རྔ་བ་ཀུན་བཟང་གི་རང་མོས་སྙན་ངག་གསར་བ་ཁག་གཉིས།

ང་ ། 

བྱ་རྒོད་ཀྱི་མིག་མདའ་འཕེན་དུས

དངོས་གནས་མགོ་བོ་འཐོམས་སོང་

ཆང་རག་དང་ཐ་མག་ཡང་ང་ལ་མི་དགའ

ངོ་གདོང་ལ་དྲོད་འཇམ་མེད་པའི་ང་

གང་ཞིག་ལ་གཙང་བོས་འཁྱེར་ནས་ 

ཇེ་གསལ་ནས་ཇེ་གསལ་དུ་འགྲོ་བས

ལྕགས་ཀྱི་ཚེར་མ་ལ་འབར་གས་ཀྱིས་བརྒྱབ་པའི་ང་

ཁ་ཁུ་སིམ་མེར་འཆི་བདག་དབང་དུ་གྱུར་ན་མ་གཏོགས། 

ཕྱིར་ལྡོག་མི་སྲིད་པའི་མདའ་ར་ནང་ལྷུང་ལ་ཉེ

2023/08/31 

༼ སེམས་པ་རེད། ༽ 

ཁུ་སིམ་མེར་ང་བསྡད་དུས

དངོས་གནས་ཨ་ཐང་ཆད་མཁན་དེ་སེམས་པ་རེད

ཕྱི་རོལ་གྱི་འཇིག་རྟེན་ན་ང་མེད་དུས

ནང་རོལ་གྱི་གཅར་རྡུང་མྱོང་མཁན་དེ་སེམས་པ་རེད

མཚམས་འཇོག་མེད་ལ་ང་འགྲོ་དུས

མཚན་གང་པོར་མིག་ཟུང་བཙུམ་མི་ཕོད་མཁན་དེ་སེམས་པ་རེད

2023/08/30