རྩམ་པའི་བྲོ་ཁ།

ཀུན་གྱིས་མཁྱེན་གསལ་ལྟར། མཚོ་ངོས་ལས་སྨིས་བརྒྱད་སྟོང་བརྒྱད་བརྒྱ་བཞི་བཅུ་ལྷག་ཡོད་པའི་རི་བོ་ཇོ་མོ་གླང་མར་རྒྱང་སྐྱོད་དང་རི་འཛེག་བྱེད་རྒྱུ་ནི་ལས་སླ་བོ་ཞིག་མིན་པར། རི་འཛེག་པ་རྣམས་ལ་མཚོན་ན། ལུས་པོའི་བདེ་ཐང་དང་། ལུས་རྩལ་སྦྱོང་བརྡར། གྱོན་གོས། ཡོ་བྱད། ད་དུང་དུས་ཚིགས་དང་གནམ་གཤིས་དྲོད་གྲང་རན་པོ་སོགས་རང་བྱུང་དང་མིས་བཟོས་མཐུན་རྐྱེན་འཛོམས་པོ་ཞིག་ཡོད་ཐོག་དེ་གར་རི་འཛེག་དང་གོམ་བགྲོད་བྱེད་པ་ཡིན། དེ་ཡང་ཕྱི་ལོ༡༩༩༠ལོའི་དགུན་ཁར་ང་རང་གློ་བུར་དུ་ཕ་ཡུལ་དང་ཁ་འབྲལ་དགོས་པའི་གནས་ཚུལ་ཞིག་དང་འཕྲད་པས། སྐབས་དེར་ལམ་ལ་ཆས་པར་ཨ་མའི་གྲ་སྒྲིག་ལ་སྒུག་ལོང་མེད་པར། རང་ཡུལ་གྱི་བོད་པ་སྤུན་ཟླ་སྐོར་ཞིག་དང་མཉམ་དུ་རྒྱབ་ལ་གྱོན་གོས་དཀྱུས་མ་དང་རྐང་ལ་རས་ལྷམ་མ་གཏོགས་མེད་པར་ཧི་མ་ལ་ཡའི་རི་རྒྱུད་ལ་ཕར་བརྒལ་པ་ཡིན། སྟབས་ལེགས་པ་ཞིག་ལ། དེ་དུས་ཨ་མས་ང་ལ་གནང་བ་ནི་ལམ་ཐག་རིང་པོར་བགྲོད་སྐབས་ཇ་མེད་ཆུ་མེད་ལ་་ཁ་རུ་ཟ་བདེ་ཞིང་ནུས་སྟོབས་ཆེ་བ་ཞིག་སྟེ་རྩམ་པའི་བྲོ་ཁ་འདི་རེད། སྲོལ་རྒྱུན་ལྟར་ན། རྩམ་པ་ནི་ཇ་ཚ་བོའི་ནང་མར་དང་ཕྱུར་བ་སོགས་བསྲེས་ནས་བརྫིས་ཏེ་ཟ་བ་ཡིན་མོད། འོན་ཀྱང་ཨ་མས་རྩམ་པའི་ནང་དུ་མར་ཕྱུར་ཕུད། རྒུན་འབྲུམ་སྐམ་པོ་དང་། གཞན་ཤིང་འབྲས་སྐམ་པོ་སྣ་མང་སྡེབ་སྦྱོར་བྱས་ནས་ཟ་ཆོག་པ་སྐྱི་ཁུག་གང་ང་ལ་སྤྲད་བྱུང་། ཨ་མས་ཆེད་དུ་བཟོས་པའི་རྩམ་པའི་བྲོ་ཁ་ཁོ་ནར་བརྟེན་ནས་ང་ཚོས་ཉིན་གྲངས་ཉེར་གཅིག་རིང་ལ་རྒྱང་བསྐྱོད་ཀྱིས་ཇོ་མོ་གླང་མ་ཕར་བརྒལ་ནས་བདེ་བླག་ངང་རྒྱ་གར་དུ་འབྱོར་ཐུབ་པ་བྱུང་། ལོ་ངོ་ཉི་ཤུ་ཕར་འདས་པའི་དེ་རིང་གི་ཉིན་མོར། ངས་ཨ་མའི་རྩམ་པའི་བྲོ་ཁ་སྡེབ་སྦྱོར་བྱེད་སྟངས་རང་ཏག་ཏག་བེད་སྤྱད་ནས་རྩམ་པའི་བྲོ་ཁ་འདི་བཟོས་པ་ཡིན། རྩམ་པའི་བྲོ་ཁ་འདིའི་ཕུང་བོ་ཆུང་ལ་བཅུད་ཆེ་སྟེ་དེའི་ནང་དུ་མིའི་ལུས་ཁམས་ལ་མཁོ་བའི་འཚོ་རྫས་སྣ་མང་འདུས་ཡོད། དེར་བརྟེན་བོད་ཀྱི་ཐུན་མིན་གྱི་ཟས་མཆོག་རྩམ་པའི་བྲོ་ཁ་མྱོང་འདོད་པ་རྣམས་ཀྱིས་གཤམ་གྱི་དྲ་ལམ་བརྒྱུད་ནས་མངག་ཉོ་གནང་རོགས་ཞུ། བོད་ཀྱི་རྩམ་པ་ནས།
www.tibetantsampa.com/shop