རྩོམ་པ་པོ་སྒོ་ཤེས་རབ་རྒྱ་མཚོ་བཙོན་འཇུག་བྱས་འདུག

Comments (9) on “རྩོམ་པ་པོ་སྒོ་ཤེས་རབ་རྒྱ་མཚོ་བཙོན་འཇུག་བྱས་འདུག”

1. སྒོ་ཤེར་མགྱོགས་པོ་ཐར་བར་ཤོག །སྒོ་ཤེར་འདིའི་མི་བརྒྱུད་ཚང་མ་རྒྱ་ནག་གི་བཙོན་འོག་ཏུ་འགྲོ་མྱོང་ཡོད་པ་འདྲ། ཁོའི་ཕ་སྒོ་བརྩོན་འགྲུས་ནི། མདོ་སྨད་ཁུལ་དུ་གྲོང་ཁྱེར་དམར་པོ་ཟེར་བའི་གྱེན་ལངས་དམག་དཔུང་ཞིག་བཙུག་པ་དེའི་འགོ་ཁྲིད་གཙོ་བོའི་གྲས་རེད་ཟེར། ཁོང་ཚོའི་དམག་དཔུང་གིས་མགོ་ལོག ཨ་མདོ་རྔ་བ། བཀྲ་ཤིས་འཁྱིལ། འབྲོག་སྡེ་ཁྲོ་ཀོ་ཁག་གསུམ་སོགས་ཤིག་ཤིག་ཡོམ་ཡོམ་བཟོས་པའི་ལོ་རྒྱུས་ཤིག་བཤད་རྒྱུ་འདུག དཔའ་བོ། གྲུང་པོ། ལ་རྒྱ་ཅན། གཏོང་ཕོད་ཅན། རང་ཕྱོགས་ལ་ལྷག་བསམ་ཅན་ཞིག་ཡིན་པ་གོ་ཐོས་བྱུང་།

2. བཀུར་འོས་དྲ་གྲོགས་དྲི་མེད་ལྷག་བསམ་ལགས།
   ཤིན་ཏུ་མད། སྐུ་ཉིད་ཀྱིས་གསུངས་པ་ལྟར། སྒོ་ཤེས་རབ་རྒྱ་མཚོའི་ཡབ་དམ་པའི་ལོ་རྒྱུས་ཤིག་བུ་མོ་ངས་འཚོལ་སྒྲིག་བྱས་ནས་དྲ་གྲོགས་ཚང་མ་སྤྱན་ལམ་དུ་བསྟར་རྒྱུ་ཡིན་ལགས་ན། དེའི་སྐབས་སུ། དགོངས་ཚུལ་ཡོང་བར་ཞུའོ།།

3. སྒོ་བརྩོན་གྱི་ལོ་རྒྱུས་ཤིག་ཀིརྟིའི་བྱེས་པ་གྲྭ་ཚང་ནས་བཏོན་ཡོད་བསམ་སོང། འོན་ཀྱང་གསལ་པོ་ཤེས་མ་སོང། ཁོང་ཚོས་རྔ་པ་ས་ཁུལ་དུ་སྤེལ་བའི་ལས་འགུལ་ཧོང་ཁྲིན་ཟེར་བ་དེ་གྲོང་ཁྱེར་དམར་པོའི་དོན་མ་རེད། དམར་སྲུང་དམག་ཁྲིན་ཏུའི་དམག་དཔུང་ཞེས་པའི་དོན་རེད། རྒྱ་ཡིག་འདི་རེད། 红成(红卫兵成都部队)
   སྒོ་ཤེར་གྱི་སྐད་ཆ་རྣམས་བོད་ནང་གི་གཞོན་སྐྱེས་ཚོའི་རྣ་བ་ལ་འཇེབས་པ་ཞིག་ཡིན་འདུག གསར་བརྗེའི་བསམ་བློ་ཡོད་མཁན་ཞིག་ཡིན་པ་འདྲ། དེའི་དབང་གིས་་བླ་མ་དགེ་བཤེས་ཚོ་དང་མི་མཐུན་པ་མང་པོ་ཡོད་རབས་ཟེར།

