ཆབ་སྲིད་དཔྱད་གླེང་འདོན་ཐེངས་ལྔ་བ་ནས་དྲངས། མཁོ་འདོན་པ། ཆབ་སྲིད་དཔྱད་གླེང་རྩོམ་སྒྲིག་པ།
ཌལ་ཧོར་གཏན་སློབ་དབུ་བརྙེས་ནས་ལོ་ལྔ་བཅུ་འཁོར་བའི་མཛད་སྒོའི་ཉིན་གཉིས་པ་༢༠༡༣། ༤། ༢༨། ཉིན་དམིགས་བསལ་སྐུ་མགྲོན་སློབ་དཔོན་ཟམ་གདོང་རིན་པོ་ཆེ་མཆོག་གིས་སྩལ།
༄༄།། དེ་རིང་འདིར་དྲན་རྟེན་ཕྱག་རྟགས་ཀྱི་ལས་རིམ་ལ་དུས་ཚོད་རིང་པོ་སོང་བ་ཡིན་སྟབས། མང་པོ་བཤད་ན་སུན་སྣང་སྐྱེ་མདོག་ཁ་པོ་རེད། ཡིན་ནའང་འདིར་མགྲོན་འབོད་གནང་བར་བརྟེན། ཚིག་ཁ་ཤས་མ་བཤད་ན་མི་འགྲིགས། སྤྱིར་བཏང་སློབ་ཟུར་ཚོར་ཁ་སང་༸གོང་ས་སྐྱབས་མགོན་ཆེན་པོ་མཆོག་གིས་ཐུགས་དགྱེས་བརྩེ་ཆེན་པོས་བཀའ་སློབ་ཞིབ་རྒྱས་གནང་ཡོད། དེ་ཉན་རྒྱུའི་སྐལ་བཟང་གི་གོ་སྐབས་ལྷན་རྒྱས་ཚང་མར་བྱུང་བ་རེད། དེའི་ཚིག་དོན་རེ་རེ་བཞིན་ཐུགས་ལ་འཇགས་པ་ཡིན་ན་ང་ཚོས་བསྐྱར་ལྡབ་ཡང་ལྡབ་ཞུ་དགོས་པ་མེད། ད་ཐེངས་སློབ་ཟུར་མང་པོ་ཞིག་རྒྱལ་ཁབ་མང་པོ་ནས་ཕེབས་ཐུབ་པ་དེ་ཡག་པོ་རེད།
རིག་གནས་དང་རིག་གནས་སྦྱང་སའི་གླིང་གཉིས་པོ་ཁྱད་པར་མེད་པར་རྩ་ཆེན་པོར་བརྩི་བ་རེད། རྒྱ་གར་གྱི་སྤྱི་ཚོགས་འགྲོ་སྟངས་ལྟར་ན་མི་ལོ་བརྒྱ་དེ་ལོ་ཉེར་ལྔ་རེའི་གོ་སྐབས་ཤིག་ཏུ་དབྱེ་བ་ཕྱེ་སྟེ། ཐོག་མའི་ལོ་ཉེར་ལྔ་དེ་སློབ་སྦྱོང་གི་བསྟི་གནས་ཤིག་ཏུ་རིག་གནས་སྦྱང་རྒྱུའི་དུས་ཚོད་དང། དེའི་ལྷག་འཕྲོའི་ལོ་དེ་རྣམས་ལོ་ཉེར་ལྔའི་རིང་སློབ་སྦྱོང་བྱས་པའི་ཤེས་ཡོན་དེའི་ཐོག་ནས་མི་ཚེ་བསྐྱལ་སྲོལ་ཞིག་ཡོད་པར་བརྟེན། རང་གིས་གང་ལ་སྦྱངས་པའི་རིག་གནས་དང་རིག་གནས་དེ་གང་དུ་སྦྱང་སའི་གནས་གཉིས་པོ་དེ་རྩ་ཆེན་པོ་ཞིག་ཆགས་འགྲོ་བ་རེད། ང་ཚོར་གནས་མཇལ་དུ་འགྲོ་ཞེས་པའི་བཤད་སྟངས་ཤིག་ཡོད་པ་དེ་ནི་སྔོན་གྱི་སྐྱེས་བུ་དམ་པ་ཚོའི་སློབ་གཉེར་གནང་ས་དང་རྟོགས་པ་རྙེད་ས་དེ་ལ་གནས་ཞེས་ཞུ་བ་རེད། དེས་ན་གང་ཟག་རང་རང་སོ་སོར་ཆ་མཚོན་ན། རང་ཉིད་ཀྱིས་གང་དུ་སློབ་སྦྱོང་བྱ་སའི་གནས་དེ་ངེས་པར་དུ་གནས་མཇལ་དུ་འགྲོ་དགོས་སའི་ཡུལ་ཞིག་ཆགས་པར་བརྟེན། ཁྱེད་ཚོ་ཚང་མ་དེ་རིང་འདིར་གནས་མཇལ་ལ་ཕེབས་པ་དང་ཆབས་གཅིག་ཏུ་སྔོན་མའི་ཚོར་བ་རྣམས་ལ་དྲན་གསོ་བྱེད་རྒྱུ་དང། མ་འོངས་པར་ད་དུང་སྤྱི་ཚོགས་དང་མི་རིགས་ཀྱི་འདུ་ཤེས་དེ་བརྟན་པོ་ཞིག་བཟོ་རྒྱུའི་གོ་སྐབས་གསར་པ་ལྟ་བུ་ཞིག་བྱུང་བ་རེད།
ལྷག་པར་དུ་འདིར་༸གོང་ས་༸སྐྱབས་མགོན་ཆེན་པོ་མཆོག་༸ཞབས་སོར་འཁོད་ཐུབ་པ་དེ་ནི་དམིགས་བསལ་གྱིས་སྐལ་བ་བཟང་པོ་རེད། ད་ལྟ་༸གོང་ས་མཆོག་དགུང་གྲངས་མཐོ་པོར་ཕེབས་པའི་གནས་སྐབས་ཤིག་ཡིན་སྟབས། ང་ཚོས་༸གོང་ས་མཆོག་གི་འབྱུང་འགྱུར་གྱི་སྐུ་ཚེ་རྣམས་ཇི་ཙམ་གལ་ཆེན་ཡིན་པ་དེ་ངེས་པར་དུ་མཁྱེན་དགོས། ཡང་སྒོས་བོད་སྤྱིའི་གནས་བབ་ལ་ཆ་བཞག་ན། འདས་པའི་ལོ་གཉིས་གསུམ་ནས་ཧ་ཅང་ཛ་དྲག་ཆེ་བའི་གནས་བབ་ཅིག་གི་འོག་ཏུ་འགྲོ་བཞིན་པ་དེ་ཚང་མའི་དགོངས་པར་མངའ་གསལ་རེད། ང་ཚོའི་བསམ་བློའི་ནང་སེམས་འཚབ་ཅིག་མི་ཚང་མར་ཡོང་གི་ཡོད་རུང་། སེམས་འཚབ་དེ་ཙམ་ལས་སེམས་འཚབ་དེའི་དབང་གིས་ང་ཚོའི་སྐབས་བབ་ཀྱི་ལས་འགན་འདི་འདྲ་ཞིག་སྒྲུབ་དགོས་ཀྱི་འདུག་བསམ་མཁན་དེ་ཕྲན་བུ་ཉུང་ཉུང་ལྟ་བུ་ཞིག་མཐོང་གི་འདུག དེ་ལའང་ཐུགས་ཁག་མེད། ང་ཚོ་བོད་ཀྱི་ཕྱི་ལ་ ཡོད་པ་ཡིན་སྟབས་ཆབ་སྲིད་དང་སྤྱི་ཚོགས་དང་འབྲེལ་བའི་ལས་དོན་མང་པོ་ཞིག་བྱེད་ཐུབ་ཐབས་མེད། འོན་ཀྱང་ང་ཚོ་མི་རེ་ངོ་རེས་བྱེད་ཐུབ་པ་དང་བྱེད་དགོས་པ་གང་ཡིན་པ་དེ་ངེས་པར་དུ་མཁྱེན་དགོས། དེ་ཡང་ང་ཚོ་མི་རེ་ངོ་རེས་བྱེད་ཐུབ་པ་ནི་༧རྒྱལ་བ་རིན་པོ་ཆེའི་ཅི་གསུངས་བཀའ་སྒྲུབ་ཞུ་རྒྱུ་དང་། དབུས་བོད་མིའི་སྒྲིག་འཛུགས་ལ་རྒྱབ་སྐྱོར་བྱེད་རྒྱུ་དེ་གཉིས་རེད། ལྷག་པར་དུ་གཉིས་སྨན་དབུ་མའི་ལམ་གྱི་སྲིད་བྱུས་དེ་བོད་དོན་བདེན་མཐའ་གསལ་བའི་ཐབས་ལམ་གཉིས་པ་མེད་པ་ཡིན་པ་དེ་བཤད་མ་དགོས་པ་རེད། དེ་ལས་གཞན་པའི་ཐབས་ལམ་ཞིག་ཡོད་པ་དེ་ལྷ་དང་། མི་དང། དྲི་ཟ་དང་བཅས་པའི་འཇིག་རྟེན་སུ་ལ་དྲིས་ཀྱང་སྟོན་མཁན་སུ་ཡང་མེད་ལ། ཐབས་ལམ་འདི་འདྲ་ཞིག་བསྟན་རྒྱུའང་མེད་སྟབས། ལུང་པ་གང་སར་བཞུགས་པའི་བོད་རིགས་ཤིག་ཡིན་ཕྱིན། ༸གོང་ས་༸སྐྱབས་མགོན་ཆེན་པོའི་ལམ་སྟོན་དང་། བོད་མི་མང་ཚོགས་ཀྱིས་མང་གཙོའི་བརྒྱུད་ལམ་ནས་ཚད་མཐོའི་མང་མོས་ཀྱིས་གཏན་ལ་ཕབ་པ། གྲོས་ཚོགས་ཀྱིས་སྤྱི་མོས་ཀྱིས་གཏན་ལ་ཕབ་པའི་གཉིས་སྨན་དབུ་མའི་ལམ་གྱི་སྲིད་བྱུས་དེ་རྩ་ཆེན་པོ་བརྩི་དགོས་པ་དང་། དེ་མཇུག་སྐྱོང་བྱེད་དགོས་པ་དེ་ཧ་ཅང་གལ་ཆེན་པོ་མཐོང་བ་ཡིན་སྟབས། དེ་རིང་འདིར་ཕྱོགས་མཐའ་ཁག་ནས་ཕེབས་མཁན་མང་པོ་ཡོད་པར་བརྟེན། བསྐྱར་ལྡབ་ཅིག་ཞུས་ན་བསམས་བྱུང།
དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་དང་ཉམས་ལེན་བྱེད་དགོས་ཞེས་བརྗོད་སྐབས། བོད་མིའི་སྤྱི་ཚོགས་ནང་ཆབ་སྲིད་ཀྱི་བསམ་ཚུལ་གཞན་འཁྱེར་ཆོག་གི་མ་རེད་ཟེར་གྱི་མེད། ཆབ་སྲིད་ཀྱི་བསམ་ཚུལ་མི་འདྲ་བ་ཡོད་པ་ཡིན་ནའང། དེ་ཚོ་ལག་བསྟར་དང་མཇུག་སྐྱོང་བྱེད་པའི་སྐབས་སུ་བོད་སྤྱིའི་ཆིག་བསྒྲིལ་གྱི་ནུས་པ་མ་ཉམས་པ་དང། ༸གོང་ས་མཆོག་ལ་ཐུགས་སུན་དང་ཐུགས་དགོངས་དཀྲུགས་གཞི་མ་ཡོང་བ་ཞིག་དགོས་པ་དེ་དམིགས་བསལ་གལ་ཆེན་པོ་ཡིན་པ་དེ་ངེས་པར་དུ་ཐུགས་ལ་འཇོག་དགོས། བོད་ཀྱི་མཐར་ཐུག་གི་དམིགས་ཡུལ་གང་འདྲ་ཞིག་འཛིན་མིན་བོད་མི་མི་རེ་ངོ་རེར་བརྒྱ་ཆ་བརྒྱ་ཐམ་པའི་རང་དབང་ཡོད་པ་རེད། བོད་རང་བཙན་གྱི་འཐབ་རྩོད་བྱེད་མཁན་ཞིག་ཡིན་ནའང། བྱུང་རབས་ཀྱི་ཐོག་ནས་ཐོབ་ཐང་ཡོད་པའི་གནས་བབ་ཅིག་འཐབ་རྩོད་བྱེད་ཀྱི་ཡོད། ཡིན་ནའང་འཐབ་རྩོད་བྱེད་ས་དེ་རྒྱ་ནག་མི་དམངས་སྤྱི་མཐུན་རྒྱལ་ཁབ་རེད་མ་གཏོགས། ༸གོང་ས་མཆོག་དང་རྡ་རམ་ས་ལ་གཉིས་མ་རེད། དེ་ངོས་འཛིན་མ་ནོར་བ་ཞིག་གནང་དགོས།
