༄༅།། ཟླ་བ་འདིའི་ཚེས་༡དང་ཧོར་ཟླ་༡༡ཚེས་༢༠ཉིན་རྒྱ་ནག་གི་འབྲེལ་ཡོད་ཚན་པའི་མི་སྣ་མི་གློ་བུར་བོད་ནང་གི་གཞོན་སྐྱེས་རྩོམ་པ་པོ་མགར་རྩེ་འཇིགས་མེད་ལགས་ཀྱི་ཤག་ལ་འཛུལ་ནས། ནང་དང་རྩིས་འཁོར་སོགས་ཡོངས་སུ་སྔོག་བཤེར་བྱས་བ་དང་མཉམ་། ཁོ་དེ་མ་ཐག་གསང་སྟབས་ཀྱིས་ཁོང་གི་གྲ་ཤག་ནས་འཛིན་བཟུང་བཙན་ཁྲིད་བྱས་ཡོད་པ་དང་། དེ་ནི་ཁོང་གིས་ཕྱི་ལ་འདོན་སྤེལ་བྱས་མ་ཐག་པའི་བཙན་པོའི་སྙིང་སྟོབས་ཀྱི་དཔེ་དེབ་ནང་ཆབ་སྲིད་ཀྱི་དོགས་གཞི་ཡོད་ཚུལ་བཤད་བཞིན་པ་ལྟར་བཙན་པོའི་སྙིང་སྟོབས་ཀྱི་དཔེ་དེབ་ཡང་བཀག་བསྡོམས་དང་ཕྱིར་བསྡུ་བྱས་ཡོད་པ་འདུག། ད་ཆ་ཁོང་ཟི་ལིང་ན་བཀག་གཉེར་བྱས་བསྡད་ཡོད་པའི་བཤད་ཚུལ་ཙམ་ལས་གནས་སྟངས་གསལ་ཆ་མེད་པ་རེད།
མགར་རྩེ་འཇིག་མེད་ལགས་ནི་མདོ་སྨད་རེབ་གོང་མགར་རྩེ་ཤང་ཁོངས་ཀྱི་རྩེ་གཞུང་མགོན་ཤུལ་ཚོ་ཆེན་བཅུའི་ནང་ཚན་སྒར་བ་འཚོ་བ་རུ་སྐྱེས་ཤིང་། མགར་རྩེ་དགོན་པའི་དགེ་འདུན་པ་ཡིན་པར་ད་ལོ་དགུང་ལོ་༣༦་ཡིན་པ་རེད། ༡༩༩༩ནས་གསར་རྩོམ་གྱི་ལས་ལ་ཞུགས་ནས་རྩོམ་རིག་བྱ་དགའ་མི་ཉུང་བ་ཐོབ་ཡོད་ལ་སྐབས་དེར་ཁོང་གི་བརྩམས་ཆོས་ཐོག་མ སྤྱི་ཚོགས་སྟེང་དུ་བཀྲམ་པས་ཀློག་པོ་དག་གིས་དགའ་བསུ་ཐོབ། ད་དུང་ཚད་མ་དང་། ཕར་ཕྱིན་བཅས་ལ་སློབ་གཉེར་བྱས་ཏེ་ཕྱི་ལོ་༢༠༠༣ ལོར་ཕར་ཕྱིན་རབ་འབྱམས་པའི་དམ་བཅའ་བཞག དབུ་མ། མཛོད། འདུལ་བ་བཅས་གཞུང་ཆེན་ལྔ་ལ་སྦྱང་བ་མི་དམན་པ་བྱས། ད་ལྟ་རྩོམ་པ་པོ་མགར་རྩེ་འཇིགས་མེད་ལགས་ཁོང་དགུང་ལོ་སོ་དྲུག་སླེབས་ཡོད་པ་དང་ཕྱི་ལོ་ཉིས་སྟོང་བརྒྱད་ལོར་བོད་ཀྱི་འདས་མ་འོངས་ད་ལྟའི་བདེ་སྡུག་གསལ་བར་སྟོན་བྱེད་བཙན་པོའི་སྙིང་སྟོབས་ཞེས་པའི་དེབ་ཞིག་བཏོན་པ་ནས་རྒྱ་གཞུང་གིས་༢༠༡༡་ལོའི་ཟླ་བཞི་བར་ཁོང་ས་གནས་སྤྱི་བདེ་མི་སྣས་འཛིན་བཟུང་བྱས་