______གཅན་མེ་སྟག་ལ་ལོ་མཆོད་ཀྱི་ཚབ་ཏུ།
___གཟི་མིག
ངས་གཅན་མེ་སྟག་གི་རྣམ་ཤེས་དང་འགྲོགས་ནས
ཉི་ཟླ་རི་བོའི་སྙན་ཚིག་ཅིག་བཀླགས
ཁོང་ལ་ཁེར་རྐྱང་གི་སྙན་ངག་རེ་འབྲི་དུས
ཁོ་རང་སྐྱོ་སྣང་གིས་བཟི་ནས་ཡུན་རིང་ལྷག
ངས་ཁོང་གིས་ཡུན་རིང་ཉར་བའི་ཁེར་རྐྱང་གི་སྣང་བ་ཞིག་རྙེད
དོ་ནུབ་ངས་རྒྱང་རིང་གི་ཁྱེད་རང་ཡིད་ལ་བླངས་ནས
ལས་དབང་གི་ངུ་སྐད་འཆར་ཡན་གྱི་ཐ་སྙད་དུ་སྦེད་དུས
གཅན་མེ་སྟག་ཁོ་ན
ང་ཡི་སྡོང་གྲོགས་སུ་གྱུར་འདུག་ལ
ཁོང་གིས་བསྣམས་པའི་ཁེར་རྐྱང་གི་སེམས་ངལ་མང་པོ
ང་ཡི་ཞེ་ལ་ག་ལེར་སིམ
དོ་ནུབ་གྲང་ལྷགས་ཁྲོད་ཀྱི་སྐར་མདའ་ཁ་ཤས
ང་དང་ལྷན་དུ་མུན་ནག་ཁྲོད་ཀྱི་དྷ་སའི་རི་གྲོང་ལ་ཉན
གཅན་མེ་སྟག
སྙན་ངག་གི་ལྷ་ཆེན་པོ
གཅན་མེ་སྟག
མི་རྟག་པའི་གཏམ་རྒྱུད་ཀྱིས་ཁྲིད་པའི་ཐ་མག་རྐང་གཅིག