འབྲི་མཁན། དཔལ་ལྡན་རྒྱལ།
བོད་ནས་ཁུངས་ལྡན་གནས་ཚུལ་འབྱོར་བ་ལྟར་ན། གཞོན་སྐྱེས་རྩོམ་པ་པོ་ཐེའུ་རང་ངམ། བཀྲིས་རབ་བརྟན་ལགས་སུ་རྔ་བ་ཁུལ་འབྲིང་རིམ་མི་མང་ཁྲིམས་ཁང་གིས་ཟླ་བ་འདི་ཚེས་༢་ཉིན་ལོ་བཞིའི་ཁྲིམས་ཐག་བཅད་འདུག ཁྲིམས་བཤེར་སྐབས་ནང་མི་གཅིག་ཀྱང་ཁྲིམས་ཁང་ནང་ལ་ཡོང་དུ་བཅུག་མི་འདུག ཁོང་ནི་ནུབ་བྱང་མི་རིགས་སློབ་གྲ་ཆེན་མོའི་ནང་སློབ་གཉེར་བྱེད་བཞིན་པའི་སློབ་མ་ཞིག་ཡིན་ལ། ༼ཤར་དུང་རི་༽དུས་དེབ་ཀྱི་རྩོམ་སྒྲིག་པ་དང་། ༢༠༠༨ལོར་བོད་མི་མང་གིས་རྒྱ་ནག་གཞུང་ལ་ཞི་བའི་ངོ་རྒོལ་གྱི་ལས་འགུལ་སྤེལ་ཡོད་པའི་སྐོར་ལ་༼ཁྲག་ཡིག་༽ཞེས་པའི་དེབ་ཅིག་བརྩམས་ཡོད་པ་རེད། ༢༠༠༩ལོའི་ཟླ་བ་བདུན་པའི་ཚེས་༢༦ ཉིན་རྒྱ་ནག་བདེ་འཇགས་མི་སྣས་རྩོམ་པ་པོ་ཐེའུ་རང་ངམ། བཀྲིས་རབ་བརྟན་ལགས་འཛིན་བཟུང་བཀག་ཉར་གྱིས་ཟླ་གཅིག་རིང་འདྲི་བརྩད་བྱས་པ་རེད་ལ། དེ་ནས་༢༠༡༠ཟླ་བ་༤་བའི་ཚེས་བཞི་ཉིན་ནུབ་བྱང་མི་རིགས་སློབ་གྲ་ཆེན་ནས་ཁོང་འཛིན་བཟུང་བྱས་ནས་ལོ་གཅིག་ལྷག་རིང་ཁྲིམས་བཤེར་གང་ཡང་མ་བྱས་བར་བཀག་ཉར་བྱས་རྗེས་ཟླ་བ་འདིའི་ཚེས་༢་ཉིན་རྔ་བ་ཁུལ་འབྲིང་རིམ་མི་མང་ཁྲིམས་ཁང་གིས་ཁོང་ལ་ལོ་བཞིའི་ཁྲིམས་ཐག་བཅད་འདུག
ཐེའུ་རང་གློད་འདུག
གཞོན་སྐྱེས་རྩོམ་པ་པོ་ཞིག་འཛིན་བཟུང༌།
རྩོམ་པ་པོ་ཞིག་བོར་ཐལ།
ཕོ་ངར་བ་རེད། ཁོང་གི་ཚེ་སྲོག་ལ་བར་ཆད་མེད་པའི་སྨོན་ལམ།
ཨ་གནམ་ཀྱིས་སྲུང་རྒྱུ་བོ།
ང་ཚོ་བོད་མི་རིགས་ཀྱི་བདེ་སྡུག་ཆེད་ཡོད་ཚད་བློས་བཏང་བྱས་པས་
ན་གཞོན་རྩོམ་པ་པོ་ཁོང་གི་ལས་ཁམས་བདེ་ཐང་ངང་བཙོན་གྲོལ་ཡོང་
པའི་སྨོན་ལམ་སྙིང་ནས་ཞུ།།
