འཛམ་གླིང་དམག་ཆེན་གཉེས་པ་མཇུག་འགྲིལ་ལ་ཉེ་བའི་སྐབས་སུ་་་་སྔ་མེད་གསར་སྤྲོས་ཀྱིས་གྲོང་ཁྱེར་ལྷ་སར་དབྱིན་ཇིའི་སློབ་གྲ་ཞིག་འགོ་འཛུགས་བྱས། དུས་ཐུང་ཟླ་བ་ལྔ་ལས་མ་གནས་པར་ཐོར་ཞིག་ཏུ་སོང་བའི་བརྒྱུད་རིམ་ནས་་་་་་ ཐོག་མར་སྤྱི་ལོ་༡༩༤༤བོད་ཤིང་སྤྲེལ་ལོ་ལྷ་ས་བདེ་སྐྱིད་གླིང་ཁར་བཅའ་སྡོད་དབྱེན་ཇིའི་རྒྱལ་རྩེ་ཚོང་དོན་སྤྱི་ཁྱབ་པ་ རི་ཅར་སན་དང། དེ་རྗེས་འབྲས་སྤྱིའི་ལས་རོགས་ མེ་ཅར་ཤེ་རབ་གཉིས་ནས་བཀའ་ཤག་ཏུ་བསམ་འཆར་བཤད་དོན། དེང་སྐབས་འཛམ་གླིང་ནང་འགྲོ་ཁྱབ་ཆེ་ཤོས་དབྱིན་ཇིའི་སྐད་ཡིག་ཡིན་གཤིན། བོད་ཀྱི་ཆབ་སྲིད་དང། དམག་དོན། གློག་ལས། ས་གཏེར་སོགས་གང་ཅིའི་ཐད་རང་སྐྱ་འཕེར་བ་ཞིག་བྱེད་ཐུབ་པའི་ཆེད་དུ་བོད་རིགས་ཕྲུ་གུ་མང་ཙམ་ཞིག་ལ་དབྱིན་ཇིའི་སྐད་ཡིག་སློབ་སྦྱོང་་་བྱས་ན་ཡག་པོ་ཡོད་ལུགས་བཤད་པ་རེད།
སྐབས་དེར་བོད་ཀྱི་སྐུ་དྲག་དང།འབྱོར་ལྡན་ཆེ་ཁག་གི་བུ་ཕྲུག་ཆེས་ཉུང་ཤས་ཤིག་སྒེར་སོ་སོས་རྒྱ་གར་དུ་དབྱིན་ཡིག་སློབ་གྲར་བཏང་བ་ཕུད། སྐུ་དྲག་དང་ཚོང་རིགས་ཁག་ད་དུང་དབུས་པོའི་བུ་ཕྲུག་མང་པོ་ལ་དབྱེན་ཡིག་སློབ་འདོད་ཡོད་རུང། ཕྱི་རྒྱལ་དུ་འགྲོ་གྲོན་ཆེན་པོ་དེ་འདྲ་གཏོང་མི་ཐུབ་སྟབས་ལྷ་སར་དབྱིན་ཡིག་སློབ་གྲ་ཞིག་འཚུག་ན་ཁོ་ཚོར་སྟབས་བདེ་ཡོང་ངེས་སྙམ་པའི་རེ་བ་ཆེན་པོ་བྱེད་ཀྱི་ཡོད་པ་བཅས་་ཀྱི་གནས་ཚུལ་ལ་གཞིགས་ཏེ་སྐབས་དེའི་བཀའ་བློན་ བླ་མ་བསྟན་པ་འཇམ་དབྱངས། བཀའ་བློན་བོན་ཤོད་ཚེ་བརྟན་རྡོ་རྗེ། བཀའ་བློན་གུང་ཕུན་ཁང་བཀྲ་ཤིས་རྡོ་རྗེ། བཀའ་བློན་ཟུར་ཁང་དབང་ཆེན་དགེ་ལེགས།སྤྱི་ཁྱབ་མཁན་པོ་སེར་བྱེས་ངག་དབང་བསྟན་འཛིན་བཅས་ཀྱི་འགན་ཁུར་བྱས་ཤིང་ལྷ་གཉེར་རིམ་བཞི་བྱང་ངོས་པ་བདེ་སྐྱིད་གླིང་ཁར་དབྱིན་གཞུང་ངོ་ཚབ་མེ་ཅར་ཤེ་རབ་སར་བཏང་སྟེ་དབྱིན་ཡིག་དགེ་རྒན་ཐད་འབྲས་སྤྱི་རང་ནས་ཁ་ཁུངས་བྱེད་རོགས་ཞེས་བཤད་པ་རེད། དེ་རྗེས་མེ་ཅར་ཤེ་རབ་ནས་བོད་གཞུང་ཕྱི་འབྲེལ་ལས་ཁུངས་འགན་འཛིན་ཛ་སག་ཟུར་ཁང་ཟུར་པ་