ཁ་སང་༸གོང་ས་མཆོག་གིས་བཀའ་ཕེབས་པ་ལྟར་སློབ་གྲྭ་འདི་ནས་ཐོན་པའི་སློབ་ཟུར་མང་པོ་ཞིག་ས་ཆ་གང་དུ་བཞུགས་ནའང་སྤྱི་ཚོགས་དང་བསྟན་སྲིད་ཀྱི་ཞབས་ཞུར་ལས་འགན་རྒྱ་ཆེན་བསྒྲུབས་དང་སྒྲུབ་བཞིན་པ་རེད། ཁོང་ཚོ་མཇལ་བའི་སྐབས་ལ་རྗེས་སུ་ཡི་རངས་དང་དགའ་ཚོར་ཡོང་གི་འདུག ཁྱེད་རྣམ་པས་མ་འོངས་པར་ཡང་ལྷག་བསམ་དང་འབད་བརྩོན་མུ་མཐུད་རྒྱུན་ཆད་མེད་པར་གནང་དང་གནང་ངེས་ཡིན་སྟབས་འབོད་སྐུལ་ཞུ་དགོས་མ་མཐོང།
སྤྱིར་བཏང་སློབ་གྲྭའི་ཆ་ནས་ཞུས་ན་ཌལ་ཧོར་སློབ་གྲྭ་འདི་བཞིན་དྲུག་ཅུ་རེ་གྲངས་དང་དེང་སང་གི་གནས་སྟངས་གཉིས་བསྡུར་ན་གནས་ཚུལ་མང་པོའི་ཐོག་ཡར་རྒྱས་ཆེན་པོ་ཕྱིན་ཡོད། སློབ་ཕྲུག་གི་གྲངས་འབོར་ཐད་ཕྲན་བུ་ཉུང་དུ་སོང་ཡོད་རུང་། དེ་ནི་སྤྱིར་བཏང་གི་ཆོས་ཉིད་ལྟ་བུ་རེད། ཡིན་ནའང་འདུས་བྱས་སོ་ན་མི་གནས་པ་ཡིན་སྟབས། མ་འོངས་པར་གནས་དང་མ་གནས་ཟེར་བ་དེ་མིའི་ལག་ཏུ་མེད་ཀྱང། ས་གནས་འདིར་བོད་རིགས་ཀྱི་ཆེད་དུ་གཏན་འཇགས་སློབ་གྲྭ་ཞིག་མུ་མཐུད་གནས་རྒྱུ་བྱུང་ན་ཡག་པོ་འདུག་སྙམ་གྱི་ཡོད།
ཕྱོགས་གཞན་ནས་ཞུས་ན། སློབ་གྲྭ་ཁག་གི་ལོ་ལྔ་བཅུའི་དུས་ཆེན་གྱི་མཛད་སྒོར་བཅར་སྐབས། ལོ་ལྔ་བཅུའི་རིང་སློབ་ཕྲུག་མང་པོ་ཞིག་ལ་སློབ་སྦྱོང་སྤྲད་ཐུབ་པར་བརྟེན། དགའ་སྣང་ཞིག་ཡོང་གི་ཡོད། དེ་དང་ཆབས་གཅིག་ཏུ་སེམས་ལ་སྐྱོ་སྣང་ཞིག་ཀྱང་ཡོང་གི་འདུག ལོ་ལྔ་བཅུ་ཕྱིན་པའི་རྗེས་སུའང་བོད་མིས་འཛིན་སྐྱོང་བྱས་པའི་སློབ་གྲྭ་དེ་ཚོའི་ནང་བོད་ཀྱི་སྐད་ཡིག་ཐོག་ནས་སློབ་སྦྱོང་སྤྲོད་ཐུབ་ཀྱི་མེད། ང་ཚོ་ད་དུང་སྐད་ཡིག་གཞན་གྱི་གཞན་དབང་དུ་བསྡད་ཡོད། ཁ་ཤས་ཀྱིས་དེ་ཡག་པོ་ཡིན་པར་དགོངས་སྲིད། འོན་ཀྱང་དངོས་ཡོད་གནས་ཚུལ་ཐོག་ནས་བལྟས་ན། བོད་ནང་སྐད་ཡིག་གི་རང་དབང་མེད་པ་དེ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ཆབ་སྲིད་ཀྱི་བཙན་དབང་ལ་བརྟེན་ནས་རེད། བཙན་བྱོལ་སྤྱི་ཚོགས་ནང་སྐད་ཡིག་གི་རང་དབང་དེ་ང་ཚོས་དང་བླངས་ཀྱིས་གཞན་ལ་ཕུལ་བ་རེད་མ་གཏོགས། སུས་ཀྱང་བཙན་དབང་གིས་ འཕྲོགས་མེད། ང་ཚོ་རྒྱ་གར་དུ་སླེབས་མ་ཐག་པའི་སྐབས་ལྟ་བུ་ཡིན་ན་ཁག་མེད། ཡིན་ནའང་ད་ལྟ་དུས་ཚོད་རྒྱུན་རིང་སོང་བ་ཙམ་དུ་མ་ཟད། བཙན་བྱོལ་བོད་མིའི་བཅའ་ཁྲིམས་གཞིར་བཟུང་དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱིས་བོད་མིའི་དངོས་ཡོད་དགོས་མཁོ་དང་འཚམས་པའི་ཤེས་ཡོན་སྲིད་བྱུས་གཏན་འབེབས་གནང་གྲུབ་པའི་རྗེས་ལའང་ད་དུང་ང་ཚོ་སྐད་ཡིག་གི་གཞན་དབང་དེ་ནས་འགྲོལ་མ་ཐུབ་པའི་གནད་འགག་གང་དུ་ཐུག་ཡོད་མེད་དེ་གཏིང་ཟབ་ཐོག་ནས་དགོངས་པ་བཞེས་དགོས་པ་དང་། ལྷག་པར་དུ་མི་རབས་རྗེས་མའི་བདག་པོ་བུ་ཚ་བུ་བརྒྱུད་ཡོད་མཁན་ཕ་མ་རྣམས་ཀྱིས་འདིའི་ཐོག་དམིགས་བསལ་གྱིས་དགོངས་པ་བཞེས་དགོས་པ་དེ་གལ་ཆེན་པོ་ཆགས་ཀྱི་འདུག མཐའ་དོན་འདིར་ཕྱག་ལས་གནང་མཁན་དགེ་རྒན་ཟུར་པ་དང་ལས་བྱེད་ཟུར་པ་ཚང་མར་བཀའ་དྲིན་རྗེས་དྲན་ཡོད། ཐུགས་རྗེ་ཆེ།
ཆབ་སྲིད་དཔྱད་གླེང་རྩོམ་སྒྲིག་པས་ཡིག་ཐོག་ཕབ་བཤུ་བྱས།
དངོས་གནས་རེད་དབུ་མ་ཞེས་པ་གྲུབ་མཐའི་ལྟ་གྲུབ་ཀྱི་མིང་བྱེ་བྲག་པ། མི་རིགས་ཤིག་གི་ཆབ་སྲིད་ལངས་ཕྱོགས་ལ་དྲན་རྟེན་འདྲ་བོ་བཏགས་པ་ནི་ལྷ་དང་ཀླུ་དྲི་ཟ་ལ་དྲིས་པ་ཡིན་ཐག་ཆོད་རེད། ད་དུང་བཀའ་དྲི་ཞུ་ས་ངོ་མ་དེ་གནོད་སྦྱིན་དང་སྲིན་པོ་ཡིན་འགྲོ་དེ་མིན་དེ་ལྟ་བུ་ཆབ་སྲིད་ཀྱི་ལྟ་བ་བཀའ་གཉེན་པོ་ཞིག་གང་ནས་རག བོད་མི་རིགས་འདི་དངོས་གནས་འདྲ་འདྲའི་ནང་གི་མ་འདྲ་ཡོད་སྡད་པ་འདི་ལྷ་དང་ཀླུ་དྲི་ཟ་སོགས་གཟུགས་མེད་རྣམས་ཀྱི་བཀའ་བཞིན་སྒྲུབ་པ་ཡིན་ཙང་མ་འདྲ་པ་ཆགས་ཐུབ་པ་རེད། དཔེར་ན་གཞིས་ལུས་དཔའ་བོ་དཔའ་མོ་བརྒྱ་དང་བཅོ་བརྒྱད་ཀྱིས་མི་རིགས་ཀྱི་དོན་དུ་རང་ལུས་མེ་རུ་སྒྲོན་ཟིན་ནས་གཞི་ནས་ཉེ་འཆར་ལྷ་འདྲེའི་ལུང་བསྟན་ལ་མཚམས་འཇོག་དགོས་ཞེས་ཕེབས་པ་ལྟར་བཀའ་ཤག་ནས་ཡོང་གྲགས་གནང་པ་ལྟ་བུ་རེད། གཟིགས་དང་ང་ཚོ་མཐོ་དམན་ཚང་མའི་ཡིད་ཆེས་བྱེད་སའི་ལྷ་དང་ཀླུ་དང་དྲི་ཟ་ཚོས་ག་འདྲའི་ལམ་སྟོན་ཡག་པོ་སྟོན་གྱི་འདུག་ད་ཡིད་ཆེས་ཀྱི་འདུག་གམ།
རྟེན་འབྱུང་སྟོང་པ་གཟིགས་ཤིང་གསུང་ཉིད་ལས།།
སྟོན་པ་བླ་ན་མེད་པ་ཤཀྱཱ་རྒྱལ།།
དབུ་མའི་ལམ་བཟང་གཟིགས་ཤིང་སྟོན་མཛད་པས།།
དབུ་ཁྲིད་བླ་ན་མེད་པའི་༧སྐྱབས་མགོན་མཆོག །
སྟོན་པ་བླ་མེད་དབུ་ཁྲིད་བླ་ན་མེད།།
གང་གི་རིང་ལུགས་འཛིན་ལ་ཟླ་བྲལ་བ།།
མཁས་པའི་དབང་པོ་ཟམ་གདོང་བླ་མ་ཞེས།།
ཀུན་ནས་བཀུར་ཞིང་སྐུ་དྲིན་ཆེ་ལགས་ཞུ།།
ཟམ་གདོང་རིན་པོ་ཆེའི་གཏམ་བཤད་འདི་ལས་ཅུང་སྣང་བ་འགྲོ་ཤོས་དེ། ༼དེ་དང་ཆབས་གཅིག་ཏུ་སེམས་ལ་སྐྱོ་སྣང་ཞིག་ཀྱང་ཡོང་གི་འདུག ལོ་ལྔ་བཅུ་ཕྱིན་པའི་རྗེས་སུའང་བོད་མིས་འཛིན་སྐྱོང་བྱས་པའི་སློབ་གྲྭ་དེ་ཚོའི་ནང་བོད་ཀྱི་སྐད་ཡིག་ཐོག་ནས་སློབ་སྦྱོང་སྤྲོད་ཐུབ་ཀྱི་མེད། ང་ཚོ་ད་དུང་སྐད་ཡིག་གཞན་གྱི་གཞན་དབང་དུ་བསྡད་ཡོད། ཁ་ཤས་ཀྱིས་དེ་ཡག་པོ་ཡིན་པར་དགོངས་སྲིད། འོན་ཀྱང་དངོས་ཡོད་གནས་ཚུལ་ཐོག་ནས་བལྟས་ན། བོད་ནང་སྐད་ཡིག་གི་རང་དབང་མེད་པ་དེ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ཆབ་སྲིད་ཀྱི་བཙན་དབང་ལ་བརྟེན་ནས་རེད། བཙན་བྱོལ་སྤྱི་ཚོགས་ནང་སྐད་ཡིག་གི་རང་དབང་དེ་ང་ཚོས་དང་བླངས་ཀྱིས་གཞན་ལ་ཕུལ་བ་རེད་མ་གཏོགས། སུས་ཀྱང་བཙན་དབང་གིས་ འཕྲོགས་མེད། ང་ཚོ་རྒྱ་གར་དུ་སླེབས་མ་ཐག་པའི་སྐབས་ལྟ་བུ་ཡིན་ན་ཁག་མེད། ཡིན་ནའང་ད་ལྟ་དུས་ཚོད་རྒྱུན་རིང་སོང་བ་ཙམ་དུ་མ་ཟད། བཙན་བྱོལ་བོད་མིའི་བཅའ་ཁྲིམས་གཞིར་བཟུང་དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱིས་བོད་མིའི་དངོས་ཡོད་དགོས་མཁོ་དང་འཚམས་པའི་ཤེས་ཡོན་སྲིད་བྱུས་གཏན་འབེབས་གནང་གྲུབ་པའི་རྗེས་ལའང་ད་དུང་ང་ཚོ་སྐད་ཡིག་གི་གཞན་དབང་དེ་ནས་འགྲོལ་མ་ཐུབ་པའི་གནད་འགག་གང་དུ་ཐུག་ཡོད་མེད་དེ་གཏིང་ཟབ་ཐོག་ནས་དགོངས་པ་བཞེས་དགོས་པ་དང་།༽འདི་རེད།
