ཕྱི་ལོ་ ༢༠༡༢ ཟླ་ ༥ ཚེས་ ༡ ཉིན་བོད་ཨ་མདོ་རྔ་པའི་རྔ་སྟོད་ཨ་འདུས་མཐའ་བ་དང་རྒྱ་སྡེ་ཚོ་གསུམ་སོགས་ཀྱི་བུད་མེད་༢༠༠ མ་ཟིན་ཙམ་གྱིས་དེ་སྔོན་ཨ་འདུས་སྡེ་བ་ཁག་གི་མི་མང་པོ་ཞིག་འཛིན་བཟུང་བྱས་ཡོད་པ་རྣམས་གློད་གྲོལ་གཏོང་དགོས་པའི་རེ་འདུན་འདོན་པར་རྔ་པ་རྫོང་སྲིད་དུ་སོང་ཡོད་ཀྱང་། ཨ་འདུས་སྡེ་བ་ནས་མར་སྤྱི་ལེ་བདུན་ཙམ་གྱི་སར་ཡོད་པའི་མཚམས་རིང་སྡེ་འདབ་ཏུ་དྲག་ཆས་ཉེན་རྟོག་པ་དང་། སྤྱི་བདེ་ཉེན་རྟོག་པ་སོགས་ཀྱིས་བཀག་འགོག་བྱས་ཏེ་འགྲོ་ཐུབ་མེད་ཀྱང་། སྐབས་དེར་དུས་ཡུན་རིང་པོར་ཨ་འདུས་སྡེ་བའི་བུད་མེད་ཚོ་དང་དྲག་ཆས་ཉེན་རྟོག་པ་སོགས་ཀྱི་བར་དུ་འཁྲུག་རྩོད་ཆེན་པོ་བྱུང་ཞིང་མདུན་བསྐྱོད་ཉེན་རྟོག་པ་སོགས་ལ་རྔ་པ་རྫོང་ཐོག་ནས་རྒྱབ་དཔུང་དུ་དྲག་ཆས་ཉེན་རྟོག་པ་འབོར་ཆེན་འབྱོར་སྟེ་ཛ་དྲག་གི་གདོང་ཐུག་བྱུང་ཉེའི་སྐབས་ཨ་འདུས་དགོན་པའི་ལས་སྣེ་སོགས་ཕེབས་ཏེ་མི་མང་ལ་ཕྱིར་འཐེན་བྱེད་དགོས་པའི་རེ་བ་ནན་གྱིས་བཏོན་པ་ལྟར་མི་མང་གིས་ཕྱིར་འཐེན་བྱས་འདུག
དེ་རྗེས་མི་མང་གིས་གྲོས་བྱས་ཏེ་དེང་སྐབས་བཀག་ཉར་འོག་ཡོད་པ་རྣམས་མི་སྒེར་བ་ཞིག་དང་ཁྱིམ་ཚང་གཅིག་གཉིས་ཤིག་གི་ཆེད་དུ་བཙོན་ཁང་དུ་སོང་བ་མ་ཡིན་པར་བོད་སྤྱི་བའི་ཆེད་ཡིན་པ་དང་། དེ་བཞིན་ཨ་འདུས་ཥེ་བ་སྡེ་བའི་རྒྱལ་གཅེས་དཔའ་བོ་འཇམ་དབྱངས་སོགས་ལ་གདུང་སེམས་མཉམ་བསྐྱེད་མཚོན་ད་ལོའི་ས་ཞིང་འདེབས་ལས་མི་བྱེད་པ་དང་། དབྱར་རྩ་དགུན་འབུ་མི་བསྐོ་རྒྱུ་བཅས་བསམ་པ་གཅིག་མཐུན་གྱིས་ཐག་གཅོད་བྱས་ཡོད་ཀྱང་། ཕྱི་ཟླ་ ༥ ཚེས་ ༥ ཉིན་དེ་སྔོན་འཛིན་བཟུང་བྱས་པའི་མི་བདུན་རྔ་པ་རྫོང་ཐོག་ནས་གློལ་གྲོལ་བྱས་ཏེ་ཞང་སྲིད་གཞུང་དུ་ཉིན་གསུམ་རིང་སློབ་གསོ་སྤེལ་དགོས་ཚུལ་གྱིས་བཀག་ཉར་རྗེས་གློད་གྲོལ་བཏང་འདུག་པ་དང་། དེ་མིན་ད་དུང་བཀག་ཉར་འོད་ཡོད་པ་རྣམས་ཀྱང་མི་འགྱང་པར་གློད་གྲོལ་གཏོང་རྒྱུ་ཡིན་ལུགས་བརྗོད་ཡོད་པར་བརྟེན། དབྱར་རྩ་དགུན་འབུ་སྐོ་རུ་སོང་ཡོད་ཀྱང་ས་ཞིང་འདེབས་ལས་མ་བྱས་པར་མུ་མཐུད་ལྷག་ཡོད་འདུག