དབང་ཆེན་ཚེ་བརྟན་དང་ལས་ཚབ་རྩིས་དཔོན་ཞ་སྒབ་པ་དབང་ཕྱུག་བདེ་ལྡན་གཉེས་རྒྱུད་ནས་གནས་ཚུལ་འབྱོར་གསལ་བོད་གཞུང་དབྱིན་ཡིག་སློབ་གྲའི་དགེ་རྒན་ཁ་ཁུངས་ཀྱིས་སྔ་འཕྲོས་མི་གཅིག་བོད་ལ་ཡོང་རྒྱུ་ཡིན་པར་ཟླ་རེའི་ཕོགས་ཐོབ་ཐད་དེ་སྔ་དགེ་རྒན་ལ་ཀྲར་ལོ་ས་ཧེབ་ལ་ཕོགས་ཐོབ་གནང་ལམ་ཞིག་འདུག་ཀྱང་དེང་སང་ཉོ་ཆའི་རེན་ཐང་འཕར་བས་དེ་འདྲ་ལ་དགེ་རྒན་འཐོབ་པ་བཀའ་ཚུལ།
སྲིད་སྐྱོང་སྟག་བྲག་ བཀའ་ཤག་ནས་བོད་གཞུང་ཕྱི་འབྲེལ་ལས་ཁུངས་རྒྱུད་ནས་དབྱིན་ཡིག་སློབ་གྲའི་དགེ་རྒན་ཐབས་གཟིགས་གྲུབ་པ་ཐུགས་རྗེ་ཆེ། དགེ་རྒན་ཕོགས་ཐོབ་ཟླ་རེ་སྒོར༧༠༠རེ་དང། ལོ་རེ་ནས་སྒོར་༡༠༠རེ་སྤར་ཏེ་དོན་དུ་སྒོར་༡༡༠༠དང་གཟན་ཤིང་རྟ་ཐབ་སོགས་གཞུང་སྤྲོད་མ་དགོས་པ། སྡོད་ཡུལ་ཁང་པའི་ཐད་བོད་གཞུང་རང་ནས་གོ་སྒྲིག་བྱས།མ་ཟད་དེ་འཕྲལ་བཀའ་ཤག་ནས་ཨར་རྒྱག་བྱེ་སྒོ་བཅས་བྱས།
༡༩༤༤བོད་ཤིང་སྤྲེལ་ཟླ་བ་༦ཚེས་༡༡ཉིན་སློབ་གྲ་དངོས་སུ་འགོ་ཚུགས་སློབ་ཕྲུག་གཞུང་ཞབས་དྲག་འབྲིང་དཀྱུས་གསུམ་གྱི་བུ་ཕྲུག་ཁོངས་ནས་
བཀྲས་མཐོང་སྲས་ཚེ་དབང་ཆོས་རྒྱལ་རང་ལོ་༡༡། ཚ་རོང་སྲས་ཕུན་ཚོགས་རྒྱལ་མཚན་རང་ལོ་༧། གཡུ་ཐོག་སྲས་སྲི་གཅོད་ཚེ་བརྟན་རང་ལོ༩། སྲས་ནང་སྲས་ཕུན་ཚོགས་དགྲ་འདུལ་རང་ལོ༡༥།ཕ་ལྷ་སྲས་ངག་དབང་ཚེ་བརྟན་ རང་ལོ་༩། ཀ ཤོད་སྲས་འཇམ་དབྱང་ཚེ་རྒྱལ་རང་ལོ་༨། གསར་བྱུང་སྲས་བློ་བཟང་ནོར་བུ་རང་ལོ༡༣། ང་ཕོད་སྲས་སྐལ་བཟང་རིནཆེན་རང་ལོ་༧།ཤེལ་གླིང་སྲས་དོན་གྲུབ་ཕུན་ཚོགས་རང་ལོ༩། ཞ་སྒབ་སྲས་ཀུན་བཟང་རྣམ་གྲོལ་རང་ལོ༡༠་བཅས་སྐུ་དྲག་ཁོངས་ནས་བུ་ཕྲུག་༡༠་དང་གཞན་ཡང་སྤྱིར་གཏང་བུ་ཕྲུག་ཁོང་ནས་ཆ་པ་བསོད་ནམ་དར་རྒྱལ་རང་ལོ་༡༥།ལྕག་པ་བཀྲ་ཤི་རྡོ་རྗེ་རང་ལོ་༡༧།རྩིས་ཕྲུགརིན་ཆེན་སྒང་བུ་དབང་ཕྱུག་ཚེ་བརྟན་རང་ལོ་༡༦། ཡི་ཤེས་རྒྱ་མཚོ་རང་ལོ༡༢།བྲག་གདོང་པ་ཚེ་དབང་ལྷུན་གྲུབ་རང་ལོ་༡༦།བདེ་མཁར་བུ་རྒྱལ་བརྟན་རབ་རྒྱས་རང་ལོ་༨། བྱང་ངོས་བུ་རྡོ་རྗེ་ཚེ་བརྟན་རང་ལོ་༡༣།དོན་གྲུབ་ཕུན་ཚོགས་