ཕྱི་ལོ་ ༢༠༡༩ ཟླ་ ༡༡ ཚེས་ ༢༦ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༤ ཡོལ་ཙམ་ལ་བོད་མདོ་སྨད་རྔ་བའི་རྨེའུ་རུ་མ་ཡུལ་ཚོ་དང་ཐག་ཉེའི་གྲོང་བར་ནས་རང་ལོ་ ༢༤ ཙམ་ཡིན་པའི་ཡོན་ཏན་ལགས་ཀྱིས་རང་ལུས་མེར་སྲེག་བཏང་སྟེ་རྒྱ་གཞུང་གིས་བོད་ཐོག་འཛིན་པའི་སྲིད་བྱུས་ལ་ངོ་རྒོལ་བྱས་ནས་སྐུ་གྲོང་ཡོད་འདུག
ཁོང་རྨེའུ་རུ་མ་རུ་ཆེན་གཉིས་པའི་ཕ་བསོད་དོན་དང་། མ་ཚེ་ཁོ་སྐྱིད་གཉིས་ཀྱི་བུ་ཡིན་འདུག་ལ། ཆུང་ཆུང་སྐབས་རྔ་བ་ཀིརྟི་དགོན་པར་གྲྭ་པ་བྱས་མྱོང་ཡོད་ཀྱང་རྗེས་སུ་སྐྱ་སར་བབས་ནས་འབྲོག་པའི་འཚོ་བ་སྐྱེལ་ནས་ཡོད་འདུག དེ་མིན་གནས་ཚུལ་བྱུང་རྗེས་ས་གནས་ལ་དམ་བསྒྲགས་ཅི་བྱུང་དང་། དཔའ་བོ་ཁོང་གི་སྐུ་ཕུང་ནང་མིར་རག་ཡོད་མེད་སོགས་ཞིབ་ཕྲ་ཤེས་རྟོགས་མ་བྱུང་བ་བཅས།
བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས། ཕྱི་ལོ་ ༢༠༡༩ ཟླ་ ༡༡ ཚེས་ ༢༨ ལ།
བོད་མདོ་སྨད་གཞིས་བཞུགས་ཤ་ཁྲག་གཅིག་པའི་སྤུན་མཆེད་འདི་རྣམས་ནས་རང་ཡུལ་རང་དབང་གི་ཆེད་རང་སྲོག་བློས་གཏང་གི་བོད་ལ་རང་དབང་དགོས། ༧གོང་ས་མཆོག་བོད་དུ་གདན་ཞུ་དགོས་ཟེར་ནས་བདེན་འབོད་གནང་བར་སྙིང་ནས་གདུང་སེམས་མཉམ་སྐྱེས་ཞུ།།
འདི་ཕྱོགས་རང་དབང་ལུང་པར་གནས་པའི་མི་ཆེན་སྤེན་པ་ཚེ་རིང་ནས་བོད་མིའི་སྒྲིག་འཛུག་གཏོར་གང་ཐུབ་དང་། སྤྱི་འཐུས་ཤར་ཁུག་ནས་རྒྱབ་སྐྱོར་ལྷོད་མེད་བྱ་ཡི་འདུག རང་དབང་མེད་ས་དང་། རང་དབང་ཡོད་ས་གཉིས་ལ་ཁྱད་པར་ཧ་ཅང་ཆེ། བསམ་བློ་བཏོང་ཡག་བྱས་ན་སྙིང་རླུང་ལང་རྒྱུ་མ་ཏོག་མི་འདུག ད་ནི་མི་ཚེ་འདི་རིང་འདུག། །།
རྒྱལ་ཁབ་མིི་རིགས་རྩ་དོན་གཉེར་ནས་རང་ལུས་གསོན་པོ་མེ་ནང་འཕྱོངས།
ཕོ་རྒོད་དར་མ་གངས་ཕྲུག་ཁྱོད་ལ་གདུང་སེམས་མཉམ་སྐྱེད་བོད་མིའི་ཞུ།
བོད་ཀྱི་རང་བཙན་གསོན་པོར་འཇོག་པའི་གཞིས་ཡོད་བོད་མིའི་སྙིང་སྟོབས་འདི།
འཛམ་གླིང་ཡོངས་ལ་འབྲུག་ལྟར་གྲགས་ནས་བོད་ཀྱི་རང་བཙན་སྐྱ་རེངས་བཏང།
ཨོམ་མ་ཎི་པདྨེ་ཧུང་ཧྲི་་་་་་་་་་་་་་ཧྲི་་་་་་་་་་་་་་་་ཧྲི་་་་་་་་་་་་་་་་་་་ཧྲི།