བསེ་རུ།
———-
ངའི་ལང་ཚོའི་མཛེས་སྡུག་ཡོད་ཚད་ཁྱོད་ཀྱི་དྲིན།
རྩམ་པ།
བཙན་པོའི་རྒྱལ་ཐབས་ཀྱི་གཞི་མ།
ཡར་ཀླུང་གི་དབྱིག་འཛིན་ན།
ལུས་སེམས་ཀྱི་ནུས་སྟོབས་ཆེས་ཆེར་འཕེལ།
ས་བརྐོ་རྡོ་སློག་གི་ངལ་བའི་ཁྲོད།
ཞིང་ས་གཤིན་པོ་བ་རས་ཞིང་ཐང་ན།
གདོང་དམར་བོད་པ་ཚང་གི་རྣམ་ཤེས་ཐིམ།
དུས་དེ་ནས།
ནས་གྲོ་སྲན་མ་ལ་སོགས་པའི་སོན་རྩ།
ཡར་ཆབ་སྔོན་མོས་བརླན་པར་བྱས།
དུས་དེ་ནས། ཡར་ཀླུང་གི་གཞུང་རྒྱུད་ན།
ལོ་ཡག་གི་སྙེ་མ་ལྡེམ། ལྗང་མདོག་གི་ས་གཞིར་གྱུར།
དུས་དེ་ནས། ཡར་ཀླུང་གཞུང་རྒྱུད་ན།
རྩམ་གཟན་གདོང་དམར་བོད་པ་ཞེས་པ་གླེང་འགོ་ཚུགས།
རྩམ་པ། ངའི་ཚེ་སྲོག་གི་འབྱུང་ཁུངས་དང་ཚེ་སྲོག་གི་གཞི་རྟེན་ཉག་ཅིག
རྩམ་པ། རྩམ་གཟན་གདོང་དམར་ཚོའི་ཆེས་ཐོག་མའི་ཟས་མཆོག
རྩམ་པ། ཁ་བ་རི་པ་ཚོོའི་ཆེས་མཐའ་མའི་རྣམ་ཤེས་ཐིམ་སའི་ཟས་མཆོག
རྩམ་པ། རྩམ་པ། རྩམ་པ།
ཁྱོད་དང་འདི་ལྟར་ཁ་གྱེས་ཀྱང་།
ངའི་ཚེ་སྲོག་མི་འཇིག་པར་ད་དུང་འདི་ལྟར་འཚོ་སྐབས།
བཅོས་མའི་ཟས་རིགས་ཀྱིས་ངའི་ལང་ཚོ་འདི་ལྟར་རྒས་སྐབས།
ལྷད་མེད་པའི་སྦྲང་དཀར་རྩམ་པ་ཁྱོད་ཁོ་ན་དྲན།
ངས་སླར་ཡང་དམངས་ཁྲོད་ཀྱི་གཏམ་དཔེ་ཞིག་ཀྱང་དྲན།
ཉི་མ་རིང་དུ་རིང་དུ། རྩམ་པ་ཞིམ་དུ་ཞིམ་དུ།
རྩམ་པ། རྩམ་པ། རྩམ་པ།
ངོ་ནས་ཡག་པོ་བྲིས་འདུག་།
རྩམ་པ་ཞིམ་པ་སྔ་ནས་བརྗེད་ཚར་བས།།
རྩམ་དྲི་བྲོ་ན་སྣང་བ་མི་སྟེར་བས།།
རྩམ་གཟན་ཟེར་ནས་སྨོན་སའི་བོད་པ་དག།
རྩམ་དྲི་བརྗེད་ནས་གཞན་རིགས་ཟས་ལ་དུངས།།
