ཧི་མ་ལ་ཡའི་འཕྲུལ་སྨྱུག
དེས་ན་ལས་འབྲས་ཡོད་དང་མེད་ཅེས་རྩོད་པ་དེ་རྒྱལ་ཁབ་ཀྱི་རྩ་ཁྲིམས་ལྟར་ལྕི་ཡང་མི་ཡིས་གཏན་ལ་ཕབ་པ་མིན་པ་ཞིག་དང༌། ས་སྨྱུག་གི་འབྲེལ་བ་ལྟར་ངོ་བོ་ཐད་ཀར་མཐོང་བར་མི་ནུས་པའི་མི་མངོན་པའི་སྟོབས་ཤུགས་ཤིག་གཞི་གྲུབ་མིན་དཔྱོད་པ་ཡིན་གྱི། འཇིག་རྟེན་ཐོག་ཏུ་རྒྱུ་འབྲས་ཀྱི་རྣམ་གཞག་མེད་ཅེས་འདི་ན་རྩོད་མཁན་སུ་ཡང་མི་འདུག་པས་དོན་མེད་ཁ་རླངས་ཕུད་ནས་ཅི་ཞིག་བྱེད། མཐོང་རྒྱུ་རིག་རྒྱུ་མེད་པའི་འབྲེལ་བ་རྙོག་འཛིང་ཅན་དེ་འདྲ་ཞིག་ང་ཚོའི་མགོ་ཐོག་ཏུ་ཡོད་པའི་ཤེས་བྱེད་ནི་ཅུང་ཙམ་ཡང་འགོད་ནུས་མེད། མེད་པའི་དབང་གིས་ལས་འབྲས་སྨྲ་བ་ཚོས་ཀྱང་ལུང་ལ་སྐྱབས་བཅོལ་ཞུ་དགོས་ཐུག་པ་རེད། ལུང་ལ་སྐྱབས་བཅོལ་ཞུ་མིན་ནི་རྨོངས་དད་བྱེད་མིན་ལ་ཐུག་ཡོད།
ལས་འབྲས་མེད་ཟེར་མཁན་ཚོས་མ་མཐོང་བའི་ཕྱིར་མེད་ཟེར་བ་ཡིན་པའི་དབང་དུ་བཏང་ན། ཡོད་ཟེར་མཁན་ཚོས་ཡོད་པར་གསུངས་པའི་ཕྱིར་ཡོད་ཅེས་ཟེར་བ་ཡིན། མ་མཐོང་བའི་ཕྱིར་མེད་ཟེར་ན་གཅིག་ཏུ་ཁྲེལ་བའི་རྒྱུ་རུ་མ་ངེས་ཏེ། རི་བོང་གི་མགོ་ལ་ཐུག་རྒྱུ་རིག་རྒྱུ་ཅན་ཞིག་མ་མཐོང་བའི་རྒྱུ་མཚན་གྱིས་དེར་རྭ་མེད་ཟེར་བ་མ་གཏོགས། དེ་ལྷག་གི་གནས་ལུགས་ཤིག་སུ་ལ་ཡང་འཆད་རྒྱུ་མེད་པའི་ཕྱིར། ཡོད་གསུངས་པ་ཙམ་གྱིས་ཡོད་པར་ཁས་ལེན་དགོས་པ་འདི་ཅུང་ཟང་ངོ་མཚར་ཆེ་སྟེ། གསུང་མཁན་དེ་ཉག་སྐེ་བུ་ལོང་མ་ལྟར་དྲག་ཆེ་བ་ལ་ཚོད་ཅིག་མི་འདུག་པས་སོ།།
‘ལུང་ལ་སྐྱབས་བཅོལ་ཞུ་མིན་ནི་རྨོངས་དད་བྱེད་མིན་ལ་ཐུག་ཡོད།’ འདིར་རྨོངས་དད་ཅེས་པ་ཐལ་དྲག་པའི་སྐྱོན་དུ་མཐོང་སྟེ། འཇིག་རྟེན་ན་ཡིད་ཆེས་པའི་གཏམ་ལ་བརྟེན་ནས། དོན་དག་གྲུབ་པ་མངོན་སུམ་ཚད་མའམ་མྱོང་བ་མངོན་འགྱུར་གྱིས་གྲུབ་ཀྱང་། གཏམ་ཚད་མ་ལ་ཡིད་ཆེས་པ་ཡིན་ན། རྨོངས་དད་ཡིན་པས་ག་ལ་ཁྱབ། མཚན་ཉིད་དང་། ཚན་རིག་ལ་ལ་སྦྱངས་དྲག་པས་ཀླད་པ་དཀྲུགས་པ་མ་ཡིན་ནམ།
