ཀླུ་སྨྱོན་ཧེ་རུ་ཀ
ཉིག་ཡོར་ན་ཁོན་ཡུན་སི་Queensཟེར་བའི་ས་གནས་ཤིག་ཡོད།
དེ་རུང་བོད་པ་དང་རྒྱ་གར་བར་འཚང་ཀ་བྱས་ནས་བསྡད་ཡོད།
ངའི་གྲོགས་པོ་ཞིག་གི་འབོད་སྟངས་བཞིན་བྱས་ནས་མེག་སི་ཀན་སྐེ་ཐུང་ཚོ་ཡང་དེར་འཚངས་བསྡད་ཡོད།
དེ་རུ་སྔོན་མ་ནས་ཁང་གླ་ཆེན་པོ་ཡིན་མོད། དེ་ནི་ས་འོག་མེ་འཁོར་འབབ་ཚིགས་ལ་ཐག་ཉེ་ཞིང་།
ཇག་སིན་ཧ་ཡེ་ཟེར་བའི་ཤར་ཕྱོགས་པ་ཚོ་འདུ་ས་ཞིག་དང་།
ཧྥུ་ལ་ཞིན་ཟེར་བའི་རྒྱ་མོ་ཚོའི་ཨོང་དོར་ཅེར་ས་ཞིག་ཀྱང་ཡོད།
སྙན་ངག་པ་ལྗང་བུ་ཡང་ས་གནས་དེར་བསྡད་ཡོད་པ་འདྲ།
ཁོང་གིས་ཉེ་ལམ་སྙན་ངག་ཅིག་བྲིས་པ་ལགས།
སྙན་ངག་དེ་ལ་རྩེ་དཔེ་མཛོད་ཁང་གི་ཟླ་བཞི་པ་སྙན་ངག་གི་ཟླ་བར་མཐུད།
ལྗང་བུས་སྙན་ངག་དེ་འབྲི་དུས་ཁོང་གིས་གཅིན་པ་གཏོང་གི་ཡོད།
སྙན་ངག་དེ་གཅིན་བཏང་མ་ཚར་གོང་བྲིས་ཚར་བ་མ་ཟད་སྤེལ་ཀྱང་ཚར།
སྙན་ངག་དེ་ཇི་འདྲའི་ཐུང་བ་ལ་ཨང་།
ཡིན་ན་ཡང་།
སྙན་ངག་དེ་སྤེལ་པའི་རྗེས་སུ་དེ་ལ་རྔ་མ་སྐྱེས་བྱུང་།
རྔ་མ་དེའི་མིང་ལ་ཕྲན་བཤད་ཟེར་བཞིན་འདུག
རྔ་མ་དེ་ལྗང་བུའི་ཨོང་དོའི་སྟེང་དུ་སྐྱེས་པ་གཏན་ནས་མིན།
དེ་ནི་ཨ་མདོ་བ་ཨོང་དོ་མེད་པ་འགའི་ཨོང་དོའི་སྟེང་ནས་སྐྱེས་པ་ལགས།
དེ་ནི་གཏན་ཚིག་དང་འགལ་ཡོད་སྲིད་ཀྱང་སྒྱུ་རྩལ་དང་གཏན་ནས་འགལ་མེད།
ལྗང་བུས་སྙན་ངག་དེ་འབྲི་སའི་མེ་འཁོར་འབབ་ཚིགས་ཀྱི་མིང་ལ་ཁོ་རོ་ན་ཕི་ལ་ཟ་Corona Plaza་ཟེར།
དེ་ཉིག་ཡོར་ནས་ཤར་ཕྱོགས་སུ་བགྲོད་པའི་མེ་འཁོར་ས་ཚིགས་ 103 པ་དེ་ཡིན།
ལྗང་བུས་སྙན་ངག་དེ་འབྲི་ཞོར་དང་ཆབ་གསང་གནང་ཞོར་ད་དུང་འདར་སིག་ཅིག་ཀྱང་རྒྱག་ཞོར་བྱས།
གཅིན་པ་གཏོང་ཞོར་འདར་སིག་རྒྱག་པ་དེ་སྐྱེས་པ་ཕོ་ཁོ་ནའི་ཁྱད་ཆོས་ཤིག་ཀྱང་ཡིན་སྲིད།
ཡང་མིན་ན་ལྗང་བུས་ཁོ་རོ་ན་ཞེས་པའི་ལམ་རྟགས་དེ་ཆེས་ཐོག་མར་མཐོང་སྟེ་འདར་ཞིང་གསིག་པ་ཞིག་ཀྱང་ཡིན་ཆོག།
ངའི་གྲོགས་པོ་སྙན་ངག་པ་འགའ་ཕྲན་བཤད་འབྲི་རྒྱུར་ཧ་ཅང་དགའ།
ཕྲན་བཤད་ཟེར་བ་དེ་ཚོ་བྲིས་རྗེས་ཁོ་ཚོ་གཉིད་དུ་ཡུར་འགྲོ།
ཁོ་ཚོར་འདང་རྒྱག་ཅི་ཡང་མེད་ལ་འདང་རྒྱག་ཕྲན་བུ་རེ་ཡོད་དུས་ཀྱང་ཡོད།
ཁོ་ཚོ་རྒྱ་གར་ནས་ཨ་རིར་འབྱོར་ཡོད་ཀྱང་སྲིད།
