དཀར་མཚོ་སྐྱིད།
ང་ཚོར་དགོས་པ་ནི།
འཁྱག་སིབ་སིབ་ཀྱི་གཏམ་རྒྱུད་ཟླུམ་པོ་དེ།
མིན་ལ།
རེ་ཟད་ཀྱི་ངོ་གདོང་དང་ཕམ་ཉེས་ཀྱི་ལྷག་མ་ནི།
དེ་བས་ཀྱང་མིན།
ང་ཚོར་དགོས་པ་ནི།
དྲང་བདེན་དང་ལྷད་མེད་ཀྱི་བསམ་བློ་ཞིག་དང་།
ལྷག་བསམ་དང་ངེས་དོན་གྱི་དམ་ཚིག་ཅིག
རེད་ལགས། གནའ་ནས་ད་བར།
ང་ཚོའི་འཆར་སྣང་ལ་བདག་པོ་དང་།
ང་ཚོའི་འབབ་ས་ལ་མཐུན་སྒྲིལ་མ་བྱུང་བས།
ང་ཚོར་གོད་ཆགས་མང་ཞིང་གཏོར་འགྱེལ་ཐེབས།
ང་ཚོར་ངུ་སྙིང་བྲོ་ཞིང་དྲན་བརྗོད་དཀའ་བའི།
ལོ་རྒྱུས་ཀྱི་སྐྱོ་གར་བཞག་ཡོད།
དེ་བས། སྤུན་ཟླ། ད་ལྟའི་ང་ཚོར།
དམ་ཚིག་ལ།
འོ་མ་ལས་དཀར་བའི་ཁ་དོག་ལྡན་དགོས།
ཕུགས་བསམ་ལ།
ནས་འབྲུ་ལས་མཆེད་པའི་རྩམ་དྲི་འཐུལ་དགོས།
ལ་རྒྱ་ལ།
མར་ལོ་ལྟར་སྣུམ་པའི་འཚོ་བཅུད་འཛོམས་དགོས།
མཐུན་སྒྲིལ་ལ།
སྐོར་བྲོ་ལྟར་བསྡམས་པའི་དུང་སྣང་ཡོད་དགོས།
སྙིང་སྟོབས་ལ།
རི་རབ་ལས་བརྟན་པའི་དམ་ཚིག་ལྡན་དགོས།
དེ་ནི།
ལོ་རྒྱུས་ཀྱིས་ང་ཚོར་སྤྲད་པའི་འགན་དབང་དང།
རང་རེའི་མི་རིགས་འདི་འཚོ་དགོས་པའི་ཉིང་བཅུད་ལགས།
ང་ཚོའི་ཕྲག་དོག་གི་མེ་རི་དམར་བོ་དང་གཡོ་ཁྲམ་གྱི་སྐྱོ་གར་དོར་དུས་ད་བཟོད་བདེ་སྣང་གི་འཚོ་བ་འདི་ལྷད་ཀྱིས་རོལ་ཆོག
ངོ་མ་ཡག་གི མུ་མཐུད་དུ་བྲིས་ཤིག
ངོ་མ་ཚིག་དོན་གཉིས་ལ་བཤད་རྒྱུ་མེད་ཀི། ངོ་མ་ཡིད་དབང་འཕྲོག་ནི་ཞིག་རེད།
ངོ་མ་ལྷད་མེད་སེམས་ཀྱི་རང་སྒྲ་རང་རེད་འདུག་མུ་མཐུད་དུ་བྲིས་ན་དགེ་མཚན་ཆེ་ཐུགས་རྗེ་ཆེ།།