ལས་ཚུལ་བསམ་གྱིས་མི་ཁྱབ་པ། །
དེ་བཞིན་གཤེགས་པ་ཁོ་ནས་མཁྱེན། །ཞེས་གསུངས་ཡོད་རེད།
དེང་སང་གི་ཚན་རིག་གི་ལག་རྩལ་དང་ཤེས་བྱ་མཐོན་པོར་གཤེགས་པ། དཔེར་ན་quantum phyisics སོགས་ཀྱི་ཞིབ་འཇུག་བྱས་པའི་འབྲས་བུར། ལས་རྒྱུ་འབྲས་ཡོད་པས་མི་ཚད། ང་ཚོའི་བསམ་ཡུལ་ལས་འདས་པའི་ཤེས་བྱ་འགའ་གསར་བརྙེད་བྱུང་པ་ཁྱེད་ཀྱི་མི་མཁྱེན་ནམ། ཁོང་ཚོས་ཨེན་སི་ཌན་གྱི་འབྲེལ་བའི་གཞུང་ལུགས་ལས་གཏིང་ཟབ་པར་དཔྱད་པ་བྱས་ཡོད་པ་དང་། འབྲས་བུ་ཡང་ཉེ་བར་ཐོན་འདུག སྔོན་ལ་དེ་དག་ལ་གཟིགས་ནས་ང་ཚོ་བཀའ་མོལ་གནང་ས་ཇི་འདྲ་རེད། དཔེར་ན། ང་ཚོ་རགས་པའི་མིག་ལ་ཤིང་དུམ་བུ་གཅིག་གཉིས་ལ་བཅད་ན། དུམ་བུ་དེ་གཉིས་ཁག་ཁག་དུ་ཕྱེ་བར་འདོད། ད་ལྟ་ཚན་རིག་པ་ཚོས། ང་ཚོའི་རགས་པའི་མིག་ལ་དེ་ལྟར་མཐོང་རུང་། དངོས་པོའི་ནུས་པའི་རྒྱུ་བ་མིག་ཤེལ་དང་ནུས་པ་ཕྲ་མོའི་དཔྱད་བྱེད་ལ་བརྟེན་ནས་དཔྱད་སྐབས། ཤིང་དུམ་བུ་དེ་གཉིས་དབར་ལ་འབྲེལ་བ་མུ་མཐུད་ཡོད་པ་དང་། དེ་གཉིས་རླུང་ཁམས་དང་ནུས་པའི་ཁམས་ཀྱིས་མུ་མཐུད་འབྲེལ་ཡོད་པ་དཔང་རྟགས་བཏོན་པ་དེ་ལ་གཟིགས་དང་།
གཅིག་ཏུ་སྨད་པར་བྱ་བ་དང༌།
གཅིག་ཏུ་བསྟོད་པར་བྱ་བའི་མི།
ད་ལྟར་ཡོད་པ་མ་ཡིན་ཏེ།
བྱུང་བར་མ་གྱུར་འབྱུང་མི་འགྱུར།། ༤༩ །། ཆེད་དུ་བརྗོད་པའི་ཚོམས་ལེའུ་ ༢༩
..
ཇི་ལྟར་རི་དང་བྲག་དག་ནི།
རླུང་གིས་གཡོས་པར་མི་འགྱུར་ལྟར།
དེ་བཞིན་བསྟོད་དང་སྨད་པ་ཡིས།
མཁས་པ་རབ་ཏུ་གཡོ་བ་མེད།། ༥༢ །། ཆེད་ཚོམས་ ལེ་ ༢༩