4. མ་རིག་པའི་མགོ་ལ་སྟྭ་རེ་གཞུས་པར་དགའ་བསུ་ཞུ། 红成(红卫兵成都部队)རྒྱ་ཡིག་ད་ལྟ་རང་མཐོང་བ་དེ་ཡིན། ཐུགས་རྗེ་ཆེ། ང་ལ་མཛོད་དགེ་པ་ཞིག་གིས་དང་པོ་རྩ་འཛུག་བྱེད་ས་དམར་ཐང་ནས་ཡིན་པས་གྲོང་ཁྱེར་དམ་པོ་ཞེས་བཏགས་པ་རེད་ཟེར། གོ་ཚད་བདེན་པར་བཟུང་ན་འདི་འདྲ་རེད། སྒོ་བརྩོན་ནི། དུས་རབས་རྙིང་པའི་སྐབས་སུ་རྨེའུ་རྒྱལ་པོའི་ཚབ་བྱས་ཏེ་གསེར་རྟ་དང་མགོ་ལོག་སྟོད་སྨད་སོགས་སུ་ཕྱིན་ནས་བོད་འབྲོག་ཁུལ་ཏུ་འབྲེལ་བ་དམ་ཟབ་བཙུགས་པ་དང་། ཡང་དར་རྒྱལ་བའི་བསྟན་པ་ལ་ཀིརྟིའི་མཆོད་རྟེན་ཆེན་མོ་གསར་བཞེངས་མཛད་པ་སོགས་ཆོས་སྲིད་གཉིས་ལ་ཕྱག་རྗེས་ཆེ་ཚུལ་གུས་པ་བྱེད་འོས་པ་ཞིག་རེད། ཕ་དཔའ་རྒོད་ལ་བུ་དེ་འདྲ་ལོས་སྐྱེ། སྒོ་ཤེར་བཅིངས་པ་ལས་གྲོལ་བར་ཤོག

5. རྔ་བའི་དཔའ་མོ་ཚེ་སྐྱིད་ལ་ཐུགས་རྗེ་ཆེ་ཞུ། སྒོ་རྩོན་ལོ་རྒྱུས་མི་རིང་བར་བདག་སོགས་བོད་རིགས་ཡོངས་ཀྱི་མིག་གི་དགའ་སྟོན་ཏུ་སྤྱོད་པར་སྨོན། །

6. ངའི་སེམས་ཁྲལ་ཆེ་ཤོས་ཤིག་ནི། ཤེས་ལྡན་མི་སྣ་འདི་ཚོའི་ཚེ་སྲོག་གི་ཉེན་ཁ་རེད། རྒྱ་ལག་ཏུ་ཤོར་བའི་རང་རིགས་ཕལ་ཆེར་ཞིག ཚེ་སྲོག་ཡུན་རིང་བརྟན་ཐུབ་ཀི་ཡོད་པ་མ་རེད། གལ་སྲིད་བརྟན་དུ་ཆུག་ཀྱང་ལུས་སེམས་ཐང་བོ་མེད་པ་དེ་འདྲར་ཆགས་འགྲོ་གི་འདུག བཙན་པོའི་གཉའ་གནོན་དང་། མཐོང་ཆུང་། བརྙས་བཅོས་འོག རང་གི་སྒལ་ཚིགས་གཟེངས་སུ་བསྲིངས་ནས། མི་རིགས་ཀྱི་ཆེད་བཤད་ཕོད་པ། བསམ་ཕོད་པ། སྒྲུབ་ཕོད་པའི་བུ་རྒོད་འདི་དག་ལ་བསྔགས་བརྗོད་དང་། གུས་བཀུར་ཡོད། སྒོ་ཤེར་གྱིས་བྲིས་པའི༼ད་ང་ཚོ་སད་རན༽ཞེས་པའི་དཔེ་ཆ་དེ་ཀློག་སྐབས་མ་ལྡན། བོད་ནང་ན་སྐད་གྲགས་འདྲ་ཞིག་ཡོད་རབས་གོ་སོང་། དཔེ་མིང་འདོགས་སྟངས་ལ་བལྟས་ན། སྲོལ་རྒྱུན་ལས་གསར་གཏོད་ཀྱི་ལྟ་ཚུལ་བཙན་ཚུགས་སུ་བཟུང་ཡོད་པའི་ཉམས་ཞིག་་འདུག སྒོ་བརྩོན་འདས་པོས་མི་ཚེ་ཧྲིལ་བོ་བོད་ཀྱི་བསྟན་སྲིད་ཀྱི་དོན་དུ་རྫོགས་པ་རེད། ཐ་ན་རང་གི་ནང་ལྷན་དུ་འཚོ་སྐྱིད་པོ་ཞིག་ཀྱང་བསྐྱལ་རྒྱུ་བྱུང་ཡོད་པ་མ་རེད། བལ་ཡུལ་ནས་སྐུ་གཤེགས་པ་རེད། མི་སེམས་རྒྱུད་བཟང་བོ། གཤིས་ཀ་འཇམ་པོ། གཏོང་ཕོད་ཅན། ཉན་སྤྲོ་བའི་འཇིག་རྟེན་གསར་རྙིང་གི་ལོ་རྒྱུས་མང་བོ་གླེང་རྒྱུ་ཡོད་མཁན་ཞིག་ཡིན། ཁོང་གི་མི་ཚེའི་ལོ་རྒྱུས་ཤིག་དགུ་བཅུ་གོ་གྲངས་ཤིག་ནས་འབྲི་མགོ་བརྩམས་སོང་། མཇུག་ཆ་ཚང་གྲུབ་ཡོད་མེད་གང་ཤེས། ཅིག་བྱས་ན་གོང་དུ་ཀིརྟི་སྐྱབས་ཀྱིས་བཤད་པའི་དེབ་དེ་ཡིན་རྒྱུ་རེད། གང་ལྟར་ཀྱང་ཁོང་བོད་ཀྱི་ལོ་རྒྱུས་ནང་གི་མི་སྣ་གལ་ཆེན་ཤིག་ཏུ་བརྩི་ཆོག་པར་སྣང་།