བསེ་རུ་ལགས། དུས་ཚོད་འདི་འདྲ་ཞིག་ལ་རྩམ་པ་ཟ་མ་མྱོང་བའི་བོད་རྩམ་གཟན་ཚང་གི་རྒྱུད་པ་ཆེས་མང་བོ་ཞིག་འཚར་ལོངས་བྱུང་བཞིན་ཡོད་པ་དག་གིས། རང་གི་ཕ་མེས་ཡང་མེས་ནས་བརྒྱུད་དེ་འོང་བའི་རྩམ་པ་ཞིག་ཟ་མྱོང་རྒྱུ་ཕར་ཞོག རྩམ་དྲི་ཙམ་ལ་བསྣོམ་མྱོང་མེད་མཁན་དེ་ཚོ་རིག་དུས། སྐུ་ཉིད་ཀྱི་ཤ་གསེང་དུ་རུས་གསེང་ལ་ན་ཟུག་རེ་ཡོང་གི་འདུག་གམ་ལགས།
ཇག་པ་བྱང་སེམས་ཅན།
མི་ཟེར་བ་འདིས་ཇག་པ་ཟེར་ནས་མིང་དེ་གོ་མ་ཐག དེ་ནི་མི་གསོད་ཁོ་ན་ལས་གང་ཡང་མི་ཤེས་མཁན་ཞིག་དུ་བརྩི་བཞིན་ཡོད་ལ། ཇག་པ་ཟེར་དུས་དེ་ཡི་རྒྱུད་དུ་སྙིང་རྗེ་ཟེར་བའི་ས་བོན་ཞིག་ཀྱང་མེད་པར་འདོད་མཁན་གྱི་དུས་རབས་འདིའི་ནང་དུ། ཇག་པ་ཟེར་དུས་དེ་ནི་ཆུང་ས་ཁྱིམ་ཚང་དང་ཆེ་ས་རྒྱལ་ཁབ་ཀྱི་དབུ་ཁྲིད་བཅས་ནས་ངོ་རྒོལ་བྱེད་ཡུལ་ཞིག་དུ་གྱུར་ཡོད་པ་རེད།
དུས་རབས་འདིའི་མགོ་དང་དུས་རབས་སྔ་མ་མང་བོ་ཞིག་གི་ནང་དུ་བྱུང་མྱོང་བའི་ཇག་སྒྲུང་མང་བོ་ཞིག་ལ་ཞིབ་དུ་བརྟག་དུས། ཇག་པ་མི་ཉུང་བ་ཞིག་གི་ཤུལ་རྗེས་ནས་ང་ཚོ་ལ་གསལ་འདེབས་གསལ་བོ་ཞིག་བྱེད་པ་དེ་ནི། ཇག་པའི་མིང་འོག་ན་འཚོ་བའི་མི་དེ་དག་གི་འཚོ་བའི་རྒྱུད་རིམ་གྱི་གོད་ཆག་དངོས་དེ་བྱུང་འགོ་བརྩམ་པའི་རྒྱུད་རིམ་དེ་ཡིན།
ཇག་པ་ཟེར་བ་འདི་ནི་མི་དེ་སྐྱེ་མ་ཐག་ནས་ཇག་པ་ཟེར་བའི་མིང་དེ་དང་ལྷན་དུ་སྐྱེ་མེད་ལ། ད་དུང་འཚར་ལོངས་བྱུང་ཡུལ་གྱི་ཁོར་ཡུག་དེ་རུ་ཇག་པ་འདུག་སའི་ཁོར་ཡུག་ཟེར་ནས་གཏན་འཁེལ་བྱས་པ་ཞིག་ཀྱང་གཏན་ནས་མིན། དེ་ན་ཇག་པ་དེ་དག་བྱུང་རབས་ནི། མཐོ་ས་དང་དམའ་ས་སྤྲང་བོ་ཚུན་ནས་བྱུང་ཡོད་པ་དེ་ཡིན།
ཇག་པ་དེ་དག་གིས་རང་རང་གི་དྲང་བདེན་གྱི་འཚོ་བ་རོལ་སྟངས་དེ་ནི། འཇིག་རྟེན་འདིའི་སྟེང་གི་སྐྱེ་བོ་སྒེར་གཅོད་པ་ཆེས་མི་ཉུང་བ་ཞིག་གིས་བཟོས་པའི་ཁྲིམས་དང་སྒྲིག་ལམ་ཟེར་བ་ཞིག་བཟོས་པ་ནས་བྱུང་འགོ་བཙུགས་པ་དེ་ཡིན།