རང་ཡུལ་ནས་ཁྱོད་ཚོས་དགྲ་བོའི་མདུན་དུ་ཐོན་ཏེ་ཁྲག་གི་འགྲོ་སོང་བཏང་ནས་བདེན་དོན་རྩོད། དཔའ་རྒོད་ཚོ་རྒྱལ་གྱུར་ཅིག རྒྱ་དམར་གྱི་བཙོན་ཁང་ནང་ཁྱེད་ཀྱི་སྐུ་ལུས་ལ་ཉེས་རྡུང་མེད་པར་བདེ་མོར་གནས་པར་ཤོག མ་འོངས་པའི་གངས་ཅན་པའི་ཆེད་ཁྱེད་ཉེ་བར་མཁོ། ང་ནི་བཙན་བྱོལ་བོད་མིའི་སྒྲིགས་འཛུགས་ནང་བདེན་པ་ཉིད་རྣམ་པར་རྒྱལ་གྱུར་ཅིག་ཅེས་མ་ཎི་བཞིན་བགྲངས་ནས་སྡོད་བཞིན་ཡོད།
ཨ་ཙི་ཙི། ངའི་སྙིང་གི་ཐེའུ་རང་། བོད་ཆེན་པོའི་དཔའ་བོ། ངོ་མ་ཁྱོད་ངར་གྱི། ཐེའུ་རང་རྒྱལ་ལོ། བདེན་པ་ཉིད་རྒྱལ་ལོ།
བསམ་ཤེས་ན་ཡག་པོ་རེད།
ལྷ་ཡི་སྐྱེལ་ཚལ་ལྟ་བུའི་གྲོང་ཁྱེར་ལ་ཞུགས་ཤིང་། །
ཞིམ་མངར་ཟས་ཀྱི་དགའ་སྟོན་འཛད་མེད་དུ་མངའ་ཡང་། །
གངས་ཅན་དཔའ་རྒོད་དག་ལ་བསམ་བློ་རེ་གཏོང་ན། །
བྱེས་འབྱོར་ཀླད་མེད་ང་ནི་ཤི་བོ་དང་འདྲ་འདུག །
ཁོང་བཙོན་ལས་ནད་མེད་ཚེ་རིང་ངང་ཡོང་བའི་སྨོན་ལམ་འདེབས་པ་དེ་ལེགས་པོ་རེད་ཡིན་ནའང་ཁོང་བཙོན་ཁང་དུ་རྒྱུ་མཚན་ཅིའི་ཕྱིར་འགྲོ་དགོས་བྱུང་པ་རེད། ཁོང་དང་ཁོང་ལྟ་བུའི་དཔའ་རྒོད་མང་པོ་ཞིག་གི་ཚེ་སྲོག་ཤོར་པ་དང་ད་སྐབས་བཙོན་དུ་ཚུད་པ་སོགས་མི་རིགས་ཞིག་གི་བདེན་དོན་གླེང་པ་དེ་མ་འགྲིག་པའི་དབང་གི་ཁོང་ཚོ་བཙོན་འོག་ཏུ་འགྲོ་དགོས་པ་བྱུང་པ་རེད། དེ་འདྲ་ཡིན་དུས་ང་ཚོས་ངེས་པར་དུ་རང་ནུས་གང་ཡོད་ཐོག་ནས་བོད་མི་རིགས་ཀྱི་སྐད་ཡིག་དང་རིགས་གཞུང་འདི་འཛམ་གླིང་ནང་གླེང་རིན་ཡོད་པ་ཞིག་བྱེད་རྒྱུ་དེ་འུ་ཚོས་ལས་འགན་རེད། རང་ཉིད་ནས་མགོ་རྩམ་དགོས་པ་གཙོ་བོ་ཡིན་དུས་བོད་མིའི་ཡ་རབས་ཀུན་སྤྱོད་སོགས་ལ་དོན་སྣང་བྱེད་མི་དགོས་པ་གཅིག་ཅིང་མེད་པ་ཡིན་དེ་འདྲ་ཡིན་ངེས་པར་དུ་གོང་གི་དཔའ་རྒོད་ཚོའི་ཆེད་དུ་ཡིན་རུང་འུ་ཚོས་འབད་དགོས་པ་ཞིག་ཡིན།