རང་ལོ་༩།ལ་སོགས་པའི་སློབ་ཕྲུག་ལྔ་བཅུ་ཐམ་པར་ཆབ་སྲིས་ཀྱི་བྱ་གཞག་ཆེ་ཕྲ་ཡིག་རྩིས་ཡོན་ཏན་དང། བློ་དྲོས་བསམ་ཞིབ་རྒྱ་ཆེའི་མཐུ་སྟོབས་ཁོ་ནར་ལྟོས་དགོས་པ་མ་ཟད། སྐབས་དེར་སྔར་སར་མ་བསྡད་པས་དུས་དབང་རིག་ལམ་འཕྲུལ་སྟོབས་འཕེལ་ཤུགས་ཆེ་བ་བཅས་བརྟན་ནས་རང་རིགས་ན་གཞོན་རྣམས་ལ་རང་ལུགས་བོད་ཀྱི་ཡིག་རྩིས་རིག་གནས་ཀྱིས་ཚོན་པའི་དབྱིན་ཡིག་ཉིན་སྟར་སློབ་སྦྱོང་ཡང་བྱེད་བཞིན་ཡོད། འོན་ཀྱང་སེ་འབྲས་དགའ་གསུམ་གྱིས་མཚོན་དགོན་སྡེ་ཁག་གི་ནང་ཆོས་ལུགས་ལ་གནོད་སྐྱོན་འབྱུང་གཞིའི་དྲོགས་་འདྲོག་བྱེད་པ་བཅས་མདོར་ན་ལྷ་སར་དབྱིན་ཇིའི་སློབ་གྲ་བཙུགས་པ་དེ་ལ་ངོ་རྒོལགྱི་སྦིར་གྲགས་བྱུང་སྟབས་གོ་སྐབས་དེ་དང་བསྟུན་ཏེ་སེ་འབྲས་དགའ་གསུམ་གྱི་མཁན་པོ་རྣམས་ནས་ཀྱང་དགོན་པ་སོ་སོའི་གྲ་ཚང་གི་ལས་སྣེ་ཆེ་ཁག་ལ་མོལ་བསྡུར་བྱས་ཐོག་གདན་ས་གསུམ་གྱི་མཁན་འཐུས་མཉམ་འཛོམས་གྲོས་མོལ་བྱས་དོན།
ཐོག་མར་སྲིད་སྐྱོང་དང་བཀའ་ཤག་ལ་ལྷ་སར་དབྱིན་ཇིའི་སློབ་གྲ་བཙུགས་པ་འདི་ཆོས་སྲིད་གང་ཐད་ནས་གནོད་སྐྱོན་ཤིན་ཏུ་ཆེ་བར་བརྟེན་སེར་སྐྱ་མི་དམངས་ཀྱི་འདོད་བློར་གཏན་ནས་མི་བབས་པས་འཕྲལ་དུ་ཕྱིར་འཐེན་ཡོང་བ་མི་ཞུ་ཐུ་མེད་ཡིན་ལུགས་བསྟན་སྲིད་ལ་གནོད་ལུག་ལྷག་པར་འབྲས་སྔགས་པ་མཁན་ཟུར་ངག་དབང་མཁས་མཆོག་གིས་དབྱིན་ཇིའི་སློབ་གྲར་བཏང་ཚེ་ཁོང་ཚོ་ལྟ་སྤྱོད་བསྒྱུར་ཏེ་ཆབ་སྲིད་ལ་དེ་བས་གནོད་སྐྱོན་ཆེན་པོ་ཡོང་ངེས་རེད་ བཅས་མཐར་སྐྱེལ་བཏང་སྟབས་མཐའ་མཇུག་༡༩༤༥་སྤྱི་ཟླ་༣་༨་ནས་དབྱིན་སློབ་དགུན་དུས་སློབ་མཚམས་འཇོག་སྐབས་ཀྱང་སླེབས་མཚམས་དུས་དེ་ནས་ཟུང་སློབ་མཚམས་བཞག་སོ་
གུས་པ་ཕུན་དབང་ནས
དག་པའི་ཆོས་ལྡན་ཞིང་ལ།
མ་དག་དབྱིན་ཇིའི་སློབ་གྲ
དགེ་རྒན་དབྱིན་ཇི་སྣ་ཆེན།
དགེ་ཕྲུག་སྣ་ལུག་ཚིར་ཚིར།
སྐུ་དྲག་དང་མི་དྲག་གི་ཕྲུ་གུ་ཤ་སྟག་མ་གཏོགས་སྤྱི་ལ་ཕན་པའི་མི་དམངས་ཀྱི་ཕྲུ་གུ་ནི་གཏོང་གི་མ་རེད། སློབ་གྲྭ་འདི་ཡོད་མ་ཡོད་ཆོ་མེད་རེད།
