སྐུ་ཞབས་ལུང་རིགས་རྒྱལ་གྱི་གཅིག་གྱུར་ཆེན་པོ་གཉིས་ཞེས་པའི་ཆེད་རྩོམ་བཀླགས་པའི་རྗེས་འབྲེལ་དུ།
ཨ་འབྲུག་དཀོན་མཆོག
༸གོང་ས་མཆོག་གིས་བོད་ཀྱི་གནད་དོན་འདི་རྒྱལ་སྤྱིའི་ཆབ་སྲིད་ཀྱི་འགྱུར་ལྡོག་ཆེན་པོ་ཞིག་གི་འོག་ནས་བྱུང་བ་དང་འདི་ཉིད་ཐག་གཅོད་ཀྱང་རྒྱལ་སྤྱིའི་ཆབ་སྲིད་འགྱུར་འགྲོས་ཀྱི་རྒྱབ་ལྗོངས་དང་མཐུན་པར་བྱེད་དགོས་པ་དེ་དུས་རབས་སྔོན་མའི་དུས་དཀྱིལ་ནས་དཔྱོད་དཔག་གིས་ལམ་སྟོན་དང་འཆར་སྣང་གི་དགོངས་ཚུལ་བཏོན་ཡོད་ལ། རྒྱང་བཀྱེད་ནས་བལྟས་ན་དབུ་མའི་ལམ་གྱི་སྲིད་བྱུས་ལ་དེ་ལྟ་བུའི་དུས་རབས་ཀྱི་རྒྱབ་ལྗོངས་ཡོད་པ་རེད། འོན་ཀྱང་༸གོང་ས་མཆོག་གིས་དགོངས་པ་བཞེས་ཕྱོགས་དང་དབུ་མའི་ལམ་གྱི་སྲིད་བྱུས་རང་སྟེང་ནས་བཤད་ན་དེའི་ཆེ་བ་རྒྱས་བཤད་བྱེད་རྒྱུ་ལས་ཀྱང༌། དེ་ཉིད་འགལ་ཟླ་འདུམ་འགྲིག་གི་ལམ་ནས་སེལ་ཐུབ་པའི་ལག་ལེན་གྱི་རང་བཞིན་ལྡན་པའི་ཐོག་མའི་ཡིད་ཆེས་དེ་མངོན་གྱུར་ཡོང་ཐབས་ལ་འབད་པ་བྱས་ཡོད་པ་རེད། དབུ་མའི་ལམ་གྱི་སྲིད་བྱུས་དེ་རྒྱལ་སྤྱིའི་འགལ་རྩོད་སེལ་ཕྱོགས་ཀྱི་༸གོང་ས་མཆོག་གི་སྤྱིར་བཏང་གི་དགོངས་པ་ལས་བྱུང་ཡང་ཆེད་དམིགས་ཀྱི་ཆ་ནས་དེ་ཉིད་བོད་ཀྱི་གནད་དོན་ཐག་གཅོད་བྱེད་པའི་ཐབས་ལམ་ཞིག་ཡིན་ལ། སྲིད་བྱུས་འདི་༸གོང་ས་མཆོག་གི་དགོངས་གཞི་ཙམ་ལས་བོད་གཞུང་གི་ཁྲིམས་ཐོག་ནས་གཏན་འབེབས་བྱས་པའི་སྲིད་བྱུས་ཤིག་ཏུ་མ་གྱུར་བའི་ཡར་སྔོན་དེར་༸གོང་ས་མཆོག་གིས་བོད་ཀྱི་རྩ་དོན་ནི་བོད་མི་ས་ཡ་དྲུག་གི་བདེ་སྐྱིད་ཀྱི་ཆེད་ཡིན་ཞེས་བོད་ཀྱི་རྩ་དོན་དེ་བོད་མིའི་བདེ་སྐྱིད་ཀྱི་ཆེད་ཅེས་པར་ངོས་འཛིན་གནང་མྱོང་ཡོད། ཉེ་བའི་ཆར་༸གོང་ས་མཆོག་གིས་བོད་མིའི་སྡུག་བསྔལ་སེལ་ཆེད་ཅེས་པའི་ཚིག་འདི་བེད་སྤྱོད་གནང་གི་འདུག་ཅིང༌། དམིགས་བསལ་སྐུ་ཚབས་རྒྱ་རི་བློ་གྲོས་རྒྱལ་མཚན་ལ་༸གོང་ས་མཆོག་གིས་བཀའ་མངགས་ནན་པོ་བྱས་པའི་སྙིང་དོན་ཡང་བོད་མིའི་སྡུག་བསྔལ་སེལ་བའི་ཆེད་དུ་ཐབས་ཤེས་ག་རེ་ཡིན་ནའང་བྱེད་དགོས་ཞེས་པ་དེ་རེད། ༸གོང་ས་མཆོག་གིས་བོད་མིའི་བདེ་སྐྱིད་ཀྱི་ཆེད་ཅེས་པ་ནས་འགོ་བརྩམས་ཏེ་བོད་ཀྱི་གནད་དོན་ཐག་གཅོད་བྱེད་པའི་ཐབས་ལམ་དང་ཇུས་གཞི་གསལ་འདོན་གནང་བའི་གནས་ཚུལ་དེ་དཔེ་མཚོན་དུ་བཞག་ནས་ད་ལྟ་བོད་མིའི་སྡུག་བསྔལ་སེལ་ཆེད་དུ་ཐབས་ཤེས་ག་རེ་ཡིན་ནའང་བྱེད་དགོས་ཞེས་པ་དེ་ཁོང་གི་དགོངས་པ་དང་ཐབས་ཇུས་ལ་རྩ་བའི་ཆ་ནས་འགྱུར་ལྡོག་ཅིག་འགྲོ་བཞིན་པ་དང༌། བདེ་སྐྱིད་བསྒྲུབ་ཆེད་དང་སྡུག་བསྔལ་སེལ་ཆེད་དུ་ཞེས་པ་གཉིས་ལ་ཁྱད་པར་ཆེན་པོ་ཞིག་ཡོད་པ་ཡང་ངས་ངོས་འཛིན་བྱེད་ཀྱི་མེད། ཡིན་ནའང་བོད་མི་རིགས་འདི་གསོན་གནས་ཡོང་བ་ལ་ཕན་པའི་ཆེས་མཐའ་མཇུག་གི་གོ་སྐབས་ཀྱི་ཆེད་དུ་ཁོང་གིས་ག་རེ་ཡིན་ནའང་གནང་གི་རེད། ཁོང་ནི་ཐབས་ཤེས་དང་གདམ་ག་གཅིག་གིས་ནུས་པ་མ་ཐོན་པ་མངོན་གསལ་དུ་གྱུར་རུང་རང་ཉིད་ཀྱི་ལ་རྒྱ་སྲུང་སྐྱོབས་ཀྱི་ཆེད་དུ་གདམ་ག་གསར་བ་དང་ལེན་བྱེད་མི་ནུས་མཁན་དེ་འདྲ་གཏན་ནས་མ་རེད། དེང་སང་གི་བོད་ཀྱི་གནས་བབ་ལ་བསམ་ན་ང་ཚོས་ལ་རྒྱ་ལས་ཀྱང་དོན་དངོས་ལ་མཐོང་ཆེན་བྱེད་དགོས་པ་ཧ་ཅང་གལ་ཆེན་པོ་རེད། དོན་དམ་པའི་ང་ཚོ་ལ་ལ་རྒྱ་ཞིག་ཡོད་ན་ང་ཚོའི་གཞན་དང་གཞན་ལ་ངོ་རྒོལ་བྱེད་རྒྱུ་ལས་ཀྱང་རང་དང་རང་རིགས་དར་སྤེལ་གཏོང་བའི་གོ་སྐབས་དང་ཐབས་ལམ་ལ་བསམ་བློ་གཏོང་རན་རེད། ང་ཚོའི་རང་གི་རིགས་ལ་རུས་གཏིང་ནས་ཞེན་པ་ཡོད་པ་དེ་ཉིད་ང་ཚོར་གདུག་རྩུབ་ཀྱིས་མནར་གཅོད་དང་བཙན་གནོན་བྱེད་མཁན་ལ་མི་དགའ་བའི་རྒྱུ་མཚན་གྱིས་མིན་པར་རང་དང་རང་རིགས་ལ་དུང་ཞེན་ཡོད་པའི་རྒྱུ་མཚན་གྱིས་ཡིན་པ་དེ་ཡང་ཤེས་དགོས་ཀྱི་འདུག