དགེ་ལེགས་ཀྱིས་བྲིས།
༄། །འདི་ནི་འདས་པའི་བསླབ་བྱ་རེད།།དྲུག་ཅུ་འདས་ཀྱང་འབྲི་སྐབས་རེད།།བོད་འདི་སྲིད་མཐར་གནས་འདོད་ན།།ཕམ་ཁའི་ཉམས་མྱོང་གསལ་བོར་ཕྲིས།།དགེ་སྐྱོན་རེ་རེ་ཀུན་གསལ་ངང་།།སླད་ཕྱིན་སྡོམ་པའི་བློ་ཁོག་སྐྱེད།།སེ་འབྲས་སོགས་ཀྱིས་མི་འཇོན་སྟེ།།དུས་དེར་ཆབ་སྲིད་ཤེས་མཁན་མེད།།ད་དུང་ཤེས་མཁན་ཤིན་ཏུ་ཉུང་།།སྤྱིར་ན་བླ་མས་སྲིད་ཤེས་དཀོན།།ནང་འཁྲུག་འཐེན་ཁྱེར་བྱེད་མཁན་མོད།།རིག་གཞུང་ཚད་མས་མ་ལན་ཏེ།།ཆོས་བྱེད་གང་ཟག་དེ་དེའི་སྐྱོན།།དེང་སང་༧རྒྱལ་དབང་བཀའ་དྲིན་ལས།།ཐུབ་བསྟན་སྤྱི་སྒོས་གངས་ཅན་པའི།།རིས་མེད་ཆོས་བརྒྱུད་ཆབ་སྲིད་ཀྱི།།གནས་ལུགས་མཁྱེན་མཁན་ཡོད་མཆི་ཡང་།།མི་མཁྱེན་མཁན་གྱི་བླ་མ་དང་།།དགེ་བཤེས་མཁན་པོ་ཐ་ར་ར།།བོད་ན་དེ་བས་ལྷག་ཏུ་མང་།།དེས་ན་ཆབ་སྲིད་སྲིད་སྐྱོང་ལ།།གཏད་པའི་ཐུགས་དགོངས་ཤིན་ཏུ་དག།སྐུ་དྲིན་ཆེའོ་ཐུགས་རྗེའི་གཏེར།།ད་ནི་རྩམ་ཟན་བོད་མི་ཚོས།།བསམ་བློ་བཞི་གསུམ་བཅུ་གཉིས་ཐོངས།།ནང་ཁུལ་མཐུན་ལམ་རྡོག་རྩ་སྒྲིལ།།དགྲ་དགའ་གཉེན་སྡུག་ཕྱོགས་རིས་བོར།།གདུགས་འོག་ཁྲི་ཁར་སྡོད་མཁན་ཚོས།།པ྇྇ན་ཆེན་རྗེ་ལ་མིག་དཔེ་ལྟོས།།བསྟན་དགྲའི་ཁ་ཆུ་མ་ལྡག་ཀྱེ།།སྐྱབས་འགྲོའི་བསླབ་སྡོམ་ཁས་ལེན་ཉམས།།དེ་བས་བག་ཡོད་ཅིས་ཀྱང་མཛོད།།དབྱིན་ཡིག་གཟིགས་པའི་ཕན་རླབས་ཀྱིས།།༧རྒྱལ་བའི་མཛད་ཕྲིན་གླིང་ལྔར་ཁྱབ།།སྤྱིར་ན་སྐད་དང་ཡི་གེ་ནི།།སྤྱི་ཚོགས་འབྲེལ་འདྲིས་ལག་ཆ་སྟེ།།མང་པོ་མཁྱེན་ན་འཛོམས་པོ་སྟེ།།ཅི་ཕྱིར་ཇི་ལྟར་བེད་སྤྱོད་ནི།།རང་གི་འདོད་བློར་བསྟུན་པས་ཆོག།དེས་ན་བསྟན་པར་གནོད་དོན་མེད།།མུན་ནག་མདའ་འཕེན་དེ་དག་གིས།།གཞན་རྗེས་སྙེག་པའི་སྒོ་ལམ་བཀག།བོད་ཀྱི་རང་དབང་རྩ་ནས་བརླགས།།ད་ནི་འགྱོད་ཀྱང་འཕྱིས་ལགས་སོ།།བླ་རྒན་དེ་ཚོའི་འདུན་པ་རྫོགས།།རྒྱ་དམར་སྤྱང་ཚོགས་ཁ་རྩ་ན།།རྩམ་ཟན་ལུ་གུ་ཐར་ལམ་ཉུང།།འགའ་ཞིག་གཞན་ཕྱིར་རང་སྲེག་བྱེད།།ལ་ལས་རང་ཕྱིར་གཞན་སྲེག་དམོད།།དམོད་མཁན་བླ་མ་ལ་ལ་སྟེ།།བླ་མའི་མིང་དེ་དོན་གྱིས་བོར།།བོད་ཡུལ་སྟོད་སྨད་བར་གསུམ་ན།།བོད་མི་ཆེ་འབྲིང་ཆུང་གསུམ་གྱི།།བསམ་སྤྱོད་སྣ་ཚོགས་ཚོང་ར་བཞིན།།བསྟན་སྲིད་རང་དབང་ལམ་པོ་ཆེར།།འབད་རྩོལ་གོམ་ཁ་མཉམ་སྤོ་ཡི།།དཔུང་གདང་སྒྲིགས་དང་བོད་པ་ཚོ།།
གནས་ཚུལ་དེ་དག་འདས་ཟིན་པའི་བྱ་བ་ཡིན་པས། མ་འོངས་བསླབ་བྱ་བླང་རྒྱུ་ཡོད་པ་ཙམ་ཞིག་རེད། འོན་ཀྱང་དེ་བས་ཛ་དྲག་ཅིང་ཁ་ཚ་བ་ཞིག་ལ། དེ་རིང་ཁ་ས་ལྷ་ས་གྲོང་ཁྱེར་ནང་སྒེར་གྱི་མགྲོན་ཁང་ཡོད་ཚད་སྒོ་རྒྱག་ཏུ་བཅུག་ནས་ཚོང་གཉེར་བྱེད་དུ་མི་བཅུག་པར་རྦད་དེ་དོ་དམ་བྱས་པ་དང་། དེ་སྔ་བལ་ཡུལ་བར་ཡོང་ནས་རྒྱ་གར་དུ་གནས་མཇལ་ཡོང་རྒྱུའི་སྤ་སེ་དམར་པོ་དེ་ཡང་ཡོངས་རྫོགས་ཡར་བསྡུས་འདུག དཔེར་ན། ཁམས་ཕྱོགས་ཀྱི་མི་སྣ་ལྷ་སར་གཏན་སྡོད་པ་ཡིན་པ་གང་ཞིག གྲོང་མིའི་ཐེམ་ཐོ་ཡོད་པའི་མི་སྣ་ཞིག་གིས་ཁོང་རང་དེ་སྔ་བལ་ཡུལ་དུ་བསྐྱོད་རྒྱུའི་སྤ་སེ་ཞིག་ཕ་ཡུལ་ནས་བཟོས་པ། ཉེ་ཆར་ཕ་ཡུལ་ནས་གཞུང་གི་མི་སྣ་ཡོང་སྟེ་སྤ་སེ་དེ་ཡར་བསྡུས་ཡོད། ཁོང་ཙམ་མ་ཡིན་པར་ད་ཆ་བོད་ཀྱི་ས་ཁུལ་ཚང་མ་ནས་སྤ་སེ་དམར་པོ་ཡོངས་རྫོགས་ཡར་བསྡུས་ནས། ཕལ་ཆེར་རྒྱ་གར་དུ་ཡོང་མཁན་བོད་མི་ཚང་མའི་གནས་མཇལ་གྱི་ལམ་དེ་བཀག་རྒྱུའི་འཆར་གཞི་ཡོད་པ་འདྲ།
