སྐལ་བཟང་རྒྱ་མཚོ་ནས
གཡག་རོག་གི་ཕ་ཁྱིམ་ལས་ རིང་ དུ་ བརྒལ་ བའི་ གྲུ་ ཁ་ འདིར་ ཚེ་ སྲོག་ གི་ འཚང་ ཁ་ ཆེ་ ཞིང་ མི་ཚོགས་ ཀྱི་ རྔམས་ ཁ་ འཐུག་ པའི་ ཀློང་ ན། དྲག་ ཏུ་ འཕྱུར་ བའི་ འགྲན་ རྩོད་ དང་ ཐོབ་ ཤོར་ གྱིས་ རླབས་ སྒྲ་ རྒོད་ ཅིང་ ངོ་ གདོང་ ཧྲིལ་ བོ་ རྫུན་ བག་ཀྱིས་ ཡོངས་ སུ་ བཏུམ་ པའི་ ཧམས་ སེམས་ ཅན་ དག་ རང་ འདོད་ ཀྱིས་ གཡོ་ གྲུ་ ལ་ གཞོན་ དེ་ མདུན་ ནས་མདུན་ དུ་ འདུར་ ཞིང་ ཧོལ་ གྱིས་རྒྱུག། དོན་ དམ་ པའི་ འོད་ སྣང་ ལ་ མུན་ ནག་ གི་ ཡོལ་ བ་ འཐེན་ ཅིང་ ཕུག་ བསམ་ གྱི་ མདུན་ ལྗོངས་ ལ་ ཚེར་ ནག་གི་ ས་ བོན་ བཀྲམ་ པའི་ རང་ རློམས་ ཅན་ ཚོའི་ སྐྱེ་ འགྲོའི་ བདེ་ སྐྱིད་ ཀྱི་ ཚེ་ སྲོག་ འཕྲོག་ བྱེད་ ལྕག་ ནག་ གི་རལ་ གྲི་ རྡུང་ མཁན་ ལ་ ལེགས་ པའི་ བསྔག་ བརྗོད་ དང་ མེ་ ཏོག་ གི་ ཕྲེང་ བ་ བརྩལ། སྨྱོས་ ཟིན་ པའི་ གླང་ ཆེན་ གྱི་ གདོང་ ལ་ མེ་ ཏོག་ གི་ ཞབས་ རྗེས་ བཀོད་ པའི་ ཤིན་ ཏུ་ དཔའ་ ཉམས་ ཀྱིས་འགྱིང་ བའི་ གླང་ ཕྲུག་ ལ་ རང་ སྣང་ གི་ ངར་ ཤུག་ རྒྱས།
ལས་ དབང་ གིས་ བསྐྲུན་ པའི་ འཁོར་ ཡུག་ འདི་ ན་ ལས་ དབང་ གིས་ བསྐྱལ་ བའི་ ་ ལྡོམ་ པོ་ དག་ རེས་ སྐྱིད་དང་ རེས་ སྡུག་ གི་ འཚོ་ ཞིང་ གཏད་ སོ་ ངེས་ མེད་ ཟིན་ མེད་ ཀྱི་ བྱ་ བཞག་ གི་ སྣེ་ ན་ རྒས་ ཤིང་རྒུད།
ལས་ དབང་ གི་ འཆེ་ སྡེར་ འོག་ ན་ འཚོ་ ཞིང་ གནས།
ལས་ དབང་ གི་ གྲི་ སོ་ ཁ་ ནས་ འགྲེང་ ཤིང་ འགྱེལ།
ལས་ དབང་ གི་ དམྱལ་ བའི་ འཕྲེང་ ནས་ གོག་ ཤིང་ ལང་ །
ལས་ དབང་ གི་ ཆང་ ཕོར་ ཁ་ ནས་ འདི་ ལྟར་འབྲི །
གནས་ ལ་ ངེས་ གཏན་ མེད་ པའི་ ལྡོམ་ པོ།
དུས་ ལ་ ཉིན་ མཚན་ ལྡོག་ པའི་ ས་ འདིར།
གྲོང་ དང་ གྲོང་ གི་ རྦ་ རླབས་ ཁྲོད་ ན།
བརྩེ་ བའི་ འདུན་ མ་ གཏད་ སོ་ གང་ ཡིན།
ངའི་རྨི་ལམ་ནི། སྐྱེས་ས་རང་དུ་འཆི་རྒྱུ་དེ་རེད།
ངའི་འཁྱམས་འགོ་བཙུགས་ས་ནི་
སྲོང་བཙན་གྱིས་ཁྲིམས་བཙུགས། ཁྲི་སྲོང་གིས་ཆོས་དར། ཁྲི་རལ་གྱིས་དེ་གཉིས་དར་ས་དེ་རེད།
ངའི་འཁྱམས་ཡུལ་ནི་
གཞན་ཡུལ་འཕགས་པའི་ཡུལ་གྷན་དྷི་འཁྲུངས་ས་དང་མགོ་སེར་མང་གཙོའི་དར་སའི་ཡུལ་རེད།
ངས་འཁྱམས་དགོས་དོན་ནི་
རང་གི་རང་དབང་ཆོས་མེད་དབང་ཆེན་ཁྱིམ་མཚེས་དམར་པོ་གསར་ཐོན་ལ་ཤོར་ཙང་རེད།
ངས་འཁྱམས་པའི་དམིགས་ཡུལ་ནི་
འཁྱམས་ཡུལ་གྱི་ཤེས་རིག་སྦྱངས་ནས་རང་ཡུལ་ལ་འཁྱེར་ནས་གསར་གཏོད་བྱེད་རྒྱུ་དེ་རེད།།
ངས་འཁྱམས་པའི་དུས་སུ་
འཁྱམས་དགོས་དོན་ནམ་ཡང་མ་བརྗེད་པར་རང་ས་རང་སྲུང་གི་ཆབ་སྲིད་སྦྱོང་རྒྱུ་དེ་ཡོད།
ང་འཁྱམས་པོའི་རྨི་ལམ་ནི་
རང་གི་ལྟེ་ཁྲག་འཕོ་སའི་རང་ཡུལ་ལ་ལོག་ནས་སྐྱེས་ས་རུ་སྨོན་ལམ་དང་བཅས་འཆི་རྒྱུ་དེ་རེད།