གང་ལྟར་དམངས་གཙོ་མེད་པའི་སྤྱི་ཚོགས་ཤིག་གི་ནང་ལ་གཙང་པོ་སྣུམ་ལ་འགྱུར་ཀྱང་མང་ཚོགས་ལ་ཕན་གྱི་མ་རེད། ཆོ་མེད་རེད།
ཟུར་གནས་ཀྱི་སྐད་ཆ་འདི་འདྲ་མའོ་དང་དེའི་རྗེས་འབྲང་གི་རྟག་པར་ཤོད་གི་རེད། ཁོང་ཚོའི་དུས་ནམ་ཡང་ཕྱུག་པོ་དང་དཔོན་པོ་མི་འདོད། དེང་སང་བལ་ཡུལ་མའོ། རྒྱ་གར་མའོ་སོགས་ཀྱིས་ཀྱང་དེ་འདྲ་ཤོད།
ཕུང་དབང་བས་ལོ་རྒྱུས་ལེགས་པོ་བྲིས་སྣང་བས་ཐུགས་རྗེ་ཆེ།
ལྷ་སར་དབྱིན་ཇིའི་སློབ་གྲྭ་ཡོད་དུས་སྐབས་དེའི་དམངས་ཁྲོད་དུ་གཞས་ཚིག་འདི་འདྲ་ཞིག
དག་པ་ལྷ་ལྡན་ཞིང་ལ།།
མ་དག་དབྱིན་ཇིའི་སློབ་གྲྭ།།
དགེ་རྒན་ཡོག་ཏོ་སྣ་ཆེན།།
དགེ་ཕྲུག་གྲྭ་པའི་ཨ་ཅེ།།
སྣ་ཆེན་ཡོག་ཏོ་རེད་ད། ཡོག་ཏོ་སྣ་ཆེན་མ་རེད་དོ།།
ཐོག་ མར་སྲིད་སྐྱོང་དང་ བཀའ་ཤག་ལ་ལྷ་སར་དབྱིན་ཇིའི་སློབ་གྲ་བཙུགས་པ་འདི་ཆོས་སྲིད་གང་ཐད་ནས་གནོད་ སྐྱོན་ཤིན་ཏུ་ཆེ་བར་བརྟེན་སེར་སྐྱ་མི་དམངས་ཀྱི་འདོད་བློར་གཏན་ནས་མི་བབས་པས་ འཕྲལ་དུ་ཕྱིར་འཐེན་ཡོང་བ་མི་ཞུ་ཐུ་མེད་ཡིན་ལུགས་བསྟན་སྲིད་ལ་གནོད་ལུག་ལྷག་ པར་འབྲས་སྔགས་པ་མཁན་ཟུར་ངག་དབང་མཁས་མཆོག་གིས་དབྱིན་ཇིའི་སློབ་གྲར་བཏང་ཚེ་ ཁོང་ཚོ་ལྟ་སྤྱོད་བསྒྱུར་ཏེ་ཆབ་སྲིད་ལ་དེ་བས་གནོད་སྐྱོན་ཆེན་པོ་ཡོང་ངེས་རེད་ བཅས་མཐར་སྐྱེལ་བཏང་སྟབས་མཐའ་མཇུག་༡༩༤༥་སྤྱི་ཟླ་༣་༨་ནས་དབྱིན་སློབ་དགུན་དུས་ སློབ་མཚམས་འཇོག་སྐབས་ཀྱང་སླེབས་མཚམས་དུས་དེ་ནས་ཟུང་སློབ་མཚམས་བཞག་སོ།
ཀླད་རྙིང་ཀྱི་བླ་གྲྭ་འདི་ཚོས་བོད་འདི་དེང་རབས་སུ་སྐྱོད་དུ་མ་འཇུག་པས་ཕམ་པ་རེད། ད་ཁོང་ཁྲོ་ལངས་ཀྱང་ཕན་ཐོགས་ག་ལ་ཡོད། ཕྱིན་ཆད་དེ་ལྟར་མི་འོང་སླད་འབད་གལ་ཆེ།
སྐུ་དྲགས་ཚོ་སློབ་སྦྱོང་ཡག་པོ་ཡོད་ན་དེས་བོད་ལ་ཕན་གི་རེད། མི་ཕན་ཟེར་མཁན་ཡོད་ན་སྤྱི་ཚོགས་དུ་འབྲི་ཙམ་ཡང་ཧ་མ་གོ་བ་རེད།