དབུ་མའི་ལམ་གྱི་འགྲེལ་བཤད་ཐད་ལ་སྔོན་ཆད་ཁོང་གིས་ཀྱང་མཐའ་བཅུ་དྲུག་དང་། མཐའ་བརྒྱད། མཐའ་བཞི་ལ་སོགས་པའི་འགྲེལ་བཤད་རབ་རིབ་བསྐྱོན་ནས་བསྡད་པ་རེད།
ཆོས་མིང་སྲིད་མིང་ལ་བཏགས་པའི་ལམ་དབུ་མ་འདི་ལྷ་དང་ཀླུ་དང་གནོད་སྦྱིན་དྲི་ཟ་དང་བཅས་པ་གཟུགས་འདས་ལ་དྲིས་ན་མ་གཏོག་གཟུགས་ལྡན་འགྲོ་བ་མིར་དྲིས་ན་ཕལ་ཆེར་ཁག་པོ་རེད། འདི་ནི་གཟུགས་འདས་ཀྱི་སྤྱོད་ཡུལ་ལས་གཟུགས་ལྡན་གྱི་སྤྱོད་ཡུལ་མིན་པ་འདྲ། མ་གཞི་བོད་མི་རིགས་འདི་ཡོད་ཚད་གཟུགས་འདས་ལ་བཅོལ་བའི་ལམ་ལུགས་འདིའི་འོག་ནས་བསྐྱལ་བ་དང་ལྷུངས་བ་རེད་ལ་ད་དུང་རྫོགས་མཐའ་མེད་ཡ།
ད་འདི་གནད་འགག་ཅིག་མ་རེད། འོ་ན་ལམ་དབུ་མའི་རང་སྐྱོང་གིས་རྒྱ་རིགས་མཉམ་སྡོད་འོག་སྤྱི་ཚོགས་རང་བཞིན་གྱི་བཤན་མ་ཞུགས་པར་མི་རིགས་རིག་གཞུང་དང་བཅས་པ་བསྲུང་སྐྱོབས་ག་འདྲ་བྱེད་ཐུབ་བམ། དཔེ་ཉེ་ཤོས་ཧི་མ་ལའི་རི་བརྒྱུད་ཀྱི་ལ་དྭགས་དང་འབྲས་ལྗོངས་མོན་པ་སོགས་གི་རང་སྐྱོང་ལ་དཔེར་ལོངས། ད་ཆ་ཁོ་ཚོས་མི་རིགས་རང་བཞིན་དང་རིགས་གཞུང་རང་བཞིན་བསྲུང་སྐྱོབས་ཇི་ཙམ་བྱེད་ཐུབ་ཀྱི་འདུག་གམ།
ལྷ་དང་ཀླུས་བོད་ལ་འདུན་ལམ་ཡག་པོ་ཞིག་སྟོན་ཐུབ་ན་བོད་པ་ཚོ་རྒྱའི་འོག་ནས་དཀའ་ངལ་མྱོང་དགོས་བ་ག་ལ་ཡོད་།
ཡིན་ནའང་འཐབ་རྩོད་བྱེད་ས་དེ་རྒྱ་ནག་མི་དམངས་སྤྱི་མཐུན་རྒྱལ་ཁབ་རེད་མ་གཏོགས། ༸གོང་ས་མཆོག་དང་རྡ་རམ་ས་ལ་གཉིས་མ་རེད། དེ་ངོས་འཛིན་མ་ནོར་བ་ཞིག་གནང་དགོས།
སྐད་ཅ་ཁར་ཐུག་ཞུ་ན་གནད་འགག་ཨེ་ཡོད་སྙམ། དེ་ནི་༧གོང་ས་མཆོག་དང་རྡ་སའི་སྒྲིག་འཛུགས་ལ། ཏཱ་ལའི་བླ་མ་དང་ཡུལ་གྱར་སྲིད་གཞུང་ཞེས་གུང་བྲན་གྱི་དགྲར་ངོས་འཛིན་པ་བཞིན། ལངས་ཕྱོགས་ལྟ་ཚུལ་གུང་བྲན་གྱི་ཕྱོགས་སུ་འགྲོ་ན་གནས་བབ་གང་ཞིག࿒ལ་སླེབས་པ་རེད་དམ་སྙམ་ནས་དབྱེ་ཞིབ་དདཀའ་བ་ཞིག་རེད་མིན་འདུག་གམ།
དབུ་མའི་ལམ་ལས་ཡག་བ་ང་ལ་སྟོན་གྱི་ཡོད། ངོ་མ་ལབ་ཀྱི་ཡོད་ད། མ་ཤེས་ཤེས་མདོག་མིན་ད།
བྲག་ཕུག་ཡོད་ཚད་གྷུ་བྲག
བུད་མེད་ཐམས་ཅད་ཕྱག་རྒྱ
པདྨ་ལ་ཕུལ
སྲིད་པ་རྒད་པོའི་གནའ་གཏམ་ལས། ཨ་ཆེན་ཐང་ནས་རྟ་རྒྱུགས་དུས། །བྲག་ཁུག་བན་རྒན་རྐུབ་ཚ། ཟེར་བ་དེ་ཁྱོད་རེད། ཧ ཧ བན་དེ་བ་ལ་ཕུལ།
གཞན་ཡང་གཏམ་ལས། །བན་དེ་ཤི་ཁ་འདར་ཤིག་ཤིག །ཨ་ལི་ངུ་ཁ་བགད་ཚག་ཚག ཅེས་པ་གོ་མྱོང་ངམ། གཞན་ཡང་། བན་ཤི་ཁའི་སྡོམ་པ། །ནམ་ལངས་ཁའི་ཉལ་གཅིན། དེ་ཡང་བན་དེ་བ་ཁྱེད་ལ་ཡིན་གདའ།
པདྨ་ལགས་ཕ་ཆོས་རྫོགས་པ་ཆེན་པོ་ལས། དུག་ལྔ་རང་གྲོལ། རྣམ་རྟོག་རང་ཞིག མ་བཅོས་སེམས་ཉིད། འཁོར་འདས་བཟང་ངན་གཉིས་མེད་ཟེར་བ་གོ་ཨེ་མྱོང། ཁྱོད་ཀྱིས་བླ་མས་རྣམ་རྟོག་གི་རྗེས་འཛིན་གྱིས་གསུང་སོང་ངམ།
རྫོགས་ཆེན་པདྨ་ཧཧཧཧཧ་་་་་དུག་ལྔ་དང་དུག་གསུམ་་་་རྣམ་རྟོག་་་འཁོར་བ་་་་རྫོགས་འདུག
ཧཧཧཧཧ་་་འབྲེལ་མེད་དོན་གཞན་གྱི་མཆན་མ་འདེབས་རོགས་་་
རེད་རེད་དེ་ཚོ་ཚང་མ་འདྲ་པོ་འདུག་་་ང་ཚོ་ནི་ལྷ་དང་འདྲེ་དང་འདུད་དང་འབྱུང་པོ་དང་རོ་ལང་དང་ཤ་ཟ་དང་གནོད་སྦྱིན་དང་གྲུལ་བུམ་དང་ལྟོ་ཆེ་དང་ལ་སོགས་པ་ལ་སོགས་མང་པོ་ཞིག་གིའི་གྲུབ་པའི་སྤྱི་ཚོགས་ཞིག་ལས་མི་ཡི་སྤྱི་ཚོགས་ཤིག་མིན་ཏན་ཁེལ་བ་རེད་
རྒྱུ་མཚན་ནི་ རྒྱ་གར་སྐད་དུ་ ཊདཡཋ་ག་ཏྒེག་ཎི་རྡཎཝ་ཡ་་ བོད་སྐད་དུ་་ ཏ་ལས་བླ་མ་ཞེས་བྱ་བ་ཐེག་པ་ཆེན་པོའི་མདོ་།་་བཅོམ་ལྡན་འདས་ཀྱིས་དཀའ་སྩལ་པ་་་།་འཛམ་གླིང་འདི་ཡར་རྒྱས་ཕྱིན་ནས་མི་ལོ་རྒྱ་ཕྲག་ཁ་ཤས་ཤིག་ལས་འགྲོ་གི་མེད་། སྟོབས་ཆེན་ཨ་རི་མཚོན་ན་མི་ལོ་ཉིས་རྒྱ་ཙམ་གྱི་ལོ་རྒྱུས་ལས་མེད་དེས་ན་ང་ཚོ་ལྷ་སྤྱན་རས་གཟིགས་ཀྱི་སྤྲུལ་པ་གོང་ས་ལྔ་པ་ནས་བརྩིས་ན་མི་ལོ་བཞི་རྒྱ་ཙམ་གྱི་རིང་འགྲོ་བ་མི་ལ་ཉེ་བར་ཁོ་བའི་ཤེས་བྱ་སྣ་གཅིག་གསར་སྐྲུན་བྱས་མེད་ མི་མང་གི་གི་ཆེད་དུ་ཟམ་པ་ཞིག་དང་སྨན་ཁང་ཞིག་དང་སྦྲག་ཁང་ཞིག་དང་ཐ་ན་ལམ་ཆུང་ཞིག་ཀྱང་བཟོས་མེད་ཅེས་དང་་དེ་ནས་རབ་འབྱོར་གྱིས་གསོལ་པ་་འོ་བཙན་བྱོལ་བ་ཆགས་ནས་མི་ལྔ་བཅུ་དྲུག་བཅུ་ཙམ་གྱི་རིང་ལ་ཇི་ལྟར་ཡིན་ནམ་་་་ཞེས་ཞུས་པས་།་དེ་ནས་བཅོམ་ལྡན་འདས་ཀྱིས་ཞལ་འཛུམ་ཙམ་མཛད་ནས་ཅུང་མི་སྨྲ་བར་ཞུགས་སོ་་་ཧཧཧཧཧཧ
ནང་འཁྲུག་ཁོ་ན་
ད་ཡང་བན་རྙིང་གི་དམག་འཁྲུག་འདི་ལ་ཚུར་བསླེབས་འདུག ཁྱེད་གཉིས་ལ་ཡག་ཤོས་འདི་རྡོ་རྗེ་ཤུགས་ལྡན་དེ་གཏོང་དགོས་ཀྱི་འདུག ཤུགས་ལྡན་གྱིས་ཏག་ཏག་བཟོ་གི་རེད། དེ་མིན་ནང་འཁྲུག་ཤ་སྟག་བརྒྱབ་ནས། ཤུགས་ལྡན་ཡོད་དུས་བོན་པོ་དང་རྙིང་མ་གཉིས་ཀ་མགོ་ཀྱག་རྒྱུ་མེད། ད་ཤུགས་ལྡན་རྒན་གཡོལ་བཏང་བ་དང་བོན་རྙིང་གི་ནད་རྙིང་དེ་རོ་ལངས་རྒྱག་གི་འདུག
གལ་ཏེ་རྒྱལ་བ་རིན་པོ་ཆེ་འདི་གཟིགས་ཀྱི་ཡོད་ན། ཐུགས་རྗེས་གཟིགས། བོད་ཆེན་པོའི་མཐུན་སྒྲིལ་ཆེད་དུ་གནས་སྐབས་ཤུགས་ལྡན་དེ་ཡར་སྐད་གཏོང་རོགས་གནང་། འདི་ལ་གནས་ཆུང་དང་སྲུང་མ་གཞན་གྱིས་མི་ཐུབ་པའི་བོན་རྙིང་གི་ནང་དམེ་འདི་ལ་ཤུགས་ལྡན་སྟོབས་པོ་ཆེ་དེ་གཏོང་རོགས།
ཧཧཧ་་་་ད་དྲང་པོ་ཟེར་བའི་དྲྭ་འབུ་དེ་གཏམ་སྐྱག་པ་ལྟ་བུ་ལ་མགོ་འཁོར་གིན་འདུག་གི་རེད་་་་་་་ལྟོས་དང་དྲང་བདེན་དང་གནས་ལུགས་བཤད་ཚེ་ཁོ་རྣ་བ་འགེབ་རྒྱུ་ལས་གཞན་ཅི་ཡོད ཁོ་ཡིས་བཤད་པའི་སྐད་ཆ་ཡིན་ན་སྐྱབས་མགོན་རིན་པོ་ཆེ་ཡི་དགོངས་གཞི་དང་འགལ་བའི་ཆག་སྡང་རྨོངས་གསུམ་གྱི་སྐད་ཆ་ཡིན་པས་ཁྱབ ཁོ་ཁོ་རང་གི་གྲུབ་མཐའ་ལས་གཞན་པའི་བོད་ཀྱི་གྲུབ་མཐའ་ཡོད་དོ་ཅོག་ལ་སྨད་པས་ཁྱབ