ཁྲིམས་དང་སྒྲིག་ལམ་བཟོ་མཁན་གྱི་མི་དེ་དག་ནི་ཇག་པ་བསྐྱེད་སྲུང་བྱེད་སའི་ཁོར་ཡུག་གི་ལྟེ་བ་ཆགས་པ་རེད། དེ་ལྟར་ཆགས་དགོས་པའི་རྒྱུ་རྐྱེན་གཙོ་བོ་ནི། ཁྲིམས་དང་སྒྲིག་ལམ་བཟོ་མཁན་གྱི་མི་དེ་དག་གི་རང་གི་ཁེ་ཕན་ལས་ཁྲིམས་དང་སྒྲིག་གཞི་ལྟར། དེ་ཡི་རྒྱབ་ལྗོངས་ཀྱི་དྲང་བདེན་ཟེར་བའི་ཐ་སྙད། མིའི་རིགས་ལ་ཆེས་མཁོ་བའི་མིང་ཚིག་དེ་ལ་བདག་གཅེས་བྱེད་སྟངས་ནོར་བ་ནས་ཇག་པའི་ལམ་ཕྲན་འདི་བྱུང་བ་ཡིན།
ཇག་པ་རེ་ཟུང་ཞིག་དེ་དག་གི་བཟོས་པའི་ཁྲིམས་དང་སྒྲིག་ལམ་ཁྲོད་དུ། ཇག་པའི་མིང་དང་ལྟ་ཚུལ་ངན་པ་མེད་པར། ཇག་པ་ལས་ཀྱང་གདུག་རྩུབ་ཆེ་བ་དང་ཇག་པ་ལས་ཀྱང་གཡོ་སྒྱུ་ཆེ་སྟབས། ཇག་པ་ཟེར་བའི་མིང་གི་ཐ་སྙད་འདི་བྱུང་དུ་བཅུགས་པ་ཡིན་ལ། ཇག་པ་དེ་དག་གིས་རང་གི་ཉེ་དུ་དང་རང་གི་མི་སྡེ་ཡི་ཆེད་དུ་རང་གི་ཚེ་སྲོག་འདི་ཡང་དྲང་བདེན་ཞེས་པའི་མིང་ཚིག་དེ་ཡི་འོག་དུ་ཤི་རྒྱུར་དམ་བཅའ་བཞག་པ་ཡིན།
དམ་བཅའ་དེ་དག་ནི་ཁྲིམས་དང་སྒྲིག་ལམ་ལས་འགལ་ཡོད་དུས། ཇག་པ་ཟེར་བའི་མིང་ཚིག་འདི་སུ་ལ་ཐོག་ན། ཉིན་མོ་དེ་ནས་བཟུང་མི་དེ་ཡི་རིགས་ནི་འཛམ་གླིང་འདིའི་ཁོར་ཡུག་གང་ནས་ངོ་རྒོལ་བྱེད་ཡུལ་དུ་གྱུར་ཡོད་པ་རེད། འོན་ཀྱང་། ཇག་པ་ལ་ཀུ་ཡངས་དང་ཇག་པ་ལ་རྒྱབ་སྐྱོར་བྱེད་མཁན་དེ་དག་ཡང་། ཇག་པ་དང་འདྲ་མཚུངས་ཀྱི་ཉེས་ཆད་གཅོད་ཀྱི་ཡོད་པ་དེ་ཡིན།
དོན་དངོས་ཐོག ཁྲིམས་དང་སྒྲིག་ལམ་བཟོ་མཁན་དེ་དག་ནི་ལག་ལེན་མེད་པའི་སྒེར་གཅོད་པ་ཤ་སྟག་ཡིན་སྟབས། ཇག་པའི་མིང་ཡོད་མཁན་དེ་དག་ལས་ཀྱང་། ཆེས་འཇིགས་སུ་རུང་བ་དེ་ཡིན་དུས། ཉེས་མིང་འོག་གི་ཇག་པ་དེ་དག་གིས་རང་གི་ཚེ་སྲོག་དེ་ཡང་བདེན་སྟོབས་ཀྱི་ཆེད་དུ་འབུལ་རྒྱུར་དམ་བཅའ་བཞག་པ་ལྟར། ཁྲིམས་དང་སྒྲིག་ལམ་བཟོ་མཁན་དེ་དག་ལ་དེ་འདྲའི་ཆོད་སེམས་ཤིག་གཏན་ནས་མེད་པ་རེད།