རིག་པའི་བུ་བདེན། དུས་དང་སྐབས་ལ་ལྟོས་དགོས་པ་རེད། སྔ་མོ་ཡིན་ན་སྐུ་དྲག་ཚོ་ལ་ཡོན་ཏན་ག་ཚོད་ཡོད་ན་དེ་ཙམ་གྱིས་སྤྱི་ཚོགས་ལ་ཕན་གྱི་རེད། དེ་བཞིན་ཕྱོགས་གཅིག་གི་སྐད་ཆ་བཤད་རྒྱུ་མེད། ཡེ་ཤུ་པ་རྣམས་ཆོས་ལུགས་སྤེལ་རྒྱུ་ལ་ཧ་ཅང་གི་དགའ་པོ་ཡོད་པས་སྔ་མོ་ཡང་དབྱིན་སྐད་མཉམ་དུ་ཆོས་ལུགས་སྤེལ་ཐབས་བྱེད་ཡོད་ལས་ཆེ། དེ་འདྲ་མིན་ན་དང་པོ་ནས་དབྱིན་ཇི་སློབ་གྲྭ་བཙུགས་པ་མ་བཀག་པར་ཟླ་ཤས་རྗེས་ནས་བཀག་པ་གང་རེད། དེ་ལ་བསམ་ན་བླ་རྒན་ཚོ་ལ་ཡང་ཐུགས་ཁག་མེད་འདུག ཡེ་ཤུ་བ་ཚོ་སློབ་གྲྭ་དང་སྨན་ཁང་མཉམ་དུ་ཆོས་ལུགས་འཁྱེར་ནས་འགྲོ་བ་ད་ལྟ་ཡང་མངོན་གསལ་རེད།
འོན་ཀྱང་སེ་འབྲས་དགའ་གསུམ་གྱིས་མཚོན་དགོན་སྡེ་ཁག་གི་ནང་ཆོས་ལུགས་ལ་གནོད་སྐྱོན་འབྱུང་གཞིའི་དྲོགས་་འདྲོག་བྱེད་པ་བཅས་མདོར་ན་ལྷ་སར་དབྱིན་ཇིའི་སློབ་གྲ་བཙུགས་པ་དེ་ལ་ངོ་རྒོལགྱི་སྦིར་གྲགས་བྱུང་སྟབས་གོ་སྐབས་དེ་དང་བསྟུན་ཏེ་སེ་འབྲས་དགའ་གསུམ་གྱི་མཁན་པོ་རྣམས་ནས་ཀྱང་དགོན་པ་སོ་སོའི་གྲ་ཚང་གི་ལས་སྣེ་ཆེ་ཁག་ལ་མོལ་བསྡུར་ཐོག་མར་སྲིད་སྐྱོང་དང་བཀའ་ཤག་ལ་ལྷ་སར་དབྱིན་ཇིའི་སློབ་གྲ་བཙུགས་པ་འདི་ཆོས་སྲིད་གང་ཐད་ནས་གནོད་སྐྱོན་ཤིན་ཏུ་ཆེ་བར་བརྟེན་སེར་སྐྱ་མི་དམངས་ཀྱི་འདོད་བློར་གཏན་ནས་མི་བབས་པས་འཕྲལ་དུ་ཕྱིར་འཐེན་ཡོང་བ་མི་ཞུ་ཐུ་མེད་ཡིན་ལུགས་བསྟན་སྲིད་ལ་གནོད་ལུག་ལྷག་པར་འབྲས་སྔགས་པ་མཁན་ཟུར་ངག་དབང་མཁས་མཆོག་གིས་དབྱིན་ཇིའི་སློབ་གྲར་བཏང་ཚེ་ཁོང་ཚོ་ལྟ་སྤྱོད་བསྒྱུར་ཏེ་ཆབ་སྲིད་ལ་དེ་བས་གནོད་སྐྱོན་ཆེན་པོ་ཡོང་ངེས་རེད་ བཅས་མཐར་སྐྱེལ་བཏང་། ” ཞེས་པར་གཞིག་དུས་ཚད་མའི་རིགས་ལམ་གྱིས་སྐྱེ་བ་ཕྱི་མར་ཕན་ན་ནི་གང་ཤེས། ཚེ་འདི་ལ་མི་ཕན་པ་རྟོགས་སོང་།།
ཆོས་ལུགས་ནི་འཚོ་བའི་ཁྲོད་དུ་མེད་ཐབས་མེད་པ་ཞིག་ཡིན་མོད། དངོས་ཡོད་ཀྱི་གནད་དོན་ཆོས་ལུགས་ཀྱི་ཐག་གཅོད་བྱ་ཐབས་མེད། ཆོས་ལུགས་ནི་མིའི་ནུས་ཤུགས་མི་སླེབ་པའི་ཕྱོགས་སུ་བེད་སྤྱོད་གཏོང་རྒྱུ་ཞིག་མ་གཏོགས་མིའི་ནུས་ཤུགས་ཀྱི་ཚབས་བྱེད་དངོས་པོ་ཞིག་གཏན་ནས་མིན། དངོས་བྱུང་གི་ལོ་རྒྱུས་ལོ་དྲུག་བཅུ་རྗེས་ནས་བཤད་ཕོད་སོང་། ཕུན་དབང་ལ་ཐུགས་རྗེ་ཆེ།