འདྲི་དགོས་ས་བོའི་རྒྱལ་ཞན་པ། སྡུག་པོ་མྱོང་བཞིན་པའི་དཔའ་བོ་དཔའ་མོ། བཙོད་འོག་དུ་ནར་བཞིན་པའི་དཔའ་པོ་དཔའ་མོ། སྐུ་ལུས་ཡོངས་སུ་ཕུལ་ཟིན་པའི་དཔའ་བོ་དཔའ་མོའི་རྣམ་ཤེས་ལ་མི་འདྲི་བར།
ཡོད་མེད་མི་ཤེས་བའི་ལྷ་ཀླུའི་དགོངས་བ་ཡིན་ཁུལ་བྱས་ནས་བོད་པ་ཚང་ལག་ཉེས་ལ་གཏང་ན། ངོ་མ་ཁོང་སྨྱོ་ཡག་ལ་སྨྱོ་ཡིན་རྒྱུ་རེད།
མཁྱེན་ཡངས་ཅོ་རི་ཉི་མ་ལགས།
དངོས་གཞི་ལག་ལེན་རིམ་པས་གླེང་ཆོག་ལ། དང་པོ་དབུ་མའི་ལམ་ལས་བཟང་བའི་ཐབས་ལམ་དེ་གང་ཡིན་ནམ།
རིགས་ལྡན་རྒྱལ་པོ་ཆེན་པོ་མཆོག་་་་འདིར་གཅིག་ཀློག་རོབས་བྱོས།
བོད་རང་བཙན་ལེན་སྟངས་ཀྱི་འཆར་སྣང་ཁྲིམས་གཏུག་མ།
རིང་ནས་སྙིང་དུ་བརྣག་བའི་འདོད་པའི་དོན།།
ཡོངས་རྫོགས་བོད་ལྗོངས་རང་དབང་གཙང་མའི་དཔལ།།
ལྷུན་འགྲུབ་ཆོས་སྲིད་ཟུང་འབྲེལ་དགའ་སྟོན་ལ།།
སྤྱོད་པའི་སྐལ་བཟང་མྱུར་བ་ཉིད་དུ་སྩོལ།།ཞེས་པའི་གདུལ་བྱ་ཡིན།
བོད་དམངས་སྙིང་དུ་བརྣག་བའི་འདོད་པའི་དོན།
ཡོངས་རྫོགས་བོད་ལྗོངས་རང་བཙན་གཙང་མའི་དཔལ།
དམངས་གཙོ་ཕོ་བྲང་ཏ་ལའི་དགའ་སྟོན་ལ།
སྤྱོད་པའི་སྐལ་བཟང་མྱུར་དུ་སྩོལ་དུ་གསོལ།ཞེས་པ་དམངས་ཀྱི་རེ་འདུན་ཡིན།།།
༡༩༥༩ལོར་༧གོང་ས་མཆོག་དང་བོད་གཞུང་དགའ་ལྡན་ཕོ་བྲང་གཉིས་གཙོར་བོད་འབངས་ཆིག་འབུམ་ལྷག་རྒྱ་བལ་འབྲུག་གསུམ་གྱི་ལུང་པའི་ནང་དུ་སྐྱབས་བཅོལ་ལ་བསླེབས་པ་རེད།འཛམ་གླིང་རྒྱལ་སྤྱི་དང་ལྷག་པ་ཏུ་ཨ་རི་རྒྱ་གར་སོགས་ཀྱིས་བོད་ཀྱི་རྒྱལ་ཁུངས་སུ་རྒྱ་དམར་གུང་ཁྲན་ཏང་གིས་བཙན་འཛུལ་བྱས་པར་མིག་གིས་མཐོང་ཡོད་ལ་བོད་ཡུལ་བཙན་ཕྲོགས་བྱས་པར་ཤེས་ཡོད། མ་ཟད་བོད་ཀྱི་ས་ཤོར་སྐབས་སུ་མདོ་ཁམས་ཆུ་བཞི་སྒང་དྲུག་གི་བསྟན་སྲུང་དང་བླངས་དམག་སྒར་ལ་ཨ་མེ་རི་ཀས་གོ་ལག་ཆ་ཡི་རྒྱབ་སྐྱོར་གནང་མྱངས་ཡོད་ལ་གོ་ལག་དེ་དག་བེད་སྤྱོད་ནས་རྒྱ་དམག་གི་ལག་འོག་ནས་༧གོང་ས་མཆོག་དང་བོད་གཞུང་དགའ་ལྡན་ཕོ་བྲང་འབངས་མི་ཆིག་འབུལ་དང་བཅས་སྐྱབས་བཅོལ་དུ་བསླེབས་ཐུབ་པ་བྱུང་བ་རེད།༧གོང་ས་མཆོག་དང་བོད་གཞུང་དགའ་ལྡན་ཕོ་བྲང་བོད་འབངས་ཆིག་འབུལ་ལྷག་ཕྱི་རྒྱལ་ཁབ་ཏུ་སྐྱབས་བཅོལ་ཤོར་སོང་བས་རྒྱུ་མཚན་གྱིས་བོད་རང་བཙན་མེད་པར་བཟོ་མ་ཐུབ་པ་རེད།
༡༩༥༩་ལོར་རྒྱ་དཔོན་ཀྲུང་དན་གྱིས་ལྷ་ས་དམག་གིས་བཟུང་ཚར་ནས་མའོ་ཀྲུང་ཞིའི་ལ་བོད་ཟ་ཚར་ཟེར་བའི་སྙན་གསོལ་ཞུས་པ་རེད།སྐབས་དེར་དུས་མའོ་ཀྲུང་ཞིའི་ཡིས་ཏ་ལའི་བླ་མ་ག་པ་ཡོད་དམ་ཞེས་དྲིས་པ་རེད།དམག་དཔོན་ཀྲུང་དན་གྱིས་ཏ་ལའི་བླ་མ་རྒྱ་གར་ལ་བྲོས་ཤོར་སོང་ཞེས་ལན་བཏབ་པ་རེད།མའོ་ཀྲུང་ཞིའི་ཡིས་ཏ་ལའི་བླ་མ་ཤོར་ཚར་ན་བོད་ཟ་ཐུབ་མེད་པ་རེད་ཞེས་གསུངས་ཡོད།རང་བཙན་ཆ་ཚང་ཤོར་མེད་པའི་རྒྱུ་མཚན་ཆེན་པོ་གཅིག་རེད།
༡༩༥༩་ལོར་༧གོང་ས་མཆོག་བོད་ཀྱི་ཡབ་མེས་དམ་པ་གཙོ་བོ་གྱུར་པའི་བོད་གཞུང་དགའ་ཕོ་བྲང་བོད་འབངས་ཆིག་འབུལ་དང་བཅས་པ་ཕྱི་རྒྱལ་ཁབ་ཁག་ཏུ་སྐྱབས་བཅོལ་བསླེབས་པར་འཛམ་གླིང་རྒྱལ་སྤྱི་དང་ཨ་རི་རྒྱ་གར་སོགས་ཀྱི་སྲིད་གཞུང་ཁག་ཏུ་དེབ་སྐྱེལ་ཡོད་མེད་ལ་མ་ལྟོས་པ་དོན་དངོས་པོའི་ཐོག་ནས་༧གོང་ས་མཆོག་བོད་རྒྱལ་ཁབ་ཀྱི་དབུ་ཁྲིད་དང་བོད་གཞུང་དགའ་ལྡན་ཕོ་བྲང་ལ་ངོས་ལེན་བྱས་ཡོད།
མ་ཟད་དེང་སང་གི་གནས་སྟངས་སུ་བལྟས་ནའང་འཛམ་གླིང་ཐོག་གི་རྒྱལ་ཁབ་མང་པོས་བོད་ཀྱི་དབུ་ཁྲིད་དེར་དབུ་ཁྲིད་ཤིག་དང་བཙན་བྱོལ་གཞུང་འདི་བོད་མི་རིགས་སྲིད་གཞུང་ཞིག་ཡིན་པར་བོད་ཀྱི་རྒྱལ་དར་འདི་རྒྱལ་དར་ཞིག་ཡིན་པར་སེམས་ཀྱིས་ངོས་ལེན་གནང་གི་ཡོད།བཙན་བྱོལ་བོད་གཞུང་གི་ཡིག་ཆ་རྣམས་ཀྱང་ཕྱིའི་རྒྱལ་ཁབ་ཁག་གིས་ངོས་ལེན་གནང་གི་ཡོད།གནད་དོན་འདིའི་ཐོག་ནས་ཕྱེད་རང་བཙན་ཡོད་པར་མཚོན་གྱི་ཡོད།
རྡ་ས་རི་བོའི་སྟེང་གི་དམངས་གཙོ་ལམ་ནས་འོས་བསྡུ་བྱུང་བའི་སྲིད་འཛིན་བློ་བཟང་སེང་གེ་མཆོག་དང་བོད་གཞུང་བཀའ་ཤག་མ་ལག་དང་བཅས་པ་ངོ་བོ་རང་བཙན་གྱི་ཐོག་ཏུ་གནས་ཡོད།ཕྱོགས་གང་ལ་བསམ་ཀྱང་བོད་རྒྱལ་ཁབ་ཀྱི་རྒྱལ་དར་དང་རྒྱལ་གླུ།བཙན་བྱོལ་བོད་གཞུང་གི་བཅའ་ཁྲིམས་དང་མ་འོང་རྩ་ཁྲིམས།བོད་རྒྱ་ཆེན་མི་དམངས་ཀྱི་ཤ་རུས་ཁྲག་གསུམ་དང་ལུས་སེམས་སུ་འཐིམ་ནས་ཡོད་པ་ནི་བོད་རྒྱལ་ཁབ་དང་བོད་རང་བཙན་ཡིན།གནད་ལུགས་འདི་དག་གིས་ཕྱེད་རང་བཙན་ཡོད་པར་མཚོན་གྱི་ཡོད།
ལྷག་པ་ཏུ་བོད་རྒྱལ་ཁབ་ཀྱི་དབུ་ཁྲིད་༧གོང་ས་མཆོག་འཛམ་གླིང་རྒྱལ་ཁབ་ཁག་གིས་མཐོང་ཆེན་པོ་ཡོད་པ་ནི་རང་བཙན་ཡོད་པའི་རྒྱལ་ཁབ་ཀྱི་དབུ་ཁྲིད་ཚོ་ལས་མཐོང་ཆེ་བ་མེད་ནའང་ཆུང་བ་རྩ་ནས་མེད།ནུབ་ཕྱོགས་ཡུང་རོ་གླིང་དུ་རྒྱལ་ཁབ་ཁག་ཅིག་གིས་བོད་ཀྱི་རྒྱལ་དར་རང་གི་སྲིད་གཞུང་ཁང་སོགས་ཀྱི་ཐོག་ཏུ་འཛུགས་ཡོད་ལ་བོད་རང་བཙན་ལ་མཐའ་གཅིག་ཏུ་རྒྱབ་སྐྱོར་བྱས་དང་བྱེད་བཞིན་པ་རེད།ཡུང་རོ་ནང་གི་སྟོབས་ཆེ་ཤོས་ཧྥི་ངན་སི་དང་འཇར་མི་ནིས་སོགས་རེད།རྒྱལ་ཁབ་འདི་དག་གིས་བོད་རང་བཙན་ལ་རྒྱབ་སྐྱོར་གནང་གི་ཡོད།མ་ཟད་༢༠༠༨ལོར་ཡུང་རོལ་གྲོས་ཚོགས་འཐུས་མིས་༧གོང་ས་མཆོག་ལ་རང་བཙན་ཐོག་ཏུ་ཕེབས་དང་ང་ཚོས་རྒྱབ་སྐྱོར་བྱེད་ཆོག་ཞེས་ཞུས་སོང་།འདི་དག་གིས་རྣམ་པ་འགྱུར་བའི་རང་བཙན་ཡོད་པར་མཚོན་གྱི་ཡོད།།
ཨ་རིའི་གྲོས་ཚོགས་ཀྱིས་ངོས་ནས་ཉིན་ཆ་བཙན་བྱོལ་ནང་དུ་བོད་ཀྱི་སྐད་ཡིག་སྲུང་སྐྱོབ་དང་བོད་མིའི་ངོ་བོ་སྲུང་སྐྱོབ་བྱེད་ཀྱི་ཡིན་ཞེས་གསུངས་པ་འདིས་བོད་རང་བཙན་ལ་རྒྱབ་སྐྱོར་མཚོན་གྱི་ཡོད་ལ་དོན་དངོས་པོའི་ཐོག་གི་རང་བཙན་ལ་རྒྱབ་སྐྱོར་གནང་སྟངས་ཤིག་ངོས་འཛིན་བྱེད་ཆོག
སྲིད་འཛིན་བློ་བཟང་སེང་གེས་མཛད་སྒོའི་གཏམ་བཤད་ནང་བོད་ཀྱི་རང་དབང་བསྐྱར་གསོ་བྱེད་ནས་༧གོང་ས་མཆོག་བོད་ཀྱི་མི་རྗེ་ཕོ་བྲང་པོ་ཏ་ལའི་ནང་དུ་གདན་འདྲེན་ཞུ་རྒྱུའི་འབད་བརྩོན་བྱེད་རྒྱུ་ཡིན་ཞེས་དང་།སྲིད་འཛིན་བློ་བཟང་སེང་གེ་མཆོག་གིས་བོད་ཁྱིམ་སློབ་ཟུར་བསྟན་འཛིན་རིག་གྲོལ་ལགས་ཀྱིས།བོད་ཡུལ་གྱི་ས་ཕོན་ཆེན་པོ་ཞིག་བཞུགས་སྒར་ངྷ་རམ་ས་ལར་ཁྱེར་ཡོང་བའི་སྐབས་སུ་བོད་ཀྱི་སའི་ཐིག་ཏུ་རྒྱལ་དར་འཛུགས་པ་དང་།བོད་རང་དབང་བསྐྱར་གསོ་དང་༧གོང་ས་མཆོག་བོད་ཀྱི་རྒྱལ་ས་ལྷ་སར་གདན་འདྲེན་ཐོག གཞིས་བྱེས་བོད་མི་ཚང་མ་ཉིན་གཅིག་བོད་ལ་མཇལ་འཛོམས་ཐུབ་པའི་ཉིན་མོ་ཞིག་འཆར་རྒྱུ་དེ་བོད་མི་སྤྱི་ཡོངས་ཀྱི་རེ་བ་དང་འབད་བརྩོན་བྱ་ཡུལ་དེ་ཡིན་ཞེས་གསུངས་ཡོད།བོད་རང་དབང་བསྐྱར་གསོ་ཟེར་དུས་རང་བཙན་མ་གཏོགས་སྔར་ནས་ཡོད་བསྡད་པ་ཞིག་ད་ལྟའི་ཆ་བསྐྱར་གསོ་བྱ་རྒྱུ་ཞིག་མེད།གསུངས་སྟངས་འདི་དག་གིས་སྲིད་འཛིན་བློ་བཟང་སེང་གེའི་སེམས་ཁམས་བོད་རང་བཙན་དང་འདྲེས་ནས་ཡོད་པར་གསལ་བསྟན་བྱེད་ཡོད།འདི་ཡང་ཕྱེད་རང་བཙན་ཡོད་པའི་མཚོན་རྟགས་ཤིག་ཡིན།
༧གོང་ས་མཆོག་གིས་སྲིད་འཛིན་བློ་བཟང་སེང་གེའི་མཛད་སྒོའི་ཐོག་ཏུ་བོད་མི་རིགས་རིག་གཞུང་དང་བཅས་པ་འཛམ་གླིང་ཐོག་ཏུ་ནག་བསུབས་བཏང་མ་ཐུབ་ཙམ་བྱུང་ཡོད་ཞེས་གསུངས་ཡོད།འཛམ་གླིང་ཐོག་ཏུ་བོད་རྒྱལ་ཁབ་ཀྱི་སྲིད་གཞུང་བཀའ་ཤག་མ་ལག་དང་བཅས་པ་ལྷག་པ་ཡོད་པ་ནི་གཙོ་བོ་༧གོང་ས་མཆོག་དང་བོད་ཀྱི་ཕ་མེས་དམ་པ་ཚོའི་བྱས་རྗེས་ཡིན་པར་ཤེས་དགོས།གནས་ཚུལ་འདི་དག་གི་ཐོག་ཏུ་བོད་མི་སེམས་ལྡན་ཞིག་ཡིན་ན་བཀའ་དྲིན་ལ་བསམ་གཞིགས་བྱེད་དུས་མིག་ཆུ་སེམས་སུ་ལྷུང་ཡོང་བ་ཆོས་ཉིད་ཤིག་ལོས་ཡིན། བཀའ་སློབ་འདིས་ནག་བསུབས་མ་ཐུབ་པར་ཕྱེད་རང་བཙན་ལྷག་ཡོད་པར་བསྟན་གྱི་ཡོད།
མ་འོང་བོད་རང་བཙན་ལེན་སྟངས།
བཙན་བྱོལ་ནང་གི་རྩོམ་པ་པོའི་ཚོགས་གཙོ་ཆབ་བྲག་ལྷ་མོ་སྐྱབས་ལགས་ཀྱིས་སྡོམ་ཚིག་འདི་འདྲ་ཞིག་གནང་ཡོད།་་བདག་གིས་གོ་སྐབས་གང་ཞིག་རེ་བ་རྒྱག་གིན་ཡོད་ཟེར་ན་རྒྱ་ནག་དམངས་གཙོར་འགྱུར་བའི་ཉི་མ་དེའོ།དེའི་བར་ལ་ང་ཚོས་གཞན་མ་ཐུབ་ན་ཆོག
ངེས་པར་ཐུབ་དགོས་པ་གཅིག་ཡོད་པ་ནི་རང་གི་རིག་གཞུང་དང་རང་ཉིད་མཉམ་གནས་ཐུབ་རྒྱུ་འདི་རེད།ཞེས་གསུངས་ཡོད།སྡོམ་ཚིག་འདི་ནི་ཁོང་མི་གཅིག་གི་བསམ་ཚུལ་ཙམ་མིན་པར་བོད་མི་ཤེས་ཡོན་ཅན་མང་ཆེ་བས་བསམ་ཚུལ་ཞིག་རེད།
འཚེ་མེད་ཞི་བདེའི་ལྟ་གྲུབ་ལ་གཞིར་བཅོལ་བའི་ཐོག་ནས་ང་རང་ཚོས་ངོས་ནས་རང་བཙན་དང་རང་སྐྱོང་གང་བཤད་ཀྱང་གུང་ཁྲན་ཏང་གིས་དཔོན་རིགས་ཚོས་ངོས་ནས་ངོས་ལེན་བྱས་མེད་ལ་མ་འོང་པ་ཡང་ངོས་ལེན་བྱེད་ཀྱི་མ་རེད།ད་་་ང་ཚོ་ལ་ཐབས་ཤེས་གཅིག་ཡོད་པ་ནི་གུང་ཁྲན་ཏང་ཤི་སྒུག་བྱེད་ཀྱི་འདིར་རེད།གུང་ཁྲན་ཏང་ཚེ་ཐུང་རེར་གཏོང་རྒྱུ་དེར་རེད།ང་ཚོས་གུང་ཁྲན་ཏང་ཤི་སྒུག་བྱེད་པའི་དུས་ཡུན་ནང་རང་ཉིད་ཤི་མི་འགྲོ་བ་གནང་དགོས་པ་ནི་གནད་འགག་ཆེ་ཤོས་རེད།རང་ཉིད་དང་མཉམ་དུ་རང་གི་སྐད་ཡིག་གཙོ་བོ་གྱུར་པའི་བོད་མི་རིགས་ཀྱི་ངོ་བོ་མཚོན་པའི་རིག་གཞུང་རྣམས་སུ་བདག་པོ་རྒྱབ་ཐུབ་དགོས། སྐད་ཡིག་དང་རིག་གཞུང་བདག་པོ་རྒྱབ་སྟངས་༢༠༠༩ལོར་བྲིས་པའི་ཐ་སྙད་གསར་པའི་སྐོར་གྱི་རྩོམ་ཡིག་ནང་དུ་གསལ་བསྟན་བྱས་ཡོད་ལ་མ་འོང་བཀའ་སྤྱི་གཉིས་སུ་སྙན་ཞུ་ཕུལ་བརྩིས་ཀྱང་ཡོད་པས་འདིར་གསལ་བཤད་དགོས་པར་མ་མཐོང་།
རང་བཙན་རྩོད་དུས་སུ་དང་པོར་རྩོད་ས་ངོས་འཛིན་ལ་དབྱེ་ན་གཉིས་ཡོད།གུང་ཁྲན་ཏང་དང་འཛམ་གླིང་རྒྱལ་སྤྱི་གཉིས་རེད།དང་པོར་གུང་ཁྲན་ཏང་གི་མཉམ་དུ་བོད་རང་བཙན་བཤད་ས་མེད།བོད་རང་བཙན་བཤད་ན་གུང་ཁྲན་ཏང་གིས་ང་ཚོ་གསོད་ཀྱི་རེད།གནད་དོན་གཅིག་རེད།གཉིས་ནས་གུང་ཁྲན་ཏང་འདིས་རྒྱ་ནག་མི་དམངས་ཀྱི་སྐུ་ཚབ་མཚོན་ཐུབ་ཀྱི་མེད་ལ་རྒྱ་ནག་རྒྱལ་ཁབ་ཀྱི་བདག་པོ་ཡང་མིན་པས་སྐད་ཆ་བཤད་ཀྱང་ཕན་ཐོགས་མེད།རྗེས་སུ་རྒྱ་ནག་ནང་དུ་དམངས་གཙོ་ལམ་ནས་འོས་བསྡུ་བྱུང་བའི་སྲིད་འཛིན་དང་དབུ་ཁྲིད་སླེབས་དུས་སུ་བདག་པོའི་མཉམ་དུ་རང་བཙན་དང་རང་སྐྱོང་གང་བཤད་ནའང་དོན་དངོས་དང་མཐུན་པ་རེད། གྲུབ་འབྲས་ཤིག་ཀྱང་ཡོང་ངེས་རེད།
རྒྱལ་སྤྱིའི་ནང་དུ་བོད་རང་བཙན་རྩོད་སྟངས།
འཛམ་གླིང་འདིའི་ཐོག་ཏུ་མི་སྡེ་ཡི་སྤྱི་ཚོགས་ཤིག་དང་ཡུལ་ལུང་ཞིག་ལ་རྒྱལ་ཁབ་ཀྱི་ཐོབ་ཐང་ཡོད་མེད་དང་རང་བཙན་ཡོད་མེད་གཞིར་འཛིན་ས་འཛམ་གླིང་མཉམ་འབྲེལ་རྒྱལ་ཚོགས་ནང་དུ་དེབ་བསྐྱེལ་ཡོད་མེད་རེད།འཛམ་གླིང་མཉམ་འབྲེལ་རྒྱལ་ཚོགས་ཀྱི་ཚོགས་ཁུངས་སུ་རྒྱལ་ཁབ་༡༩༢ཡོད།རྒྱལ་ཚོགས་ཀྱི་ཚོགས་ཁུངས་སུ་འཛུལ་ཞུགས་བྱེད་པར་ཚོགས་ཁུངས་ཀྱི་རྒྱལ་ཁབ་དེ་དག་གིས་ངོས་ལེན་གནང་དགོས།གུང་ཁྲན་ཏང་གིས་ངོས་ལེན་གནང་གི་མ་རེད་ཏེ་ཁོ་རྒྱལ་ཁབ་གཅིག་གཅིག་པོ་རེད།དམངས་གཙོའི་སྤྱི་ཚོགས་ནང་དུ་གཅིག་གི་ཤུགས་ཙམ་མ་གཏོགས་མེད། གུང་ཁྲན་ཏང་ལ་རེ་བ་མི་རྒྱབ་ཁོ་ཕར་ཞོག
ད་་་རྒྱལ་སྤྱིའི་་ཚོགས་ཁུངས་ཡིན་པའི་རྒྱལ་ཁབ་༡༩༡་གིས་ངོས་ནས་བོད་རང་བཙན་ལ་ངོས་ལེན་ཡོང་ཐབས་བྱེད་དགོས།རྒྱལ་ཁབ་དེ་དག་གི་ནང་ནས་རྒྱལ་ཁབ་༣༧ཙམ་གྱི་ནང་དུ་བཙན་བྱོལ་བོད་མི་གནས་བསྡད་བྱས་ཀྱི་ཡོད།བཙན་བྱོལ་བོད་གཞུང་གི་ཚོགས་ཁུངས་ཡིན་པའི་བོད་རིགས་སྤྱི་མཐུན་ཚོགས་པ་བཙུགས་ཡོད།རང་རང་གིས་རང་ཉིད་ཀྱི་སྐྱབས་བཅོལ་ཡུལ་གྱི་རྒྱལ་ཁབ་དེ་དག་གིས་བཙན་བྱོལ་གཞུང་འདིར་སྐྱབས་བཅོལ་གཞུང་ཞིག་དང་བོད་རྒྱལ་ཁབ་འདི་རྒྱལ་ཁབ་ཤིག་ཡིན་པར་ངོས་ལེན་ཡོང་ཐབས་ཁྲིམས་གཏུག་བྱེད་དགོས།
བཙན་བྱོལ་བོད་གཞུང་གིས་ངོས་ནས་ཀྱང་འཚེ་མེད་ཞི་བདེའི་ལྟ་གྲུབ་ལ་གཞིར་བཅོལ་ནས་བཙན་བྱོལ་བོད་མིའི་སྐྱབས་ཡུལ་གྱི་རྒྱལ་ཁབ་ཁག་གི་ཁྲིམས་ཁང་་ནང་དུ་ཁ་མཆུ་རྒྱབ་དགོས་ལ་རྒྱལ་ཁབ་རེ་རེས་ངོས་ནས་བཙན་བྱོལ་བོད་གཞུང་འདིར་སྐྱབས་བཅོལ་གཞུང་ཡིན་པ་དང་བོད་རང་བཙན་ཡིན་པར་རྒྱལ་སྤྱིས་ངོས་ལེན་ཡོང་ཐབས་ཀྱི་རྒྱབ་སྐྱོར་འཚོལ་དགོས།འཛམ་གླིང་ཐོག་གི་དམངས་གཙོ་རྒྱལ་ཁབ་ཁག་ཏུ་ཁྲིམས་གཏུག་བྱེད་ས་དང་དྲང་བདེན་བཤད་ས་ཡོད།ང་ཚོས་རྒྱབ་སྐྱོར་ཐོབ་ངེས་ཡིན་པས་ཡིད་ཆེས་བྱེད་ཆོག