ཁོ་ཚོ་ནམ་ཡང་རང་ཡུལ་མེད་པའི་འཁྱམ་པོ་ལྡོམ་པོ་འགའ་ཡིན།
གཅིག་བྱས་ན་ལྗང་བུ་ཡང་སྔོན་ཆད་་་གངས་དཀར་ལྷ་མོའི་བསླུ་བྲིད་ཀྱི་དབང་གི་་་ཞེས་པའི་སྙན་ངག་དེ་འབྲི་དུས་བཞིན།
དབུ་ཆེན་པོ་དེའི་སྒང་ལ་སྐྲ་དཀར་རྫོགས་མེད་ཅིག་སྐྱེས་པའི་ཕོ་ཁྱོ་ག་ཞིག་ཡིན་ཆོག
ལྗང་བུའི་སྙན་ངག་དེ་ཚོའི་ནང་དུ་མངོན་མེད་ཡ་ཕེན་བསྲེས་ཡོད་ཁོ་ཐག་ཡིན།
དེས་གསར་བུ་མང་པོ་ཞིག་ཉིན་མང་པོར་ཉལ་སར་ལྷུང་དུ་བཅུག
ད་ཐ་ན་མིའི་དབང་རྩ་ཡང་འཁྲུགས་པར་བཟོས།
དེ་གློག་བརྙན་དུ་ཕབ་ཆོག་ལ་གད་སྙིགས་སུ་བརྩིས་ཀྱང་ཆོག
དེ་ནི་སྒྱུ་རྩལ་ལ་བཟུང་བའི་ལྟ་ཚུལ་རིགས་ཤིག་ཡིན་པས་ཚོན་སྣ་འདྲ་མིན་ཡོད་ཆོག
ངས་གྲ་སྒྲིག་ཅི་ཡང་མེད་པའི་སྒོ་ནས་སྙན་ངག་འདི་བྲིས་ཟིན།
འཆར་ཅན་བཞིན་བྲིས་ཟིན་པ་འདི་ཁ་བརྡ་དྲ་བའི་སྟེང་དུ་སྤེལ་རྒྱུ་ཡིན།
སྙན་ངག་འདི་ལྗང་བུས་ཀློག་ཆོག་ལ་མ་བཀླགས་ཀྱང་དེ་བས་ཆོག
ལྗང་བུ་ད་ལྟ་ཁོ་རོ་ན་ལམ་རྟགས་དེའི་སྟེང་དུ་ཡང་སྐྱར་འགྲེངས་ཡོད་སྲིད།
དེ་ནི་བཀྲ་ཤིས་ཟླ་བའི་་་བོད་ལྗོངས་་རྒྱུན་བུའི་མདུད་པ་ལ་བརྒྱུས་པའི་རྣམ་ཤེས་་ ནང་གི་མཐར་འཕེལ་ལམ་ཡང་ན་ཁྱུང་ཁྱུང་ཡིན་ཡང་ཆོག
་་་ ་་་
ད་ལྟ་རང་ལྗང་བུའི་སྙན་ངག་དེ་དྲ་ཐོག་ནས་བཀླགས་རྒྱུ་རག་སོང་། ཉིན་ཤས་སྔོན་ཁིར་ཀིས་ཀློག་གིན་པ་དེ་མཐོང་བྱུང་། བྲོ་བ་ཅི་ཡང་མེད་པ་ཞིག་རེད་འདུག ལྗང་བུ་ཟེར་བ་དེ་མྱི་དགོད་སྤྱད་ཅིག་རེད། སྙན་ངག་མེ་ཏོག་འདྲ་བ་ཞིག་བྲིས་རྗེས། ཁིར་ཀིས་གཅིག་བཀླགས་ནས་ཅང་ར་མི་ཉན་ནི་ཟིག་ལ་བཏང་ཡོད་ཀི། ངས་ཁིར་ཀིས་བཀླགས་པ་དེ་མཐོང་ནས་བརྙན་མཚར་པོ་འདྲ་ཞིག་བཟོས་འདུག་མོད། སྙན་ངག་དེ་ཚྭ་ཁུ་མེད་པའི་ཐུག་པ་ཞིག་དང་འདྲ་བོ་བཟོས་འདུག་ཅེས་ལབ་ཡིན། སྙན་ངག་དེ་ལྗང་བུ་ཁིར་ཀིས་བཀླགས་པ་དེ་ལ་མི་ཉན་པར་སོ་སོ་གཅིག་པོ་ཁི་སུམ་མེར་བསྡད་ན་བཀླགས་ན། ཉིན་འགའི་སྔོན་ལྗང་བུ་ཁིར་ཀིས་བཀླགས་པའི་སྙན་ངག་དེ་མ་རེད།
གངས་འཚོས་དཀར་ནག་གི་འཐབ་མོ་དང་་ལྗགས་མདའི་དྲན་པ་ཉེར་གཞག ཚ་བ་མདའ་སྨྱུག་གི་ཕྱིར་རྟོག སྐྱབས་ཆེན་བདེ་གྲོལ་གྱི་གངས་འདབས་ཀྱི་དུར་ཁྲོད་དང་ཤམ་བྷ་ལའི་བྱ་རྒོད་་དེབ་འདི་ཚོ་ཀློག་རིན་ཞིག་མི་འདུག