མྱོང་བ་དང་། འདྲི་གཅོད་དང་དཀའ་ཁག་མི་ཉུང་བ་ཞིག་མྱང་ཡོད་འདུག་ཁོང་ནི་རྒྱུན་དུ་བོད་མི་རིགས་ཀྱི་ཆེད་དུ་ཡོད་ཚད་བློས་གཏོང་ཐུབ་པའི་སྐྱེས་བུ་ཞིག་ཡིན། ད་ཐེངས་བཏོན་པའི་བཙན་པོའི་སྙིང་སྟོབས་དེབ་ཕྲེང་གཉིས་བའི་ནང་བོད་མིའི་རང་ལུས་མེར་སྲེག་དང་། བཙན་བྱོལ་གཞུང་། གོང་ས་མཆོག་དང་། ཀུན་གཟིགས་པན་ཆེན་ཆོས་བརྒྱུད་བླ་ཆེན་ཁག་བོད་ཀྱི་ཐོབ་ཐང་དང་། ཞི་རྒོལ་བོད་ཀྱིས་ཁོར་ཡུག་དང་། གྲངས་ཉུང་མི་རིགས་དང་པེ་ཅིན་གཞུང་བར་གྱིས་སྐོར་སོགས་རེ་རེ་བཞིན་དོན་ཚན་ཉེར་ལྔའི་ལམ་ནས་གསལ་སྟོན་བྱས་ཡོད་འདུག
སྐད་འབོད་དེ་དག་ལ་དེ་ཙམ་གྱིས་དོ་སྣང་མེད་སྡད་ལྟ་བུར་
འདུག་ནའང་དེབ་རེ་ཙམ་ལ་ནན་མི་ཆགས་པ་གད་ཡིན་ནམ།
རྒྱ་རྒན་དེ་དག།
ཁ་ནང་ལ་ཐལ་རྒྱག་རྒྱུའི་རྒྱ་འདྲེ་དེ་ཚོའི་སྙིང་ཁྲོག་དྲོན་མོ་བཞུ་ཐུབ་ནིའི་ཡུལ་ལྷ་གཞི་བདག་འདྲ་ཡོད་ན་ཅི་མ་རུང་། ཨ་གནམ་རྒན་མ། ཉེས་ཅན་པ་འདི་ཚོ་ལ། ཉེས་ཆད་རེ་མི་གཅོད་པ་ཅི་ཡིན་ནམ།
ངས་རྩོམ་པ་པོ་ཁོང་གི་སྙིང་སྟོབས་དང་ལ་རྒྱ་ལ་རྗེས་སུ་ཡི་རང་བྱེད་བཞིན་ཡོད། ད་དུང་ཁོང་གི་བཙན་པོའི་སྙིང་སྟོབས་ཀྱི་དཔེ་དེབ་དེ་དག་རྩ་ཆེན་དང་དར་སྤེལ་བྱེད་རྒྱུ་ནི་ང་ཚོ་བོད་མི་ཚང་མའི་འོས་འགན་ཡང་ཆགས་ཡོད། སྤུན་ཟླ་རྣམ་པ་ཚོ། ཡིད་ལ་ཟུང་།
རྕོམ་པ་པོ་ཁོང་གི་བློ་སྟོབས་དང་ལ་རྒྱ་ལ་གུས་འདུད་ཡོད།
མཁས་དབང་རྣམས་ལ་ཞུ་རྒྱུ་ཞིག་ལ།
ངས་ཡིག་རྙིང་ཞིག་གི་ནང་བརྡ་མ་ཁྲོལ་བའི་ཚིག་༼ཟི་པོ་ལ་༽ཞེས་མཐོང་བས་ཡིག་སྐད་དང་ཡུལ་སྐད་གང་ཡིན་མཁྱེན་ཚེ་གསལ་སྟོན་གནང་རོག་ཐུགས་རྗེ་ཆེ།
ཡིག་རྙིང་གི་ལུང་འདྲེན་བཤམས་འོག་འདི་ཡིན།
ཕག་གྲུའི་སྤྱན་སྔར་མཇལ་བ་ལ་ཡོན་བདག་པས་བསྐུར་བའི་མང་ཤོས་ཟི་པོ་ལ་སྲང་བཅུ་བཞི། ཉིད་ཀྱིས་སྲང་བདུན་ཕུལ་བ་ལ་སྟག་ལུང་པ་ལ་འདི་སྒྲོ་བ་དེར་ཆུག་དངོས་གྲུབ་ལེན་དགོས་གསུང༌།