མཚམས་མཚམས་སུ་ང་ཚོ་ཡང་བཙན་གནོད་བྱེད་མཁན་དག་དང་འདྲ་བར་ཚོར་སྣང་གི་ཤུགས་ཀྱིས་རྣམ་དཔྱོད་ཉམས་བཞིན་པའི་རྣམ་འགྱུར་ཅན་དུ་འགྱུར་བཞིན་འདུག ངས་སྐད་ཆ་ཆེན་པོ་བཤད་གི་མ་བསམ་རོགས། འོན་ཀྱང་ལྷོད་ལ་བབ་ཏེ་བསམ་གཞིགས་བྱེད་སྐབས་ང་ཚོའི་འཐབ་རྩོད་ནི་རང་ཉིད་ཀྱི་ཐོབ་ཐང་བསྐྱར་གསོ་དང་འོས་འགན་ལེགས་བསྒྲུབ་ཀྱི་གོ་སྐབས་ཀྱི་ཆེད་ཡིན་པ་ལས་གང་ཞིག་རྩ་རྫོགས་དང་སུ་ཞིག་ལ་ཁ་གཏད་ཀྱི་ཆེད་དུ་མ་རེད། འདི་༸གོང་ས་མཆོག་གི་དགོངས་པ་རེད། ང་ཚོའི་རྩ་དོན་རེད། དེ་བཞིན་དུ་དབུ་མའི་ལམ་གྱི་སྲིད་བྱུས་ནི་བོད་དོན་ཐག་གཅོད་བྱེད་པའི་ཐབས་ལམ་ཡིན་པའི་ཆ་ནས་འདི་ལ་གོ་རིམ་ཞིག་ངེས་པར་དུ་དགོས་ཀྱི་རེད། ཚོད་ལྟ་ཞིག་ཀྱང་དགོས་ཀྱི་རེད། ཚོད་ལྟ་དང་གོ་རིམ་དེ་དག་གི་བརྒྱུད་རིམ་ནང་ང་ཚོ་ལ་ངང་རྒྱུད་རིང་པོའི་གཤིས་ཀ་ཞིག་ངེས་པར་དུ་དགོས་ཀྱི་རེད་ལ། བོད་མི་རིགས་ཀྱི་མཐའ་མཇུག་གི་ཚེ་སྲོག་ལ་ཐུག་པའི་གནད་འགག་གི་དུས་སྐབས་ཤིག་ཡིན་པའི་ཆ་ནས་ང་ཚོས་གནད་དོན་འདི་ཚོར་སྣང་གི་དབང་དུ་གཏོང་གཏན་ནས་ཉན་གྱི་མ་རེད། ཆབ་སྲིད་ཀྱི་དབུ་ཁྲིད་ལ་ཆོར་སྣང་དང་རྣམ་དཔྱོད་དོ་སྙོམས་པོ་དགོས་པར་བཤད་དེ་སྤྱི་ཡོངས་ནས་བཤད་ན་བདེན་མོད་ཀྱི་རྨས་སྐྱོན་ཐེབས་པའི་མི་རིགས་ཤིག་གི་ཚེ་སྲོག་སྐྱོབས་པའི་མཐའ་མའི་དམག་འཐབ་ལ་ཞུགས་པའི་དུས་སྐབས་ཤིག་ལ་ཚོར་སྣང་ལས་ཀྱང་རྣམ་དཔྱོད་གལ་ཆེ་བ་མ་རེད་དམ།