རེད། ཆོས་ལུགས་ནི་འཚོ་བའི་ཚབ་བྱེད་མི་ཐུབ་པ་བདེན་ཀྱང་། རང་གི་ཆོས་ལུགས་བསྲུང་རྒྱུ་དང་གཞན་གྱིས་སྤྲད་པའི་ཁེ་ཅུང་ཟད་ཙམ་ལ་བརྟེན་ནས་ཆོས་ལུགས་དེ་བས་བརྗེས་མི་རིགས། གནས་སྐབས་ཁེ་ཕན་གང་ཆེ་ན་དེའི་ཆོས་ལུགས་སུ་བསྒྱུར་ཆོག་ཆོག་ཡིན་ན་དེ་ཆོས་ལ་བརྟེན་ནས་ཚོང་བརྒྱབ་པ་ཞིག་ལས་ཆོས་ཀྱི་རྗེས་དྲངས་བ་རྣལ་མ་ཞིག་མ་རེད།།
ཡེ་ཤུ་བ་རྣམས་ཀྱིས་རྒྱུ་ལ་བརྟེན་ནས་བསྟན་པ་སྤེལ་བའི་ཐབས་འདི་ལུང་པ་དབུལ་པོ་ཀུན་ལ་བྲིན་ཆེ་ཡང་རང་ཅག་བོད་ལ་ནུས་པ་མ་ཐོན་པ་ལ་བསམ་ན་ང་ཚོའི་མི་རིགས་ནི་རྒྱུ་ཁོ་ན་ལ་གཙོ་བོར་འཛིན་མཁན་མིན་པ་ཤེས་ཐུབ་པས། དབྱིན་ཇི་སློབ་གྲྭ་མེད་པའི་འགྱོད་པ་དང་མཉམ་དུ་སྤོབས་པ་ཞིག་ཀྱང་ཁོ་བོ་ལ་སྐྱེས་བྱུང་།
སེ་འབྲས་དགའ་གསུམ་གྱིས་བོད་ལ་བཞག་པའི་བྱས་རྗེས་མང་པོ་ཡོད་པའི་ནང་ནས་གཅིག་དེ་རེད།
ད་རུང་མང་པོ་ཡོད་རེད།
སེ་འབྲས་དགེ་གསུམ་གྱིས་ངོ་མ་བོད་ལ་གནོད་ཡོད་ས་རེད། ༡༩༨༦།༡༩༨༧ནས་ཁོང་ཚོས་རྒྱལ་ས་ལྷ་སར་དང་པོའི་རྒྱ་རྒོལ་ལས་འགུལ་འགོ་བསླངས་ཏེ། མང་ཚོགས་གཉིད་དཀྲོགས་པ་རེད། ༢༠༠༨ལོར་དེ་བཞིན། ངོ་མ་ད་ག་འདྲ། ཨ་ཧ།
བོད་ཀྱི་ཐུན་མོང་མ་ཡིན་པའི་རིག་གཞུང་མ་ཉམས་པར་ཉར་ཚག་བྱེད་མཁན་ནི་ཞིང་འབྲོག་ཁུལ་གྱི་གྲོང་གསེབ་པ་རྣམས་དང་། དགོན་སྡེའི་སློབ་གསོའི་ལམ་ལུགས་སོགས་ཡིན་པ་ད་ལྟའི་ཆར་གཞི་ནས་
ར་སྤྲོད་ཐུབ་བོ་སྙམ།
རྒྱུ་དངོས་རྣམས་སྟོང་པ་ནུས་མེད་ཀྱི་ལྷ་འདྲེ་སོགས་ལ་མིན་པར་ཉམས་ཐག་ཅན་རོགས་སྐྱོར་དང་མི་ཡི་རྣམ་དཔྱོད་འཕེལ་ཕྱིར་སྦྱིན་པར་གཏོང་བའི་སྤྱོད་པ་ནི་བྱམས་ཆུབ་སེམས་དཔའི་སྤྱོད་པ་རེད། བོད་མི་རིགས་འདི་ཡར་རྒྱས་སུ་གཏོང་དགོས་ན་ང་ཚོས་ཆོས་ལུགས་དང་རིག་གནས་གཞན་ནས་ལེགས་ཆ་བླངས་རྒྱུ་མང་པོ་འདུག གལ་སྟེ་སྔར་བཞིན་ཁྲོན་པའི་ནང་གི་སྦལ་བ་བྱས་ནས་བསྡད་འདོད་ཡོད་ན་གང་ཤེས།།