སྲིད་འཛིན་བློ་བཟང་སེང་གེ་མཆོག་གིས་བོད་དོན་འཐབ་རྩོད་ཀྱི་ནུས་པ་བཅུ་དང་རྩ་དོན་གསུམ་གསུངས་ཡོད་པ་རྣམས་བེད་སྤྱོད་ཀྱིས་དམངས་གཙོ་རྒྱལ་ཁབ་ཁག་ཏུ་ཁྲིམས་གཏུག་བྱ་ཆོགལྷག་པ་ཏུ་༧གོང་ས་མཆོག་གི་གཟི་བརྗིད་ཀྱི་ནུས་པ་ཧ་ཅང་ཆེན་པོ་རེད།འདིར་བེད་སྤྱོད་བྱེད་ཆོགབོད་ཀྱི་ཁོར་གཡུ་ཡི་ནུས་པ་བེད་སྤྱོད་བྱེད་ཆོག ད་དུང་ཁ་མཆུ་མ་ཐོབ་ན་ཞི་བའི་ངོ་རྒོལ་གྱི་ཐོག་ནས་སྲོག་བེད་སྤྱོད་གཏོང་ཆོག བོད་མི་མང་པོས་བོད་ཀྱི་རྩ་དོན་ཐོག་ཏུ་ཤི་དགོས་པ་བྱུང་ན་གྲལ་སྒྲིག་ཡོད་ཞེས་བཙན་བྱོལ་བོད་གཞུང་ལ་དེབ་བསྐྱེལ་བྱས་ཡོད། འདི་དག་ནི་ཁྲིམས་གཏུག་གི་ནུས་པ་ཐོན་པའི་ཆ་རྐྱེན་ཡིན།
ཁྲིམས་གཏུག་ཐུབ་པའི་ཁྲིམས་རྩོད་པ།
ང་ཚོ་ལ་རྒྱལ་སྤྱིའི་ཁྲིམས་ལུགས་སུ་མཁས་པའི་སྲིད་འཛིན་བློ་བཟང་སེང་གེ་མཆོག་བསླེབས་ཡོད་པ་ནི་ཁྲིམས་རྩོད་ཐུབ་པའི་ཁྱད་ཆོས་གལ་ཆེ་ཞིག་ཚང་བ་རེད།
དེང་སང་ནུབ་ཕྱོགས་རྒྱལ་ཁབ་ཁག་གི་ནང་དུ་རྒྱལ་སྤྱིའི་ཁྲིམས་རྩོད་པའི་ཁྱད་ལས་སློབ་སྦྱོང་ཡོད་པ་བོད་མི་མི་ཉུང་བ་ཞིག་ཡོད།ཁྲིམས་རྩོད་པ་བོད་མི་འདི་དག་ནི་བོད་དོན་འཐབ་རྩོད་ཀྱི་ཆེད་དུ་གལ་ཆེན་པོ་ཆགས་ཡོད།མ་འོང་པ་ཡང་ཁྲིམས་རྩོད་པའི་ཁྱད་ལས་པ་བོད་མི་མང་པོ་ཐོན་ངེས་རེད།ང་ཚོས་ཁྲིམས་གཏུག་ཐུབ་པའི་ཆ་རྐྱེན་རེད།ཁྲིམས་རྩོད་པ་འདི་དག་བཙན་བྱོལ་བོད་གཞུང་གིས་ངོས་ནས་བདག་པོ་ཡག་པོ་རྒྱབ་དགོས་ལ་བེད་སྤྱོད་ཡག་པོ་གཏོང་དགོས།འཛམ་གླིང་ཐོག་ཏུ་ཡོད་པའི་བོད་མི་ཁྲིམས་རྩོད་པ་རྣམས་ཀྱིས་རྒྱལ་སྤྱིའི་ཁྲིམས་ལུགས་དང་མཐུན་པ་ས་གནས་ཡུལ་ཁྲིམས་དང་མཐུན་པའི་ཐོག་ནས་བཙན་བྱོལ་བོད་གཞུང་གི་ཁྲིམས་གཏུག་བྱེད་སྟངས་གཏན་འབེབས་བྱ་དགོས།བཙན་བྱོལ་བོད་མི་རྣམས་ཀྱིས་ཁ་ཕྱོགས་དང་ལམ་ཕྱོགས་གཅིག་གི་ཐོག་ནས་བཙན་བྱོལ་བོད་གཞུང་འདི་རྒྱལ་སྤྱིས་ངོས་ལེན་ཡོད་པའི་སྐྱབས་བཅོལ་གཞུང་ལ་སྒྱུར་ཐུབ་པ་བྱེད་དགོས།
འཇམ་དབྱངས་ནོེར་བུ་ལགས་ཀྱིས་སྔར་ནས་སྟོན་བསྡད་པའི་བོད་རང་བཙན་གྱི་དཔང་རྟགས་རྣམས་དང་དཔང་རྟགས་གང་ཡོད་པ་ཚང་མ་གྲལ་སྒྲིག་ཡོད་པའི་ཐོག་ནས་ཁྲིམས་ཁང་ནང་དུ་སྟོན་དགོས།བཙན་བྱོལ་བོད་གཞུང་གིས་ཁ་མཆུ་རྒྱབ་སྟངས་གཏན་འབེབས་ཚར་དུས་ས་གནས་བོད་རིགས་སྤྱི་མཐུན་ཚོགས་པ་ཁག་གིས་ས་གནས་ས་ཐོག་ཏུ་ལག་ལེན་བསྟར་དགོས།ཁྲིམས་རྩོད་པ་དང་དཔང་རྟགས།འཛམ་གླིང་ཐོག་གི་སྐད་ཡིག་མང་ཤོས་བཙན་བྱོལ་བོད་མིས་ཤེས་ཀྱི་ཡོད་པ།འཛམ་གླིང་རྒྱལ་ཁབ་མང་པོའི་ཁྲིམས་ལུགས་ཤེས་ཀྱི་ཡོད་པར་སོགས་བོད་མི་རིགས་འདི་ལ་ཁྲིམས་གཏུག་ཐུབ་པའི་ཆ་རྐྱེན་བཟང་པོ་ཞིག་ཚང་བསྡད་ཡོད་ད།ཀི་ཧུ་ཧུ།་་ཀི་ཧུ་ཧུ།་་ཀི་ཧུ་ཧུ།།
ནོར་བུ་རང་ལ་ཡོད་དུས་ནོར་བུའི་ནོར་ཉམས་ཆད་དགོས་ཟེར་བར་འདི་འདྲ་ལ་གོ་དགོས་པར་འདོད་དོ།
རྒྱ་ནག་གི་དམངས་གཙོ་ལ་བོད་མིའི་འགན་ཁུར།
རྒྱ་མི་རིགས་དུང་ཕྱུར་མང་པོའི་རང་དབང་དམངས་གཙོ་ལ་བོད་མིས་འགན་ཁུར་དགོས།རྩོད་རོགས་བྱེད་དགོས།དམངས་གཙོ་དོན་གཉེར་བའི་རྒྱ་རིགས་རྣམས་དང་བློ་སེམས་གཅིག་སྒྲིལ་གྱི་ཐོག་ནས་རྒྱ་ནག་དམངས་གཙོ་ཅན་དུ་འགྱུར་བ་ལ་ཤུགས་རྒྱབ་དགོས།ང་ཚོས་ངེས་པ་ཏུ་བསམ་བློ་གཏོང་དགོས་པ་ནི་མི་དམངས་བཅིངས་གྲོལ་དམག་ཟེར་བ་འདི་རྒྱ་ནག་མི་དམངས་གསོད་མཁན་ལག་དམར་བ་ཞིག་ལ་མི་འགྱུར་ཐབས་བྱེད་དགོས། འདི་ལ་གཟབ་དགོས།
གུན་ཁྲན་ཏང་དམངས་གཙོ་ལ་སྒྱུར་དགོས་པ་ནི་སྤྱིར་མི་སེར་དུང་ཕྱུར་༡༣་གྱི་རང་དབང་དང་སྒེར་བོད་མི་རིགས་ཀྱི་ཐོབ་ཐང་དང་འབྲེལ་བ་ཆེ་བས་བོད་ཕྱི་ནང་གཉིས།བོད་གཞུང་དམངས་གཉིས་ཀྱིས་ཤུགས་རྒྱབ་ནས་རྒྱ་ནག་དམངས་གཙོ་ལ་སྒྱུར་ཐུབ་པ་བྱ་དགོས།
མི་དམངས་བཅིངས་འགྲོལ་དམག
གུང་ཁྲན་ཏང་དམངས་གཙོ་སྒྱུར་བ་ལ་མི་དམངས་བཅིངས་འགྲོལ་དམག་ལ་བསམ་བློ་གཏོང་དགོས། མི་དམངས་བཅིངས་འགྲོལ་དམག་འདི་རྒྱ་ནག་མི་དམངས་གསོད་པའི་ཤན་པ་ལག་དམར་བ་ཞིག་ལ་མི་འགྱུར་ཐབས་བྱེད་དགོས།རྒྱ་ནག་ནང་དུ་དམངས་གཙོའི་ལས་འགུལ་བས་གྱེན་ལང་ཆེན་པོ་བྱུང་ན་མི་དམངས་བསྡམས་གསོད་བྱེད་མདོག་ཁག་པོ་རེད།འཇིགས་སྣང་ཆེ་ཤོས་འདིར་རེད།རྒྱ་ནག་དམངས་གཙོ་དོན་གཉེར་བ་ཚོས་བསམ་བློ་གཏོང་དགོས་པའི་སྐད་ཆ་གཅིག་རེད།
མི་དམངས་བཅིངས་འགྲོལ་དམག་གིས་མི་སེར་མི་གསོད་པའི་གདེང་ཚོད་མེད་ན་རྒྱ་ནག་དམངས་གཙོ་ལ་སྒྱུར་འདོད་བྱེད་ན་ནོར་འཁྲུལ་རེད།དང་པོར་མི་དམངས་བཅིངས་འགྲོལ་དམག་ལ་བསླབ་བྱ་རྒྱབ་དགོས།དེ་ཡང་དམག་མི་དེ་དག་ལ་ཨ་མ་ཡོད་མདོག་ཁག་པོ་རེད།རང་རང་གི་ཨ་མ་ལགས་ཚོས་རང་གི་བུ་དེ་ཨ་མ་རང་ཉིད་མི་གསོད་པའི་དམག་མི་ཞིག་དང་སྤུན་ཟླ་མི་གསོད་པ།རྒྱ་ནག་མི་དམངས་དུང་ཕྱུར་༡༣་གྱི་ཐོག་ཏུ་མེ་མདའ་མི་རྒྱབ་མཁན་གྱི་མི་དམངས་བཅིངས་འགྲོལ་དམག་མི་ཞིག་ཡོང་ཐུབ་པའི་བསླབ་བྱ་རྒྱབ་དགོས།
རྒྱ་ནག་གི་རྩོམ་བྲིས་པ་དང་སྒྱུ་རྩལ་བ།གླུ་བ་དང་གླུ་མ་བཅས་ཀྱིས་མི་དམངས་བཅིངས་དམག་ལ་མི་དམངས་གསོད་མི་ཉན་པའི་བསླབ་བྱ་རྒྱབ་རོགས་བྱོས།།རྒྱ་རིགས་དུང་ཕྱུར་མང་པོའི་སྲོག་གི་ཆེད་དུ་བསམ་བློ་ཐོངས། རྒྱ་མཁས་དབང་ཚོ།།
མཇུག་སྡོམ།
འཛམ་གླིང་མཉམ་འབྲེལ་རྒྱལ་ཚོགས་ནང་དུ་དེབ་སྐྱེལ་ཐུབ་པའི་ཉིན་མོ་དེ་ནས་བོད་རང་བཙན་ཐོབ་ཚར་བ་རེད་ལ་གུང་ཁྲན་ཏང་ཤི་སོང་ན་ས་ཆ་ཚུར་ལེན་གྱི་གཅིག་པོ་རེད།གུང་ཁྲན་ཏང་སྡོད་པའི་རིང་དུ་བོད་མི་རྣམས་ཀྱིས་མ་འོང་བོད་རང་བཙན་ཐོབ་དུས་སུ་བོད་ཀྱི་ཆབ་སྲིད་དང་དཔལ་འབྱོར་རིག་གནས།ཕྱི་རྒྱལ་ཁབ་ཁག་གི་ཁྱད་ལས་བོད་ཡིག་ནང་དུ་སྒྱུར་བ་དང་ཁ་བ་རི་པ་ལ་དགོས་མཁོ་ཆེ་བའི་རིག་གནས་རྣམས་ནང་འདྲེན་བྱེད་དགོས།དེ་འདྲ་མ་ཐུབ་ན་རང་བཙན་ཐོབ་ཀྱང་བདེ་སྐྱིད་མི་ཐོབ།རང་བཙན་ཐོབ་ཀྱང་རང་ཡུལ་ཟིན་མི་ཐུབ། རང་བཙན་ཐོབ་ཀྱང་འཚོ་བ་མི་འཁྱོངས།ངེས་པ་ཏུ་བྱ་ཐུབ་པ་བྱེད་དགོས།
ངས་ཅིག་བཤད་པ་འདི་༧གོང་ས་མཆོག་གི་རྒྱ་སྐྱིད་བོད་བདེ་ཡི་ལྟ་གྲུབ་དང་མི་འགལ་ལ་བཀྲས་མཐོང་གི་རང་ཐག་རང་གཅོད་ཀྱི་ལམ་ཕྱོགས་དང་མཐུན་གྱི་ཡོད།བདེན་པ་ཁྲིམས་ལུགས་ཀྱི་མདུན་སར་ཨུ་ཚུགས་རྒྱབ་སྟངས་འདི་ཟམ་གདོང་གི་བདེན་པའི་ཨུ་ཚུགས་ཟེར་ནའང་འདི་འདྲ་ཞིག་མིན་ནམ་སྙམ།དགེའོ།
རྩམ་པ་ཡུན་རིང་ཟས་པའི་རིན་འབབ་ལ།
རྩམ་གཟན་བོད་མི་རྣམས་ཀྱི་ཞབས་དྲུང་དུ།
རྩམ་ཕྲུག་ཅོ་རིའི་སྙིང་གིས་མ་བཟོད་པར།
རྩམ་སྐད་འདི་དག་ཁ་ནས་ཤོར་སོང་ངོ།།༢༠༡༡ལོར་སྤྱི་ཟླ་༡༢པའི་ཚེས་༡༣ཉིན་བྲིས།བོད་རང་བཙན་རྒྱལ་ལོ།།
ཅོ་རི་དང་དྲང་པོ་སོགས་ཀྱི་མཚམས་རེ་དེང་རབས་ཀྱི་ཆབ་སྲིད་སོགས་གླེང་ཁད་འདྲ། མཚམས་རེ་བོད་མི་རྣམས་འུ་ཐུག་དུས་མ་དགོས་ནས་མི་དགོ་སར་སྦད་དེ་གཡུག་པའི་དོལ་ཟ་འདྲེ་གྱི་སྐོར་ཡང་གླེང་གི་འདུག ཆབ་སྲིད་ཀྱི་ཤེས་མདོག་དང་། རྨོངས་དད་ཀྱི་འདོད་རྔམས་ཅན་ཡིན་མདོག་དེ་འདྲ་ཨེ་ཡོད་ན། ཁྱི་ཕྲུག་ཁྱི་ཁ་བཙུམ་ན་མ་གཏོག་གུང་ཁྲན་ཏང་ཟེར་ན་བཅོམ་ལྡན་འདས་ལ་དད་པ་མི་བྱ་མཁན་དེ་འདྲ་རེད་དོ། ཁྱི་ལྟོ་བཀག་ན་བཀག་མི་ཤེས་པ་དེ་འདྲ་ཨ་ཡིན་ན། དྲི་བ་ཡིན་ད།
དཔྱོད་ལྡན་ཅོ་རི་ཉི་མའི་ཁྲིམས་གཏུག་མའི་འཆར་སྣང་ཚང་མ་བཀླགས་ཡིན་ཡག་པོ་འདུག བསམ་འཆར་ཡོད་ན་རྗེས་སུ་འབུལ་ཆོག ངོ་མ་འདི་འདྲ་དགོས་པ་འདུག དེ་མིན་མི་མང་པོ་ཞིག་ནས་དགོས་ཀྱི་འདུག་དགོས་ཀྱི་འདུག ཡང་ན་དེ་འགྲིག་མིན་འདུག ཅིག་ཅིག་ཉིས་ཉིས་འགྲིག་གི་མི་་འདུག་ཟེར་བ་མ་གཏོགས་སོ་སོའི་ངོས་ནས་འདི་ལྟར་བྱེད་དགོས་རེད་ཟེར་ནས་འཆར་གཞི་གསར་པ་འདོན་རྒྱུ་མེད་དུས་་་་་ནུས་པ་དང་བློ་བསྐྱེད་གསར་པ་གང་ཡང་མི་འདུག
ཕྱེད་རང་བཙན་ཡིན་པ། དབུ་མ་མ་ཡིན་པའི་མུ་ཅིག་བཞག་དང།
དྲ་གྲོགས་ཅོ་རི་ལགས་ཀྱིས་དགོངས་འཆར་ལ་དམིགས་བསལ་བསམ་འཆར་མི་འདུག
ཐུགས་རྗེ་ཆེ། མི་བུ་འགའ་ཞིག་ནི། རྟག་ཏུ་་་་་མིས་བྱེད་དུས་མིག་ཚ། རང་གིས་བྱེད་དུས་སྣ་ཚ། ཟེར་བ་ནང་བཞིན་རེད།
དྲན་དཀར་དཔལ་ཡོན་ལགས། རང་གི་བཤད་པའི་སྐད་ཆའི་རྩ་དོན་གྱི་ཐོག་ཏུ་རང་སྲོག་སྟར་མ་བཞག་གྱི་ཡིན་ཞེས་དྲ་ཐོག་ཏུ་ཐེངས་མང་པོ་ལབ་ཡོད། ཁྱི་ལྟོ་བཀག་པ་ལས་ལྷག་ཁྱི་སྲོག་གཅོད་ནའང་གོམ་གང་ཕྱིར་ནུབ་མི་བྱ་དཀོན་མཆོག་དཔང་བཙུགས་ཡིན། དེ་ལུགས་བྱོས། ཁོག་ལ་སྙིང་དང་སྙིང་ལ་དྲོ་ཡོད་ན་ཤོག་དང་་་་སྙིང་ཁ་ཆེ་ཆུང་བལྟ་ཆོག་གི་རེད།།།
དྲ་གྲོགས་བན་དེ་ལགས་ཀྱིས་བཀླགས་པར་དགའ་པོ་བྱུང་།
ད་རུང་དབུ་མའི་ལམ་གྱི་ཆབ་སྲིད་བློ་འདྲི་བྱེད་ས་ཁ་ཤས་ལྷག་འདུག་བ། གནོད་སྦྱིན་དང་ འབྱུང་པོ་ སྲིན་པོ རོ་ལོངས ཡིད་དགས་ གཤེན་རྗེ་སོགས།
དེ་ཚོ་ད་རུང་ག་རེ་ལབ་ཡོང་གང་ཤེས།
ཀེ་ཅོ་རི་ཁྱེད་ཀྱིས་བོད་པ་སྤྱི་མཚུངས་ལྟར་དཀོན་མཆོག་དཔང་བཙུགས་མནའ་འདྲ་བོ་ཅིག མི་དམངས་ཤོག་སྒོར་མ་གཏོག་པའི་དཀོན་མཆོག་ཅིག་བཀུར་གི་ཡོད་མདོག་མདོག ངོ་ཕུར་གྱི་བུ་རང་རེད། བོད་མི་དམངས་དང་མཉམ་དུ་ལས་ཀ་བྱེད་པའི་ཐོབ་ཐང་ཡོད་མདོག་མདོག དྲྭ་ཐོག་ཏུ་ཁྱི་སྐད་རྒྱབ་པ་ཁོ་ན་ལས་མི་དམངས་ཀྱི་མདུན་དུ་མའི་ཐོབ་ཐང་ཙམ་གླེང་བ་ལྟ་ཞོག སྤྱི་སྒེར་གྱི་ཞབས་ཞུར་ཙག་གྲ་རྐང་གཅིག་སྤར་པའི་ལོ་རྒྱུས་མེད་པ། ག་རེ་ཁྱི་སྐད་རྒྱག་གི་ཡོད། ད་དུང་སྙིང་གི་ཆེ་ཆུང་ཡིན་ན་ཅིག
དྲན་དཀར་དཔལ་ཡོན་ཟེར་ཁྱོད་ཉོན་ཨ། ག་རེ་མི་དམངས་ཤོག་སྒོར་ལབ་བསྡད་ཀྱི་ཡོད་དམ། ག་འདྲའི་སེ་མི་དམངས་མདུན་དུ་ཐོན་ཤོག་ལབ་ཀྱི་ཡོད་དམ། ཁྱོད་རང་མིང་རྫུན་ཞིག་གི་འོག་ཏུ་བསྡད་ནས་མདུན་དུ་ཐོན་མི་ནུས་པར་ག་རེ་སྐད་རྒྱག་བསྡད་ཀྱི་ཡོད་དམ། ཁྱོད་རང་གི་དངོས་མིང་དང་སྡོད་སའི་ས་གནས་བཅས་ངོ་སྤྲོད་ཤིག་བྱོས་དང་། མི་ནུས་བ། དེ་མ་ནུས་ན་སྟག་སྐད་གཟིག་སྐད་བརྒྱབ་ཀི་མ་འདུག གོ་བྱུང་ངམ། སྤྱིའི་ཆ་ནས་མི་ཁྱོད་ལྟ་བུ་ནི་སྙིང་རྗེ་ཡ་འདྲ་འདུག དྲ་རྒྱ་ཁག་ཏུ་རང་གདོང་སྟོན་མི་ནུས་པའི་མི་མ་བྷན་དང་ལྐོག་ཟ་རུལ་སུངས་མང་པོ་ཡོད་རེད། ཁྱོད་ཡང་དེ་འདྲ་བའི་རིགས་ཞིག་ཡིན་ནམ། མིན་ན་་་་ངོ་སྤྲོད་བྱས་དང་།
ཆོས་ལུགས་གཅིག་གི་དབུས་མའི་ལམ།
མིང་ཙམ་མ་གཏོགས་དགའ་ལྡན་ཕོ་བྲང་།དབུས་མའི་ལམ།
མི་མ་ཡིན་གྱི་དབུས་མའི་ལམ།
ཆོས་ལུགས་དང་ཆོལ་ཁ་རང་དབང་མེད་པའི་མང་གཙོ། དེ་ཡང་དབུས་མའི་ལམ།
༡༠༡༢ ལོ་ལྟ་བུའི་ཆོས་ལུགས་རིས་མེ་ད་ཀྱི་དབང་། དེ་ཡང་དབུས་མའི་ལམ།
བོད་མི་འགའ་ཞིག་བོད་གྲལ་ནས་ཕུད། དེ་ཡང་དབུས་མའི་ལམ།
དོན་དུ་ནང་པ་ཡིན་ཀྱང་ནང་པ་མིན་པར་བསྒྲགས། དེ་ཡང་དབུས་མའི་ལམ།
བོད་ནང་གི་བོད་མི་ཁྱབ་སྲིད་ཀྱི་ལག་ཆ་བྱེད་པ། དེ་ཡང་དབུས་མའི་ལམ།
སྔོན་དུ་ཆོས་ལུགས་གཅིག་སྒྱུར། དེ་ཡང་དབུས་མའི་ལམ།
ཆུ་བཞི་སྒོང་དྲུག་ཕྱོགས་གཉིས་ཕྱེས།
དེ་ཡང་དབུས་མའི་ལམ།
ད་ཡང་གཞོན་ནུ་ཚོགས་པ་གཏོར་གྲབ་བྱེད། དེ་ཡང་དབུས་མའི་ལམ།
ད་ནི་བཟུང་ང་ཚོ་བོད་མིའི་གཞོན་སྐྱེས་རྣམས་ཀྱིས་ཆོས་སྲིད་གཉིས་མ་འབྲས་པའི་སྲིད་ལུགས་ཀྱི་ལམ་ནས་བོད་མི་མང་ལ་དགོས་པའི་རྒྱལ་ཁབ་ཞིག་རྩོད་ལེན་བྱེད་རོགས་ཞེས་ཚེ་ཕྱི་མའི་ལམ་ནས་བསྒུག་རྒྱུ་ཡིན།
མ་འབྲས་ཞེས་མ་འདྲས་བཅོས་རོགས།
ཅོ་རི་ལགས་བསྔགས་བརྗོད་ཡོད། ཡག་པོ་གསུངས་འདུག་མོད། འོན་ཀྱང་དངོས་གཞི་ལག་ལེན་ཇི་འདྲ་ཡིན་ནམ་སྙམ། མ་ཟད་དུས་མཚུངས་སྐུ་ཉིད་ཀྱི་བསམ་ཚུལ་མང་པོ་དབུ་མའི་ལམ་གྱི་སྲིད་ཇུས་དཀྱིལ་འཁོར་ཐིག་ནང་དུ་རང་ལུས་པའི་གནད་དོན་རེད་འདུག
