ཐེ་བོ་སངས་རྒྱས།
འཛམ་བུ་གླིང་གི་སྒྲོས་སུ་རྒྱལ་པོ་ཞིག།
རང་གི་རྒྱལ་སྲིད་ནོར་བུ་སྲས་སྲོས་དང་།།
བཙུན་མོར་མ་ཟད་མིག་བཅས་བྱིན་ཏོ་ཞེས།།
ཡི་གེར་ཕབ་ཅིང་གཏམ་བརྗོད་ཟློས་གར་འཁྲབ།།
དེ་ནི་བྱུང་བ་དངོས་སམ་ལྷ་སྒྲུང་ཡིན།།
སུས་ཀྱང་ཁ་ཚོན་གཅོད་པར་སྤོབས་དཀའ་མོད།།
བདེན་ན་རྒྱལ་པོ་དེ་ཡི་རུས་ཀོང་ནི།།
མི་རབས་མ་ཆད་བར་དུ་ཕྱག་གི་ཡུལ།།
རང་གི་ཕ་ཡུལ་ཤོར་བའི་སྐྱབས་བཅོལ་བུ།།
Ted དྲི་མེད་Kunchok ཀུན་ལྡན་དངོས།།
བརྒྱུད་པ་དང་ནི་རྟགས་དང་དཔེར་མི་བལྟོས།།
མངོན་སུམ་མཐོང་བ་འདི་ཀོ་མི་མཚར་རམ།།
འཇིག་རྟེན་འདི་ན་སྤྲང་ཚང་ཆེ་ཤོས་ཏེ།།
རྩོད་མེད་ཡོངས་གྲགས་ཧིན་དྷུ་སྠིན་དུ།།
དབུལ་ཕོངས་དུ་ཁ༔སེལ་བར་བསམ་བཞིན་དུ།།
འཇིག་རྟེན་བྱེད་པོས་བསྐོས་པ་མ་ལགས་སམ།།
ཆོས་ཁྲིར་བཞུགས་ནས་ཆོས་བརྒྱད་མི་སྤྱོད་པ།།
ཆོས་གོས་མནབ་ནས་རྐུབ་བཀྱགས་མི་བརྩད་ཅིང་།།
ཆོས་པའི་མིང་སྐམ་ལ་ནི་མ་སྲེད་ཀྱང་།།
ཆོས་ཀྱི་ཉམས་ལེན་ངོ་མར་ཞུགས་འདི་རྨད།།
ཛཡནྟུ།