གཅིག མི་སུ་ཞིག་ཡིན་ནའང་ཆོས་ཕྱོགས་ནས་༧གོང་ས་མཆོག་རྩ་བའི་བླ་མ་དང་བྱང་ཆུབ་སེམས་དཔའ་ལ་བརྩི་དགོས་པ་རེད། འོན་ཀྱང་སྲིད་དོན་བགྲོ་གླེང་སོགས་ཀྱི་ཐད་རྩ་བའི་བླ་མ་དང་བྱང་ཆུབ་སེམས་དཔའ་ཟེར་བ་དེ་ཚོ་གཡུགས་ཤག་ན་དགའ་གི་རེད། མི་ཞིག་གི་ལྟ་ཚུལ་བཟུང་ནས་བགྲོ་གླེང་སོགས་བྱས་ན་དགའ་གི་རེད། དེར་ཆོས་ཕྱོགས་ནས་ཀྱང་འགལ་བ་ཡོད་པ་མ་རེད་སྙམ།
གཉིས། ༧གོང་ས་མཆོག་ཆབ་སྲིད་ཀྱི་དབུ་ཁྲིད་ཅིག་རེད། བོད་མིའི་ཆབ་སྲིད་ཀྱི་དབུ་ཁྲིད་ཅིག་རེད། བོད་མིའི་རྩ་དོན་ལེགས་འགྲུབ་བྱུང་བར་ཁོང་ལ་ལོ་རྒྱུས་དང་མི་ཆོས་ཀྱི་ཐོག་ནས་འགན་ཡོད་པ་རེད། སོང་ཙང་བོད་ཀྱི་རྩ་དོན་ཐད་བོད་མིའི་འདོད་བློ་གཙོ་བོར་འཛིན་དགོས་པ་ལས་ཁོང་གི་དགོངས་པ་གཙོ་བོར་བཟུང་ན་འགྲིག་གི་མ་རེད། ངས་ད་སྔ་དེ་ལྟར་འཛིན་གི་འདུག་ཅེས་ལབ་པ་མིན། མ་འོངས་པར་དེ་ལྟར་གནང་མི་སྲིད་པ་མ་རེད་ལ། ལྷག་པར་དུ་དབུ་མའི་ལམ་ལ་འགྱུར་བ་གཏོང་སྐབས་དེ་ལྟར་གནང་མི་སྲིད་མ་རེད།
གསུམ། ༼བོད་རྒྱ་ཞི་མོལ་༽དང་༼གཉིས་ཕན་དབུ་མའི་ལམ་༽ཟེར་བ་དེ་ཚོ་གནའ་སྒྲུང་ཆགས་གྲབ་ཡོད་པ་རེད། མི་འགྱངས་པར་ང་ཚོས་སྒྲུང་གསར་པ་ཞིག་གི་འགོ་འཛུགས་དགོས་རྒྱུ་ཡོད་པ་རེད། སྐབས་དེར་ང་ཚོས་སྔོན་མ་ནང་བཞིན་༼༧གོང་ས་མཆོག་མཁྱེན་༽ཟེར་ནས་བསྡད་ན་འགྲིག་གི་ཡོད་པ་མ་རེད། འདི་ང་ཚོའི་དད་པ་མ་རེད་། དེ་ང་ཚོའི་ལེ་ལོ་རེད།
ཨ་འབྲུག་དཀོན་མཆོག་ཁྱེད་རང་གི་རང་མིང་དངོས་གནས་དེ་ཁྱེད་རང་གིས་འགྲེམ་སྤེལ་བྱས་པའི་རྩོམ་ཡིག་དང་མཉམ་དུ་འགོད་ཐུབ་པ་དེ་ཡང་ཡིད་སྨོན་བྱ་འོས་པ་ཞིག་ཏུ་འཁུམ། ཁྱེད་ཀྱི་རུས་མིང་ལ་ཨ་འབྲུག་ཅེས་པ་དེ་ཆུ་སྒང་དྲག་རྒོལ་པའི་མགོ་གཙོ་ཨ་འབྲུག་མགོན་པོ་བཀྲ་ཤིས་ཀྱི་ཁྱིམ་མིང་དེ་དང་འབྲེལ་བ་འདྲ་ཡོད་རེད་དམ། འདི་རྩོམ་པ་པོ་ཁྱེད་སྒེར་ངོས་ལ་གླེང་བ་ཞིག་ལས་གཞན་མིན།