ལྷ་སའི་གནས་སྟངས་འདིར་བལྟས་ན། རྒྱ་གུང་བྲན་འདི་ལྟར་བྱེད་པ་ཕམ་རྟགས་རེད། བོད་མིར་འདི་ལྟ་བུའི་སྡུག་རྩུབ་བྱེད་པ་ནི། རང་གི་བདེན་པ་ཤོར། རྒྱུ་མཚན་ཤོར། དཔང་རྟགས་ཤོར། རྒྱབ་གཉེར་ཤོར། མགོན་སྐྱབས་ཤོར། ད་ག་རེ་བྱེད་དམ། བཙན་དབང་བྱ་རྒྱུ་དེ་རེད།
ངས་དཔེ་ཞིག་འཇོག་ན། དང་པོ་ཕོ་མོ་གཉིས་བཟའ་ཚང་བསྒྲིགས་པའི་ཚེ། བུ་མེད་དེ་ལ་སྔར་ནས་འདོད་པ་མེད། ད་ཕ་མའི་བཀའ་དང་། གཉེན་གྱི་རེ་བ། ལུང་པའི་ཁ་དང་གྲོང་པའི་མིག་ལ་བལྟས་ནས་ཆང་ས་མ་རྒྱབ་ཐབས་མེད་བྱུང་། དེ་འདྲ་ཞིག་ལ། ཁྱོ་ག་དེའི་སྤྱོད་པ་རྩིང་དུ་ཕྱིན། སྡུག་རྩུབ་ཆེ་རུ་ཕྱིན། དང་པོ་བུད་མེད་དེས་ག་ཚོད་འཁུར་ཐུབ་ཐུབ་འཁུར། གཉེན་དང་གྲོང་པས་བུད་མེད་དེར་བཟོད་པ་གྱིད་ཟེར། དེ་ནས་ཁོས་ད་དུང་ལེགས་བཅོས་མ་བྱས་སྟབས། རིམ་གྱིས་ཁ་སློག་རྒྱག་མགོ་བཙུགས། ཁོས་དེ་བས་སྤྱོད་པ་སྡུག་རུ་བཏང་སྟབས། བུད་མེད་དེས་ངོ་རྒོལ་བྱེད་སྒོ་བཙུགས། དེ་ལ་གྲོང་པ་དང་གཉེན་ཚན་རྣམས་ཀྱིས་རྒྱབ་སྐྱོར་བྱས། ད་ཁོ་བྱ་ཐབས་ཟད་ནས། མོ་ཕྱི་ལ་འགྲོ་མི་ཆོག་པ་ཟོས། ནང་ལ་དམ་བསྒྲགས་བྱེད་ཀྱི་ཡོད། གང་ལྟར་དུས་ཚོད་རིང་མིན་ལ་མ་བལྟོས་པར་བུད་མེད་དེ་ཕྱི་ལ་ཐོན་ནས། རང་དབང་གི་ལམ་ལ་བཞུགས་རྒྱུ་ནི་ཆོས་ཉིད་རེད།
བོད་དང་རྒྱའི་འབྲེལ་བ་དེ་འདི་འདྲ་རེད། རྒྱ་ལ་ཐབས་ཤེས་ཅིག་རང་ཡོད་པ་ནི། སྔར་བྱས་གྱོད་གཤགས། ཕྱིན་ཆད་བསམ་བློ་གུ་ཡངས་པོ་བྱ་རྒྱུ་དེ་རེད། དེ་ལྟར་ལས་ན། བོད་འདི་མུ་མཐུད་རྒྱ་དང་མཉམ་དུ་གནས་ཐུབ། དེ་མིན། བོད་ནི་རང་དབང་དང་རང་གི་མདུན་ལམ་གྱི་ལམ་ལ་འགྲོ་ངེས།
དྲ་གྲོགས་རྣམས་ནས་ཕན་ཚུན་གྲོས་གླེང་དང་འགག་སྒྲུབ་ལྷུག་བརྩོན་གནང་བར་སྙིང་དབུས་ནས་ཐུགས་རྗེ་ཆེ་