༄།།འདི་ནི་འདས་པའི་བསླབ་བྱ་རེད།།དྲུག་ཅུ་འདས་ཀྱང་འབྲི་སྐབས་རེད།།བོད་འདི་སྲིད་མཐར་གནས་འདོད་ན།།ཕམ་ཁའི་ཉམས་མྱོང་གསལ་བོར་ཕྲིས།།དགེ་སྐྱོན་རེ་རེ་ཀུན་གསལ་ངང་།།སླད་ཕྱིན་སྡོམ་པའི་བློ་ཁོག་སྐྱེད།།སེ་འབྲས་སོགས་ཀྱིས་མི་འཇོན་སྟེ།།དུས་དེར་ཆབ་སྲིད་ཤེས་མཁན་མེད།།ད་དུང་ཤེས་མཁན་ཤིན་ཏུ་ཉུང་།།སྤྱིར་ན་བླ་མས་སྲིད་ཤེས་དཀོན།།ནང་འཁྲུག་འཐེན་ཁྱེར་བྱེད་མཁན་མོད།།རིག་གཞུང་ཚད་མས་མ་ལན་ཏེ།།ཆོས་བྱེད་གང་ཟག་དེ་དེའི་སྐྱོན།།དེང་སང་༧རྒྱལ་དབང་བཀའ་དྲིན་ལས།།ཐུབ་བསྟན་སྤྱི་སྒོས་གངས་ཅན་པའི།།རིས་མེད་ཆོས་བརྒྱུད་ཆབ་སྲིད་ཀྱི།།གནས་ལུགས་མཁྱེན་མཁན་ཡོད་མཆི་ཡང་།།མི་མཁྱེན་མཁན་གྱི་བླ་མ་དང་།།དགེ་བཤེས་མཁན་པོ་ཐ་ར་ར།།བོད་ན་དེ་བས་ལྷག་ཏུ་མང་།།དེས་ན་ཆབ་སྲིད་སྲིད་སྐྱོང་ལ།།གཏད་པའི་ཐུགས་དགོངས་ཤིན་ཏུ་དག།སྐུ་དྲིན་ཆེའོ་ཐུགས་རྗེའི་གཏེར།།ད་ནི་རྩམ་ཟན་བོད་མི་ཚོས།།བསམ་བློ་བཞི་གསུམ་བཅུ་གཉིས་ཐོངས།།ནང་ཁུལ་མཐུན་ལམ་རྡོག་རྩ་སྒྲིལ།།དགྲ་དགའ་གཉེན་སྡུག་ཕྱོགས་རིས་བོར།།གདུགས་འོག་ཁྲི་ཁར་སྡོད་མཁན་ཚོས།།པ྇྇ན་ཆེན་རྗེ་ལ་མིག་དཔེ་ལྟོས།།བསྟན་དགྲའི་ཁ་ཆུ་མ་ལྡག་ཀྱེ།།སྐྱབས་འགྲོའི་བསླབ་སྡོམ་ཁས་ལེན་ཉམས།།དེ་བས་བག་ཡོད་ཅིས་ཀྱང་མཛོད།།དབྱིན་ཡིག་གཟིགས་པའི་ཕན་རླབས་ཀྱིས།།༧རྒྱལ་བའི་མཛད་ཕྲིན་གླིང་ལྔར་ཁྱབ།།སྤྱིར་ན་སྐད་དང་ཡི་གེ་ནི།།སྤྱི་ཚོགས་འབྲེལ་འདྲིས་ལག་ཆ་སྟེ།།མང་པོ་མཁྱེན་ན་འཛོམས་པོ་སྟེ།།ཅི་ཕྱིར་ཇི་ལྟར་བེད་སྤྱོད་ནི།།རང་གི་འདོད་བློར་བསྟུན་པས་ཆོག།དེས་ན་བསྟན་པར་གནོད་དོན་མེད།།མུན་ནག་མདའ་འཕེན་དེ་དག་གིས།།གཞན་རྗེས་སྙེག་པའི་སྒོ་ལམ་བཀག།བོད་ཀྱི་རང་དབང་རྩ་ནས་བརླགས།།ད་ནི་འགྱོད་ཀྱང་འཕྱིས་ལགས་སོ།།བླ་རྒན་དེ་ཚོའི་འདུན་པ་རྫོགས།།རྒྱ་དམར་སྤྱང་ཚོགས་ཁ་རྩ་ན།།རྩམ་ཟན་ལུ་གུ་ཐར་ལམ་ཉུང།།འགའ་ཞིག་གཞན་ཕྱིར་རང་སྲེག་བྱེད།།ལ་ལས་རང་ཕྱིར་གཞན་སྲེག་དམོད།།དམོད་མཁན་བླ་མ་ལ་ལ་སྟེ།།བླ་མའི་མིང་དེ་དོན་གྱིས་སྟོངས།།བོད་ཡུལ་སྟོད་སྨད་བར་གསུམ་ན།།བོད་མི་ཆེ་འབྲིང་ཆུང་གསུམ་གྱི།།བསམ་སྤྱོད་སྣ་ཚོགས་ཚོང་ར་བཞིན།།གཅིག་གྱུར་རང་དབང་ལམ་པོ་ཆེར།།འབད་རྩོལ་གོམ་ཁ་མཉམ་སྤོ་ཡི།།དཔུང་གདང་སྒྲིགས་དང་བོད་པ་ཚོ།།