ཡང་ཕྱོགས་གཅིག་ནས་ད་ལྟ་བཀག་ཉར་འོག་ཡོད་པ་རྣམས་ལ་ནག་ཉེས་ལྕི་མོ་ཡོད་ཚུལ་ཀྱང་བརྗོད་ཀྱིན་ཡོད་འདུག ཕྱི་ཟླ་ ༤ ཚེས་ ༢༦ ཙམ་ནས་རྔ་པའི་སྟོད་སྨད་བར་གསུམ་ཚང་མས་ས་ཞིང་འདེབས་ལས་བྱེད་པའི་མགོ་བཙུགས་ཡོད་ལ་ད་ཆ་ཚང་མས་ལས་ཀ་རྫོགས་ཚར་ཡོད་འདུག ཨ་འདུས་སྡེ་བ་ཁག་ནི་འཚོ་བའི་ཡོང་འབབ་གཙོ་བོ་ཞིང་ལས་ལ་བརྟེན་ཡོད་པའི་ཞིང་པ་རྐྱང་རྐྱང་ཡིན་ཞིང་། ས་ཞིང་འདེབས་ལས་མི་བྱེད་པ་ནི་ཞིང་པ་དེ་དག་ལ་མཚོན་ན་འཚོ་བའི་ཡོང་འབབ་གཙོ་བོ་དེ་མེད་སོང་བ་ཡིན། དེ་སྔོན་རྨས་སྐྱོན་ཕོག་པ་ཕལ་ཆེ་བ་སྨན་ཁང་ནས་ཐོན་ཏེ་སོ་སོའི་ནང་ལ་སྨན་བཅོས་བྱེད་བཞིན་ཡོད་ཀྱང་ཀླད་ཁྲག་སྲེས་ཡོད་པའི་སློབ་དཔོན་སྐྱབས་ད་དུང་མུ་མཐུད་སྨན་ཁང་དུ་སྨན་བཅོས་བྱེད་ཀྱིན་ཡོད་འདུག་པ་བཅས།
བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས།
ཕྱི་ལོ་ ༢༠༡༢ ཟླ་ ༥ ཚེས་ ༩ ལ།
འདིས་མཐུན་སྒྲིལ་ལ་ད་གཟོད་སྟོབས་ཤུགས་ཡོད་པ་མཚོན་པ་མ་ཡིན་ནམ།
བོད་མི་རིགས་འདི་གཉིད་ལས་སློང་མཁན་གཙོ་བོ་དེ་དགྱ་ནག་དམར་པོ་སྲིད་གཞུང་གི་བྱེད་ལས་རེད་འདུག བཙན་བྱོལ་ནང་གི་བུད་མེད་ཚོ་འང་ངེས་དོན་གྱི་རྨོངས་གཉིད་ལས་སད་རན་འདུག
བོད་ནང་གི་བོད་མིའི་ལ་རྒྱ་ནི་རི་བོ་ལས་བརྟན་པ་། བོད་ཀྱི་ཕྱི་ལོག་དུ་ཡོད་པའི་བོད་པ་རྣམས་ཀྱི་བོད་ཀྱི་ལ་རྒྱ་ནི་ཙི་ཙི་རྔ་མ་རང་རེད་བཞག།
གལ་སྲིད་རྔ་བའི་མི་བུ་དག་སྙིང་སྟོབས་དེ་ལ་སེམས་བསམ་པའི་གཏིང་ནས་རྗེས་སུ་ཡིད་རང་ཡོད་། བོད་ས་ཡོངས་རྫོགས་དང་ལྷག་ང་དང་ང་ལྟ་བུའི་རང་དབང་ལོངས་པའི་ནང་མྱི་འདི་དག་ཡང་རང་ཉིད་གཅིག་པོ་འམ་ནང་མི་ཁ་ཤས་ཡིས་དོན་དུ་མི་འདུར་བར་བོད་སྤྱི་བའི་དོན་ལ་རྡོག་རྩ་གཅིག་སྒྲིལ་ཀྱི་ངང་ནས་ལས་དོན་རེ་སྒྲུབ་གྱིས་ན་ད་ང་ཚོས་དངོས་རང་དབང་ཞིག་གང་མགྱོགས་ངང་ཐོབ་ཐུབ་ཀྱིས་རེད་། དེ་མ་གཏོགས་འདི་འདྲ་བྱས་དེ་ཉི་མ་སྐྱེལ་ཐུབ་རེད་བྱས་ནས་བསྡད་ན་ད་ཚོ་ཕར་བཞག་ཞོག་མི་རབས་རྗེས་མ་ཚོས་ཡང་ང་ཚོས་དང་འདྲ་བར་སྡུག་མྱོང་དགོས་གྱི་རེད་ཡ