7. སྒོར་ཤེར། ཞེས་མིང་འདི་གོ་དུས། བདག་རྔ་བའི་ཀིརྟི་དགོན་ནང་དུ་ཡང་བསྐྱར་སྐྱེས་པ་ཞིག་དང་འདྲ་སྟེ། དེ་ནི་ང་དང་སྒོར་ཤེར་གཉིས་གྲལ་གདན་གཅིག་གི་ཐོག་མཉམ་གཤིབ་མཉམ་བསྡད་ཀྱི་ལོ་ཟླ་མང་བོ་ཞིག་ཕྱིན་པས་རེད། ད་དུང་སྒོར་ཤར་ཞེས་བཤད་དུས་བདག་ལ་བྱིས་དུས་ཀྱི་འཇིག་རྟེན་ཞིག་ཀྱང་ངང་ངམ་ཤུགས་ཀྱིས་ཤར་ཡོང་གི དེ་ནི་ཁ་ཏོག་དཀར་དམར་གྱི་ཆོས་གྲྭའི་ནང་གི་སྤྲོ་རྩེད་གང་མང་ཞིག་བྱས་མྱངས་ཡོད་པས་རེད། ཁོང་ནི་ཆུང་དུས་ནས་རིག་ལམ་ལ་བྱང་ཞིང་། ཐལ་འགྱུར་བརྩོད་གླེང་གི་ཁྲོད་ནས་ཁོའི་རྣམ་དཔྱད་ལ་བླ་རྒན་མགོ་དཀར་མང་བོ་ཞིག་གིས་ཀྱང་ནམ་ཡང་ཡིད་རངས་བྱེད། གང་ལྟར་ཁོའི་མི་ཚེ་འདི་ཤེས་རབ་ཀྱི་ཆེད་དུ་སྐྱེས་པའམ། མིང་དོན་མཚུངས་པའི་ཤེས་རབ་ཀྱི་རལ་གྲི་ངོ་མ་ཞིག་ཡིན་པས། ཁོང་གི་སྐུ་ཚེ་ལ་བར་གེགས་མེད་པར་རྒྱ་ཁྲིམས་ནག་པོ་ནས་གང་མྱུར་ངང་ཕྱིར་ཐོན་ཡོད་པར་སྨོན།