རྒྱལ་སྤྱིའི་ནང་སེམས་ཕུགས་ཕུགས་ན་རང་བཙན་ལ་རྒྱབ་སྐྱོར་ཡོད་སྲིད་རུང་། དངོས་གཞི་ནི་ཡིག་ཆའི་སྒང་ནས་ལོ་རྒྱུས་སུ་འཁོད་པར། རྒྱལ་ཁབ་དེ་དང་དེའི་ཆབ་དཔལ་ལས་མིའི་རིན་ཐང་གལ་ཆེ་བར་བརྩི་བའི་དུས་སྐབས་དེ་ཤར་དགོས། རང་གི་ཁེ་ཕན་དང་དཔལ་འབྱོར་ཁེ་ཕན་གློད་ནས་བོད་རང་བཙན་ཕར་བཞག་འགྲོ་བ་མིསི་ཐོབ་ཐང་སྤྱི་དང་བོད་ནང་གི་ཐོབ་ཐང་གཞན་དབང་སྟབས་བསྟུན་མཁས་པོ་སྙན་པོ་ཞིག་སྒང་ནས་རེད་མ་གཏོགས་གནད་ལ་ཕིགས་པ་མེད་པ་གསལ་པོ་རེད། གལ་ཏེ་བཤད་རུང་འདི་ནང་ཁུལ་གྱི་རྙོག་དྲ་རེད་ཕྱི་མིར་ཇུས་གཏོགས་མེད་ཅེས་ནན་པོས་བཀག་རྐྱང་རེད།
གཉིས་ནས་བོད་རྒྱའི་དཀའ་རྙོག་དངོས་གཞི་སེལ་བར་རྒྱ་བོད་གཉིས་སྐད་ཅ་བཤད་ནས་སེལ་བའི་ཐབས་ལམ་ལས་གཞན་མེད། རྒྱལ་སྤྱིའི་ནང་ཇི་ཙམ་ཁྲིམས་གཏུགས་དང་ཡིག་ཆ་འཇོག་རུང་བོད་གུང་བྲན་ལག་པར་ཡོད་རེད། གུང་བྲན་ལ་དམག་བརྒྱབ་ནས་བོད་ལེན་རོགས་བྱེད་མཁན་ཕལ་ཆེར་སྲིད་ཨེ་ཡོང་།
རྒྱལ་སྤྱིའི་མཐུན་འགྱུར་ནི་ཆ་རྐྱེན་ཙམ་ལས་དངོས་རྒྱུ་ནི་བོད་པ་རང་གིས་འཇོན་དགོས། དེ་ལ་སྒྲིག་འཛུགས་དགོས། དེའི་ནང་ཕྱི་ནང་གསང་གསུམ་གྱི་ལས་དོན་ལས་འགུལ་དངོས་ཤིགས་བརྒྱུད་གསུམ་གྱིས་ལག་ལེན་འཁེལ་བའི་གཞུང་ལུགས་འགྲོ་སྟངས་རིམ་པར་དགོས་ལ། དེ་དང་དེའི་འགན་ཡོངས་སུ་འཁུར་བའི་འགོ་ཁྲིད་གཅིག་མཇུག་གཉིས་མཐུད་འདེམས་ཐོན་དགོས། དེ་ནས་གུང་བྲན་པས་བརྗོད་པ་ལྟར། གང་ལྟར་དངོས་གཞི་བབས་ས་དེ་དཔལ་འབྱོར་སྒང་ལ་འབབ་དགོས། དེ་མིན་གྱོང་རྒུད་འོག་ནས་ཕམ་ཁ་ལེན་ཡས་མ་གཏོགས་མེད་ཅེས་ཟེར་བ་བཞིན་སྲུང་སྐྱོབ་དང་འཛུགས་སྐྲུན་བྱ་གཞག་དམངས་ཀྱི་དགོས་མཁོ་གསར་སྐྲུན་སོགས་ང་ཚོ་ཆེས་རྗེས་ལུས་ཡིན་པ་གསལ་པོ་གསལ་རྐྱང་རེད། ད་ལྟའི་རྡ་སའི་སྒྲིག་འཛུགས་ནི་དབུ་མའི་ལམ་གྱི་སྲིད་ཇུས་དང་ཞལ་གྱེས་ཞུ་ས་དཀའ་མོ་ཡིན་སྙམ། དེ་མིན་འགོ་ཁྲིད་དང་སྒྲིག་འཛུགས། དེ་དང་དེའི་འགྲོ་ལུགས་འགྲོ་སྟངས་འཆར་གཞི་རིམ་ཅན་ཆ་ལག་གང་འཚམས་ཡོད་པ་ཞིག་ཟུར་དགོས་ཆེ་ཞིང་། དེ་མིན་རང་བཙན་རང་བཙན་ཞེས་སྐད་འབོད་དང་ལོ་རྒྱུས་ཐོབ་ཐང་རྩོད་པའི་དུས་དེ་ཕལ་ཆེར་ཡལ་ཟིན་པར་སྙམ་མོ།།
གང་འཚམས་ཡར་ཐོན་ཅན་གྱི་རྒྱལ་ཁབ་ཚོས་དམག་སྲིད་ལ་འགྱུར་ལྡོག་ཕྱིན་ཡོད། ཕྱོགས་གཅིག་ནས་ཡག་པོ་རེད་དམག་སྲིད་དེ་རྒྱལ་ཁབ་སྲུང་སྐྱོབ་གཙོ་བོར་བྱས་པ་ལས་བཙན་འཛུལ་དང་གཏོར་བཅོམ་རྒྱལ་ཁ་ལེན་རྒྱུའི་བསམ་བློ་དེ་རྗེས་ལུས་མཐོང་གི་ཡོད་ས་རེད་སྙམ། ད་གོ་མཚོན་གྱིས་དགྲ་ཟླར་མ་བསྡད་པར་དཔལ་འབྱོར་སྲིད་ཇུས་ལྐོག་གཡོ་བསླུ་བྲིད་ཁེ་ཕན་ཚད་བརྒལ་གྱིས་གྲང་དམག་གུ་དུས་སུ་སླེབས་ཡོད་སྙམ། རྒྱལ་ཁབ་གང་ལ་དཔལ་འབྱོར་གནས་སྟངས་ཡག་པོ་ཡོད་མེད་ཀྱི་རྒྱལ་ཁབ་དེའི་གནས་བབ་དཔོག་གི་ཡོད་པ་ལྟ་བུ་རེད། དམག་གྲོན་ཐེར་འབུམ་དང་ཁྲག་ཁྲིག་བཏང་བའི་རིན་བབ་ཁེ་བཟང་ཆེན་པོ་མེད་པར་ཕལ་ཆེར་དམག་དྲངས་འཆར་འགོད་བྱེད་ཐལ་སུས་ཤོར་བཅུག་གམ།
མདོ་དོན་གུང་བྲན་ཁ་གཏད་གཅོག་རྒྱུར་ལོ་རྒྱུས་བདེན་པ་བཤད་པས་ལག་མི་དག་ལ། རྒྱལ་སྤྱིའི་རྒྱབ་སྐྱོར་ཡོད་པས་ཀྱང་དངོས་སུ་མི་ཕན། རྒྱ་བོད་ཟུར་བཅད་རང་བཙན་ལེན་པར་གང་དང་གང་དགོས་པ་དགྲ་བོ་དང་ཁ་གཏད་ནུས་སྟོབས་ལ་དཔོག་པའི་ནུས་སྟོབས་རང་ལ་ཚང་མིན་གཟིགས་དགོས། རྒྱལ་སྤྱིའི་དམག་ཤུགས་སོགས་ཀྱིས་གུང་བྲན་ཕྱིར་འབུད་གཏོང་རོགས་བྱས་ན་ཡག་པོ་རེད་དེ། དེ་མི་ཡོང་བ་གསལ་པོ་མཁྱེན་དགོས། ཕར་རྒྱུགས་ཞེས་སྐད་འབོད་བྱ་དབང་ཡོད་ལ་བྱ་དགོས་མོད་འགྲོ་རོགས་བྱེད་རྒྱུ་ཕར་ཞོགས་ཚུར་དེད་ཉེན་ཁ་ཡོད། ད་ཐབས་ལམ་བཟང་ཤོས་ནི་འདྲ་མཉམ་དང་རང་གི་གཅེས་ནོར་རྒྱུན་འཛིན་ཐུབ་པའི་རང་དབང་ཡོད་པ་ཞིག་དང་། མཉམ་མཐུན་གནས་ཐབས་གཉིས་ཕན་གཉིས་སྐྱིད་ཅིག་བྱུང་ན་དགོས་རྒྱུ་དེ་རེད། དེར་བརྟེན་༧གོང་ས་སྐྱབས་མགོན་ཆེན་པོས། ཕྱོགས་གཅིག་ནས་དགོས་པ་ཆེན་པོ་ཡོད་ལ། གཉིས་ནས་འུ་ཐུག་ནས་བཤད་ན་ང་ཚོར་འཇོན་ཐང་ནུས་པ་དེ་མེད་པ་གསལ་པོ་རེད།
ཡང་འགའ་ཤས་ནས་ང་ཚོར་ལོ་རྒྱུས་ཡོད། སྙིང་སྟོབས་ཡོད་ཅེས་པས་སྐད་ཅ་དེར་ལན་མི་ཐེབས་པ་གསལ་པོ་ཡིན། ཐེབས་ཀྱི་རེད་ཅེས་ཨུ་ཚུགས་གནང་ན་འོ་ལགས་སོ་ཞུ་ཡས་རེད་ལ་སྨྲ་བརྗོད་རང་དབང་རེད། འོན་ཀྱང་ང་རྒྱལ་ཞིག་གི་སྒང་ནས་སྐབས་དོན་བོར་བརླག་ཕྱིན་ན་ཤིན་ཏུ་ཕངས་པོ་རེད་སྙམ། བཀྲིས་བདེ་ལེགས།
་་་་་་ ད་ཐབས་ལམ་བཟང་ཤོས་ནི་འདྲ་མཉམ་དང་རང་གི་གཅེས་ནོར་རྒྱུན་འཛིན་ཐུབ་པའི་རང་དབང་ཡོད་པ་ཞིག་དང་། མཉམ་མཐུན་གནས་ཐབས་གཉིས་ཕན་གཉིས་སྐྱིད་ཅིག་བྱུང་ན་དགོས་རྒྱུ་དེ་རེད། དེར་བརྟེན་༧གོང་ས་སྐྱབས་མགོན་ཆེན་པོས། ཕྱོགས་གཅིག་ནས་དགོས་པ་ཆེན་པོ་ཡོད་ལ། གཉིས་ནས་འུ་ཐུག་ནས་བཤད་ན་ང་ཚོར་འཇོན་ཐང་ནུས་པ་དེ་མེད་པ་གསལ་པོ་རེད། ་་་་ཟེར།
ད་སྐུ་མཁྱེན། ཁ་བདག་མེད་དག་གི་ཁ་དེར་ཚོད་ཅིག་ཡོད་ཚོད་མི་འདུག བོད་ནང་གི་སྐུ་ཞབས་ཞོགས་དུང་ལགས་ཀྱི་གསུང་བ་གནང་བཞིན་རང་ཉིད་ནས་འགོ་རྩོམས་རོགས། ཁྱེད་ཅག་ལ་འཆར་གཞི་དང་ཐབས་ལམ་ནི་དེ་འདྲའི་ཡག་ཐག་ཆོད་རེ་འདུག བློ་ཁོག་ནི་འདུག ད་ཡིན་ན་དུས་ལ་སླེབས་འདུག རང་ཉིད་ན་འགོ་བརྩམ་དེ་ཐབས་ལམ་མི་འདྲ་བ་རེ་རེ་ནས་ལག་ལེན་དུ་ལོངས་ཤོག དེ་མིན་ཁ་བཤད་ཆུ་ཡི་ཝུ་བ། ལན་ལེན་གསེར་གྱི་ཐིགས་པ་ཞེས་པའི་ལེགས་བཤད་དེ་ང་ལྟ་བུ་ཞིག་གི་མ་བཤད་རུང་ཁྱེད་ཅག་གི་ཁོག་ན་ཡོད་ཡོད་རེད། དཔའ་བོ་འཇམ་དཔལ་ཡེ་ཤེས་གནང་བཞིན་ཁ་ཆེམས་ཤུལ་ཏུ་བཞག་ནས་མེ་རུ་སྒྲོན་ཤོག དཔའ་བོ་གླིང་ཚ་གནང་བཞིན་མངོན་འདོད་ལག་ཏུ་བཟུང་ནས་ལམ་ལ་ཆས་ཤོག དེ་མིན་ན་སྐྱག་ཁ་ཚུམས་མ་སྡོད།
ཅོ་རི་ཉི་མ། ཁྱོད་ཀྱིས་༧གོང་ས་མཆོག་བསྟན་སྲུང་དྭང་བླང་གིས་གདན་དྲངས་ཟེར། དོལ་རྒྱལ་ཚོགས་པས་༧གོང་ས་མཆོག་ཤུགས་ལྡན་གྱི་གདན་དྲངས་ཟེར། ལ་ལས་སྲུང་མ་དམར་ནག་གཉིས་ཀྱི་གདན་དྲངས་ཟེར། འདི་ཚང་མ་རྫུན་མ་ཡིན་ས་རེད། ཚང་མ་ལ་་ཁུངས་ལུང་ཡག་པོ་མི་འདུག