བོད་མི་ཚོས་བསྟེན་བསྟེན་བསྒྲུབ་བསྒྲུབ་པའི་ལྷ་སྲུང་མཐུ་རྩལ་ཆེ་ལ། འཕྲུན་ལས་མྱུར་བའི་ལྷ་སྲུང་དེ་ཚོར། དགོས་དུས་མཐུ་གཏོང་རྒྱུ་མེད་ལ། འཕྲུན་ལས་ལྟོན་རྒྱུ་མེད་པའི་སྷ་སྲུང་དེ་ཚོ།ས་མྱི་སྐྱག་རླངས་པ་ཁོལ་ཞིག་ཟོས། ཨ་ཕའི་རོ། གནས་ཅི་ཞིག་ཏུ་གབ་བསྡད་ཡོད་དམ། ཡུལ་གང་ཞིག་ཏུ་བྲོས་པ་ཡིན་ནམ།
ཁ་བོ་ནི་མྱུག་ཁ་དྲང་བདེན་གྱིས་འདྲེན་པའི་དཔའ་བོ་དེ་ངའི་རྩོམ་པ་པོ་དགའ་ཤོས་དེ་ཡིན། མྱུར་དུ་འཇིག་རྟེན་དུ་བྱོན་པར་སྨོན། མྱུར་དུ་གྲོལ་བར་སྨོན།
༥༽ ཀ་རྒྱལ་རྡོ་རྗེ་ནས།
སྤྱི་ལོ་ ༢༠༡༣ ཟླ་ ༡ ཚེས་ ༡༠ གི་ཆུ་ཚོད་ ༡༢ སྐར་མ་ ༤༣
མཁས་དབང་རྣམས་ལ་ཞུ་རྒྱུ་ཞིག་ལ།
ངས་ཡིག་རྙིང་ཞིག་གི་ནང་བརྡ་མ་ཁྲོལ་བའི་ཚིག་༼ཟི་པོ་ལ་༽ཞེས་མཐོང་བས་ཡིག་སྐད་དང་ཡུལ་སྐད་གང་ཡིན་མཁྱེན་ཚེ་གསལ་སྟོན་གནང་རོག་ཐུགས་རྗེ་ཆེ།
ཟི་པོ་ལ། ཡང་ན། ཟི་༼པོ་༽ལ་༽ ཟི་ལ་ནི། ཞེས་པ་བོད་ཀྱི་ཚིག་མཛོད་ཆེན་མོའི་ཤོག་གྲངས་༡༧༧༣ལས།
ཟི་ལ། གསེར་དངུལ་བསྲེས་ནས་བཞུས་པའི་གཤའ་དཀར་རམ་ཏི་ཚ་ལྟར་གྱི་ལྕགས་ཤིག གསལ་འདུག་པས་དེར་གཟིགས་དང་།
མགར་རྩེ་འཇིགས་མེད། བླ་བྲང་འཇིགས་མེད། མགོ་ལོག་འཇིགས་མེད། མི་བུ་འདི་དག་ཚང་མ་ད་ལྟ་རྒྱ་ནག་གི་བཙོན་དུ་ཚུད། ཁོང་ཚོ་མི་རེ་ངོ་རེའི་སེམས་པ་ན་རིགས་ཞེན་གྱི་སྙིང་སྟོབས་ཆེན་པོ་དེ་ཙམ་རེ་འཁུར་བ་དང་། ཞུམ་མེད་ཀྱི་དཔའ་ངར་ཆེན་པོ་དེ་ཙམ་རེ་ཁོག་ཏུ་སྦྲུམ་པ་སྔ་ས་ནས་ཁོང་ཚོ་ལ་མཚན་གནང་མཁན་གྱི་སྐྱེས་བུ་ཆེན་པོ་རེས་མཁྱེན་ཟིན་པ་དང་། མདུན་ཕྱོགས་སུ་གདོང་གཏད་དགོས་པའི་བར་ཆད་ནག་པོ་རེ་རེ་ཐོག་ཏུ་འབབ་སྐབས་འཇིགས་པ་མེད་པའི་སྨོན་ལམ་དེ་སྔ་ས་ནས་བཀྱོན་ཟིན་པ་ཨེ་ཡིན།
མཁྱེན་ཡངས་ཀརྡོ་གཉེར་ཕྱག་པས་ལན་གནང་བ་ལ་སྙིང་ནས་ཐུགས་རྗེ་ཆེ།