བཀྲ་ཤིས་དོན་འགྲུབ།
སྤྲིན་པ་ལང་ལོང་འཁྲིགས་པའི་འོག་རོལ་གྱི།།
སེར་འོད་ལམ་ལམ་འཕྲོ་བའི་རྒྱ་ཕིབས་དེ།།
ཐག་རིང་ཐག་རིང་ཞིག་གི་ཕ་རོལ་ལ།།
སེམས་པ་ལྷོད་ཀྱིས་འདྲེན་བྱེད་དེ་ཡིན་ནམ།།
བསིལ་རླུང་འཇམ་པོས་མདུན་ནས་མདུན་དུ་བསུ།།
རྐང་རྗེས་རབ་རིབ་རྒྱང་ནས་རྒྱང་དུ་དཔར།།
སོང་ནས་སླེབས་དུས་མེད་པའི་འགྲུལ་བཞུད་འདི།།
མི་ཚེ་རིང་མོའི་གོམ་འགྲོས་ཡིན་ལགས་སམ།།
ནགས་མའི་དཀྱིལ་འཁོར་མཛེས་པོ་མཐོང་བཞིན་འདུག།
མུ་མེད་རྩ་ཐང་དེ་ཡང་མངོན་ཙམ་བྱེད།།
བསྙབས་ཤིང་བསྙབས་ནས་སྙོབ་དུས་མེད་པས་ཀྱང་།།
རི་དྭགས་སྨིག་རྒྱུར་འཁྲུལ་ཚུལ་དྲན་ནས་འོང་།།
ཉི་མ་ཤར་རིར་འཕགས་པའི་དེ་མ་ཐག།
ཉི་འོད་ལུས་ལ་ཕོག་པའི་བདེ་སྣང་འདིས།།
ངེས་བརྟན་མེད་པའི་འཁོར་བའི་བདེ་སྡུག་ལ།།
དགའ་ཡང་དགའ་ལ་སྐྱོ་ཡང་སྐྱོ་རུ་འཇུག།
ལྗང་ལོ་ལྡེམ་ལྡེམ་བྱེད་པའི་རླབས་རིས་ཀྱིས།།
སེམས་པ་ཚོར་བའི་ཀློང་དུ་བསྟིམས་ནས་ཐལ།།
འཚོ་བའི་མཛེས་སྡུག་མཚར་པོའི་བསླུ་བྲིད་ཀྱིས།།
ཚེ་འདི་རླུང་བུའི་གསེང་ལ་སྟིམ་བཞིན་འདུག།
བྱ་སྐད་ཟ་ཟི་རྣ་བར་ལྷུང་ནས་བྱུང་།།
གཤོག་འགྱུའི་འཕར་འཇགས་མིག་ལ་ཁྱིལ་ཏེ་གདའ།།
བཙོན་དུ་ཚུད་པའི་མི་ཚེ་ཐུང་ཐུང་འདིར།།
རང་དབང་ནམ་མཁའ་ཞིག་ཀྱང་རྙེད་ན་བསམས།།
སྣང་གླུ་ཐན་ཐུན་ཕར་ཕར་ཕར་ལ་ཡལ།།
འཁྱམ་ཁྱིའི་ངུ་ཟུག་ཚུར་ཚུར་ཚུར་ལ་འཁོར།།
འཁོར་བའི་ཁྲོམ་ར་ཆེན་པོའི་མཆོར་ཉམས་འདི།།
འདུ་འབྲལ་ཚོང་གི་འདུ་རྒོད་འཁྲིགས་ལུགས་རེད།།
ལྗོན་པས་ཁ་ཤུ་འདེབས་པའི་མྱ་ངན་འདི།།
ལྷགས་པ་བཙན་པོའི་དབང་ཤེད་རྒོད་པས་ཡིན།།
ཚེ་སྲོག་སྐྱོ་བས་གཟིར་བའི་འཁུན་སྒྲ་འདི།།
མི་རྟག་ལས་ཀྱིས་འདེད་པའི་སྡུག་ཡུས་ཡིན།།
གནམ་སའི་མཚམས་ལ་འཐེན་པའི་ལམ་གཞུང་ནས།།
གནམ་སའི་མཚམས་སུ་ཐིམ་ལ་ཉེ་བ་ཡི།།
གྲིབ་གཟུགས་ནག་པོའི་འགུལ་སྟངས་མངོན་ཆུང་དེ།།
མི་རྐྱང་ང་ཡི་རྒྱབ་གཟུགས་ཡིན་པ་འདྲ།།
༢༠༡༣/༨/༢༢
རླུང་བ་སྤུར་བ་ཡིན་སྲིད།
སྙན་ཚིག་རེད་མི་འདུག་
གཤམ་གྱི་དེ་ཀློག་འགྲེལ་བྱོས་དང་། གོ་བ་ཅི་ཞིག་ཡིན་ནམ།
ཉི་མ་ཤར་རིར་འཕགས་པའི་དེ་མ་ཐག།
ཉི་འོད་ལུས་ལ་ཕོག་པའི་བདེ་སྣང་འདིས།།
ངེས་བརྟན་མེད་པའི་འཁོར་བའི་བདེ་སྡུག་ལ།།
འདུ་འབྲལ་ཚོང་གི་འདུ་རྒོད་འཁྲིགས་ལུགས་རེད།།
བཀྲིས་དོན་གྲུབ་ལགས། བར་ལམ་ནས་ངས་ཁྱེད་ཉིད་ཀྱི་རྩོམ་དཔྱད་ལྷུག་ཚང་མར་དོ་སྣང་ཆེན་པོས་བཀླགས་པ་ཡིན། ཁྱེད་ཀྱིས་བྲིས་པའི་རྩོམ་དག་ནི་ཚོར་བས་བཅིངས་པའི་རྩོམ་འབའ་ཞིག་ཏུ་མཐོང་། རྩོམ་འདི་དག་གིས་ང་ལ། ཁྱེད་ཉིད་སོ་སོའི་གནས་སྟངས་འདི་ལ་ཞེ་བསུན་ཆེན་པོ་ཡོད་པའི་ཚོར་སྣང་ཞིག་སྟེར་གྱིན་འདུག དེ་འདྲ་ཨེ་ཡིན། ???????
