི་སྤྱིའི་བདེ་སྡུག་ལ་དོ་ཁུར་བྱེད་མཁན་རྒྱལ་མཚམས་མེད་པའི་སྒེར་ཚུགས་ཀྱི་ཚོགས་པ་ཆེ་གྲས་སུ་གཏོགས། ཧ་ལམ་དྭང་བླང་བ་ཚོགས་མི་ལས་བྱེད་བཅས་བསྡོམས་ན་མི་གྲངས་བྱེ་བ་དགུ་ལྷག་ཡོད། ལས་དོན་གཙོ་བོ་ནི་དམག་འཁྲུག་གམ་རང་བྱུང་གོད་ཆག་ལྟ་བུ་ལས་བྱུང་བའི་དཀའ་ངལ་རིགས་ལ་འཕྲོད་བསྟེན་སྨན་བཅོས་དག་གི་མཐུན་འགྱུར་མཁོ་སྤྲོད་ཀྱིས་མིའི་རིགས་ཀྱི་ཚེ་སྲོག་སྲུང་སྐྱོབ་བྱ་རྒྱུ་དེ་ཡིན།
དེ་ལ་རྒྱལ་ཁབ་དང་། མི་རིགས། ཤ་མདོག ཕོ་མོ། ཆོས་ལུགས་གྲུབ་མཐའ། ཆབ་སྲིད་ལངས་ཕྱོགས་སོགས་ཀྱི་དབྱེ་བ་མེད་པར་འདྲ་མཉམ་ངང་རོགས་རམ་གནང་བས། རྒྱལ་སྤྱིའི་ཁྲོད་ཁྲིམས་མཐུན་རང་རྐྱ་འཕེར་ཞིང་ཐོབ་དབང་ཁྱད་པར་བ་ཞིག་ཡོད། ཚོགས་པ་འདི་ལ་ཕྱི་ལོ་༡༩༡༧ ལོ་དང་། ༡༩༤༤ ལོ། ༡༩༦༣ ལོ་རྣམས་ལ་ནོ་སྦེལ་ཞི་བདེའི་གཟེངས་རྟགས་ཐེངས་གསུམ་ཐོབ་པ་བཅས་སོ། །