ང་ཚོས་༧རྒྱལ་བ་རིན་པོའི་ཆེའི་སྒང་ལ་གནོན་ཤུགས་རྐྱང་སྤྲད་ནས་མ་བསྡད་པར། ང་ཚོའི་རང་གི་མངོན་འདོད་དང་ཐབས་ལམ་གང་ཡིན་པ་མང་མོས་ཐག་གཅོད་བྱས་རྗེས། བོད་མི་རིགས་ཀྱི་མངོན་འདོད་དང་ཐབས་ལམ་འདི་ཡིན། དེའི་ཐོག་ལ་རྒྱལ་བ་རིན་པོ་ཆེའང་མཉམ་ཕེབས་དང་མགོན་སྐྱབས་གནང་རོགས་ཞེས་ཞུ་དགོས་སྙམ། བོད་རྒྱལ་ཁབ་ཀྱི་སྣེ་ཁྲིད་པ་བོད་མི་རང་བྱེད་དགོས་པ་ལས། རང་ཉིད་ཀྱིས་ནུས་པ་དང་བསམ་ཚུལ་གང་ཡང་འདོན་མི་ཐུབ་པར། རང་ཉིད་ཕྱི་རྒྱལ་གྱི་ཆབ་སྲིད་མཉམ་ཞིབ་པ་ཞིག་དང་འདྲ་བར་༧གོང་ས་མཆོག་གི་སྐོར་ལ་བསམ་ཚུལ་རྐྱང་བཏོན་ནས་བསྡད་ན་ནོར་འཁྲུལ་རེད། དྲག་པོའི་ཐབས་ལམ་ལ་ནམ་ཡང་རྒྱབ་སྐྱོར་གནང་མི་སྲིད་པ་ལས། དེ་མིན་བོད་མི་ཚོས་མཐའ་གཅིག་དུ་བོད་རང་བཙན་ཁོ་ན་རྩོད་ཀྱི་ཡིན་ཞེས་ཐག་བཅད་ན་ཁོང་གིས་དེ་འགྲིག་གི་མ་རེད། དེ་འདྲ་ཡིན་ན་ང་རྒན་ཡོལ་ལ་ཕེབས་རྒྱུ། ངས་རོགས་པ་ཡང་གནང་མི་ཐུབ་གསུངས་མི་སྲིད།
རྒྱལ་བ་རིན་པོས་གང་གནང་བ་དེ་ཡག་ཤོས་དང་དེ་ལས་ལྷག་ཡོད་པ་མ་རེད་ཟེར་བ་ནི་རྨོངས་དད་ཀྱི་སྲིད་དོན་འཐབ་རྩོད་ཅིག་ཡིན་པས་ནོར་འཁྲུལ་ཆེ། བོད་མི་ཚོས་རང་གི་རེ་བ་ཐད་ཀར་རྒྱལ་བ་རིན་པོ་དང་རྒྱ་ནག་གཉིས་ཀར་བཤོད་ཐུང་ཀྱི་མི་འདུག་སྙམ། བོད་མི་ཚོས་རང་གི་ཐོབ་ཐང་༧རྒྱལ་རིན་པོ་ཆེ་བརྒྱུད་ནས་མ་གཏོགས་ཐད་ཀར་རྒྱ་ནག་ལ་རྩོད་ཐུབ་ཀྱི་མེད་པ་དེ་ནོར་འདུག་སྙམ། གཙོ་བོ་བོད་ནང་ན་པཎ་ཆེན་རིན་པོ་ཆེ་དང་འདྲ་བའི་བོད་མའི་དབུ་ཁྲིད་དཔའ་བོ་མེད་པའི་ཕམ་ཁ་ཆེན་པོ་ཕོག་ཡོད། མདོ་དོན་བོད་ནང་གི་དབུ་ཁྲིད་དང་ཤེས་ཡོན་པ་ཚོས་མི་རིགས་ཀྱི་དོན་དུ་གཏོང་ཕོད་ཆུང་དྲགས་འདུག་སྙམ།
བོད་ནང་གི་གྲ་བཙུན་དང་ཤེས་ཡོན་མེད་པའི་བོད་མི་མང་ཚོགས་ཀྱིས་སྲོག་བཏང་ནས་བོད་དོན་རྩོད་ཀྱི་ཡོད་ཀྱང་། དེ་ལ་ལན་བརྒྱག་མཁན་ནི་དམག་མི་གཅིག་པོ་ལས་ཡོང་གི་མེད་སྟབས་ཡང་ནས་བསྐྱར་དུ་ཕམ་འགྲོ་གི་ཡོད་པ་མཐོང་གསལ་རེད།
མདོ་དོན་བོད་ནང་གི་དབུ་ཁྲིད་དང་ཤེས་ཡོན་ཅན་ཕལ་ཆེ་བས་རྒྱ་གཞུང་ལ་བསྟུན་མཁས་བྱས་ནས་ཁུ་སིམ་སིམ་དུ་བསྡོད་པ་དང་། ཕྱིའི་བོད་མི་ཚོས་རྒྱལ་རིན་པོ་ཆེ་གཅིག་པོ་ལ་གནོན་ཤུགས་སྤྲད་ནས་བོད་རང་བཙན་ལོངས་ཤོག་ཟེར་ནས་སླ་བཅོས་ཁོ་ན་བྱེད་ཀྱི་འདུག་་་་་་་་་་་་་་་་་་་་་་་་་་་་་་་་་་་་་གུང་ཟས་ཟ་ཞོར་ལ་རབ་རིབ་ཅིག་ལས་འབྲི་མ་ནུས། བྱུང་ན་དོ་ནུབ་ཡག་ཙམ་གླེང་རེ་ཡོད།
སྐུ་ཞབས་སྤོབས་པ། སྐད་རྒྱག་ཕོད་ས་ཞིག་ཏུ་གདོང་སྟོན་ཕོད་དགོས་པ་དེ་ཡང་ང་ཚོ་ལམ་ལ་ཆས་སྟངས་ཞིག་མ་རེད་དམ། རེད་དེ་དྲང་མོ་བཤད་ན་གདོང་བསྟན་དེ་བཤད་མི་ཐུབ་པ་འགའ་རེ་ཡང་འདུག འོན་ཀྱང་དེ་གཉིས་ལས་ངས་ད་དུང་སྔ་མ་དེ་བདམས་ཡོད། དེ་བཞིན་དུ་ངའི་མིང་གི་སྐོར་ལ་ཁྱེད་ཀྱི་སྐད་ཆ་ཞིག་དྲིས་འདུག ངའི་མིང་འདི་ལི་ཐང་ཨ་འབྲུག་ཚང་གི་ཁྱིམ་རྒྱུད་དང་འབྲེལ་བ་གང་ཡང་ཡོད་པ་མ་རེད། ངའི་ཕ་ཡུལ་མདོ་སྨད་རེད། ངའི་ཁྱད་མིང་འདི་ང་རང་འབྲི་རྩོམ་གྱི་ལམ་ལ་ཐོག་མར་ཞུགས་པའི་སྐབས་ནས་བེད་སྤྱོད་བྱས་པ་ཡིན། འདིའི་ཐད་ང་རང་གི་སེམས་ནང་རྒྱུ་མཚན་གཉིས་ཡོད་ཀྱང་གཅིག་ཆེ་དྲགས་པ་དང་གཅིག་ཆུང་དྲགས་པས་དངོས་སུ་བཤད་རྒྱུ་བདེ་བོ་མི་འདུག་དགོངས་དག།
སྐུ་ཞབས། ཁྱེད་ཀྱིས་༸རྒྱལ་བ་རིན་པོ་ཆེ་ལ་ཡིད་ཆེས་དང་ཁོང་གི་དགོངས་དོན་ལ་མོས་མཐུན་བྱེད་མཁན་ཚང་མ་རྨོངས་དད་ཅན་རྐྱང་རྐྱང་རེད་ཅེས་བཤད་ན་བཤད་མཁན་རང་ཉིད་ཀྱི་བློ་མིག་ལ་ཡང་བརྟག་དཔྱད་བྱེད་དགོས་པ་འགྱུར་རྒྱུ་རེད་དཱ། རྒྱལ་བ་རིན་པོ་ཆེ་ཞེས་སྨོས་ཀྱང་ཆོག་གི། དགེ་སློང་བསྟན་འཛིན་རྒྱ་མཚོ་ཞེས་སྨྲས་ཀྱང་འགྲིག་གི། གང་ལྟ་ཁོང་གི་སྐྱེས་སྦྱང་དང་ཉམས་མྱོང་གི་མཐོང་རྒྱ་དེ་འཛམ་གླིང་རང་བཞིན་གྱི་དཔེ་ཚད་ཞིག་ཏུ་གྱུར་ཡོད་པ་དེའི་རྒྱབ་ལྗོངས་རྨོངས་དད་ལ་ཐུག་ཡོད་པ་རེད་ཅེས་བཤད་རྒྱུ་ཡིན་ནམ། ངས་ཁྱེད་ཅག་ལ་འདྲི། རྒྱལ་བ་རིན་པོ་ཆེས་དགོངས་པ་འདི་ལྟར་བཞེས་དགོས་དེ་ཁོང་གིས་བོད་མི་མང་གི་མངོན་འདོད་མ་ཤེས་པའི་དབང་གིས་རེད་དམ། ཁྱེད་ཅག་གིས་བོད་མི་མང་གི་མངོན་འདོད་གསལ་སྟོན་བྱས་ནས་རྒྱལ་བ་རིན་པོ་ཆེའི་དགོངས་གཞི་སྒྱུར་ཐབས་བྱེད་དགོས་ཚུལ་བཤད་ཀྱི་ཡོད་པ་འདྲ། ཁྱེད་ཅག་གིས་དངོས་གནས་རྒྱལ་བ་རིན་པོ་ཆེའི་འོག་ནས་ང་ཚོའི་ཐོབ་ཐང་ཞིག་རྩོད་དགོས་པ་མཐོང་གི་ཡོད་པ་རེད་དམ། ད་དུང་འདྲི། རྒྱལ་བ་རིན་པོ་ཆེས་བོད་མི་མང་གི་དབུ་ཁྲིད་དགོས་ཀྱི་འདུག་ཟེར་གྱི་ཡོད་པ་རེད་དམ་བོད་མི་མང་གིས་རྒྱལ་བ་རིན་པོ་ཆེའི་མགོ་ཁྲིད་བྱེད་དགོས་ཀྱི་འདུག་ཟེར་གྱི་ཡོད་པ་རེད། གནས་ཚུལ་འདི་དག་ཆོས་ཕྱོགས་ཀྱི་བླ་མ་དང་དད་པའི་སྐད་ཆ་མ་རེད། སྐད་སྒྲ་བར་སྣང་ནས་བཏོན་ན་ཆོག་ཀྱང་གོམ་པ་ས་སྟེང་ནས་སྤོ་དགོས་པ་དེ་བརྗེད་ཉན་ནི་མ་རེད། སྤྱིར་བཏང་གི་ཡིད་ཆེས་ནི་རྨོངས་དད་མ་ཟད་དད་པ་དང་ཡང་འབྲེལ་བ་མེད་པའི་སྟེང་ནས་ཡོང་ཆོག་གི་རེད། བོད་མི་
ཚོས་རྒྱལ་བ་རིན་པོ་
ཆེ་ལ་ཡིད་ཆེས་བྱེད་སྟངས་དེ་རྨོངས་དད་དང་འབྲེལ་ཡོད་པ་ངས་ཀྱང་ཤེས་ཀྱི་ཡོད། འོན་ཀྱང་རྒྱལ་བ་རིན་པོ་ཆེ་ལ་རྨོངས་དད་མི་བྱེད་པ་དེ་ཡིད་ཆེས་ཀྱང་མི་བྱེད་པའི་གོ་དོན་དུ་གཏན་ནས་འཁྲུལ་མི་རུང་བར་འདུག་བསམ་གི། དགུན་འཁྱགས་འདིའི་ནང་དུ་ང་ཚོ་གཅེར་བུ་ཡིན་པའི་རྒྱུ་མཚན་གྱིས་ཤིག་དང་སློག་པ་མཉམ་གཡུག་བྱེད་ཐབས་ཡོད་པ་མ་རེད། དྲང་མོ་བཤད་ན་ངོ་གདོང་མི་མཐོང་བའི་མི་རྣམས་དང་མཉམ་དུ་སྐད་ཆ་བཤད་རྒྱུ་ཅུང་དཀའ་མོ་འདུག