བྱ་མདོ་སྐལ་རྒྱམ།
སང་ཉིན་ང་ལམ་དུ་ཆས་ཀྱིན་ཡོད
རང་ཉིད་ཀྱི་འཚོ་ལམ་དང་འདྲ་བའི
མེ་འཁོར་གྱི་ལྕགས་ལམ་ཀྱ་ཀྱུ་དེ་བརྒྱུད་ནས
ལམ་དུ་ཆས་ཀྱིན་ཡོད
གནས་འདི་དང་འབྲལ་དགོས་པ་དྲན་ཚེ
ངའི་ལུས་ལ་སྐྱུར་སིལ་སིལ་གྱི་བ་སྤུ་དུ་མ་གཟེང་ནས་ཡོང
དེ་ནི་ལོས་ཡིན་ཏེ
ངའི་མི་ལོ་ཉི་ཤུ་ལྷག་གི་དགའ་སྡུག་གི་རྨི་ལམ་འདི་ལ་ཐིམ་ཡོད་ལ
ངའི་མི་ལོ་ཉི་ཤུ་ལྷག་གི་འགྲུལ་བཞུད་ཀྱི་རྐང་རྗེས་ཀྱང་འདི་ལ་སྤར་ཡོད
གནས་འདིར ང་ལ་དུས་གསུམ་དུ་གཟིགས་པའི་བྱམས་བརྩེའི་སྤྱན་རས་ཡོད་ལ
གནས་འདིར ང་ལ་ཉིན་མཚན་དུ་ཕྱོགས་པའི་དག་གཙང་གི་སེམས་པ་ཡོད
འདི་དག་ཡོད་ཚད་བསྐྱར་ནས་འགྲོ་དུས
ཤུལ་ནས་ཅི་ཞིག་བརྗེད་སོང་བ་དང་འདྲ་ཞིང
སེམས་ནས་ཅི་ཞིག་བོར་སོང་བ་དང་ཡང་འདྲ
ཡིན་ཡང ང་ལམ་དུ་ཆས་དགོས
རང་ཉིད་ཀྱི་ཆེད་དུ་ལམ་དུ་ཆས་དགོས
ང་འགྲོ་སའི་ཁོར་ཡུག་དེའི་ཕང་བ་ནས
གངས་རི་དཀར་བོའི་མུ་ཁྱུད་ཀྱི་བརྗིད་ཉམས་མཐོང་ཐུབ་ཟེར
དབྱར་དགུན་གཉིས་ཀྱི་དྲོ་གྲང་གི་རེག་བྱ་མྱོང་ཐུབ་ཟེར
བདེ་མོ་བྱོས ངུར་སྨྲིག་གི་དག་ཞིང
བདེ་མོ་བྱོས སེམས་སོང་གི་སྤུན་ཟླ
2015/3/11