རྔ་བ་དང་བོད་ནང་གི་མིའི་སྙིང་སྟོབས་ལ་རྗེས་སུ་ཡི་རངས་ཡོད།འོན་ཀྱང་འདི་ལྟར་ཞིང་ལས་མ་བྱས་པར་བསྡད་ན་དཔལ་འབྱོར་གྱི་ཕྱོགས་ནས་གྱོང་གུད་ཚབས་ཆེན་ཐེབས་རྒྱུ་རེད།དེ་ལས་ལྡོག་དེ་ང་ཚོ་ཤེས་དཔལ་གཉིས་ཀྱི་སྟེང་ནས་རང་དབང་ཐོབ་པ་ཞིག་བྱས་ན་བཟང་།
གསར་འགོད་པ་ལགས
རྔ་པ་མ་རེད་རྔ་བ་རེད་
པ་དང་བ་ཁྱད་པར་ཡོད་རེད
ཧ་ཅང་གིས་ལས་འགུལ་ཡག་པོ་སྤེལ་འདུག་པས་བསྔགས་བརྗོད་ཡོད་པར་མ་ཟད། འདི་འདྲའི་ལས་འགུལ་དེ་ང་ཚོས་བསྟུན་མར་སྤེལ་དགོས་པ་ཞིག་རེད། འོན་ཀྱང་སྲོག་ཉེན་ལའང་གཟབ་རྒྱུ་ཧ་ཅང་གིས་གལ་ཆེ།
རྔ་བའི་མི་དམངས་གུས་འདུད་ཞུ། ཞེས་པའི་ཚབ་ཏུ་རྔ་བའི་མི་མང་ལ་གདུང་སེམས་མཉམ་སྐྱེད་ཞུ།
བོད་ནང་གི་བོད་མིའི་སྙིང་སྟོབས་ལ་ནམ་ཡང་ཡི་རང་ཞུ།
ཞིང་ལས་མི་བྱེད་པ་དང་དབྱར་རྩ་མ་རྐོ་བ་སོགས་ཀྱིས་ཀྲུང་གོའི་གཞུང་ལ་ཕན་དང་གནོད་པ་གང་ཡང་མ་མཐོང་། ངེད་ཅག་གི་རང་ཁ་རང་གསོ་དང་རང་ཡུལ་རང་སྐྱོང་བྱེད་དགོས་ན་ས་ཞིང་འདེབས་པ། དབྱར་རྩ་སོགས་ཞོར་ལས་བྱེད་པ་དེའི་རིགས་མུ་མཐུད་དུ་ལས་དགོས་བསམ། གཞན་ག་དུས་ཡིན་ཡང་མི་ལ་ལག་པ་བསྲེང་དགོས་དུས་སྐྱོབ་གསོ་བྱེད་མཁན་ལ་མི་ཉན་རང་ཉན་རེད་འདུག དེ་མིན་སྐྱབས་བཅོལ་ནང་ཡོད་པའི་བུ་མེད་ཚོས་ཚོགས་དངུལ་རྐོག་ཟོས་ཡིན་མིན་རྩོད་པ་ལས་བོད་ནང་གི་བུ་མེད་དེ་ཚོའི་སེམས་ཤུགས་ལ་ལྟ་རོགས་གནང་།
དབྱར་རྩ་དགུན་འབུ་མི་རྐོ་བ་ནི་རང་ཁ་རང་གིས་འབྲེག་པའོ། །དེས་ན་ཚང་མས་དབྱར་རྩྭ་དགུན་འབུ་རྐོས། རང་ཉིད་ཀྱི་འཚོ་བ་རང་ཉིད་ཀྱིས་སྐྱེལ་དགོས།
པ་དང་བ་ཡི་ཁྱད་པར་དེ།།
ཤེས་པས་བལྟས་ན་རྔ་པ་འགྲིག།
མིང་དང་བྱ་བའི་ཚིག་གི་ཁྱད།།
མ་ཤེས་རྨོངས་ན་རྔ་བ་འགྲིག།
ལོ་རྒྱས་ཀྱི་རྒྱབ་ལྗོངས་ན་མི་ཏིག་བཞིན་འཚེར་བའི་གུར་སྟེང་ཀུན་བཟང་ལྟ་བུའི་དཔའ་མོ་དག་ལ་གུས་འདུད་ཞུ།