དབྱངས་ཅན་འབངས་ཞུ་བ་ལགས། ང་རང་སོ་སོའི་གནས་བབས་ལ་བསུན་སྣང་སྐྱེས་ཡོད་མེད་མི་ཤེས་མོད། དགའ་སྐྱོ་ཆགས་སྡང་གི་ཚོར་བ་གང་ཡང་སྙན་ངག་ཡིན་ཁུལ་གྱི་ཚིག་འབྲུ་འདི་དག་གི་ལམ་ནས་གྱེར་རྒྱུ་དེ་གོམས་གཤིས་ཤིག་ཏུ་གྱུར་ཡོད་ལ། ང་རང་ནི་དུས་རྒྱུན་སྐྱོ་སྣང་ཤས་ཆེར་འཆང་མཁན་གྱི་མི་ཞིག་ཡིན་སྟབས་གཅིག་བྱས་ན་ཁྱེད་ཀྱིས་གསུངས་པ་དེ་བདེན་པ་ཡང་ཡིན་སྲིད།
སྙན་ངག་སྨྲ་བའི་ཕྱག་སོའི་སྨྱུ་གུ་ལས།།
བཞུར་བའི་སྙན་རྩོམ་རིམ་པར་མཇལ་བ་ལས།།
ད་རེས་སྙན་རྩོམ་འདི་ནི་ཡག་བྱུང་ཞེས།།
ཀློག་མཁན་ཞིག་གིས་རྒྱང་ནས་མཐེ་མོ་བསྟན།།
གོ་རྒྱུ་མེད་པའི་ཚིག་རྐང་བསྒྲིག་པ་ལ།།
བཟང་ངོའི་མཐེ་བོང་རྒྱང་ན་བསྒྲེང་བ་འདི།།
འདྲེ་ཡིས་མ་གཏོགས་མི་ཡིས་མི་སྲིད་པས།།
མིང་ཙམ་མ་ཚད་ཁྱོད་ནི་དོན་ལའང་འདྲེ།།
༦༽ མེ་ཏོག་དཀར་པོ་ལགས།
དབྱར་ཁ་འོང་ཁའི་དཀྱིལ་ལ།།
སྐྱེ་ཚལ་མང་པོ་སྐྱེ་ཡོང་།།
སྐྱེས་ཚད་ཞལ་ལ་མཆོད་ན།།
ནག་པོ་དུག་དང་ཕྲད་ཡོང་།།
འདི་ལ་གོ་རྒྱུ་ཞིག་ཨེ་འདུག
དབྱངས་ཅན་འབངས་ལགས། འདི་ནི་གད་མོ་འཚེར་འཚེར་བྱས་ཏེ་སྡིགས་ར་བསྐུལ་བའི་བཟོ་ཞིག་འདུག མིན་ནམ་ལགས།
མེ་ཏོག་ལགས།
དབྱར་་ཁ་་་་་་་་་་་་་་་་་་་་་་་་་་་་་་་་་་་འདི་དག་ལས་གོ་རྒྱུ་ནི། མི་གང་བྱུང་ལ་བརྟག་དཔྱད་མ་བྱས་པར་བློ་གཏད་ཆེ་ན། སོ་སོ་དཀའ་ངལ་ནང་ལྷུང་རྒྱུའི་ཉེན་ཁ་ཡོད། ཅེས་པ་ཡིན།
ངས་བཤད་འདོད་པ་ནི། སྙན་རྩོམ་འདི་རིགས་ལ་སྙན་གཞུང་ནང་བསྡུས་བརྗོད་ཀྱི་རྒྱན་ཟེར། བོད་ཀྱི་དམངས་ཁྲོད་དུ་ཧ་ཅང་དར་ཁྱབ་ཆེ་བ་ཞིག་རེད། དེང་སང་རང་མོས་སྙན་ངག་ཏུ་གྲགས་པ་དེ་ཡང་རྩ་བའི་ཆ་ནས་བསྡུས་བརྗོད་ཀྱི་རྒྱན་རང་རེད།
མདོར་བསྡུས་ནས་ཁ་ཐུག་ལ་བཤད་ན། ཁྱེད་རང་ལ་བསྡུས་བརྗོད་རྒྱན་གྱི་བྲོ་བ་དེ་རག་ཨེ་ཡོད་བསམ་གྱི་འདུག ཟེར་བ་ཡིན།