འོན་ཀྱང་དུས་སྐབས་གསར་བའི་ལོ་རྒྱུས་ལས་སུན་འབྱིན་ལོ་རྒྱུས་གྱིས་གྲངས་ཀ་མང་ཤས་ཟིན་ཞིང་། སྐབས་འདིའི་ལོ་རྒྱུས་ཀྱི་བརྗོད་བྱའི་བསྟན་དོན་གཙོ་བོ་ཞིག་ཏུ་གྱུར་པ་ནི་དུས་སྐབས་གསར་བའི་རྩོམ་པ་པོ་རྣམས་གཞན་ཚང་འབྲུ་བར་དགའ་བ་མ་ཡིན་ལ། རྩོམ་པ་པོ་རང་རང་གི་ཆགས་སྡང་དང་ཕྱོགས་ཞེན་གྱི་དབང་དུ་སོང་པ་དེ་བས་ཀྱང་མ་ཡིན། ཁོ་ཚོ་ཚང་མ་བོད་མི་རིགས་ཀྱི་བདེ་སྡུག་དང་འཕེལ་རྒྱས། མདུན་ལམ་བཅས་ལ་སེམས་ཁུར་དང་རྟོག་དཔྱོད། དོ་སྣང་བཅས་བྱེད་མཁན་ཡིན་པས། དུས་སྐབས་གསར་བའི་དུས་བབ་བཟང་བོར་བརྟེན་ནས་མི་རིགས་གཞན་རྣམས་ཤེས་རིག་དང་དཔལ་འབྱོར་ཕྱོགས་སོ་སོ་ནས་བྱ་འཕུར་བ་བཞིན་འཕེལ་རྒྱས་སུ་འགྲོ་བའི་ཚེ་ན་རང་མི་རིགས་ད་དུང་འདུ་ཤེས་རྙིང་པ་དང་རྨོངས་པའི་མུན་པ། ལུགས་སྲོལ་ངན་པ། རྗེས་ལུས་ཀྱི་ལྟ་བ་སོགས་ཀྱི་རྐང་རྡོར་ཐོགས་ནས་ལུས་པའི་སྣང་ཚུལ་གངས་དཀར་སེམས་ཀྱིས་མ་བཟོད་པར། ལོ་རྒྱུས་ཀྱི་་གྲི་དང་རལ་གྲིར་བརྟེན་ནས་བར་བགེག་ནད་ཀྱི་སྐྲངས་པ་རྩ་ནས་འདོད་པར་གཞོལ་པ་རེད། དེར་བརྟེན། གུས་པས་་སུན་འབྱིན་ལོ་རྒྱུས་དེ་དག་རྩོམ་པའི་དགོས་པ་ཡང་ལོ་རྒྱུས་ནང་བཏོན་པའི་སྐྱོན་ཚང་དེ་དག་ལ་ཁབ་གཙགས་འབིགས་གཙགས་ཙམ་བྱེད་འདོད་མ་ཡིན་པར་སྐྱོན་མཚང་དེ་དག་གི་རྩ་བ་འབྱུང་རྐྱེན་དང་བཅས་པ་བཏོན་ནས། ཕྱིན་ཆད་དེ་རིགས་ཕྱིར་མི་འབྱུང་པའི་དོན་དུ་ཡིན་པས། བོད་ཀྱི་སྤྱི་ཚོགས་ཅོས་སྐྱོང་དང་ཕྱོགས་ཡོངས་ནས་འཕེལ་རྒྱས་སུ་འགྲོ་བར་དོན་སྙིང་གལ་ཆེན་ལྡན་པའི་རེ་བ་ཆེ་འོ།
མཆན་ཞོག
ཀློག་མཁན་ཚོས་ང་ཚོའི་རྩོམ་རིགས་ལ་དཔྱད་ཞིབ་དང་མཆན་འབྲི་བ། ཐ་ན་
ཕུན་དབང་གི་བློ་སྟོབས་ཆེ་པོས་དངོས་བྱུང་གོ་ལོ་རྒྱུས་འདི་མཁོ་སྤྲོད་གནང་བ་ཐུགས་རྗེ་ཆེ།