དེ་ཡི་སྟབས་ཀྱི་ཇག་པ་དེ་དག་གིས་རང་ཉིད་བློས་གཏོང་དང་རང་ལས་གཞན་གཅེས་ཀྱི་དམ་བཅའ་བཞག་ནས་ལས་ཀ་བྱེད་ཀྱི་ཡོད་མཁན་གང་ན་སུ་ཡོད་པ་དེ་དག་གི་མིང་ལ་ངས་དེ་རིང་འདི་ནས་ཇག་པ་བྱང་སེམས་ཅན་ཟེར་ནས་འབོད་ན་འདོད་སོང་། གཅིག་བྱས་ན། མི་ཁ་ཤས་ཀྱི་ང་རང་གི་སྐད་ཆ་འདིར་འཕྱ་དམོད་བྱེད་ཁོ་ཐག་ཡིན། འོན་ཀྱང་། ང་ལ་ནམ་ཡང་འཕྱ་དམོད་བྱེད་མཁན་སུ་ཞིག་ཡོད་ཀྱང་། ངས་དེ་ལ་རྒོལ་འདོད་གཏན་ནས་མེད། ངས་ཀྱང་ཇག་པ་ལྟ་བའི་ཆོད་སེམས་དང་དམ་བཅའ་དེ་འདྲ་བཞག་ཡོད་པ་ཡིན་ན། མ་མཐའ་རང་གི་དམ་བཅའ་དེ་ཤོར་མེད་ངེས་ཡིན།
དགེ་འདུན་རབ་གསལ་ལགས། འདི་དྲ་ཐོག་དུ་འགོད་རོགས་ཞུ། འོན་ཀྱང་། སྐུ་ཉིད་ནས་འགོད་རན་མེད་པ་ཞིག་དུ་མཐོང་ན། མ་བཀོད་ཀྱང་འཐུས་སོ་ལགས།
རེད།
བོད་ལྷ་ཀླུ་གཉན་གསུམ་ལགས། རྗེས་མ་ནས་རྩོམ་ཡིག་བསྐུར་སྐབས་ མཆན་གྱི་ཁོངས་སུ་མི་འགོད་པར་ཞུ། དེ་ལས་ཁ་བརྡ་ལ་འབྲེལ་བ་བྱེད་པ་ཞེས་པའི་ནང་གསལ་བའི་སྐྱེ་བོ་སུ་རུང་ལ་ཐད་ཀར་བསྐུར་འཐུས། ཐུགས་རྗེ་ཆེ།
ཀ་ར་བུ་རམ་ཟོས་ཀྱང་ཞིམ་སྣང་ཞིག་མ་ཚོལ།།
ཁ་བ་རི་བའི་ཟས་མཆོག་རྩམ་པ་ཡི་དྲི་མ།།
ག་པར་སོང་ཀྱང་སྣ་ནས་ཡལ་ཐབས་ཞིག་མེད་པ།།
ང་དང་འདྲ་བའི་གངས་ཕྲུག་ཚང་མ་ལ་གཅིག་གོ།
རྩམ་པ་ཕྱུར་ཞིབ་འདྲེས་མ། འབྲི་མར་སེར་པོས་ཁུ་བ་ལོ་བ་ཞིག་བྱས་ནས་བཟའ་འདོད།
སྦྲང་དཀར་རྩམ་པ་ཟ་ལ་ཨ་གསར་མེད།།
སྦྲང་དཀར་རྩམ་པ་འགྲོགས་ལ་སྐྱོ་སྣང་མེད།།
སྦྲང་དཀར་རྩམ་པ་ཟོས་པའི་གངས་ཕྲུག་རྣམས།།
སྦྲང་དཀར་རྩམ་པ་ལྟ་བུའི་སེམས་པ་དཀར།།