ཡིན་ནའང་རྩ་བའི་ཆ་ནས་མི་སུ་ལའང་གནས་སྟངས་ཤེས་རྟོགས་ཀྱི་བསམ་བློའི་ནུས་པ་དང༌། དེ་མཐུན་གྱི་ལྟ་སྟངས་འཛིན་ཐུབ་པའི་གཞི་རྩའི་སྤྱོད་ཚུལ་ཞིག་ཡོད་པ་ངའི་ཡིད་ཆེས་བྱེད་ཀྱི་ཡོད། ལྷག་པར་དུ་ཡང་ང་ཚོས་གཟབ་དགོས་པ་ཞིག་ལ་རྨོངས་པ་དང་ང་རྒྱལ་གཉིས་གཞི་གཅིག་ཏུ་འདྲེས་དུས་ང་ཚོའི་ནོར་འཁྲུལ་ཅན་གྱི་སྐད་ཆ་བཤད་ངེས་རེད། དེའི་ཕྱིར་ཁེངས་སྐྱུངས་དང་དཔྱད་ཞིབ་ཆ་མཉམ་པའི་ཐོག་ནས་སུས་ཀྱང་སྐད་ཆ་བཤད་རྒྱུའི་རེ་བ་དང་ཡིད་ཆེས་བྱེད་བཞིན་ཡོད།
ཨ་འབྲུག་དཀོན་མཆོག། ངས་ཀྱང་དེ་དེ་བཞིན་དུ་འདོད་དོ། གཅིག་ནས་སྐད་ཆ་ཤོད་སའི་བོད་མི་འདི་ཚོ་སྒྲོ་སྐུར་ཟུར་ཟ་ལ་དགའ་དྲགས་པ་དང་གཉིས་ནས་སྐད་ཆ་ཤོད་མཁན་གྱི་ངོས་ནས་ཀྱང་ཚང་མ་ཁྱོད་ལྟ་བུའི་པདྨ་དཀར་པོ་ལྟ་བུ་ཤ་སྟག་མིན་པར་དཀར་ནག་གི་ཆ་བརྒྱ་ཆ་ལྔ་བཅུ་ལྔ་བཅུ་ཡིན་པར་བརྟེན་སྐབས་མང་པོ་ཞིག་གདོང་པ་སྟོན་པའི་སྤོབས་པ་བརླགས་པ་མ་རེད་དམ། དཔེར་མཚོན་གསལ་པོ་ཞིག་ནི་ཉེ་ཆར་དྲྭ་རྒྱ་འདི་ཁོ་ནའི་སྟེང་ནས་ཀྱང་༸ཐྲྤཀླུ་སྨྱོན་ཧེ་རུ་ཀ་ལ་ཚད་ལས་བརྒལ་བའི་སྒྲོ་སྐུར་བྱེད་སྟངས་ལས་ཤེས་ནུས། སྐྱེས་བུ་ཕལ་མོ་ཆེ་ནི་སྐྱོན་བརྗོད་དེ་ལྟ་བུ་ཞིག་ལ་བཟོད་བསྲན་བྱེད་པའི་སྙིང་སྟོབས་ག་ལ་ཡོད།
ཨ་འབྲུག མཁས་པས་གནམ་གི་སྐར་མ་མཛུབ་སྟོན་བྱེད་སྐབས། གླེན་པས་མཛུབ་མོའི་རྩེ་ལ་ལྟ་ཞེས་པའི་དཔེ་དེར་བསམ་བློ་ཐོངས།
མི་ཁ་ཤས་ཀྱིས་ཡེ་ཤེས་བསྟོད་༼བོད་ཀྱི་ཆོས་ལུགས་ཐམས་ཅད་དང་གནའ་དེང་གི་རིག་གནས་ལ་མཁས་རབས། མ་བསླབ་ཤེས་འགྲོ་མཁན་ཞིག་ཡོད་ན་གང་ཤེས་མ་གཏོགས་བདེན་པ་མིན༽ནས་དགུང་ལ་བཞག་སོང་། མང་བོས་དམོད་ནས་ས་ལ་དྲུད་ཐལ། གྲངས་ཀ%འདི་རེད། བསྟོད་པ་ཐེག་ཐུབ་ས་ནས་དམོད་པ་ཡང་ཐེག་ཐུབ་ལོས་དགོས།