__གཙང་མེ་ལྕེ།
ས་ཞིང་གི་རོལ་ཁ་འཚམ་མིན་ཟེར་ནས་འབོད་མཁན་དེ
ཐལ་རྡུལ་ཁྲོད་ཀྱི་སོ་ནམ་པ་དེ་ཚོ་རེད
མགོ་སྦྲེལ་བཏང་བའི་གླང་རྒན་གྱི་གཉའ་ཞིང་དང
ཞིང་གྲོང་གི་ཐོང་གཤོལ་གཅིག་པུ་ནི
ཁྱོད་དང་ཁྱོད་ཀྱི་འཚོ་བ་རྒྱ་སྐྱེད་མཁན་དེ་མིན
འདི་ན་ད་དུང་ལྕང་ལྕུག་ཟེར་བ་ཞིག་གིས་དེད་རྒྱུ་ཡོད
རྗེན་རྗེན་དུ་སྟོན་པའི་དཔུང་ཤུགས་གཅིག་པུས་དེད་མི་ཉན་ལ
ལྕང་ལྕུག་གིས་ཨོང་ཤ་གཅིག་པུར་གཏན་ནས་གཞུ་མི་ཉན
རྣ་ཐག་ཟུང་ར་བར་ནས་འཐེན་གིན་འཐེན་གིན
མང་གཙོའི་སྐད་ཆ་ཞིག་གིས་སྤུད་ན
ཐག་སྣེ་དེ་མི་མང་གི་ལག་ཏུ་ཡོད་དགོས
༢༠༡༥་༩་༦