དཔེ་དེབ་གསར་པ་དབུ་འབྱེད།
དུས་ཚོད། སྤྱི་ཟླ་༣ ཚེས་ ༦ རེས་གཟའ་ལྷག་པ། ཆུ་ཚོད་ 6:30 – 8:30
ས་གནས། ལ་རྩེ། 132 Perry Street, Suite 2b, New York NY 10014
ལོ་རབས་དགུ་བཅུ་དང་ཉི་སྟོང་ལོའི་བཅུ་ཕྲག་དང་པོའི་ནང་ལ། ཇར་མན་གྱི་བོད་ཀྱི་རིག་གཞུང་སྲུང་སྐྱོང་བ་ཨན་ཌེ་ ཨ་ལེགས་ཛན་ཌ་་༼Andre Alexander༽ དང་ཁོང་གི་ལས་རོགས་ཕིམ་ཕིམ་གྱིས་ལྷ་སའི་བར་སྐོར་གཙོས་ལོ་རྒྱུས་ལྡན་པའི་བོད་ཁང་རྙིང་པ་རྣམས་ཞིག་གསོ་བྱས་ནས་དེ་དག་ལ་ལྷ་ས་གྲོང་ཁྱེར་སྲིད་གཞུང་གི་སྲུང་སྐྱོབ་ཡོང་བའི་བྱ་བ་རབ་དང་རིམ་པ་སྤེལ་བ་བརྒྱུད། བོད་ཁང་རྙིང་པ་བཅུ་ཕྲག་འགའ་ཤས་ཞིག་གསོ་ཐུབ་ཡོད། ༢༠༡༢ལོར་ཁོང་གྲོངས་རྗེས་ང་ཚོས་ཁོང་གིས་ཉར་ཚགས་གནང་བའི་བོད་ཀྱི་ཁངཔའི་ལོ་རྒྱུས་དང་ཞིག་གསོའི་ཞིབ་འཇུག་གི་རྒྱུ་ཆ་རྣམས་པར་སྐྲུན་བྱེད་པར་རྒྱབ་སྐྱོར་བྱས་པ་དང་། དེབ་གཉིས་པ་དེ་ཉེ་ཆར་ཐོན་པས། སྤྱི་ཟླ་གསུམ་པའི་ཚེས་དྲུག་༼ཟླ་བ་3 ཚེས་6༽ཉིན་ལ་རྩེར་དེབ་དེ་དབུ་འབྱེད་བྱེད་ཀྱི་ཡོད་པས། བོད་ཀྱི་རིག་གཞུང་ལ་དོན་གཉེར་ཅན་རྣམས་ངེས་པར་དུ་རྒྱབ་སྐྱོར་ལ་ཕེབས་རོགས་ཞུའོ། ཞིབ་ཕྲའི་གནས་ཚུལ་གཤམ་ལ་གཟིགས་རོགས།