དྲྭ་གྲོགས་ལྡོང་ཚ་ནས། སེ་འབྲས་དགེ་གསུམ་གྱིས་བོད་ལ་གནོད་ཡོད་ས་རེད། ཞེས་པ་དེ་ནི་རྒྱུ་མཚན་མི་ལྡན་པ་ཞིག་རེད། དོན་ངོ་མར་བོད་ལ་གནོད་མཁན་དེ་སུ་ཡིན་མིན་ལེགས་པར་སོམས་ཤིག འདྲེ་ཤར་སྒོར་བཞག་ནས་གླུད་ནུབ་སྒོར་གཏོང་བའི་དཔེ་ལྟར་མི་འགྲོ་ཞུ།
དྲ་གྲོགས་རྣམས་ནས་ཕན་ཚུན་གྲོས་གླེང་དང་འགག་སྒྲུབ་ལྷུག་བརྩོན་གནང་བར་སྙིང་དབུས་ནས་ཐུགས་རྗེ་ཆེ་
འོན་ཀྱང་དུས་སྐབས་གསར་བའི་ལོ་རྒྱུས་ལས་སུན་འབྱིན་ལོ་རྒྱུས་གྱིས་གྲངས་ཀ་མང་ཤས་ཟིན་ཞིང་། སྐབས་འདིའི་ལོ་རྒྱུས་ཀྱི་བརྗོད་བྱའི་བསྟན་དོན་གཙོ་བོ་ཞིག་ཏུ་གྱུར་པ་ནི་དུས་སྐབས་གསར་བའི་རྩོམ་པ་པོ་རྣམས་གཞན་ཚང་འབྲུ་བར་དགའ་བ་མ་ཡིན་ལ། རྩོམ་པ་པོ་རང་རང་གི་ཆགས་སྡང་དང་ཕྱོགས་ཞེན་གྱི་དབང་དུ་སོང་པ་དེ་བས་ཀྱང་མ་ཡིན། ཁོ་ཚོ་ཚང་མ་བོད་མི་རིགས་ཀྱི་བདེ་སྡུག་དང་འཕེལ་རྒྱས། མདུན་ལམ་བཅས་ལ་སེམས་ཁུར་དང་རྟོག་དཔྱོད། དོ་སྣང་བཅས་བྱེད་མཁན་ཡིན་པས། དུས་སྐབས་གསར་བའི་དུས་བབ་བཟང་བོར་བརྟེན་ནས་མི་རིགས་གཞན་རྣམས་ཤེས་རིག་དང་དཔལ་འབྱོར་ཕྱོགས་སོ་སོ་ནས་བྱ་འཕུར་བ་བཞིན་འཕེལ་རྒྱས་སུ་འགྲོ་བའི་ཚེ་ན་རང་མི་རིགས་ད་དུང་འདུ་ཤེས་རྙིང་པ་དང་རྨོངས་པའི་མུན་པ། ལུགས་སྲོལ་ངན་པ། རྗེས་ལུས་ཀྱི་ལྟ་བ་སོགས་ཀྱི་རྐང་རྡོར་ཐོགས་ནས་ལུས་པའི་སྣང་ཚུལ་གངས་དཀར་སེམས་ཀྱིས་མ་བཟོད་པར། གསར་རྩོམ་གྱི་གྲི་དང་རལ་གྲིར་བརྟེན་ནས་བར་བགེག་ནད་ཀྱི་སྐྲངས་པ་རྩ་ནས་འདོད་པར་གཞོལ་པ་རེད། དེར་བརྟེན། ཁོ་ཚོས་སུན་འབྱིན་སྒྲུང་གཏམ་དེ་དག་རྩོམ་པའི་དགོས་པ་ཡང་ལོ་རྒྱུས་ནང་བཏོན་པའི་སྐྱོན་ཚང་དེ་དག་ལ་ཁབ་གཙགས་འབིགས་གཙགས་ཙམ་བྱེད་འདོད་མ་ཡིན་པར་སྐྱོན་མཚང་དེ་དག་གི་རྩ་བ་འབྱུང་རྐྱེན་དང་བཅས་པ་བཏོན་ནས། ཕྱིན་ཆད་དེ་རིགས་ཕྱིར་མི་འབྱུང་པའི་དོན་དུ་ཡིན་པས། བོད་ཀྱི་སྤྱི་ཚོགས་ཅོས་སྐྱོང་དང་ཕྱོགས་ཡོངས་ནས་འཕེལ་རྒྱས་སུ་འགྲོ་བར་དོན་སྙིང་གལ་ཆེན་ལྡན་པའི་རེ་བ་ཆེ་འོ།