8. རྒྱ་ནག་ལ་ཡོད་པ་མི་འབོར་རེད། རྒྱ་ནག་ལ་མེད་པ་མིའི་རིན་ཐང་རེད། གཡོན་ཐལ་ཅན་གྱི་དམར་གཙོ་དང་དེའི་ཤོག་ཁག་ཚོས། སྟབས་ཀ་ལྡན་ན་བོད་གཙོ་བོར་གྱུར་པའི་གྲངས་ཉུང་མི་རིགས་འདི་ཚོ་རྩ་མེད་གཏོང་གི་རེད། ཉིས་སྟོང་བཅུ་གཅིག་ལོ་ནས་རྒྱ་གཞུང་གི་དྲག་པོའི་ལས་འཆར་སྔར་ལས་བརྒྱ་ཆ་བཅུ་གཉིས་དང་། གྲངས་ཆུང་ལྔར་སྤར་ནས། ཨ་སྒོར་ཐེར་འབུམ་༩༡.༥སླེབས་ཡོད། དེ་བཞིན་དམག་གྲངས་ས་ཡ༢.༣ལ་སླེབས་ཡོད་ཅིང་། དེ་ནི་ཨ་རིའི་དམག་གྲངས་ལས་རྡབ་གཅིག་གིས་མང་བར་ཆགས་འདུག དེ་ལ་རྒྱུ་མཚན་མང་བོ་ཡོད། ༡༽ རང་ཉིད་ཀྱི་བུ་རབས་ཚ་རྒྱུད་རྗེས་འབྲངས་དང་བཅས་པའི་ཁ་ལྟོ། ༢༽ གྲོང་ཧ་མི་རིགས་དེ་ཧན་མི་རིགས་སུ་བསྒྱུར་རྒྱུའི་རང་ཉིད་ཀྱི་རྨི་ལམ། ༣༽ ཨེ་ཤ་ཡའི་གླིང་ཆེན་ཧྲིལ་བོ་འཛིན་འདོད་ཀྱི་ཧམ་སེམས། ༤ ༽བོད། སོག་པོ། ཡུ་གུར་སོགས། རང་ཚུགས་ཅན་གྱི་མི་རིགས་རིག་གཞུང་དང་བཅས་པ་རྩ་རྫོགས། ༥༽ རང་དང་ལྟ་སྤྱོད་མ་མཐུན་པའི་ཆོས་རྒྱུད་ཁག་དང་། མང་གཙོ། རང་དབང་། འགྲོ་མ་མིའི་ཐོབ་ཐང་སོགས། རང་ཉིད་ཀྱིས་གོ་ན་ཆེས་མི་འདོད་པའི་འབོད་སྒྲ་དང། བདེན་པ་བརྡར་མཁན་ཚོར་འཇིགས་སྐུལ་དང་། རྡུང་རྡེག་གཏོང་བ། ༦༽ འཛམ་གླིང་ཐོག་བཙན་རྒྱལ་རང་ལུགས་ཀྱི་ཟིལ་ཤུགས་ཆེ་ཤོས་སུ་འགྱིང་འདོད་ཀྱི་ང་རྒྱལ།
   ༧༽རྒྱ་གར་གྱི་ཨ་རི་ན་ཅལ་དང། ཉི་ཧོང་གི་ལན་ཅིན་དམར་སོད་ཆེན་མོ། ཐེ་ཝན་གྱི་རང་བཙན་སོགས་ལ། རྒྱལ་སྤྱིའི་ཁྲིམས་དང་འགལ་བའི་དཔུང་འཇུག་བྱེད་བསམ་གི་ཡོད་པ་རེད། ང་ཚོ་ལ་དྲག་ཤུགས་མེད་ཀྱང་། བདེན་པ་དང་སྙིང་སྟོབས་ཡོད། ང་ཚོའི་གནས་བབ་དང་བསྡུར་ན། འཚེ་མེད་ཞི་བའི་ལམ་དེ། ང་ཚོའི་བགྲོད་ལམ་ཡག་ཤོས་དེ་ཡིན་པ་འདྲ། ལག་ཐལ་མོ་སྦྱར། གདོང་མིག་ཆུས་བཀྲུས། ངག་གནས་ལུགས་དང་རྒྱུ་མཚན་གྱིས་ཕྱུག་པའི་མངོན་འདོད་སྒྲུབ་ཐབས་ཤིག་དགོས་པ་རེད། རབ་བྱུང་དགེ་འདུན་གྱི་སྡེ་ཞིག་ཡིན་ན། སྟོན་པའི་སློང་བཟེད་དང་འཁར་གསིར་ཕྱག་ཏུ་བསྣམས། ཆོས་གོས་སོགས་ངུར་སྨིག་གི་གོས་གྱོན། གཞན་ཕན་གྱི་བྱམས་བརྩེ་དང་། གཞན་སྣང་གཡོ་བར་ནུས་པའི་གདངས་ཅན་གྱི་ཞལ་འདོན་སོགས་སྐྱོར་ནས་ངོ་རྒོལ་བྱས་ན། བསྟན་པར་དགྲ་བྱུང་ན་འཁར་གསིར་མདུང་ཚབ་ཀྱི་དཔེ་རུ་སོང་བ་རེད། འཚེ་མེད་ཞི་བའི་ལམ་ཁ་ཉག་ཅིག་འཐབ་རྩོད་ཀྱི་སྙིང་བོར་བཟུང་ན། ཕ་རོལ་བོར་བཟུང་ན་ལག་པ་སྲེག་ནི་ཞིག བཏང་ན་ཁ་ཕོར་གཅོག་ནི་ཞིག་ཡོང་རྒྱུ་ཡིན་པ་ཐེ་ཚོམ་མི་དགོས།
   ཨ་རིའི་སྲིད་འཛིན་ཧྥི་རན་ཁུ་ལེན་རོས་ཟི་བོལ་གྲུ་མཆོག་གིས། ༼ང་ཚོ་ལ་འཇིགས་ས་གང་ཡང་མེད། ཅིག་ཡོད་པ་ནི་རང་ཉིད་ཀྱི་སྐྲག་སྣང་རེད༽ཅེས་དང་། རྒྱ་གར་གྱི་མེས་པོ་དམ་པ་གྷན་དྷིས། ༼ཁྱེད་ཚོས་ངའི་ལུས་པོ་ལྕགས་སྒྲོག་གིས་བཅིངས་ཐུབ། ཁྱེད་ཚོས་ང་ལ་སྡུག་སྦྱོང་དང་མནར་གཅོད་གཏོང་ཐུབ། ཐ་ན་ཁྱེད་ཚོས་ངའི་ལུས་པོ་འདི་གསོད་ཀྱང་ཐུབ། འོན་ཏེ་ངའི་སེམས་ཤུགས་ནམ་ཡང་བཙོན་དུ་འཛིན་ཐུབ་ཀི་མ་རེད།༽ཅེས་དང་། མི་རིགས་ནག་པོའི་དབུ་ཁྲིད་སྙན་གྲགས་ཅན། སློབ་དཔོན་དམ་པ་མར་ཁྲིན་ལོས་ཏིར་མཆོག་གིས། ཁྱེད་ཚོས་ངའི་ལུས་པོ་འདི་གསོད་ཐུབ་ཀྱང་། ངའི་ཆོད་སེམས་དང་། སྙིང་སྟོབས་ནམ་ཡང་གསོད་ཐུབ་ཀི་མ་རེད། ཅེས་དང་། རང་རེའི་༧སྐྱབས་མགོན་ཏྰ་ལའི་བླ་མ་མཆོག་གིས། མེ་མདའ་དང་དྲག་ཤུགས་ཀྱི་འོག་ནས་འཆམ་མཐུན་གྱི་སྤྱི་ཚོགས་ཡོང་རྒྱུ་མིན་པའི་བཀའ་སློབ་བསྩལ་བ་སོགས། བོད་དོན་འཐབ་རྩོད་ཀྱི་སྙིང་བོར་འཛིན་ཐུབ་པ་ཞིག་བྱུང་ན། བྱས་པའི་ལས་ལ་གྲུབ་པའི་འབྲས་བུ་ཞིག་འབྱུང་རྒྱུ་ཡིན་པ་རྒྱུ་འབྲས་ཀྱི་གྲུབ་ཚུལ་ཟློག་ཏུ་མེད་པ་ཞིག་རེད།

9. ངོ་མ་ཡག་བོ་འདུག་